Ka Nupepa Kuokoa, Volume IV, Number 9, 2 March 1865 — Na Palapala. Ka Hookahuna ana in James H. Moku. [ARTICLE]

Na Palapala.

Ka Hookahuna ana in James H. Moku.

Ma ka la Sabati, ua hookahunaia o J. H. Moku, Uo kakou makamaka, a hoaioha ma ke ano Mikionare.—He la malie ua la la, malino ke. kai, aole i ikeia aku na keiki o Pailolo me ka maka huhu, a me ka makani hoi.—M.e he mea ala, ua ae lealea mai ka Haku i keia hana, aole oia i hookaumaha mai. Akahi 110 oia a wanik'iia, a hoolilo loa ia e kau i Kuahu o Olopana, a e mohai aku i na mohai aloha, na mea ala oluolu i ka Haku. Ma ka hora pule, ua akoakoa mai na kanaka o ia apana.—A na Rev. S. W. Nueku ka haiolelo imua o ke anaina, no ka mea-, ua loohia o Rev. W. P. Alexandero i ka maimai, nolaila, ua lilo ka haiolelo ia Rev. S. W. Nueku, a o ka pule hookohu ia Rev. W. P. Alexandero. la Nueku ka pule mua{—Na Mr. Pogue i heluhelu ma I Tim. Mokuna 3, a me ka Himeni 306.—1a Nueku ka pule a me ka Himeni 307.—Aia ke pooolelo ma Hebera 12: 15.—A pau ka haiolelo, na Mr. Pogue i ninau aku i kekahi mau ninau i ke Kahuhapule hou a me na hoahanau a pau o ka Ekalesia. A pau ia, kau ka lima, o na Kahuna.— Rev. W. P. Alexandero, Rev. 3. F. Pogue, Rev. S. W. Nueku, Rev. H. Manase. Ia Alesandero ka pule hookohu.—A pau ka puie hookohu, ua haawi like lakou i ko lakou mau lima akau aloha.—A o makou hoi i ko makou mau waimaka a me na naau eehia. Na Pogue i aoliku i ke Kahunapule hou. —Penei ke ano nui o kana mau olelo ao. —« l E kuu kaikaina-e, he oihana nui keia, aole he oihana nui e ae e like me keia.—Aole he oihana nui wale no, he oihana hanohuano hoi.—Aōle he oihana e ae e like ka hanohano e like me keia oihana. &c—He oi* hana kaumaha nae. 1. E malama pono oe i kou noho ana, kou •hana &c. • 2. E pule mau oe i ke Akua. —E komo mau ma kou keena mehameha &c. 3. Kau mau hana e hana ai,—(l) Haiolelo, heluhelui ka Baibald &c.—(2) E launa me na hoahanau. (3) E malama i na keiki o ka EkaleBia. (4) Mai haaiele i ka halawai o ka Ahahui Lunakahiko, ke ole he mea keakea. A pau na olelo ao i ke Kahunapule hou, na Manase i hai aku i ka olelo ao Pka Ekalesia. Penei ke ano nui, 1 e malama i ka inoa maikai o ka oukou kumu. Ina oukou i ike I kekahi kiko eleele iki ona, e hele pololei aku no ia ia, 2 E hanai pono i ka oukou kumu. 3 E pule nui no ka owkou kumu-

Mai huhti i ka oukou kumu i&ona hooponopono ana i na mea kekee iloko o ka Ekalesia,. A pau ia, ia J. H. Moku ka pule hookuu. A holo aku la ka moku iloko o na kai o keia ao roe na pukoao ka pilikia, e pae ī ke ao. A ma ke ahiahi o ia la, ua malama* ia ka Ahaaina aka Haku. Na kamaaina ame na malihini. Na ke Kahunapule hou i hoomaka ke kukulu ana i ka Ahaaina me ka Himeni 183, pule, a me ka heluhelu ana ma ka wanana a lsaia 53. He wanana pili pono ia lesu, ka mea nana i hookumu ka ahaaina hoomanao no kona makemake ana e like me na wanana. Na Rev. S. W. Nueku ka wawahi Barena ana, a īa Kev. H. Manase ka lawelawe ma ko ke kiaha wahi. Ua malu no ka malama ia ana o ka Papa Ahaaina. la J. H. Moku ka Himeni 258, a ame ka pule, a hoi mua aku la makou. Me ke aloha. L. Aholo. Kakauolelo o ka Aha. Lahainaluna, Maui, lan. 30, 1865.