Ka Nupepa Kuokoa, Volume IV, Number 11, 16 March 1865 — Page 3

Page PDF (1.59 MB)

Ka Nupepa Kuokoa.

                There were generally 64 guards on duty at a time. There is a slight railing parallel to the fence, and 20 feet inside of it, called "the dead line." The projection of even a foot or finger beyond this was sure to bring the deadly bullet of the sentinel. About two a day were thus shot, some of whom, in their extreme misery and despair, voluntarily exposed themselves to be shot. Outside were four batteries on high ground overlooking the yard, and mounting 24 Parrott guns. Besides this the rebels had packs of blood hounds to track them with, if they should escape to the woods.
            There were no houses; no tents, no shelter of any kind, and no blankets, and this too in the middle of winter. A few dug holes in the ground, in which they burrowed to shelter themselves from the weather.
Their food was half a pound of corn bread a day, the cob being ground with the kernel, and two ounces of old pork, offensive in appearance and smell. This ration was often raw or only half cooked. Occasionally a little rice and molasses, about two table spoonfuls apiece, was given them. This food was brought into the pen once a day, at 4 P. M., in wagons, and thrown on the ground, the prisoners being arranged in divisions of two hundred and seventy, subdivided into squads of nineties and thirties. They were allowed no dish or cooking utensil of any kind.
            They had no water fit for drinking or even washing. A little stream runs into the pen, about ankle deep, and in about the middle of the enclosure, spreads out into a swamp of six acres. Before this stream reached the pen, it passed by the camp of the rebel guards, from which it received a large quantity of the vilest material. The cook house for the prisoners was also on the edge of this stream, and the refuse from it was thrown into the water. The prisoner ured to filter this water, before using it, through pieces of cloth.
            The swamp mentioned above was the receptacle for all kinds of filth, and became a place too horrible to be described, and was enough of itself to breed a pestilence.
            In this horrible place 30,000 men were confined. They were so crowded together that it was difficult to go in any direction without jostling and being jostled. Of course the number of deaths was fearfully great. At first it averaged about 30 a day, but the latter part of the time it averaged 130 a day, amounting in a few months to 11000 men or one third of all the prisoners confined in this "hell upon earth." Brave soldiers the heroes of a hundred battles, are lying on the cold ground, naked and sick, and reduced in some cases to insanity by their sufferings.
            These diabolical cruelties have not been perpetrated at Andersonville alone, but at Richmond, at Columbia in South Carolina, and in other places. It is now certain that it was done in obedience to orders from the Rebel Government at Richmond, and in pursuance of a deliberate policy. By such conduct the rebel government have sunk themselves lower than the cannibal Feejees or the North American Indians, and will bring upon themselves the contempt and abhorrence of the civilized world.
            On the other hand the rebel prisoners in the North have been well fed, warmly clothed, lodged in comfortable tents or huts, and carefully tended when sick, in excellent hospitals. When exchanged, they were returned to the rebel army in better condition than when they left it.
            Some people have urged Pres. Lincoln to retaliate, but a Christian Government cannot compete with another in the commission of such deeds.

NU HOU HOPE LOA.

                Ua loaa mai ia makou na nuhou hope loa o ke kahua kaua ma ke ku ana mai nei o ka moku Kaminiote (Smyrniote.) Ua lawe mai nei ia i na nuhou o ke pio ana o Columebia, ke Kulanakauhale alii o Karolina Hema. Peneia na mea i loheia mai nei.
            I ka la 17 o Feberuari, lilo mai ke Kulanakauhale o Columebia ia Kenela Keremana. O keia Kulanakauhale, aia no ia ma ka aoao akau o ka muliwai Konagari (Congaree.) Ma na palapala a Biurigada, ua ikeia iho ma ke ahiahi o ka Poaha oia ka la 17, ka hoolei mau ana'ku o na koa Akau i na poka pahu iloko o ke Kulanakauhale. I ka po ana iho, nee aku la ua puali la imua, a i ke kakahiaka ae o ka Poalima, hele aku lakou ma kela aoao o na muliwai elua, a ia lakou e hele aku ana, haalele e ka puali koa Kipi malalo o Biurigada ia Columebia, a o ka lilo mai la no ia o ua Kulanakauhale la.

Ka Lilo ana o Papu Anesona.

                Ua hai mai o Adimarala Pota i ke pio ana o Papu Anesona i kona aumoku. Ua manao na Kipi e poai puni ia ana lakou e na koa Aupuni ma ka aina, a me na moku ma ka wai, nolaila, ua holo aku lakou ma ke ala i koe no lakou, me ka waiho iho i na pukuniahi me ka maikai, a me kahi waiho pauda. Ua hanaia kekahi moku laau e like me ka Monita ke ano, ua holo pololei aku ia i ka papu ; ua kuhi na Kipi e paa ana lakou, nolaila, ua haalele iho na Kipi e like me ka mea i haiia ae maluna.

Ke Pio ana o Kalekona.

                Ua hoohauoliia mai na puuwai Amerika a pau i ka lilo ana o Kalekona, me kona mau papu, me na pukuniahi 200, na mea ai, a me ka pauda, i ke kahahiaka o ka la 18 o Feberuari iho nei, oia ka Poaono. Ua pau nae ka pulupulu i ka hanainoia e na Kipi. O Papu Sumeta (Sumpter) kekahi i lilo. Oia hoi ka papu ikaika hookahi o ka aoao Hema, a kakou i lohe iho nei. No ka Akau no keia papu mamua, a i ka wa i hoomaka iho nei keia kaua, ua lilo aku i na Kipi, a i keia wa mai nei hoi, ua hoi hou mai no ia malalo o ka malu mua ana i noho ai. E ike kakou ke puahi mai nei ke keiki Keremana.

Na Kulanakauhale i kanuia, o Herekulano ame Pomepeii.

                O kekahi luaipele weliweli loa e ku nei ma ka honua i keia manawa, oia no o Vesuvio (Vesuvius) ma ka aoao Komohana o Italia. E puhi mau ana ia i kona uahi me ka hoopahu mau. Aole nae pela i ka manawa kahiko. I na makahiki he 1800 i hala ae, e ku maikai ana ia me na mea kanu, me na mahinaai momona, me na malawaina e hua mau ana a me na laau oliva. He nui na kulanakauhale a me na hale nani o na'lii o Roma, makai o laila ma kapakahakai. Aohe mea i manao iki he Luaipele ikaika loa, a ke moe malie nei malalo o kela mauna. Aole no i maopopo kona la e ala ae ai a hele mai e ai a e hoino i na kulanakauhale.
            I ka makahiki o ko kakou Haku 79, aia hoi, he mau olai ma ka aina a puni. Ma ka la 24 o Augate, he punohu uahi a me ka lehu kai puka ae mailoko o ka mauna, maluna pono o ka wekiu, a hohola palahalaha aku la kona mau eheu me he laau paina la. He nui loa ka lehu, ke one, a me ka pohaku i hoopuaiia ae mailoko o kela Luaipele. Ma kekahi wahi, he 15 mile ka loihi mailaila aku, ua pouli loa, ua uhi mai ka po a lilo ke awakea i mea poeleele ; o na kulanakauhale e ku ana ma ke kumu o ka mauna, ua uhiia e ke one a me ke lehu. Aia hoi elua kulanakauhale ma ke kumu o ka mauna i kapa ia o Pomepeii a me Herekulano i nalo loa i ke one, i ka lehu, i ka pohaku liilii, a me ka wai wela, a o ka hohonu o ko laua uhiia ana e keia mau mea, ua oi aku mamua o na kapuai he 15. Ua holo aku paha ka nui o na kanaka mamua o ka nalo ana o na kulanakauhale a pakele aku paha. Aole laua i kukulu hou ia, ua poina loa kahi i ku ai, a ua aneane nalowale loa.
            Pela ko laua waiho ike oleia ana a hala na makahiki he 1700. Aka, i ka makahiki 1738, i ka eliia ana o kekahi luawai ma kahi kulanakauhale i kapaia o Resina, loaa iho la na koena o ka hale lealea o Herekulano. A i ka makahiki 1748, loaa no hoi na koena o Pomepeii, e like me ka loaa ana o ko Herekulano. Mai ia manawa mai a hiki i keia manawa i loaa ai kekahi hapaha okoa o ke kulanakauhale, a i ikeia ai ka malamalama o laila. He mea kupanaha keia i ka ike ana aku i na koena o ke kulanakauhale i make a i kanuia hoi no na makahiki he 1800.
            He ololi na alanui, ua kipapaia nae i na pohaku pahee nunui. O kaupaku o kauhale a me na hale oluna, ua wela i na lehu wela, a ua ino no hoi, aka, o na hale malalo, e mau ana no ka maikai. O na mea hoonani, na ipukukui, na kii, a me na ipu pua, ua loaa aku no e like me ko lakou mau, he 1800 makahiki i hala aku. O ka hale keaka nui e pau ai na kanaka he 10,000 iloko, a me na hale auau, a me na hale luakini he nui wale.
            Ua weheia'e i ka malamalama o ka la. Aohe nui o na iwi kanaka i loaa. Iloko o ka halepaahao, ua loaa kekahi mau iwi o na kanaka paahao elua, me ka paa no i ka hao olalo. Iloko o kekahi hale loihi, na loaa na mea eha he nui wale, a me na iwi o na poe he 64, e kiai ana, a e ku ana ma ko lakou wahi, a make no malaila, he hoike ia no ke ano koa o ka puali Roma. Iloko o kekahi hale malalo loa, e paa ana kekahi me na ki, a me na komo gula ma ko lakou mau lima, me ka eke kala, me he mea la o ko lakou haule ana iho no ia, ia lakou e hoao ana e holo i pakele.
            Ua hai mai na nupepa hope iho nei. 200 ka nui o na iwi i loaa iloko o ka halepule e Iuno (Iuno.) O kekahi mau hale ua piha i na kii i penaia, me na papa kaukau nani loa, a me na mea hoonani. He nui na kii pohakou mabala maikai, a me na kii keleawe i loaa. Ua loaa no kekahi hale puhi-palaoa, me na popo-palaoa e waiha ana maluna o ka papakaukau i kuniia i ka inoa o ka mai nona ka hale-palaoa. A pela no kekahi hale-kauka, ua loaa aku no me na poki laau, a me kekahi mau mea e aku, e mau ana no ko lakou maikai, oiai nae he 1800 makahiki i hala'ku. Ma Herekulano, ua loaa kekahi mau buke, a oiai ua lilo ka nui i nanahu, aka, ua weheweheia a ua heluheluia, aohe nae he waiwai o ia mau buke.
            Ma Pomepeii ka nui o na mea i loaa'i, no ka mea, aole ia i nalo loa e like me ko Herekulano Uhiia ana e ka lehu. Hoi iho, o ka lehu maluna o Herekulano, ua oi aku ka paakiki a me ka momona, mamua o ko Pomepeii. Eia kekahi, o ka lepo maluna'e o Herekulano, malaila kahi i ku ai o kekahi Kulanakauhale nui a kanaka no hoi.
            Pela no ke Kulanakauhale kahiko o Nineva i nalo i na makahiki 2500, ua loaa mai nei ia, ua weheia, a ua hoomaamaamaia. Aka, i manawa okoa'ku ko kakou e olelo ai nona.

Mai Pake ino ma Honouliuli i
Ewa.

                E KA NUPEPA KUOKOA E ; ALOHA OE :— Ua nui a lehulehu na mai Pake ma Honouliuli nei, ua ike pono ia lakou me ko lakou mau inoa ; eha kane a hookahi wahine. O Kuahihine. Hinaa, Kalei a me Oino na kane, a o Paewahine hookahi ka wahine. A no keia mea, lana nui ko'u manao e hoakaka ma ka Nupepa, malia ua hookaawaleia kekahi poe mai ka Papa Ola mai, i poe nana e hoomaemae, a e uhuki i na laau ino mai ka honua aku, no ka mea, ke ulu ae nei i o makou nei keia laau ino.
            A ono o'u malama o ka noho ana ma ka moku aina o Ewa nei, mai ko'u malama i noho mai ai oia o Iune, M. H. 1864, a hiki i Novemaba nei. Ke ike lea nei wau i keia poe i loohiaia e na mai Pake. Ke noho huikau wale nei lakou me ka poe i loohia ole i keia mai, a ke hele wale nei i o a i anei ; a ke hele hapala wale nei lakou ma na ipuka hale o kekahi poe, a ke hoomaemae nei no hoi lakou ia lakou iho ma ko makou poo wai, no ka mea, aia ko lakou mau hale ma kahi e kokoke ana i kahi o ka wai e kahe mai ana a hiki i o makou nei. Malaila ke kaumaha nui o ko'u manao, no ka haupa aku o ko makou mau waha ma kai aku nei, me he mea la e komo ana ka ae o ka Auhuhu iloko o ka poe okoa, pela wale ko'u manao ana.
            Nolaila, ke ninau aku nei hoi wau i ka Papa Ola, Owai la ka mea e hiki ke malama i ke ola o keia poe ? Owai no la hoi ka mea e hiki ke hoomalu ia lakou, i ole lakou e noho huikau wale me ka poe okoa ? Ke manao nei au, o ka Halemai no paha o ka Moi Wahine, a i ole ia o ka Papa Ola no paha ; me ko'u manao, he pono ia ia ke lalau mai ia lakou, a e paa aku ma kona lima, i ole ai e laha nui keia mai ino ma Honouliuli nei.
            Ma ko'u manao, ua ane piha loa o Hawaii nei i ka mai Pake, a ua ane hiki aku no paha ka nui i ka haneli a pakeu wale aku, ina e helu pono ia lakou. No keia mea hoi ke ninau nei au ia'u iho; " Nohea mai no la hoi keia mai i puka mai ai ?" Ke olelo nei hoi kekahi poe, " noloko mai no ka o ka mai Lebera, a mai loko mai o ka lepo ka puka ana mai, ua puka mai ke ea Lebera mai loko mai o ka honua, a komo mai iloko o ka poe e noho ana maluna iho ona." He oiaio paha kela olelo, aole paha ; aka nae, eia paha ka mea e maopopo ai, aole he moku mai Pake i ku mai i o kakou nei, e manao waleia'i, nolaila mai la hoi keia mai ino. A ina nae he moku kai ku mai, ua ike ole au.

KANAWAI HOU.
HE KANAWAI.

                E KAUOHA ANA E PAKUI IA KA PALAPALA HOOIAIO O NA KANIKELA MA NA PAPA HOIKE WAIWAI E HOOKOMOIA MAI, MAI NA AINA E MAI. E HOOHOLOIA e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupuni : Pauku 1. Ma na papa hoike waiwai a pau o na ukana i hookomoia mai, maloko o keia aupuni, mai kekahi awa ku moku o na aina e, kahi i noho ai kekahi kanikela a agena kalepa paha o ka Moi, e pakui pu ia me ua papa hoike waiwai la, i palapala i hoohikiia, penei :

HOOIAIO PAPA HOIKE WAIWAI.

                Owau, o ——, no ——, ke hoohiki kuoo nei au, o ka papa hoike waiwai i hoike ia nei a i hui pu me keia, oia no ka hoike oiaio a me ka pololei o na waiwai, na ukana a me na mea kalepa i haiia malalo, me ke kumukuai kaulana o ia mau mea ma ——, i ka manawa i loaa'i, a me na uku a pau maluna o ia mau waiwai, aole hoi he uku hoopoho, kaulele a hooemi paha e ae mai ia papa hoike waiwai i hooholo ole ia.
(Inoa,) ——
            Owau, o ——, ke Kanikela o ka Moi o ko Hawaii pae aina, ma ——, ke hoike aku nei au, mai ka la — o ——, M. H. ——, ua hele kino mai imua o'u, o ——, ua kakau kona inoa a ua hoohiki oia i ka palapala maluna iho, a ke hoike aku nei au ua hoomaopopoia i ko'u ike, o ——, oia no ke kanaka ana i olelo mai ai, a he kanaka oiaio no ia, a ua pololei kana mea i hoohikiai.
[Sila.] (Inoa,) —— Kanikela o ka Moi o Hawaii.
            A ua ku no i ke kanawai e auhau a e loaa mai ke kanikela a agena kalepa paha, mai ka mea e koi ana ka palapala hooiaio i haiia maluna, i hookahi dala no kela a no keia palapala hoike waiwai o ka waiwai malalo o ka elima haneri dala, a i elua no ka palapala hoike waiwai o ka waiwai elima haneri a oi aku paha, i uku ponoi nona.
            Pauku 2. Ina e laweia mai maloko o kekahi Haledute o keia aupuni kekahi papa hoike waiwai, i oleloia ua hooukaia mai mai kekahi awa ku moku kahi i hoonohoia'i kekahi o na kanikela o ka Moi, me ka hui pu ole ia i ka hoohiki ana a me ka hooiaio ana e like me ka Pauku maluna iho, alaila, na ka Lunadute o ia Haledute e kau hou iho i iwakaluakumamalima hapahaneri maluna o ua papa hoike waiwai nei, a e ohiia no na dute e like me ia hoomahuahua ana o ke kumukuai.
            Pauku 3. E lilo keia i kanawai maluna o na papa hoike Waiwai i hooiliia mai ma na moku e holo mai ana mai na awa ku moku o ka aoao Pakipika o Amerika Akau mahope iho o ka pau ana o na malama ekolu mai ka la i hoolahaia'i ; a maluna o na papa hoike waiwai i hooiliia mai mai na awa ku moku o Europa a me ka aoao Atelanita o Amerika Akau, mahope iho o ka pau ana o na malama eono mai ka la i hoolahaia'i ; a maluna o na papa hoike waiwai e hiki mai ana mai na awa ku moku e ae mahope iho o ka pau ana o ka makahiki hookahi mai ka la i hoolahaia'i.
Ua aponoia i keia la 30 o Dekemaba, M. H. 1864.
KAMEHAMEHA R.

HE KANAWAI
E HOOLOLI ANA I KE KANAWAI E PILI ANA I KA PEPEHI LUA.

                NO KA MEA, o ka Mokuna ehiku o ke Kanawai Hoopai Karaima i hoopauia ma ka la 30 o Iune, M. H. 1860, i kapaia " He Kanawai e hoololi i ke Kanawai e pili ana i ka pepehi kanaka a me ka lawe ola," a ma ia hoopau ana, ua lilo na olelo o ka pauku mua, o ka Mokuna ehiku o ke Kanawai Hoopai Karaima i mea ole, Nolaila,
                E HOOHOLOIA e ko Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupuni :
                Pauku 1. E hoololiia, a ma keia ua hoololiia ka pauku mua o ka Mokuna ewalu o ke Kanawai Hoopai Karaima a e heluheluia penei : O ka mea pepehi i kekahi kanaka mamuli o ka olelo ae like, i hooholo mua ia me ka mea i make, ua hewa no ia i ka lawe ola ma ke degere mua ; a e hoopaiia oia e like me ka hoopai i haawiia no ia Ofeni ma na Kanawai o keia Aupuni.
            Pauku 2. E lilo keia i Kanawai mai kona la i hoolahaia'i.
Ua aponoia i keia la 31 o Dekemaba, M. H. 1864.
KAMEHAMEHA R.

HE KANAWAI.
E HOOPONOPONO ANA I NA HALE HU-
LA HAOLE.

                E HOOHOLOIA e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupui :
                Pauku 1. E hiki no i ke Kuhina Kalaiaina e like me kona manao he pono, e haawi i kela mea i keia mea i kakau palapala mai kona noi ana, i ka palapala ae e malama i Hale Hula Haole ma Honolulu no ka makahookahi, ke loaa mua mai na dala he hookahi haneri no ka pono o ka Waihona Dala o ke Aupuni ; aka hoi, aole e haawiia ka palapala ae o ia ano i kekahi mea i loaa e ia ka palapala ae kuai waiona, aole hoi no kahi i malamaia, ona ia, a hoolimalima ia paha e ia.
            Pauku 2. Ina e malamaia e kekahi i Hale Hula Haole, a ua ae paha i ka hoakoakoa ana mai i na wahine maoli e hula haole akea, ma kahi i ona ia, a hoolimalimaia paha e ia, me ka loaa ole mamua o ka palapala ae i oleloia ma ka pauku akahi o keia Kanawai, alaila e hoopaiia oia, aole e oi aku i na dala hookahi haneri, aia i ka manao o ka Ahahookolokolo.
            Paku 3. Ina o kekahi mea i haawiia i ka palapala ae e like me ka mea i hoikeia ma ka pauku maluna'e nei, ina ua hiki ke hooiaioia mai ua pili a hui oia me kekahi Hale kuai Waiona, alaila, e laweia kana palapala ae, a e hoopaiia oia i na dala aole e oi aku i ke kanalima.
            Pauku 4. E lilo keia i Kanawai mai ka la'ku i hooholoia'i.
Ua aponoia i keia la 31 o Dekemaba, M. H. 1864.
KAMEHAMEHA R.

MARE.

Mar. 8, ma Honolulu, Oahu, mare o Bila Kalawaia k. me Hana Malaea w., no Waikiki laua.
Ma ia la hookahi no mareia o M. Z. Poli no Wailupe, Oahu, me Miss Mary L. Kalauli no Kalaupapa, Molokai.
Mar. 11, ma Honolulu, mareia o Levi Kukapeahi k. me Mawae w., no Honolulu laua. Na Rev. H. H. Pareka lakou i mare.
Aug. 24, ma Kaunolu, Lanai, mare o Aki me Soleka, na J. W. Kalawaia i mare.
Sep. 5, ma Kaohai, Lanai, mare o Puuoa me Keaweolalo, na J. W. Kalawaia i mare.
Feb. 4, ma Waialae, mare o Kanupaoo k. me Naki w., na Halemano laua i mare.
Feb. 18, ma Uhu, Waimea, Hawaii, mare o Kaaekela k. me Naeho w,, na Rev. L. Lyons laua i mare.
Feb. 25, ma Makaha, Waianae, Oahu, mare o Paahao k. me Haka, w., na Rev. A. Kaoliko laua i mare.
Mar. 3, ma Uhu, Waimea, Hawaii, mare o Kanehailua k. me Inea w., na Rev. L. Lyons laua i mare.
Mar. 8. ma Leepoko, Waianae, Oahu, mare o Keliikoa me Kohia, na Rev. A. Kaoliko laua i mare.
Feb. 13, ma Helumoa, Waikiki-kai, mare o I. H. Kiliona me Kaai, na Pekelo i mare.
Feb. 16, ma Helumoa, Waikiki-kai, mare o H. C. Kalua me Kamehaiku, na Pekelo i mare.
Feb. 20, ma Kapulehu, Molokai, mare o Keleopa me Kealoha, na.S. K. Kuhano i mare.
Feb. 21, ma Kaluaaha, Molokai, mare o Kaleiopua me Kalunu, na S. K. Kuhano i mare.
Dek. 10, ma Pokii, Kekaha, Kauai, mare o J. P. Keliihune me Holokahiki, na Rowela laua i mare.

HANAU.

Ian.11, ma Palawai, Lanai, hanau o Eleta, na Kane me Kaupe.
Mar. 11, malaila no hanau o Emalina w., na Kelii me Kealalaina.
Aper. 8, ma Kaunolu, Lanai, hanau o Kaimu w, na Hao me Naimu.
Aper. 23, ma ia wahi no hanau o Kaoiokalani, na Kaoi me Lealea.
Ian. 9, ma Maunalei, Lanai, hanau o Samuela k, na Kaaukai keiki hoohai.
Nov. 20, ma Kaohai, Lanai, hanau o Samuela k, na Kaaukai kamehai.
Feb. 9, ma Uhu, Waimea, Hawaii, hanau o Kealoha k, na Ohule me Kealoha.
Feb. 9, ma Keauhou, Hawaii, hanau o Lausetila k. na J. G. Ioane me M. Pae.

LIO NALOWALE !

                UA NALOWALE KUU LIO KANE kalakoa, ma ke uha akau elua hao TP, a ma ka uha hema hoi, hao ano e, ina o ka mea e loaa ai o kuu lio. E uku no au iaia ma ka uku kupono, ke hoihoi pololei mai a loaa no au ma ka Hale Paipalapala o
H. M.Wini. 172-2t

 

OLELO HOOLAHA.
E KUAI KUDALAIA'NA KEKAHI
mau Lio o ka Pa Aupuni
Ma Pauoa nei.

 

                Elima lio kudala i ka Poaono, la 18 o Maraki, i ka hora 12 o ke awakea. He mau lio hou mai kekahi. Na lio kudala, Lio k. eleele HK akau, Lio k, eleele 3H hema, Lio k. hulupala OUAN akau, Lio w. keokeo hao ano e. Lio w. ulaula Kd hema. Na lio hou. Lio k ulaula hao ano e, 2 Lio k hulupala aole hao, Lio w keokeo OI akau, Lio w ulaula wiwi me ke keiki hao ano e, 2 Lio w ahinahina aole hao. Lio k eleele keiki aole.
P, KAAIAHUA Luna Pa Aupuni. Pauoa, Mar. 16, 1865. 172-1t*

NA KE AUPUNI.

                MAMULI o ka olelo o ka Pauku 11 o ke Kanawai i kapaia " He Kanawai e hoopau ai i ka Mokuna 10 o ke Kanawai Kivila," i hooholoia ma ka la 10 o Ianuari, 1865, ua hookohu ka Papa Hoonaauao, i keia la, i ka Mea Hanohano Abraham Fornander (Abelahama,) i Kahu Kula Nui.
Keena o ka Papa Hoonaauao, } Maraki 10, 1865. }

Olelo Hoolaha.

                MA KEIA olelo hoolaha, ke noi aku nei ka Papa Hoonaauao i na Kahu Kula, Puuku Kula, a me na mea e ae i loaa kekahi oihana ma o ka Papa Hoonaauao i pau aku nei, e hoomau no lakou ma ka lakou mau oihana, aia a olelo pakahi ia lakou no ka hana o ka Papa Hoonaauao mamuli o ka Pauku 14 o ke " Kanawai e hooponopono ai i ka Oihana Aopalapala."
Keena o ka Papa Hoonaauao, } Maraki 10, 1865. }

OLELO HOOLAHA,

                NO KA POE JURE KANAKA MAOLI NO ke Kau Hookolokolo o ka Aha Hookolokolo Kiekie, e halawai ana na ka Hale Hookolokolo ma Honolulu, ma ka Poakahi, la 3 o Aperila, M. H. 1865. Lopailani, Kapilikea, Kaiama, Kaunamano, Hama Naone, J. M. Kapena, Napoleona Nihi,   Kahanu, Wm. Buckle, E. H. Boyd, Kawiliau, Jesse Aimoo, Hailama, J. Kaaiai, Kapahukepau, Wm. Sumner, Daniel Kahananui, Kanamu, Nohea, Kaaihelemoku, Kalaau, S. Kanakaole, Kalauli, S. Kumuhonua.
L. McCULLY, Kakauolelo o ka Aha Kiekie. Honolulu, Maraki 13,1865. 172-3t

OLELO HOOLAHA.
Ma ka Waiwai o } KAWELOHELII (k.) }

                NO KA MEA, UA NOIIA MAI KA MEA Hanohano G. M. Robertson Lunakanawai o ka Aha Kiekie e PAELOLE (w.) no ka hookohu ia ia i Lunahooponpono Waiwai o KAWELOHELII (k.) no Waikiki, Oahu, i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 25 o Maraki, i ka hora 10 o ke kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
WM. HUMPHREYS,
Hope Kakauolelo o ka Aha Kiekie. Honolulu, Mar. 15, 1865. 172-2t

OLELO HOOLAHA.

                NO KA MEA, UA NOI IA MAI KA MEA Hanohano G. M. Robertson, Lunakanawai o ka Aha Kiekie e Lonowahine no Kekualike, no ka hookohu ia ia i Lunahooponopono Waiwai o KALUAOKAMANO (k) no Lahaina, mokupuni o Maui, i make aku nei : Nolaila, ua hoikeia i na kanaka a pau loa, ke pili, o Ka Poaono, oia ka la 26 o Maraki, i ka hora 10 o ke kakahiaka, oia ka la ame ka hora i olelo ia no ka hoolohe i ka oiaio o keia noi ana mai, ame na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY, Kakauolelo o ka Aha Kiekie. Honolulu, Mar. 11, 1866. 172-2t

OLELO HOOLAHA.
Ma ke Kahu ana o Paahana (k) }
ame Ana (w) na keiki }
a WAIAKEA o }
Honolulu i make aku nei. }

                E IKE AUANEI NA KANAKA A PAU NA mea kuleana ma ka waiwai i oleloia maluna iho nei, o ka poe i aieia, o ka poe pili kino, a pili paha ma kekahi ano e ae. Ua noi mai o Kaolele, ke kahu o na keiki a Waiakea i ka Mea Hanohano R. G. Davis kekahi Lunakanawai o ka Aha Kiekie e hooiaio i kona moo waiwai, a e hookuu ia mai kona oihana aku. Ma wa la Poalima, oia ka la 14 o Aperila, 1865, ma ka hora umi o kakahiaka, e hooloheia ka pono a me ka pono ole o keia noi ana.
L. McCULLY, Kakauolelo o ka Aha Kiekie. Honolulu, Mar. 13, 1865. 172-2t

OLELO HOOLAHA.

                NO KA MEA, UA NOIIA MAI AU E KEAKA (w) e hooiaio i ka Palapala Kauoha a KUHAULUA (k) o Honuaula H. I., i make aku nei : Nolaila, ke hoikeia'ku nei na mea a pau, ke pili, o ka Poaono, oia ka la 1 o Aperila, M. H. 1865, ma ka hora 11 o ke kakahiaka, oia ka la a me ka hora e hoolohe ia noi ana mai, a me na mea kue e hoikeia mai ana.
A. M. KAHALEWAI, Lunakanawai Kaapuni o ka Apana Elua. Lahaina, Mar. 10, 1865. 172-3t

OLELO HOOLAHA.

                U A NONOI IA MAI KA MEA NONA KA inoa malalo nei, e Napela (w) e hooiaio i ka Palapala Kauoha a KEAWEOLU (k) o Lahaina, i make aku nei. Nolaila, e ike auanei na kanaka a pau, ke pili, o ka Poakahi, oia ka la 28 o Maraki, ma ka hora 10 o kakahiaka, e hooloheia ai ka oiaio oia noi ana mai a me na mea kue i hoikeia ma Lahaina kahi e hana ai.
A. M. KAHALEWAI. Lunakanawai Kaapuni o ka Apana Elua. Lahaina, Mar. 8, 1865. 172-2t

OLELO HOOLAHA

                NO KA MEA, UA KOHOIA MAI KA MEA nona ka inoa malalo i Luna Hooponopono no ka waiwai, a i Luna kakau hoi no ka Palapala Hooilina o Michael Nowlien o Keupukaloa, ka mea i make aku nei : Nolaila, ua hoikeia i na kanaka a pau, ina ua aie lakou i ka mea i make, e pone e hookaa mai lakou i ko lakou mau aie mamua o ka la 15 o Iulai e hiki mai ana. O na kanaka hoi a ka mea i make i aie aku ai, ke kauohaia aku nei lakou e hele mai imua o'u e hoike mai i ko lakou mau bila.
P. H. TREADWAY. Lahaina, Mar. 9, 1865. 172-4t

Olelo Hoolaha !
- IA -
ANNIE NANEA a me KALAWAKUA.

                NO KA MEA, O ANNIE NANEA A ME Kalawakua i oleloia maluna, kuu mau moopuna, ua haalele mai laua ia'u, a ua hele i kahi e me ka malama ole mai. Nolaila, ke kahea aku nei au ia laua e hele mai e kamailio pu me a'u no na mea a laua i ae ai i ka M. H. 1862, e malama mai ia'u. A oia hoi ka'u i hana ai a i haawi ai i ko'u pomaikai o ko'u waiwai lewa a me ka waiwai paa ia laua. Aka, aole laua i malama iki mai a hiki i keia. Nolaila, e hele mai laua imua o'u ma Honolulu nei, mamua ae o ka la mua o Aperila e hiki mai ana, a ina aole laua e hele mai ia wa, alaila, e hoopii ana wau ia laua imua o ka Aha Hookolokolo no ka apiki a me ka wehe ana i ka Olelo Aelike.
KEKAHILI. Honolulu, Mar. 11, 1865. 172-3t*

Kapu ke Kula ! Kapu ke Kula !!

                MA MOANALUA. AOLE E HELE KA Haole me ka pu ki-manu ma ke kula, a pela hoi ke kanaka Hawaii, ke papa aku nei au i na malihini, ame na kamaaina, a me na kanaka, ponoi e hele mau ana i ka hana no na holoholona, a me ka poe i lawe mai i na holoholona e hoolimalima ; aole e hele pu me ka ilio ma ke kula, aole e kii malu i na Lio me ka lohe ole, aole hoi e pii wahie, Laau hale, Laau pa, Laau hoolimalima uku me hai, a i La-i kauwewe imu paha ma ke kuahiwi. E hele mai e noi i ka mea nona ka inoa malalo nei mamua ae o ka hele ana, a i ole ia, i ko'u Hope ia J. Heihei. Ina e kue kekahi i kela, e hana no au e like me ke Kanawai o ka aina, ke komo hewa i kahi i hoomalu ia.
WM. HUGHES, Luna Malama o (J. I. Dowsett) Huluomanu, Mar. 11, 1865. 172-3t*

$5.00 KA UKU !

                UA NALOWALE MAI KAHI AKU O KA mea nona ka inoa malalo nei, ma ka po o ka la 6 o keia malama. He moa wahine keokeo Iapana, he hulu oloi keokeo ma ke poo, elima manamana o ka wawae hookahi, a he hulu.hulu no hoi ka wawae. He moa ano e loa no kela, aole i laha aku me na moa e aku, aole no hoi he moa e ae e like ai ma keia aina, aia wale no ia'u he moa kane. Nolaila, aole waiwai o keia moa ia hai, ia'u wale no e pono ai, no ka mea, ua loaa ia'u ka moa kane. E haawiia no ka uku i haiia maluna i ka mea, a mau mea paha nana e hoihoi mai ka moa.
Ia E. EVERETT, Ma ka Halekuai o Mokimana. Honolulu, Mar. 10, 1865. 172-3t*

PAHU KUPAPAU !!

                AIA I Ka MEA NONA KA INOA MALALO nei, na PAHU KUPAPAU o kela ano keia ano, no ke kumukuai emi loa. He mau Papakaukau, Hale-pa, a me na mea waiho lole.
KAISER.
Hilo, Hawaii, Feb. 1, 1685. 166-3m.

200 Eka.

KE MAKEMAKE NEI O JUDD A ME WILDER, e hoolimalima me na kanaka, e palau alua ma Kaaawa i Oahu nei. Ma ka Eka, a i ole ia, ma ka uku-pau e palau ai. E ninau ia G. P. JUDD. Honolulu, Oahu, Feb. 22, 1866. 169-1m*

OLELO HOOLAHA.

                E IKE AUANEI NA KANAKA A PAU loa o kela ano keia ano ke nana mai lakou. Owau o ka mea nona ka inoa malalo nei, ke hookapu aku nei au i na mea holoholona a pau loa o kela ano keia ano, mai hookuu wale oukou a hele wale hoi me ka hoopoino wale i na mea kanu maluna o ua Moo-aina la i hoolimalimaia e a'u, e waiho la ma PALAWAI, KAILUA, KOOLAUPOKO, OAHU. A o ka mea kue i keia, e hoopiiia ma ke Kanawai.
KELIIHUHU, Luna aina. Honolulu, Oahu, Feb. 23, 1865. 169-1m*

OLELO HOOLAHA.

                UA HOOPII MAI O MALEPO (W.) KUE I kana kane mare ia ALINA (PAKE k.) no Honolulu mamu, e hooki i ko laua mare ana no ka nalowale ana no na makahiki ekolu o ua ALINA (PAKE k.) nei ma ka aina e, aole i lohe ia mai. E hanaia keia hoopii imua o ka Mea Hanohano R. G. Davis kekahi Lunakanawai o ka Aha Kiekie ma ka la 23 o Iune, i ka hora 10 o kakahiaka, aia ma ka Hale Hookolokolo ma Honolulu, Oahu.
WM. HUMPHREYS. Hope Kakauolelo o ka Aha Kiekie. Honolulu, Feb. 20, 1865. 169-4m

Aina Kuai ! Aina Kuai !!

                E KUAI IA ANA NA ILI AINA MA Keopuka a me Mikiola, ma Kaneohe, Koolaupoko, Oahu, o ka poe makemake, e ninau ia
W. P. KAMAKAU. Honolulu. Maraki 1, 1865. 170-4t*

OLELO HOOLAHA.

                UA NONOI IA MAI KA MEA NONA KA inoa malalo e James Campbell, e hooiaio i ka palapala kauoha a HANA CAMPBELL, o Lahaina, Maui i make iho nei : nolaila, ke hoike ia'ku nei i na kanaka a pau, ke pili, o ka Poakolu, oia ka la 21 o Maraki, 1865 nei, ma ka hora 10 o ke kakahiaka, oia ka la a me ka hora no ka hoolohe ana i ka oiaio o keia noi ana mai a me na mea kue, aia ma ko'u Keena Hookolokolo ma Lahaina kahi e hana ai.
A. M. KAHALEWAI.
Lunakanawai Kaapuui o ka Apana Elua. Lahaina, Mar. 3, 1865. 171-2t

Aina Kuai ! Aina Kuai !!

                E KUAI IA ANA NA ILI AINA MA Keopuka a me Mikiola, ma Kaneohe, Koolaupoko, Oahu, o ka poe makemake, e ninau ia
W. P. KAMAKAU. Honolulu. Maraki 1, 1865. 170-4t*

OLELO HOOLAHA !
Ma ka Waiwai o }
KALAUAIANUI (k.) }

                NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha Kiekie e Kekuahaui no ka hookohu ia ia i Luna HooponoWaiwai o KALAUAIANUI (k,) i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 18 o Maraki, i ka hora 10 o kakahiaka, oia ka la a me ka hora i oleloia no ka hoolohe i ka oiaio o kela noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
WM. HUMPHREYS,
Hope Kakauolelo o ka Aha Kiekie.
Honolulu, Mar. 6, 1865. 171-2t

OLELO HOOLAHA.

                NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha
Kiekie e Kawahamana no ka hooiaio i na Palapala kauoha o PAPAU, no    Hamakua, Hawaii, i make aku nei : Nolaila, ua hoikeia i na kanaka a pau loa, ke pili, o ka Poaha, oia ka la 20 o Maraki, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, ai ma ka Hale Hookolokolo ma Honolulu, Oahu. L. McCULLY, Kakauolelo o ka Aha Kiekie. Honolulu, Mar. 3, 1865.   171-2t

KUOKOA HUMUHUMUIA.
EKOLU BUKE — BUKE 1, 2, A
ME 3.

                Umi Kala ke kumukuai no na buke ekolu. No ka akahi buke $3.50. E
ninau ma ka Hale buke o
171-4m H. M. WINI.

HE MOKU
— NO —
MOLOKAI, ame MALIKO !

                E HOLO MAU ANA KA MOKU KUNA 'HELENA' ma keia mau wahi i hoikeia ma ke poo. He moku maikai no hoi keia no na ohua. O na ukana e hooili ia ana maluna, a o ka uku o ke eepakeke ana, e ninau i ke Kapena, a i ole ia ia, ia S. Savige. 171-4t* Ka Hope..

He Lio Helehewa.

                A EIA MA KO'U LIMA, HE LIO (k) eleele kiko keokeo ma ka lae, a he keokeo uuku ma ka uha hope hema, kona hoailona kuni M. E loaa no au ma Moanalua, e hele mai me na dala elima ($5.00) no ke poho, a i hala na la 15, e lilo keia lilo ia'u me ke kuni i ko'u hao ke hala ka manawa hoolaha.
H. BOLABOLA,
Moanalua, Feb. 28, 1865. 171-3t.*

OLELO HOOLAHA.

                E IKE AUANEI KA MEA A PAU, UA hookohu aku au ia WILLIAM B. RAGSDALE (BILA) i hope no'u, nana no e ohi a e hookaa i ko'u mau aie, a e hoolimalima, a e ohi i na uku hoolimalima o ko'u mau aina a pau iloko o keia Aupuni. OIA wala no ka mea MANA e hana ma ia mea, aohe mea mana e ae e like me ka mana i loaa iaia ma ka PALAPALA HOOKOHU HOPE a'u i haawi ai iaia, ma ka la 4 o Maraki, M. H. 1865. 171-2t* MOSES PUHA.

E KUAI IA ANA
— NA —
KAMAA BUKI !
— AME NA —
KAMAA HAAHAA
— MA KE —
KUMUKUAI !

                — NO KUU MANAO ANA, E hoopaa i kuu Hale Humu Kamaa, e kuai aku no wau ma ke dala maoli iloko o na la he 30. O ka poe aole i pau ko lakou aie ma ka Hale Humu Kamaa (Uwinihepa,) ke noi ia aku nei lakou e hele mai e hookaa, mai hoopanee aku na N. H. Wood Esq e haawi ka palapala hookaa. 171-3t   J. H. WOOD.

OLELO HOOLAHA.

                UA HOOPII MAI O KAHOOMANA (W,) kue i kana kane mare ia NOI (k) no Kohala, Hawaii mamua, e hooki i ko laua mare ana, no kona nalowale ana no na.makahiki ekolu o ua NOI (k.) nei ma ka aina e, aole i lohe ia mai. E hanaia keia hoopii imua o ka mea Hanohano G. M. Robertson kekahi Lunakanawai o ka Aha Kiekie, ma ka la 15 o Aperila, 1865, i ka hora 10 o kakahiaka, aia ma ka Hale Hookolokolo ma Honolulu, Oahu.
WM. HUMPHREYS, Hope Kakauolelo o ka Aha Kiekie. Honolulu, Maraki 13, 1865. 372-2t