Ka Nupepa Kuokoa, Volume IV, Number 13, 30 March 1865 — Page 3

Page PDF (1.60 MB)

Ka Nupepa Kuokoa.

                Ua hoike hou ae no na nupepa kipi i kekahi mau hunahuna ano nui o Tekaka, oia hoi ke auhee ana o kekahi puali kipi ma ka muliwai Konoka Hema [South Concha,] i ka malama iho nei o Ianuari, i na Ilikini. Ua weliweli no ka ke kaua ana, mawaena o na kipi a me na Ilikini.
            Ua hai ae kekahi elele o kekahi nupepa o Wileminetona, ua nui na koa akau i lawepioia e na kipi, i hookuuia i ka manawa i pio mai nei o ua kulanakauhale la. Ua hoopaaia lakou iloko o ka Pa Hipa [Camp Lamab,] hookahi mile ka loihi mai ke kulanakauhale aku. Ua malamaia lakou e like me ka malama ia ana o na holoholona. Ekolu ia mamua o ka haalele ana o na kipi i ke kulanakauhale, aole i haawiia aku ia lakou kekahi mau wahi mea ai. Ua hoomanawanui iho na kamaaina e hanai ia lakou, aka, ua laweia'ku ka ai mai o lakou aku e na'lii koa nana e malama. He mea e ke kaumaha o ka poe e nana mai ana ia lakou. Ua lilo kekahi poe o ua poe la i lawepioia i poe hupo. Aole hiki ia lakou ke hoomaopopo i ko lakou mau inoa, ua poina loa.
            Ua hai mai ka nupepa kipi o Ralei [Raleigh,] ua huna iho ka na kanaka o Wileminetona i na kukaa pulupulu he 15,000, e kali ana no ka hiki aku o na puali koa Aupuni.

            KANAKA NAUPAKA.— Ua hai ae kekahi kanaka naauao no ke kanaka nau paka. He 525 galani ana e kuha ai i na makahiki he 25.

            NA LUINA BERITANIA.— O ka nui o na luina Beritania he 376,000, koe aku ka poe lawaia, a me na ano lahui e ae. Ua maheleia keia mau luina, oia hoi he 70,000 no na moku manuwa, a he 155 kahunapule i hoolako ia no lakou, a e 306,000 huina no na moku kalepa, oia hoi na moku a ka ekalesia Enelani i hoolako ole ai i mau kahunapule. Ua malama iho ka Ahahui i na kahunapule he 13, a me na poe heluhelu he 19 no na luina. A aia no ka Halepule Tema, a me na halepule e ae he nui wale ma na kulanakauhale ma ka ae kai no na luina no.

            KANAKA PAUHAKAKI.— Ua hai ia mai ka make ana o kekahi wahi kanaka " pauhakaki" o Farani, o ka mea e kokoke aku ana i ke kanaka " pauhakaki" o Amerika ia Kamu Kamu (Tom Thumb.) I ka hiki ana o kona mau makahiki i ka 16, ua hoonoho ia oia iloko o ka hale o ke Aliiwahine o Oleana. (Duchess of Orleans,) ka makuahine o ke Alii makaainana. Ua uuku loaia ia manawa, a ua kuhi ia he wahi keiki iluna ke alo, a pela kona kahiko ia ana i ka wa e uluku ana ke kipi ma Farani, a nana hoi i hoouna malu aku na palapala a loaa na ohana Alii o Farani i hoopaaia me ka ike ole ia. I ka la o kona make ana, ua loaa mai ia Rikebuka, oia ua wahi kanaka " pauhakaki" la, na dala 600 mai ka ohana Alii mai o Oleana.
Iloko o na makahiki he kanakolu i hala aku, ua noho no ia iloko o ka hale ana i noho mua ai ma Faubuka (St. Germain.) Aole ia i like me Kamu Kamu, no ka mea, aole oia e hoike ia ia iho imua o ke anaina kanaka, aole no hoi ia e hehi iho i ka paepae o kona puka, iloko o ka hapalua o na la o kona ola ana. Aole i maopopo ka hiki io ana o kona mau makahiki i ke 92.

            NO NUKILANI.— O ke ano o keia Aupuni i na lono hope mai nei, aohe oluolu ia Beritania. Aohe mau Kuhina o na haole. O ka poe maoli i haawi pio mai i ko lakou aina ma Tauranga, ua loli hou ko lakou manao, me ko lakou kukulu iho i pa, a me ke kauoha aku i ka mea ana aina he make kona hope ina ia e hele a hala mai ka palena. Ua kukulu ae no hoi ka poe maoli i pakele aku i mau papu na lakou ma Aukalana (Aukland,) ua lako i na mea ai, pela ka lohe wale mai, a pela no hoi wahi a Keoki Gare (George Grey. Ma Taranaki, ke hoemu aku nei ko W. Kini poe i ka poe maoli i oi ae ka oluolu no ka hanaino i ke aupuni,— a o Keoki Gare ke manao o ia nei e noono ana ia e kakau i kekahi leta wai-rose i na kanaka me ka haawi aku ia lakou i na mea a lakou e makemake ai no ke kuikahi. Ke hoopaapaa nui nei na haole malaila no ka pono o ka hoolei ana ae i ka malu o Enelani.

Na Palapala.

He wahi ninau.

                Anoai paha o hoopauia mai ka'u pohihihi e na mea a'u i makemake ai e ninau aku ma na mea a'u e makemake nei.
            Aia ma ka Helu 10 o ka Nupepa Kuokoa o ka la 9 o Maraki, 1865, ka'u mea i makemake ai e ninau, e nana ma ke Kolamu, e pili ana no na Olelo Hoolaha. Ia H. Bolabola o Moanalua, a me J. N. Kawaimaka o Kahehuna ; aloha olua.
            Ua hoolaha ae olua ma ka Helu 10 o ka Nupepa Kuokoa, o ka la 9 o Malaki, he mau lio helehewa i loaa ia olua, me ko olua hoike pu mai i ka uku elima dala ($5.00,) ame umi dala ($10.00) no ko olua poho, a no ka malama ana, a no ko olua lilo no ka hoolaha ana. A ke hoike mai nei olua, a hala na la he 15, a me 30 la, alaila, lilo loa ia mau lio ia olua.
            Eia ka    : Ua hookohu ia anei olua pa aupuni hoopaa holoholona helehewa ? He mana anei ko olua e hoike aku i ka nui o na la e like me ke ano o na Luna pa holoholona helehewa i hookohuia e hiki ai ia olua ke lawe lilo loa ia mau lio helehewa ? Auhea ke kanawai nana i hoonaauao mai ia olua e hoopaa wale i ka hai lio ?
            I ko olua noonoo ana iho, ua kue paha olua i ke kanawai o ke aupuni, aole paha. Ke makemake nei au e kuhikuhi mai olua i ke kanawai i kahi e loaa ai ko olua pono, ma ka noonoo ana o ka mea nona keia kakau manao, ua kolohe olua. Aloha.
J. K. KALUA.
Honolulu, Mar. 15, 1865.

Aia o Lonomuku i ka Mahina.

                O Lonomuku ; no ka honua nei no oia mamua. Ua oleloia, ma Kaiwiopele i Hana kona wahi i noho ai a loaa iaia ka noho ana kane. A o kana kane hoi o Makalii, mai ka lani mai hoi ia. Ua noho pu laua ma ke la puu kiekie e ku papu ana i ka makani he Ia-iki, e nana'na i ka ua-kea o Hana.
            A mahope, loaa na keiki a laua, a, he mea mau no hoi ia Makalii ka hoi iluna o ka lani i kona wahi, aole no hoi he wahi mea a hookaulua iho o ke keiki Makalii i kona hou pupuuanu o kela aina ua haahaa. O Lonomuku hoi. ke kaniuhu nei oia no ka luhi loa i ka malama ana i na keiki, nolaila, hoomakaukau kela e imi aku i kana kane ia Makalii, me na ukana ma kona kua.
            A halawai laua maloko o ka Mahina poepoe. Ia wa hului aku ana ka mana o Makalii i ka ai a pau loa e ulu ana i Hawaii nei, i ka hahaoia maloko o kekahi ipu i paa i ke poi me ke koko mawaho mai o ia ipu : Ua nele loa iho la ko Hawaii nei a pau i ka ai ole. No ka nui akamai o ka Iole, ua kiiia ka paa a Makalii i hana'i, ua akiia ke koko e paa'i o kana ipu kolohe, a ua haule hou ka ai ma ka Pae aina o Hawaii nei. Ua loaa ka ai i ka Iole. Aia hoi o Lonomuku me Makalii maloko o ka Mahina. Pela i pau ai keia kaao. J. W. AKINA.
Halemai o ka Moiwahine, Mar. 14, 1865.

KANAWAI HOU.
HE KANAWAI E PILI ANA I KA HOOLILO ANA O NA
KEIKI.

                E HOOHOLOIA e ka Moi a me ka Ahaolelo o ko Hawaii Pae Aina i akoakoa iloko o Ua Ahaolelo kau Kanawai o ke Aupuni : Pauku 1. Ua haawiia ka mana i na Lukanawai Kaapuni a pau, e hooiaio a e hoapono i ka hoolilo ana i na keiki, e like me ka mana o na Lunakanawai o ka Ahahookolokolo Kiekie.
            Pauku 2. E kauia keia a e lilo i Kanawai, mai ka la aku o kona hooholoia ana.
Ua aponoia i keia la 31 o Dekemaba, M. H. 1864.
KAMEHAMEHA R.

HE KANAWAI. E HOOKOMO AI I KA LANAHU ME KE
DUTE OLE.

                E HOOHOLOIA e ka Moi a me ka Ahaole o ko Hawaii Pae Aina i akoakoa iloko o ka Ahaolelo kau Kanawai o ke Aupuni : Pauku 1. Mai ka la aku e hoolahaia'i keia Kanawai, e hookomoia ka Lanahu mai na Aina e mai me ke Dute ole.
Uu aponoia i keia la 30 o Dekemaba, M.H. 1864.
KAMEHAMEHA R.

HE KANAWAI.
E HOOLOLI AI I NA PAUKU 278 A ME 279 O KE KANAWAI
KIVILA.

                E HOOHOLOIA e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupuni : Pauku 1. Mai ka la e hooholoia'i o keia Kanawai, e hoopauia, a ma keia ua hoopauia no kekahi Kanawai i kapaia " He Kanawai e hoolilo ai i ka Pauku 278 o ke Kanawai Kivila," i aponoia i ka la 28 o Aukake, 1860, a ma keia ua hoololi ia ka pauku i oleloia maluna, oia ka Pauku 278 o ke kanawai Kivila, a e heluheluia ua Pauku la penei. Pauku 278. E hoonohoia kekahi Papa Oola, a o ke Kuhina Kalaiaina ka Peresidena o ia Papa. E noho ma ia Papa ke Kuhina Kalaiaina a me eha mau hoa e ae, e kohoia e ka Moi maloko o ka Aha Kukakuka Malu. Mawaena o lakou e noho kekahi mau Kahunalapaau i ae pololei ia e hana ma ia oihana, aole e emi i ka elua ; a mawaena o na hoa o ka Aha Kukakuka Malu e kohoia i mau hoa aole e emi i ka elua. He mana no ka ua Papa Ola nei e hoolimalima i Kakauolelo, a me na kahunalapaau a me na luna kupono, a e ukuia lakou noloko ae o na dala i hookaawaleia ia manawa aku ia manawa aku e ka Ahaolelo, i mea e malama ai i ke ola o ka lehulehu, e like me ka mea e hooholoia e na hoa ekolu, a oi ae paha o ia Papa, maloko o kekahi halawai i kahea ponoia. Eia, hoi, aole i hooleia ma keia ka hoolimalima ana o ka Papa i na hoa o ia Papa, a ina e hanaia pela, na ka aha Kuhina e hooholo mo ka uku kupono. A e hoike no ka Papa Ola imua o ka Ahaolelo i na kau Ahaolelo mau a pau, me ka pololei a me hoakaka pono no na dala a pau i hooliloia, a me ka hai aku no na mea i pili i ke ola o ka lehulehu i kupono i ka noonooia e ka Ahaolelo.
            Pauku 2. O ka Pauku 279 o ke Kanawai Kivila ke hoololi ia nei ma ke kapae ana i huaolelo " haole, ina paha ua lilo ia i kupa Hawaii a ua lilo ole paha," a ma ka hookomo ana ma ia wahi i ka huaolelo " mea," i heluheluia'i ka Pauku 279 o ke Kanawai Kivila e like me mahope nei, penei : " Pauku 219. Aole no e kupono i ke kanawai ke hapai kekahi mea i ka oihana lapaau iloko o keia Aupuni no ka imi loaa, ke hoike ole oia mamua imua o na Luna o ka Papa Ola, a imua paha o na mea a ia mau Luna i koho ai no ia hana, i mea e maopopo ai kona makaukau no ia oihana a me kona ano maikai, a loaa hoi ia ia ka palapala hoapono a ia mau Luna, a me ka palapala ae a ke Kuhina Kalaiaina. E hoopaiia no ka mea malama ole i keia pauku i hookahi haneli dala no kela hewa keia hewa ana i hana'i, ke ku ka hewa ia ia ma ka hookolokolo ana."
            Pauku 3. E lilo keia i Kanawai mai ka la aku o kona hooholoia ana.
Ua aponoia i keia la 10 o Ianuari, M. H. 1865.
KAMEHAMEHA R.

HE KANAWAI E HOOLOLI AI I KA PAUKU 130 A ME
131 O KE KANAWAI KIVILA.

 

                E HOOHOLOIA e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupuni : Pauku 1. E hoololiia, a ma keia ua hoololiia no ka Pauku 130 o ke Kanawai Kivila, a penei e heluheluia'i :
            " Na ke Kuhina Kalaiaina e like me kona manao iho he pono, e haawi i kela a me keia kanaka a mau kanaka paha i kakau mai i kona noi ana, i ka palapala ae e malama i hale kepa Luina haole no ka makahiki hookahi ma ke kulanakauhale o Honolulu, Lahaina, a me Hilo, oiai nae hoi, aole no e emi malalo o elua palapala ae i haawiia no ke awa o Honolulu. A ina hoi ma kekahi manawa ua ikea he hui hana mawaena o na mea i loaa ka palapala ae malalo o keia Kanawai, alaila e laweia ko lakou palapala ae, a me ko lakou mau palapala hoopaa."
            Pauku 2. E hoololiia a ma keia ua hoololiia no ka Pauku 131 o ke Kanawai Kivila, ma ke kapae ana i na huaolelo " kanaha dala" ma ka lalani, a me ka hookomo ana ma ia wahi i na huaolelo "ekolu haneri dala" i na no Honolulu ka palapala ae, a he kanalima dala i na no Lahaina, a no Hilo paha ka palapala ae ; a mahope iho o ka huaolelo Luna Awa ma ka Pauku 131, ma ka hookomo ana i na huaolelo " a kokua paha ma kekahi ano e ae e kue i na Kanawai o ke Aupuni."
            Pauku 3. E lilo keia i Kanawai mai ka la aku o kona hooholoia'na.
Ua aponoia i keia la 31 o Dekemaba, M. H. 1864.
KAMEHAMEHA R.

MARE.

Maraki 25, ma Kaneohe, Oahu, mare o Lewawau k, me Kamaka w, na Rev. B. W. Pareka laua i mare.
Ianuari 10, ma Makela, Kawaihae, Hawaii, mare o Kekahuaina k, me Kaaiai w, na Rev. Laiana laua i mare.
Mar. 4, ma ia wahi no, mare o Hama k, me Hiku w, na Rev. L. Laiana laua i mare.

HANAU.

Maraki 22, ma Kapalama, Honolulu, hanau o E. Kaalaokea li w, na P. Kekai me K. Kamai.
Feb. 24, ma Kau, Hawaii, hanau o Kipoho k, na Nakawahale me Paiwa.
Feb. 24, ma ia wahi no, hanau o Kaopa k, na Kulaimohani me Paapu.
Feb. 24, ma Kamoku, Lanai, hanau o Kaupena w. na Lono me Manoa.
Feb. 28, ma Ulu, Waimea, Hawaii, hanau Luukia w, na Moehewa me Keliikuewa.
Mar. 1, ma ia wahi no, hanau o Keoni k, na Keoni me Kahelewahine.
Mar. 2, ma Muliwaiolena, Waianae, Oahu, hanau o Inoaole kane.
Mar. 4, ma Wailupe, Oahu, hanau o Huli k, na Huli me Kawelo.
Mar. 1, ma Waikiki-kai, Oahu, hanau o Makolea na Kuaaina me Kahinalo.
Feb. 15, ma Waikane, Oahu, hanau o Kuia w, na Kaiolohia me Luika.
Ian. 27, ma Papa, Kona Hema, Hawaii, hanau o Sekepano k, na Luika, he keiki kamehai.
Mar. 9, ma Waikiki-waena, Oahu, hanau o Keolauwaina k, na Noa me Keolewa,
Mar. 14, ma Waihee, Maui, hanau o Kahoole w, na. D. Kapoi me Kanoho.
Mar. 21, ma Waikiki-kai, Oahu, hanau o Kepakailiula k, na Kalunaauhau w, he keiki kamehai.
Ian 9, ma Panau, Puna, Hawaii, hanau o Kanoelehua w, na Kawaa w, he keiki kamehai.
Mar. 20, ma ia wahi no, hanau o Nohoikeanu w, na Kalehuloa me Kauhi.
Feb. 22, ma Kiholo, hanau o Wahanuku w, na Kahele me Puhi.
Ian. 10, ma Kamalino, Niihau, hanau o Kinoeka w, na Pouli me Kahoeka.
Ian. 3, naa Kaupo, Maui, hanau o Hohpakaiku k, na Opunui me Piopio.
Mar. 12, ma ia wahi no, hanau o Ulakahana w, na Hoehoe w, he keiki kamehai.
Feb. 8. ma Hilo, Hawaii, hanau o Kahalaomapuana w, na Kapu me Kahoohuli.
Mar. 4. ma Makela Kawaihae, Hawaii, hanau o Kalaniwahineuli w. na Kahili me Kololou.
Feb. 26, ma Hakipuu, Oahu, hanau o Gomera k, na Paikuli me Kanehoa.

MAKE.

Ian. 8. ma Kaohai, Lanai, make o Kauahikaua k.
Feb. 2, ma ia wahi no, make o Kapea k.
Feb. 23, ma Kamao, Lanai, make o Lewaula w.
Apr. 21, nia Maunalei, Lanai, make o Kaholowaa w.
Mei 1, ma Kaunolu, Lanai, make o Kaai w.
Mei 1, ma Maunalei, Lanai, make o Holohua w.
Mei 24, ma Palawai, Lanai, make o Hilihili w.
Iune 2, ma Kaunolu, Lanai, make o Tamara w.
Iune 16, ma Palawai, Lanai, make o Poaiau k.
Iune 18, ma Kaunolu, Lanai, make o Kahaalei k.
Iune 22, ma Palawai, Lanai, make o Opunui w.
Iune 27, ma ia wahi no, make o Nakai w.
Iulai 26, ma Kamoku, Lanai, make o Keliikipi k.
Aug. 9, ma Kaunolu, Lanai, make o Pamira k.
Sept. 27, ma ia wahi no, make o Kahoole.
Sept 11, ma ia wahi no make o Naiahelu w.
Okat. 9, ma ia wahi no, make o Nalei k.
Nov. 2, ma Kalulu, Lanai, make o Kaaukai k.
Feb. 3, ma Waialae, Oahu, make o Paaoao k.
Feb. 21, ma Keauhou, Hawaii, make o Uluhani.
Feb. 25, ma Maunalua, Oahu, make o Kaleo k.
Feb. 23, ma Lahaina, Maui, make o Kaalauka w.
Feb. 27, ma Keauhou, Hawaii, make o Kaila w.
Ian. 25, ma Waimea, Hawaii, make o Makakole k.
Feb. 26, ma Kaunolu, Lanai, make o Naki k.
Feb. 27, ma Pelekunu, Molokai, make o Makahalo k.
Mar. 7, ma Waianae, Oahu, make o Kini k.
Mar. 7,   ma Manoa, Oahu, make o Paniwai w.
Ian, 29, ma Kona Hema, Hawaii, make o Seka k.
Feb. 17, ma Makela, Kawaihae, Hawaii, make o Kalehuna w.
Mar. 21, ma ia wahi no, make o Maikaaloa k.
Mar. 1, ma Waikiki-kai, Oahu, make o Naai w.
Mar. 1. ma Kaluahole, Waikiki, Oahu, make o Kailele w.
Ma. 8, ma Helumoa, Waikiki-kai, Oahu, make o Puanaiwi k.
Feb. 22, ma Pokii, Kauai, make o Kaulaa w.
Feb. 23, ma Kekaha, Kauai, make o Keaiki w.

OLELO HOOLAHA.

                NO KA MEA, UA NOIIA MAI KA MEA nona ka inoa malalo, o W. H. UWELEALEA, e hooiaio i na Palapala Kauoha o William Humphreys o Waikapu Maui i make aku nei. Nolaila, ua hoikeia i na kanaka a pau, ke pili, o ka Poaono, oia ka la 27 o Mei, ma ka hola 10 A. M. oia ka la a me ka hora e hoolohe ia'i ka oiaio oia Palapala Kauoha, a me na mea hoole i ikeia, aia ma Lahaina kahi e hanaia'i.
A. M. KAHALEWAI. Lunakanawai Kaapuni o ka Apana Elua. Lahaina, Maui, Mar. 24, 1865 174-3t

            I KA POE MAHIAI.— Ua lohe wale mai makou i ka olelo a ka poe mahiai i ka nele ka i kanaka hana ole. Aole mea o ia ano i loaa ma Oahu nei. Ina e kukulu iho na mea aina, i mau hale maikai no na kanaka kua makahiki, alaila, aohe kumu e nele ai ; aole o ka ho'opukuikui i na ohana iloko o na hale haahaa i kahi e loaa ai i na pilikia me ka oluolu ole i ko lakou manao, aka, e hana iho i wahi hale maikai kupono no ka ohana hookahi, i wahi hoi na ka makuahine e manao iho ai aia oia i kona home, me kahi manao hookiekie iki iloko ona, oiai nae he ilihune ia, me ka aapo aku i kana mau keiki a me kana kane. O na kanaka Hawaii, ua like no lakou me na haole ma na mea pili i ka noho ana. Ua makemake no lakou i home, a e pipili no lakou, ina he uuku kahi uku a mahuahua paha, e mau aku no ko lakou noho ana malalo o ka poe nana i hoolako mai lakou. He hapalua o na pilikia e ili ole mai maluna o ka poe e olelo nei i ka nele i na kanaka hana ole, ke hoomaopopoia keia mau mea, no ka mea, o ka oluolu kupono ole o ka noho ana kekahi kmu nana e hoala mai ka manao e loli. O ka mea kupono o na kanaka mahiai e hoolako ai e pili alua aku ana i ka pahu ea ole, o ka hoolako i mau hale kupono no kona mau kanaka hana i hiki ai hoi i ka makuahine ke ao aku i kana hanau kama, a oia ka mea e pani ai i ka hakaka o ka poe e make nei. Ma ka aina o Kapena Ki (Capt Makee, he iwakalua a oi ae kona mau kanaka hana i hanau ma ia wahi, i loaa ko lakou mau home maikai. Aohe o lakou manao e haalele, a e noho ana no paha lakou malaila a pau na la o ko lakou ola ana, ina lakou i ike i na luna oluolu e like me na luna e noho mai nei i keia wa. Ke hai hou aku nei makou i na mea a makou i hai mua aku ai. Aole kakou e nele i ka poe hana ke malama pono kakou ia lakou. (Advetiser.)

MRS. SCHIMMELFENIG,

                Mea hana Koloka, ME NA LOLE WAHINE MAIKAI LOA, Ma ka Hale kahiko o W. Fischer, Alanui Hotele, kokoke i ka Hale Keaka.
            Ua lakou mau na Papale a me na Koloka no na Keiki a me na Wahine i ko'u Hale Kuai.
147-1m

HALE PAI KII.

                AIA KO'U HALE PAI KII MA KA HALE e pili ana me ka Hale Leta, maluna'e o ke Keena Pai o ka " Nupepa Kuokoa," Ua emi loa na kii. Elima a eono dala no ke kii pepa. A elua wale no dala no ke kii aniani.
H. L. CHASE (Keiki.) 174-6m Mea Pai Kii.

OLELO HOOLAHA.

                E KUAI KUDALAIA ANA NA LIO he 11 ma ka Pa Aupuni Ma Waiawa, Ewa, ke hiki aku i ka Poakolu, oia ka la 6 o Aperila, 1865, i ka hora 9 oia la, ke ano me ka hao malalo iho. Lio kane ulaula maikai, hao 53 akau, Lio kane ulaula maikai, hao O-I hema. Lio kane hulupala lae keokeo, hao N4 hema, Lio kane hulupala, aole hao, Lio wahine eleele maikai, hao PU akau, Lio wahine keokeo me ke keiki hao NU ee aku, XwU hema, Lio wahine ulaula lae kea, hao ()W akau, NC hema. Lio wahine eleele maikai, hao KUP akau, K hema, ame kekahi mau hao ma ka uha mua akau penei cC )—( Lio wahine ulaula lae keokeo kua-puka, hao ak. C hem. PI Lio wahine puakea maikai lae keokeo, hao ano e, Lio wahine ulaula maikai lae keokeo, hao N hema,
J. KAHAUOLONO, Luna Pa Aupuni. Waiawa, Ewa, Oahu, Mar. 28, 1865. 174-1t

MOKU KUAI !

                E KUAI IA ANA E KA MEA NONA ka inoa malalo nei, i ka moku KIAKAHI " Waikane," nona na tona i aneane aku i ka 5, he moku hou no keia a paa hoi, o na pea a me na rikini he mau mea hou. Iloko o na la he 30 mai keia la'ku, e kuai aku ai, i ka poe e makemake mai ana, a e ninau no hoi ia Kuea (Z. Y. Squires) ma Kaneohe, a i ole ia ia WM. Combs ma Waikane,
KUEA (Z. Y. SQUIRES. Maraki 30, 1865. 174-4t*

He Lio Helehewa.

                EIA MA KO'U LIMA, HE LIO (k) keokeo hulu-kikokiko, kua puka, kona hoailona kuni ma ka uha hope KM, a ma kona uha hema hope NP. E loaa no au ma Makiki, e hele mai me na dala elima ($5.00,) no ke poho no o kuu malama ana, a i hala na la he 15, e lilo keia Lio ia'u, me ke kuni i ko'u hao, ke hala ka manawa i hoolahaia'i. KUKAHIKO. Makiki, Malaki 20, 1865. 174-1t*

OLELO HOOLAHA.

                E IKE AUANEI NA MEA A PAU E noho ana ma kuu Ili-aina Kuleana Alolio, nona ka inoa KAHALAMAKAUEA, KAPAEA, ma Papaluana, Kipahulu, Maui. Ua kuai lilo loa'ku au ia KALAWAIA (k.) no Honolulu, Oahu, nona ua aina la a mau loa'ku, a me kona hooilina'ku. A no ka oiaio o keia kuai ana, nolaila, ke kau nei au i ko'u inoa. D. MAHIAI. Honolulu, Oahu, Mar. 23, 1864. 174-2t*

OLELO HOOLAHA.

                E IKE MAI E NA KANAKA A PAU mai ka hikina a ka la i Haehae, a kaulanana a ka la i Lehua. Owau o ko oukou makamaka i maa ma ke kuai ana, o A. WAIKA, ma na Waiwai a'u i hoolako ai no oukou e na Kama Hawaii a pau. Eia ma ko'u Halekuai ma Hooneikekaona i Hanalei nei, na lole o na ano a pau, no ke kumukuai emi loa. Aole e like me na Halekuai e ae, e naue mai maanei mamua, a mahope ma ka Halekuai e ae. Aole no o ke kuai wale no ka'u makemake, o ke kipa mai no a hooluana a kuu iho kane e naue aku, aole mea nana e keau aku. Aole au e like me kekahi poe Pake a Haole paha, ka inoino o ka lakou helehelena ke piha ko lakou Halekuai i ka poe makaikai wale me ke kuai ole, aole pela ko oukou makamaka nei. He hiki ia'u ke hoolawa i kou makemake e ka Makamaka a lawa loa ma na Lole o na ano a pau. E hele mai e hoao.
C. A. WAIKA (HAOLE.) Hanalei, Kauai, Mar. 14, 1865. 174-1t

OLELO HOOLAHA.

                NO KA MEA, UA NOIIA MAI AU, KEKAhi o na Lunakanawai Kaapuni, e D. H. HITCHCOCK i Lunahooponopono Waiwai o Mokumaile o Puna, e haawi aku i la no ka hoolohe ana i kona Palapala Moowaiwai hope loa, me ka hookau ana iaia. Nolaila, i ka Poakahi, oia no ka la 24 o Aperila 1865, i ka hora 9 o ke kakahiaka, oia ka manawa i olelo ia no ka mea i hoopiliia mai, me na mea a pau i hoole ke pili, ma kuu Keena ma Hilo kahi e hanaia'i.
G. J. KENWAY, Lunakanawai Kaapuni o Hilo. Hilo, Mar. 20, 1865. 174-1t

OLELO HOOLAHA.

                NO KA MEA, UA NOIIA MAI AU, KEKAhi o na Lunakanawai Kaapuni, e D. H. HITCHCOCK, Luna Hooponopono Waiwai o KAPALEHUA, o Paapaloa, Hilo, Hawaii, e haawi aku i la no ka hoolohe ana i ka moowaiwai hope loa ana, me ka hookuu ana ia ia mai kela hana aku. Nolaila, o ka la 24 o Aperila, 1865, hora 9 o kakahiaka, ka manawa i oleloia no ka hoolohe ana i kela mea, me na mea a pau, ke pili, ma kuu keena ma Hilo kahi e hana ai.
G. J. KENWAY,
Lunakanawai Kaapuni o Hilo. Hilo, Mar. 20, 1865. 174-1t

            MOKUILI.— I ke kakahiaka o ka la 29 ae nei ua ili kekahi moku okohola ma ke awa o Honolulu nei, o ka ikaika o ka makani ka mea i ili ai. Oi huki mai kahi Bele a aole mea a hiki mai ; aka, aole nae e poino, no ka mea, ua ili mai no i kahi maikai, aole no nae paha e nele ka maniheu.

Awa o Honolulu.
Na Moku Hawaii ku mai.

Mar. 4 — Kilauea, mai Hawaii, a me Maui mai.
4 — Anelaulie, mai Koloa mai.
6 — Hana, mai Nawiliwili mai, me 305 pahu ko, 30 pahu malakeke. 2 bipi, 1 lio, 5 pahu paakai. 2 ohua.
6 — Helena, mai Maliko mai, me 30 pahu malakeke.
6 — Mary, mai Anahola mai, me 16 paila wahie, 16 pahu bipi, 8 pahu aila bipi, 5 pahu waiupaka.
6 —Moikeiki, mai Kahului mai, me 79 pahu malakeke, 30 pahu ko, 10 eke kulina, me 2 ohua.
15 — Moikane, mai Kahului mai, me 75 pahu ko, 70 pahu malakeke, me 2 ohua.
15 — Kalama, mai Kohala mai, me 50 pahu ko, me 20 pahu malakeke.
16 — Manuwa Lukini, mai Valepalaiso mai.
16 — Nile, mai ka pepehi kohola mai.
16 — Prince, mai Hanalei mai, me 236 pahu ko, 200 pahu malakeke.
16 — Anelaulie, mai Koloa mai me 12 paila wahie, 7 bipi, 4 puaa, me 2 ohua.
18 — Kilauea, mai Hawaii a me Maui mai.
18 — Active, mai Lahaina mai, me 20 pahu ko.
18 — Moikeiki, mai Kahului mai
18 — Emalaina, mai Kau mai.
21—Moiwahine, mai Koloa mai.

Na Moku i Holo aku.

Mar. 6 — Active, i Lahaina, Maaalaea, Maui.
9 — Moikeiki i Kahului, Maui,
9 — Kalama, i Kohala, Hawaii.
8 — Moiwahine, i Koloa, Kauai,
9 — Hana, i Nawiliwili, Kauai,
9 — Nekemele, i ka aina lepo manu,
13 — Kilauea, i na awa o Maui a me Hawaii,
13 — Mary, i Hana, Maui.
13 — Helene, i Molokai a me Maliko, Maui,
17 — Anelaulie, i Koloa, Kauai,
20 — Active i Lahaina, Maui,

OLELO HOOLAHA.

                NO KA MEA, UA NOIIA MAI KA MEA nona ka inoa malalo e I. KEOHOKAUA, e hooponopono i ka Waiwai o Kealoha (k.) o Honopu, Hamakua Maui i make aku nei. Nolaila, ke hoikeia'ku nei i na kanaka a pau, a ke pili hoi, o ka Poalua, oia ka la 23 o Mei, ma ka hora 10 A. M. oia ka la a me ka hora e hoolohe ai i keia nonoi ana mai, a me na mea kue i hoikeia, aia ma Lahaina kahi e hana'i.
A. M. KAHALEWAI, Lunakanawai Kaapuni o ka Apana Elua. Lahaina, Maui, Mar. 23, 1865. 174-3t

OLELO HOOLAHA.

                NO KA MEA, UA NOIIA MAI E KA MEA nona ka inoa malalo nei e Gov. P. NAHAOLELUA e hooiaio i na Palapala Kauoha a Kalahohina o Lahaina i make aku nei. Nolaila, ke hoike nei i na mea a pau i pili, o ka Poalua, oia ka la 23 o Mei, i ka hora 10 o kakahiaka, oia ka la a me ka hora e hoolohe ai ia nei aua mai, a me ua mau kue i hoikeia, aia ma Lahaina kahi e hana'i.
A. M. KAHALEWAI. Lunakanawai Kaapuni o ka Apana Elua. Lahaina, Maui, Mar. 21, 1865. 174-3t

OLELO HOOLAHA.

                No KA MEA, UA NOIIA MAI KA MEA nona ka inoa malalo nei e MANU, e hoonoho ia ia i Lunahooponopono Waiwai no Kaanaiua o Waikapu Maui i make aku nei. Nolaila, ke hoikeia'ku nei i na mea a pau i pili,   o ka Poakolu, oia ka la 10 o Mei, i ka hora 10 o kakahiaka, oia ka la a me ka hora e hoolohe ai ia noi ana mai, a me na mea kue i hoikeia, aia ma Lahaina kahi e hanaia'i.
A M. KAHALEWAI. Lunakanawai Kaapuni o ka Apana Elua. Lahaina, Maui, Mar. 24, 1865. 174-2t

OLELO HOOLAHA.

 

                NO KA MEA. UA NOIIA MAI KA MEA nona ka inoa malalo nei e J. C. FARWELL no ke kohoia ana i Lunahooponopono Waiwai no Pakaku o Waiehu Maui i make aku nei. Nolaila ke hoikeia'ku nei i na mea a pau i pili, o ka Poakolu, oia ka la 10 o Mei, i ka hora 10 o ke kakahiaka, oia ka la a me ka hora e hoolohe ai i keia noi ana, aia ma Lahaina kahi e hanaia'i.
A. M. KAHALEWAI Lunakanawai Kaapuni o ka Apana Elua. Lahaina, Maui, Mar. 24, 1865. 174-3t

OLELO HOOLAHA.

                NO KA MEA, UA NOIIA MAI KA MEA nona ka inoa malalo nei e J. C. FARWELL, no ke koho ia ana i Lunahooponopono Waiwai no Meeau o Waihee Maui i make aku nei. Nolaila, ke hoikeia'ku nei i na mea a pau, ke pili, o ka Poakolu, oia ka la 10 o Mei, i ka hora 10 o ke kakahiaka, oia ka la a me ka hora e hoolohe ai i keia noi ana, aia ma Lahaina kahi e hanaia'i. A. M. KAHALEWAI.
Lunakanawai Kaapuni o ka Apana Elua. Lahaina, Maui, Mar. 24, 1865. 174-3t

OLELO HOOLAHA.

                NO KA MEA, UA NOIIA MAI KA MEA nona ka inoa malalo nei e OPUNUI, no ke koho ana iaia i Lunahooponopono Waiwai no ka Waiwai o Ehu no Makawao Maui i make aku nei, a e hooiaio ia hoi kona pili ana. Nolaila, ke hoikeia nei i na mea a pau, ke pili, o ka Poakahi, oia ka la 26 o Iune, i ka hora 10 o ke kakahiaka, oia ka la a me ka hora i oleloia e hoolohe ai ia noi ana mai a me na mea kue i hoikeia, aia ma Lahaina kahi e hanaia'i.
A. M. KAHALEWAI,
Lunakanawai Kaapuui o ka Apana Elua,
Lahaina, Maui, Mar. 24, 1865. 174-3t

OLELO HOOLAHA,

                NO KA MEA, UA NOIIA MAI KA MEA nona ka inoa malalo nei e KAMAKA, no ka hookohuia ia i Lunahooponopono Waiwai e Kahiamoe no Kona Akau Hawaii. Nolaila, ua hoikeia, i na kanaka a pau loa, ke pili, o ka Poaono, oia ka la 22 o Aperila, i ka hora 9 o ke kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i keia, aia ma ke Keena Hookolokolo ma Onouli-Nui, Kona Hema Hawaii.
C. F. HART,
Lunakanawai Kaapuni o Kona Akau, Onouli-Nui, S. Kona, Mar. 30, 1865. 174-2t

OLELO HOOLAHA.

                NO KA MEA, UA NOIIA MAI KA MEA nona ka inoa malalo nei e KALAHOOLEWA, no ka hookohu ia ia i Lunahooponopono Waiwai o Paai no Kona Akau. Hawaii. Nolaila, ua hoikeia i na kanaka a pau loa, ke pili, o ka Poaono, oia ka la 22 o Aperila, i ka hora 9 o ke kakahiaka oia ka la a me ka hora i oleloia, no ka hoolohe i ka oiaio o kela noi ana mai, a me na mea hoole i hoikeia, aia ma ke Keena Hookolokolo ma Onouli-Nui, Kona Hema, Hawaii.
C. F. HART,
Lunakanawai Kaapuni o Kona Akau. Onouli-Nui, Kona Hema, Mar. 30, 1865 174-2t*

OLELO HOOLAHA.
Ma ka Waiwai o }
KAAWANUA (k.) }

                NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha Kiekie e KAHAI (k.) no ka hooiaio i na Palapala Kauoha o Kaawahua (k.) no Honolulu, Oahu, i make aku nei. Nolaila, ua hoikeia i na kanaka a pau loa, ke pili, o ka Poalua, oia ka la 11 o Aperila, i ka hora 10 o ke kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me na mea hoole i hoikeia, aia ma ka Hale Hookolokolo ma Honolulu, Oahu. WM. HUMPHREYS.
Hope Kakauolelo o ka Aha Kiekie. Honolulu, Mar. 23, 1865. 174-2t

OLELO HOOLAHA.
Ma ka Waiwai o } HIKOULA (k.) me }
KUALUA (w.) }

                NO KA MEA, UA NOIIA MAI KA MEA Hanohano G. M. Robertson, Lunakanawai o ka
Aha Kiekie e KAHALEKAPU (k.) no ka hooiaio i na Palapala Kauoha o Hikoula (k.) me Kualua (w,) no Honolulu, Oahu i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 22 o Aperila, i ka hora 10 o kakahiaka, oia ka la a me ka hora i oleloia no ka hoolohe i ka oiaio a keia Palapala Kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
WM. HUMPHREYS,
Hope Kakauolelo o ka Aha Kiekie. Honolulu, Mar. 23, 1865. 174-2t

OLELO HOOLAHA !
Ma ka Waiwai }
O KALIMAHUAMOA. }

                NO KA MEA, UA NOIIA MAI KA MEA Hanohano G M. Robertson, Lunakanawai o ka Aha Kiekie e Keoahi, no ka hookohu ia ia i Luna Hooponopono Waiwai o KALIMAHUAMA no Waialua i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 1 o Aperila, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY,
Kakauolelo o ka Aha Kiekie. Honolulu, Mar. 18, 1865, 173-2t

Aina Kuai ! Aina Kuai !!

                E KUAI IA ANA NA ILI AINA MA Keopuka a me Mikiola, ma Kaneohe, Koolaupoko, Oahu, o ka poe makemake, e ninau ia
W. P. KAMAKAU. Honolulu. Maraki 1, 1865. 170-4t*

KUOKOA HUMUHUMUIA.
EKOLU BUKE — BUKE 1, 2, A
ME 3.

                Umi Kala ke kumukuai no na buke ekolu. No ka akahi buke $3.50. E ninau ma ka Hale buke o 171-4m H. M. WINI.

HE MOKU
— NO —
MOLOKAI, ame MALIKO !

                E HOLO MAU ANA KA MOKU KUNA 'HELENA' ma keia mau wahi i hoikeia ma ke poo. He moku maikai no hoi keia no na ohua. O na ukana e hooili ia ana maluna, a o ka uku o ke eepakeke ana, e ninau i ke Kapena, a i ole ia ia, ia S. Savige. 171-4t* Ka Hope.

OLELO HOOLAHA.

                UA HOOPII MAI O Materita Keoki (W.) kue i kana Kane mare ia WAIAU, no Honolulu mamua, e hooike i ko laua mare ana no ka haalele wale ana no na makahiki ekolu o Waiau i kana wahine mare : E hanaia keia hoopii imua o ka Mea Hanohano G. R. DAVIS, kekahi Lunakanawai o ka Aha Kiekie ma ka la 10 o Iune, i ka hora 10 o kakahiaka, aia ma ka Hale Hookolokolo ma Honolulu Oahu.
L.McCULLY, Kakauolelo o ka Aha Kiekie. Honolulu, Mar. 3, 1865. 171-4t

OLELO HOOLAHA.

                NO KA MEA, UA NOIIA MAI AU E KEAKA (w) e hooiaio i ka Palapala Kauoha a KUHAULUA (k) o Honuaula H. I., i make aku nei : Nolaila, ke hoikeia'ku nei na mea a pau, ke pili, o ka Poaono, oia ka la 1 o Aperila, M. H. 1865, ma ka hora 11 o ke kakahiaka, oia ka la a me ka hora e hoolohe ia noi ana mai, a me na mea kue e hoikeia mai ana.
A. M. KAHALEWAI, Lunakanawai Kaapuni o ka Apana Elua. Lahaina, Mar. 10, 1865. 172-3t

OLELO HOOLAHA

                NO KA MEA, UA KOHOIA MAI KA MEA nona ka inoa malalo i Luna Hooponopono no ka waiwai, a i Luna kakau hoi no ka Palapala Hooilina o Michael Nowlien o Keupukaloa, ka mea i make aku nei : Nolaila, ua hoikeia i na kanaka a pau, ina ua aie lakou i ka mea i make, e pone e hookaa mai lakou i ko lakou mau aie mamua o ka la 15 o Iulai e hiki mai ana. O na kanaka hoi a ka mea i make i aie aku ai, ke kauohaia aku nei lakou e hele mai imua o'u e hoike mai i ko lakou mau bila.
P. H. TREADWAY. Lahaina, Mar. 9, 1865. 172-4t

OLELO HOOLAHA,

                NO KA POE JURE KANAKA MAOLI NO ke Kau Hookolokolo o ka Aha Hookolokolo Kiekie, e halawai ana na ka Hale Hookolokolo ma Honolulu, ma ka Poakahi, la 3 o Aperila, M. H. 1865. Lopailani, Kapilikea, Kaiama, Kaunamano, Hama Naone, J. M. Kapena, Napoleona Nihi,   Kahanu, Wm. Buckle, E. H. Boyd, Kawiliau, Jesse Aimoo, Hailama, J. Kaaiai, Kapahukepau, Wm. Sumner, Daniel Kahananui, Kanamu, Nohea, Kaaihelemoku, Kalaau, S. Kanakaole, Kalauli, S. Kumuhonua.
L. McCULLY, Kakauolelo o ka Aha Kiekie. Honolulu, Maraki 13,1865. 172-3t

Olelo Hoolaha !
- IA -
ANNIE NANEA a me KALAWAKUA.

                NO KA MEA, O ANNIE NANEA A ME Kalawakua i oleloia maluna, kuu mau moopuna, ua haalele mai laua ia'u, a ua hele i kahi e me ka malama ole mai. Nolaila, ke kahea aku nei au ia laua e hele mai e kamailio pu me a'u no na mea a laua i ae ai i ka M. H. 1862, e malama mai ia'u. A oia hoi ka'u i hana ai a i haawi ai i ko'u pomaikai o ko'u waiwai lewa a me ka waiwai paa ia laua. Aka, aole laua i malama iki mai a hiki i keia. Nolaila, e hele mai laua imua o'u ma Honolulu nei, mamua ae o ka la mua o Aperila e hiki mai ana, a ina aole laua e hele mai ia wa, alaila, e hoopii ana wau ia laua imua o ka Aha Hookolokolo no ka apiki a me ka wehe ana i ka Olelo Aelike.
KEKAHILI. Honolulu, Mar. 11, 1865. 172-3t*

Kapu ke Kula ! Kapu ke Kula !!

                MA MOANALUA. AOLE E HELE KA Haole me ka pu ki-manu ma ke kula, a pela hoi ke kanaka Hawaii, ke papa aku nei au i na malihini, ame na kamaaina, a me na kanaka, ponoi e hele mau ana i ka hana no na holoholona, a me ka poe i lawe mai i na holoholona e hoolimalima ; aole e hele pu me ka ilio ma ke kula, aole e kii malu i na Lio me ka lohe ole, aole hoi e pii wahie, Laau hale, Laau pa, Laau hoolimalima uku me hai, a i La-i kauwewe imu paha ma ke kuahiwi. E hele mai e noi i ka mea nona ka inoa malalo nei mamua ae o ka hele ana, a i ole ia, i ko'u Hope ia J. Heihei. Ina e kue kekahi i kela, e hana no au e like me ke Kanawai o ka aina, ke komo hewa i kahi i hoomalu ia.
WM. HUGHES, Luna Malama o (J. I. Dowsett) Huluomanu, Mar. 11, 1865. 172-3t*

$5.00 KA UKU !

                UA NALOWALE MAI KAHI AKU O KA mea nona ka inoa malalo nei, ma ka po o ka la 6 o keia malama. He moa wahine keokeo Iapana, he hulu oloi keokeo ma ke poo, elima manamana o ka wawae hookahi, a he hulu.hulu no hoi ka wawae. He moa ano e loa no kela, aole i laha aku me na moa e aku, aole no hoi he moa e ae e like ai ma keia aina, aia wale no ia'u he moa kane. Nolaila, aole waiwai o keia moa ia hai, ia'u wale no e pono ai, no ka mea, ua loaa ia'u ka moa kane. E haawiia no ka uku i haiia maluna i ka mea, a mau mea paha nana e hoihoi mai ka moa.
Ia E. EVERETT, Ma ka Halekuai o Mokimana. Honolulu, Mar. 10, 1865. 172-3t*

OLELO HOOLAHA.

                NO KA MEA. UA HOOKOHUIA MAI KA mea nona ka inoa malalo e ka Mea hanohano G. M. Robertson kekahi o na Lunakanawai o ka Aha Kiekie i Lunahooponopono no ka Waiwai o KUA (k.) o Kualoa, Koolaupoko, Oahu, i make aku nei : Nolaila, ke kauohaia nei i na mea a pau ana i Aie aku ai, a me ka poe i Aie mai iaia, e hoike koke mai maloko o na la 30 mai keia la'ku. E loaa no wau ma Kaumakapili, ma ka aoao hema ae o ka Pa o Rev. L. Kamika. M. KEANU,
Lunahooponopono Waiwai o Kua. Kaumakapili, Honolulu, Oahu, Mar. 22, 1865. 173-3t*

OLELO HOOLAHA.

                NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha Kiekie e Mahulua, no ka hookohu ia ia i Luna Hooponopono Waiwai o KAMEHAIKU (w.) no Waikiki i make aku nei : Nolaila, ua hoikeia i na kanaka a pau loa, ke pili, o ka Poaha, oia ka la 13 o Aperila, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY,
Kakauolelo o ka Aha Kiekie. Honolulu, Mar. 22, 1865. 173-2t

 

OLELO HOOLAHA.
Ma ka Waiwai } o ANA (w.) }

 

                NO KA MEA, UA NOIIA MAI KA MEA Hanohano R. G. Davis, Lunakanawai o ka Aha Kiekie e S. Kanakaole (k.) no ka hooiaio i na Palapala Kauoha o ANA (w.) no Honolulu, Oahu, i make aku nei : Nolaila, ua hoikeia i na kanaka a pau loa, ke pili, o ka Poakahi, oia ka la 10 o Aperila, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
WM. HUMPHREYS, Hope Kakauolelo o ka Aha Kiekie. Honolulu, Mar. 16, 1865. 173-2t

 

OLELO HOOLAHA.
Ma ka Waiwai } o I. (w.) }

                NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha Kiekie e Kaane (w.) no ka hooiaio i na Palapala kauoha o I. (w) no Hauula, Oahu i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 15 o Aperila, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
WM. HUMPHREYS,
Hope Kakauolelo o ka Aha Kiekie.
Honolulu, Mar. 18, 1865. 173-2t