Ka Nupepa Kuokoa, Volume IV, Number 13, 30 March 1865 — Ka Hoomana Kahiko. [ARTICLE]

Ka Hoomana Kahiko.

y HELUI2. * No na Aumakua. Ke kahea ana a na Kahuna o Kalaipahoa i na Aumakua.—O Kumuhonua, Ololohonua, Ololohoaniani, Okekumuokahonua, Okamoleokahonna, Okoaaokahonua, Okauhaiokahonua,Okaneiakumuhonua, Okauli, Okaehu, Okumuli, Opuanui, Opuanea, Omeameaoahu, Opaliuli, Opalimea, Ouleohiki, Opuea. Ohea, Okaneiakama, Okaalupewa, Okumalauwa, Olonopookalo, Okauhiakanamu, o Kekuhe, o Kum>ikaele, o Kamakai, o Kanealai, o Kuala, o kuu wahi makuakane o Haupu, huli kua o ka po, pale ka po, puka i ke ao, owatf.no hoi nei o Samuela^ Na Aumakua o ka poe Anaana : —Penei ke kahea ana, o Uli, o Kea, o Mumu, o Wawa, o Nei, o Nakolo, o Kaleiakuupokii o Piikea, o Eleeleimanoni, o Kekela, ka mea nana i āo kuu wahi makuakane o Haupu, huli kua o ka po pale ka po puka i ke'ao owau no hoi nei o Ekaula. Na Aumakua o ka poe kanu ai:—Penei ke kahea nna, e ke ao nui eleele i ka maka o ka opua la olalo iho, malu, malu kiai, kiai oe i ko kaua waena nei la. maluoei kokaaa waena nei la, malu oe mai keia kihi a kela kihi, mai kela iwi a keiā iwi, mai malu oe i ko hai waena; o koekoe ka mea nona la waena; Penei hoi-ke kahea ans ia Kanepuaa: —E Kanepuaa-e, eku; eku iuka, eku ikai, eku oe mai keia kihi a kela kihi, mai keia iwi a keia iwi, i hua i ka pue, i hua i ke kano, i hua i keau kolo. i hua i ka lala, mai eku oe i ko hni waena, o houia oe i ka o-*£N puka, nou ia oe i ka pohaku, pa, eha oe ia lakou. Penei ke kahea ana ia Kukealowala i ka aumakua hoouluai, e Kukeaolownlu, he olowalu ife knlo, he pumaia ka ha o ke

kalo a kaua la, e Kukealowalu, he laumaia ka lau-o ke kalo a kaua la e Kukealowalu, huhuki ka ai a kaua la e Kukealowalu, e kui e hahao ka ai a kaua la e Kukealowalu, hoa ka umu o ka puaa a kaua la e Kukealowalu, a pela aku. Na Aumakua laau lapaau a kahuna :— Penei ke kahea an\, ia Kama i ka po, ia Kuauau i ka po, ia Kaleimoku i ka po, ia Poke ī ka po, pale ka po puka i ke ao», nei h o Samuela, homai ka po, liomai ka mana. Na Aumakua Kahuna Heiau :—Penei ke kahea ana, ia Hewahewa i ka po, ia Kepookulou i ka po, ia Kuou i ka po, ia Kuhelakumakuma i ka po, ia Maliu i ka po, pale ka po puka 1 lee ao, aliaii kapu, alianoa, iu ilo no honua, lele wale hoi. Na Aumakua o ka poe lawaiaPenei ke hahea ana, e Hinaiuka, e Hinaikai, e Hina ke ka, e Hina ika aluaJu moana, e Hina pukuia, pukua mai ka ia, hoopae ia mai i kahakai, i lala kuikui, i opala, i olii na kane, na wahine, a me na keiki, i ai ka ilio, Up. puaa, pela no ke kahea ana ia Kuula, e Ku; kuu akua i ka moana nei la, eia mai ka makau me ka maunu, he hee, he maunu paiupalu, ai no a paa, hoopaa ia i ka auwae oka ia, e Ku; kuu akua i ka inoana nei la.

Na Aumakua o na Alii; —Penei e kahea ai, ia Haloa i ka po, ia Waia ika po, ia Hi* nanalo i ka po, ia Nanakehili i ka po, ia Wailoa i ka po, i'a Kio i ka po, ia Ole i ka po, ia Pupue i ka po, ia Manaku i ka po, ia Kahiko i ka po, ia Nuanuu i Jca po, ia Mawe i ka po, ia Nanamoa i ka po, ia Nanakuae i ka po, ia Nanakaoko i ka po, ia Heleipawa i ka po, ia Hulumanailam i ka po, ia Aikanaka i ka po, i Hema i ka po. ia Kahai i ka po, ia Wailoa i ka po, ia Laka i ka po, ia Luanui i ke po, ia Kamea i ka po, ia Hua i ka po, ia Pao i ka po, ia Hoaho i ka po, ia Palena i ka po, ia Hana i ka po, ia Lonokawai i ka po, i:i Haāu i ka po, ia Pili i ka po, ia Koa i ka po, ia Loe i ka po, ia Kukehau i ka po, ia Kaniuhi i ka po, ia Kanipahu i ka po, ia Kalapana ika po. Kahaimoeleaikaaikupou i ka po, ia Kalaunuiohua i ka po, ia Kuaiwa i ka po, ia Kahaukapu i ka po, ia Kauhola i ka po, ia Kiha i ka po, īa Kaunuamoa i ka po, ia Makaoku i ka po, ia Kepakailiula i ka po, ia Liloa i ka po, ia Uini i ka po; ia Keliiokaloa i ka po, ia Kuaikulani i ka po, ia Mukakaualii i ka po, ia Iwikauikaua i ka po, ia Kanalopulehu i ka po, ia Keau i ka po, ia Kalaninuieeaumoku i ka po, ia Kalaninuikupuapaikalaninui i ka po, ia Kamehameha 1 i ka po, ia Liholiho i ka po, ia Kalanikauikeouli i ka po, Ja Alexanedero Liholiho i ka po; pale ka po puka i ke ao ia Lota, Kamehameha V i ke ao, pela no ke kahea ana i na aumakua ? Jii. Sami;ela Ekaula.