Ka Nupepa Kuokoa, Volume IV, Number 15, 13 April 1865 — He kanikau aloha no J. Paulo, [ARTICLE]

He kanikau aloha no J. Paulo,

He kanikau aloha keia ia oe e J. Paulo, Kuu keiki mai ka naheleHoloa la e Kaohe, 1 walea aku la paha olua i na pihe uwalua o Mailehahei, He pihe aloha ia no Poiuiu, Kuu keiki mai na pali huli lua la e Kanikehoe, A'u keiki mai ka pahoehoe enaena i ka la o Mokapu, Kapu ka leo i ka pane ana mai ia Papa, Kuu keiki mai ka i-a weli mai i ka po a me ke ao, Walea aku la paha olua ia Kapahukoa, I ka malu lau niu la e Kawele—e, auwe oe, Auau aku ka uhane i ka wai o Puupuukaa, A'u keiki mai ka wai aumeume pu no me ke kai, Hele aku la paha olua i ke kui lehua i Pinaonao, E īmi aku ana i ko iaua makuahine ia Powailehuaikaenamakani, He makani no Ewa ke pa nei—e, oia ha, Ke kuehu mai la ī ke kula o Kalae, Hai wawa iho la ka nahele o Kamaomao, W"a iho la ke kula o Kaiolohia i ka la, He la no ke Koolau a hiki mai, E aho auanei a'u makani he Kaelekei, He elele na ka mikioi i kau leo mai iluna o Aahoaka, He aka no ka moe ka'u e u nei, Me he mea la hoi o oe o Kanaumoe, O ua kanaka mali leo nei o Halalii, He 'lii ke aloha e noho nei—e, auwe kuu keiki hoi. Barenaba Kenui. Haliimaile, Honolulu. Aperila 3,1865.