Ka Nupepa Kuokoa, Volume IV, Number 15, 13 April 1865 — Kula Sabati ma Kohala Akau. [ARTICLE]

Kula Sabati ma Kohala Akau.

E ka Nupepa Kuokoa e ; Aloha oe : Ke hookau aku nei au i keia wahi Episetole ma kahi aole i kanuia e na mea kanu e ae, oia hoi kahi kaawale o kou mahinaai, a nau no ia e hooma-u iho i ka wai a ke aloha lua ole. Ua hoopihaia mai ko'u naau e ka hauoli me ka makemake, no na mea i hanaia iloko oia la Sabati. Oia hoi ma ka la 22 o keia malama. Oiai hoi, e kani mai ana ka leo o ka bele o ka luakini o lole, me he mea la e kaloknlo mai ana i na mea a pau, e hele aku e lohe i ka olelo o ke ola mau loa. Ia Rev. E. Bona ka hai olelo ma ka pule kakahiaka, ua huaipau mai kela i na hua o ke ola mau, ina ka noho ana ma kelaaomau loa. Ma ka pau ana o ka pule kakakiaka, mahope iho o ia manawa, ua akoakoa hou mai na kumu a me na haumana, ma kahi i hookaawale ia no lakou, alaila, ua kohoia aku o losepa Kahookguio, ia ia ka pule a me ka ninau ana ma na mea a na haumana i hoopaanaauai. Eia na ninau. imua o lakou. 1. O lesu Kristo wale no anei ka mea uwao ? 2. C) ko kakou mea uwao anei ia ? 3. Ke uwao la nnei o lesu no kakou ? 4. He makemake anei ko lesu e hele na kamalii i ona la ? Oia na ninau i haawiia i kela kula keia kula. O ka nui o na kula i akoakoa mai ma ia la Sabati, he 9 kula. Owau no me ka mahalo, S. K. Kahanaoala. Makapala, Kohalu, Ilawaii, Mar. 24, 1865.