Ka Nupepa Kuokoa, Volume IV, Number 15, 13 April 1865 — Anaana. [ARTICLE]

Anaana.

Iloko o ka pule i hala ae nei, tk hookolokoloia kekahi kanaka ienua o ka Ahahookolokolo Kiekie o keia Aupuni no ka lapaau mai ma ke ano hoomanamana. O Kalaau ka inoa o ua kanaka la. Ua ahewaia oia e ka poe Jiure, a o kona hoopa,i ia koe. Aohe o keia ka mua o na hana o ia ano ma keia aina. He oiaio no ua lanakila ka anaana, me ka hoomanamana, me Ka hooulu akua, me na mea lapuwale a pau e pili ana la mau hana, i ke au pouli o ko kakou lahui. Aka, i ka wa i puka mai ai kakou iloko o ka malamalama ua emi ua mau hana naaupo la. Ua hooikaika nui ke Aupuni me kona tnau lala a pau, me na makamaka a pau o ka lahui, e kinai i kela mau ino nui; no ka mea, ua ike lakou he mau hana hoopoino ia i ka lahui kanaka holookoa. Nolaila, ua emi ia mau hana. Ua makau ka poe Anaana ke hana ma ia mea, a haalele i ka hana ana, a i ole ia, ua hana malu paha. Aka, iloko o keia mau makahiki i kaa hope koke ae nei, ua ulu hou mai ua mau hana la. Aole hiki i kekahi mea ke hoole i ka lanakila ana o ia mau hana. Ua hanaia ma ke akea. Ua hele huakai pinepine ia poe hooinanakii a puni Oahu me ka lakou mau hana ino. Weliweli e ka hikiwawe o ko kakou hoi hope ana iloko o ka lua pegana i keia mau makahiki iho nei) O ke kumu o ia hoihopeana, ua akaka no. A o ka poino o na lehulehu t make mamuli o ia mau hana, me ka hewa nui i ili mai maiuna o ka iahui, aia no ia maiuna o ke poo o ka mea, a mau mea paha, nana i hoala hou i na hana o na kau o ka pouli pegana. Ua hana hewa lakou i ka p.oe make; ua hana hewa lakou i ka poe e ola nei, a ua hana hewa no hoi lakou i na hanauna e hiki mai ana. Ua kolohe lakou i ke ola o ka lahui holookoa, a ua hoonaukiuki aku no hoi i ka Makua o na lahui a pau. Pono ke mihi. Mai ka wa a makou i hoomaka mua ai e noonoo i na mea e pili ana i ka Lahuikanaka, ua ike makou i keia ino nui iwaena o kakou. A mai ia wa mai ua hakaka hooki ole makou me na manao o ka poe anaana. Ua paio mau makou me ia mau manao; no ka mea, he kaulahao ikaika Joa ia e hoopaa nei i na kanaka iloko o ka hale paahao o ka pouli, a e kauo nei i na kanaka he nui iloko o ka po. He nui na kanaka i make i ka poe anaana, aoie nae no ka mana io o ua poe anaana la, aka no ka hoomaka'uka'u ia. He mea mau i na kanaka a pau, i na e pio ka manaolana no ke ola, o ka make no ia. Oia ka make a ka poe anaana. Aole a lakou mana e ae, o ka mana hoomaka'u wale no. Makau ka mea i oleloia ua anaana ia, hooiaio ia i kona make a weliweli loa, pio ka manaolana, a o ka make ka hope.

Aka, o ka mana io o ua poe anaana la ma ka'iawe ola, he olelQa, he lapuwale, he wahahee wale iho no. Koe nae ka mana i lawa like i na kanaka a pau, oia ke kolohe ana me ka lima ikaika, a pepehi maoli. Oka hoola me ka lawe ana 1 ke ola ma ke ano akua, aia wale no ike Akua ia mana. Nolaila he wahahee ka ka poe anaana e olelo nei he mana ko lakou ika lawe ola. Eia ko ke kanaka mana: oka pepehk maoli; hahau i ka laau, ki i ka pu, o i ka pahi, kaawe i ka puu, hanai i ka laau make, me na mea ano like me ia. Aka oka mana Akua | 0 kekahi kanaka e makeai kekahi, o kalapuwale ia o na lapuwale a pau ; ka wahahee pookela ia o na wahahee a pau. Pono i ke Aupuni ke hoopai oolea i na hana oia ano. Pono ina kumu aoe alakai 1 na haumana i pakele lakou i keia lua naaupo. Pono ina makua eaoi na keiki opio he wahahee ka hana a na kahuna anaana me na hana ano like. Pono ike kanaka ke makau i ka Mea laia ka mana e make ai a e ola ai, aole i ke kanaka wahahee, ka mea mana ole.