Ka Nupepa Kuokoa, Volume IV, Number 16, 20 April 1865 — Hoike kula Beritania ma Hilo nei. [ARTICLE]

Hoike kula Beritania ma Hilo nei.

E ka Nupepa Kuokoa e; Alohaoe : Ua hoike keia kula Beritania i ka la 17 o Maraki nei, maloko o ka Luakini o Haili, ua akoakoa mai na haumana o ia kula me na aahu kupono e like me ka mea mau i ka poe naauao, o na makua kekahi i akoakoa mai, a me na makua Hai Ola; ua piha no ka hale, o na Iwa o Halai kekahi i naue mai e ike i na mala pua o Haili. 1 ka hoomaka ana, ua maikai no ka hana ana mai ka nunui aka poe liilii, uā holo mua kekahi poe ma kekahi mau palapala i aoia e ka lakou kumu, a ua hoihope kekahi poe, aka hoi, ua maikai no ka hapa nui e like me ka mea i aoia e ka lakou kumu, oia ,hoi o H. R. Hitchcock, no ka mea, ma ka mea e pane ia aku ai e ke kumu, ua pane koke mai no ka haumana, a nolaila, ua manao au e loaa ka naauao i ka poe opiopio o keia lahui ke hoomanawanui i ka imi ana i ka naauao, aka hoi, ina aoie lakou e makau aku i ke Akua i ka mole oka naauao, aole no e loaa ka naauao, ina e makau i ke Akua e loaa no ka naauao maikai loa. Ua maikai no ka hana ana ma na palapala hoonaauao a pau, ua mahaloia no ma ia mea, a o ka Himeni no hoi kekahi meā maikai, ua like me ka mnnu e haka ana i ka pua lehua o Mokaulele ka ua mea he maikai launa ole o ka leo o na kaikamahine, nani iuiu o na pali, ua mahalo no na mea a . pau o loko o ka hale, a pau ka hoike ana o ia kula ma na mea helu. Ku pakahi iike mai na makua Hai Ola, oia hoi o T. Coan, a me D. B. Lyman, a me C. H. Wetmore, he manao paipai i na keiki o ia kula, a me ka lehulehu oloko o ka hale me ke ano pili Akua, a pau ka lakou paipai ana. Ku mai no o H. R. Hitchcock, a paipai i na kaikamahine maloko o kana Halekula (School House,} mahuahua no kona paipai ana, pau ia, ku hou ka poe pakoli a pau ia, lilo ia C. K. Wetmore ka pu : le, hookuu ia ka aha me ka pomaikai ke Akua mai. Oka pau no ia. Me ka mahalo i ka Luna Hooponopono ka mea nana e hoopuka mai. Na S. N. T., Waianuenue, Hilo, Maraki 18, 1865.