Ka Nupepa Kuokoa, Volume IV, Number 16, 20 April 1865 — Popoki imi i kona Kahu. [ARTICLE]

Popoki imi i kona Kahu.

E ka Nupepa Kuokoa e; Alohaoe :—Ke hoouna'ku nei au i keia puolo' nau e lawe hele ma kela wahi keia wahi i mea i haiia'e la maluna. Ma ka malama o Dek. 1864, kipaku ia mai na kanaka o Niihau i j Kauai nei. la manawa i hele pu mai ai o Keo me ka- j na puukani, oia hoi na kahu o keia Pokoki, j a hiki ma Waimea ; lilō ka Popoki ia Awana -j noho i Hanapepe, noho hoi na kahu i Waimea, ane aha malama ko lakou kaawale ana. "Haaleleiioi la i Puna na hoa'loha." A ma ka wanaao la 7 o Mar. nei, hoea'ku keia Popoki i Mana, no ka mea, ua hele aku na | kahu a noho i Mana. Komo malie aku keia Popoki iloko o ka hale e imi ana i kona kahu ponoi. Ua puka'ku o Keo iwaho i kalua ai, heie malie aku la ua Popoki kupanaha nei a noho ma ke kua o Keo, me kona ike ole-mai he Popoki mahope ona, a lohe nae o Keo i ke owau ana'ku, huli koke mai oia e nana, ia ike ana oua Keo nei. Ili koke mai iluna ka manao kaumaha a me ke aloha, no ka like loa o keia Popoki me kana Popoki, no ka | ua waiho aku oia ma kahi loihi kahi hiki ole i keia holoholona maalea ke imi i kona kahu. Eia no ka oia no!

Olelo aku ua Keo nei i kona hoa, " O kuu Popoki keia mai Hanapepe mai nei; " hoole aku kona hoa, " Aole pahaia, kupanaha hoi ha kona hele ana māi i keia wahi loihi me kona ike mua ole ia anei." I aku la ua Keo nei, e kahea'e au i ka inoa, "Ooena la e Kahalepahu? " Lele koke mai la ua Popoki nei iluna o Keo a puliki mai la na wawae mua ma ka a-i oua Keo nei: e hoike ana i kona aloha i kona kahu. Hapai aku la oia i ua Popoki nei iloko o ka hale, hookuu aku la īmua o kana wahine, kahea mai la oia ma ka inoa oua Popoki la, pii aku la ua Popoki la iluna oke kahu wahine eai ana ika waiu, oia kekahi hoike e akaka'i na laua ia Popoki. E nana pu mai kakou e na hoa puni mea hou, i ka hele ana inai o keia Popoki mai Hanapepe vnai a hiki ika la o Mana. O ka loihi ua oi aku mamua o umi mile. Kakaikahi paha o na Popoki i like me keia i Ke ho» nei ke keiki hoopiolauniu o Pokii. * J. N. Faraile. Halehoomaha, Pokii, Kauai, Mar. 31, 1865.