Ka Nupepa Kuokoa, Volume IV, Number 16, 20 April 1865 — Ka Pepehi Kanaka i hoikeia e ke Kui. [ARTICLE]

Ka Pepehi Kanaka i hoikeia e ke Kui.

i ka manawa i lilo ai o Sana Paulo ia i Kauka Done (Donne) oia ka wa i loaa mai | ai o keia wahi moolelo. iaia e holoholoana i iloko o ka pa kupapau ike aku la ia i ke j kanaka nana e malama ka halepule e eli ana i kekahi lua kupapau. la wa loaa īho la i ke knnaka kekahi' iwi poo, a kiola ae la ia īluna. Lalau aku la ke Kauka a paa ma kona mau lima ; a ma kona nana ana iho, ike iho la ia i kekahi kui poo ole e oioi ae ana ma ka manawa oke poo. Unuhi malu ae la ia i ua kui la, a opiopi malu iho la ma ke kihi oka hainaka. O kona ninau koke aku la no ia i ke kanaka e eli ana i ka lua, •'ua ike no anei oe i ka mea nona keia poo." Ae mai la no ia, a hai mai la, "o ka mea nona na poo la ea, he kanaka nona ka halekuai rama ;he kanaka ona rama. I kekahi po, ua inu ia elua kuaka o na wai ona ikaika, a i ke kakahiaka ana ae, ua loaa aku ia ua make." "He wahine no anei kana ? " " Ae.'' "Ke ola nei no anei ia ? " Ae." " Pehea ke ano o kona noho ana ? " "He ano maikai, noho malie ; aka, ua kauhihi wale aku no kona mau hoalauna nana i peno ka mea, ua mare iho ja i ke kane hou i ka la mahope mai o ke kanuia ana o kana kane mua." Komo iho lā ka manaoano e iloko o ke Kauka ; a iaia i hele ai e ike i konā poe hoahanau, hele aku la ia e ike ika wahine aka mea i make. CJa ninau aku īa i na ninau he lehulehu wale, o kekahi ninau ana, "heaha ka mai i make ai o kau kane ?" Ua hai mai noia he make mai no. Ia manawa, wehe koke ae la ia i ka hainaka ona, a olelo aku la me ke kuoo/

"e ka wahine, ua ike no anei oe i keia kui ?" No keia ninau, ua komo koke iho ka manao makau iloko oua wahine la, me kona hoike koke mai no hoi, nana no i pepehi malu kana kane. Mahope iho, ua hookolokoloia oia, a ua liia.