Ka Nupepa Kuokoa, Volume IV, Number 17, 27 April 1865 — Ke Au o kakou. [ARTICLE]

Ke Au o kakou.

Ke noho nei na aapuni malamalama o ko ke ao nei iloko o ke au nani ano e, i ike ole ia kona lua mai ka hookumu ia ana o ka honua a hiki i keia wa. Ano ena mea e hanaia nei ma na aupuni oke ao. Ano e hoi ka hikiwawe ona hana o keia au. Ona mea i hookoia ma ka hooikaika loihi ana i loa ka hana ana. Ona hana i komo ilok'o o na makahiki mamua, ua pau ika hookoia iloko o na la a me na mahina wale no i keia wa. He au holo oka hana keia. Hikiwawe na hana nui. Holokiki ka malamalama. Emoole ka lohe ia ana ona mea hou. Me he mea la, ua huiia na welelau o ka honua.

He au naauao no hoi keia. Ua hala na au pouli. Ika wa kahiko aole kuleana oka lehulehu iloko o nei mea henaauao. Ua paa ka puka e komo ai lakou iloko o ka noho ka wa kahiko, ma keia au ua hikiwawe ana ike. Ao ka pono oka ike, ua haawiia ika hapa uuku wale no ona kanaka. Aka, i keia wa ke hoopau ia nei ia pilikia. Ke weheia nei na īpuka o ka naauao no na mea a pau. Me he aupuni kuokoa la ka haawina noonoo o kela a me keia o na kanaka a pau. He kuleana ponoi, ahe kuleana paa loa ko ke kanaka iloko o kona ike iho. Nona ponoi kona 1010, a oia wale no ka inea mana i ka hooponopono maluna o kona noonoo. He kuleana hemo ole ko kela kanaka keia kanaka iloko ona'iho. Hiki iaia ke noonoo, ke imi hoi ma kela keia mea e like me kona manao kuokoa. Ona aupuni malamalama ka i ike ae i keia kuleana oke kanaka. Nolaila, ua wehe ae īa mau aupuni ina mea e alai ana i ka lehulehu ma ko lakou imi ana ika naauao. Ua hoolako ia m. makaainana oia mau aupuni me na kula, ua hoakeaia na alanui e pii ai na makaainana a noho iloko o ko ke kanaka kuleana pookela ma keia honua, oia ka noho ana naauao.

Eia hoi kekahi ano o ko kakou au; he au noho kauwa kuapaa ole, he au noho kuokoa, a uoho hooiuhi ole ia no kela kanaka bia kanaka. Ua pau ka noho hooluhiia. No ka wa naaupo ka hooluhi wale i ke kanaka. Aole kohu ka noho kuapaa me ka noho ana E like me ka hiki ole i ka aila me ka wai ke hoohuiia, pela i hiki ole ai ka noho «na kauwa kuapaa ke hoohui me ka neho ana naauao. E like me ka hiki ole o ka psuda ke noho malie ke hookui aku ke ahi meia, pela i hiki ole ai i na lehulelm kanaka ke noho malie, ke hookui pu iwaena o lakou ka manao hooluhi a hookaumaha wale me na manao malamalama a naauao o keia au oka honua. No lea hookui ana oia mdu aoao elua, oia hoi ka makemake e hookaumaha kumu ole ma kekahi aoao me ka makemake e noho lanakila a kuokoa ma kekahi aoao, nolaila i iilo ai ke Aupuni o Amerika Hui i kahua kaua weliweli no na makahiki eha i hala ae nei. Aka, ua lanakila ka aoao oka pono o ka lehulehu. Ua pio ka aoao o ka poe e olelp ana, 44 aole i hanaia na kanaka a pau ma ke ano like," a e noho kuapaa ole hoi. Ua hana io maoli ia na

kanaka a pau ma ke ano like. Hookahi koko, hookahi io. Hookahi kuleana nui ko na lahui a pau o ka Na ili keokeo me na ili ulaula me na ili eieele, hookahi lakou a pau. Aole e ikeia ka ili ma keia hope he hewa no ke kanaka; aole e nanaia ko ke kanaka kii ine na ano o waho. Aka, o ke KANAKA ka mea e ike ia, a o ke ano kanaka, me na pono lawa like no na kanaka a pau. Ke hoomaka nei na lahui o ke ao e ike i keia mea, a ke hoomakaukau nei na lahui aina noho pio no ke ola. Ke ike nei na aupuni aloha kanaka i keia me ka mahalo. Ke ike nei no hoi na aupuni hookaumaha wale me ka weliweli a me ka makau. Ua kokoke ko lakou manawa. Oia iho la kekahi mau ano o keia au a kakou e noho nei. He mea pono ia kakou me ko kakou aupuni ke nana i keia mnu mea. E nana ke aupuni i na aouli o keia au, oiai ua heluia kakou me na aupuni naauao. E hele ana anei kakou ma ke alanui hookahi me lakou ? E emi ana anei hope? Pehea na kula a kakou ? Pehea na kula haole o Honolulu nei, i hoopau waleia iho nei na kumu ? Pehea o La« hainaluna e noho nei me ka lawa pono ole i na kumu e hiki ai kona mau hana. Pehea na hana kuloko a pau a kakou e pili ana i ke aupuni ? Pehea ? Pehea ?

He pono i ke aupuni e nana i na hoailona oka manawa, a e hana me ka naauao. E hele imua, aole e boi i hope. Ina e ike lea ke aupuni i na hoailona o keia au, a ina oia e hahai ma ke kuhikuh i ana o īa mau hoailona; alaila, e loaa ana ia kakou na pono nui o keia hope aku. Aka, ina e emi ke anpuni i hope, ina hana kekee, ina hoopilimeaai. ina hoopio i ka mnlamalama. Ina kokua mamuli o kekahi hapa wale no o na kanaka, a hana i kekahi hapa ; aiaila, e auhuiihia auanei oia ilalo, aohe mea e ole ai. Oka haawina like no ia ona aupuni hana paewaewa, a e hoopiha ia ana ko lakou mau hakahaka e na aupuni maikai. Na ke Akua e honpakele ia Hawaii ia hope ino.