Ka Nupepa Kuokoa, Volume IV, Number 22, 1 June 1865 — He Moolelo no Umi. [ARTICLE]

He Moolelo no Umi.

E ka Nupepa.Kuokoa e.; Aloha oe : Ua ike au ma ka Nupepa Aupuni, oia hoi Ke Au Okoa, e hoolaha hemahema ia ana ka mooieio o Umi, oia ke pop e kau ae la maluna. Ua oleloia no hoi malaila ko Ūmi makuahine he wahine makaainana no Hamakua. Auhea oe, pela ke kuhihewa ia, aka, o kooa makuahine he kaukau 'lii no, o Oma* okamau, oia no ke kaikunane o Akahiakuleaua kona makuahine, aole ia aikane na Umi e palau ia nei, o Piimaiwaa he keiki hookama ia na Umi, i loaa ma ke alanui o Keahakea ka inoa o ia wahi; o Koi hoi, oia ka lua o ke keiki hookama a Umi; aoie mau ai kane, hookahi makuakane, hele pu elua keiki hookama, aha lakou nei i ka lakou he* le ana i Waipio, a hiki i ka \hale o kona makuakane; i aku o Umi ia Omaokamau me Piimaiwaa; maanei olua e noho ai, e komo ae au, i noho olua a i hoi ole mai au manao ae olua ua make au, ua ike mai la no i ke ala a kakou i hele mai ai hoi no, ina- hoi au e puka ola mai aole hoi ana, alaila, noho iho la o Piimaiwaa me On\aokamau mawaho o ka pa, a komo aku la o Umi iloko nialuna o ka pa, a lele iho la ilalo, ike mai la na Ilamuku a Hakau, kii mai e hoopaa iaia nei, o ko ia nei komo aku la no ia ma ka puka pakaka, ike keia ia Liloa e noho ana, o ko iajiei noho iho la no ia iluna oka uha. Eia nae aole au e hooholo loa ana mai kona hanau ana, a me kona loaa ana ia Liloa kona makua, e hai wale ae ana no au no ke kakau lalau a ka mea hoolaha nei ma ke Au Okoa, nolaiia, lelele au aole hooholo loa. Make o Liloa haawi ika aina ia Hakau, o ke akua ine ka hale akua oia ko Umi e malama ai, a hana. no o Omi pela. A holo o Liloa i ka make, noho no laua me ke kue, a kipaku o Hakau ia Umi, alaila hele o Umi ma hoi hou ma Hamakua, aole hoi ika mauna i ka pili manu me Waawaaikinaaupo ma, aole a uanei e nalo kau manu ua puka ka ihu. Pela ma ka inoolelo i humuhumu buke ia, oia la hoi e hookahi halau i ao ia ai wahi a lakou nei ae hoi, ia hele ana aole i kipa ma kahi o ka makuahine, hele kuewa lakou nei, a hiki lakou nei ma kahi i poeleele ai, moe lakou nei ma Waipunalei oia ka inoa o ia wahi no ka hilahila o Umi i ke amuamuia e Hakau i ke kauwa, nolaila, keia hele ma kahi mamao aku, iko iakou moe ana ike mai la keia poe wahine he poe keiki maikai keia o ke koho mai la no ia ia lakou neM mau kane, aka o Umi elua ana wahine no ka ike i ka ui launa ole mai, malaila i hele ai o Piimaiwaa, a ine Omaokamau, a me Koi e mahiai ai na ko lakou makuahonowai, o Umi aole hele e mahiai nolaila huhu lo<i ko Umi may makua no ka palaualelo. Malaila kahi ī noho ai a hele wale 'ai i ka lawaia aku, a malaila no hoi ka loaa ana o ko Umi Alii ana. Ke hooki nei au maanei aia a hanaia mai kuupau aku, ke hoi nei ke keiki kimanu o Kalihi, ke kau ae la ka ohu i na pali. S. F. NAPua opio. Kalaepaa, Kalihi, Mei 20, 1865. / /