Ka Nupepa Kuokoa, Volume IV, Number 22, 1 June 1865 — He Moolelo no ka make ana o ka mea aloha H. Kamahiai. [ARTICLE]

He Moolelo no ka make ana o ka mea aloha H. Kamahiai.

Ma kk hapalua o ka po' Poalima, a ao ae Poaono, oia ka la 13 o Mei, o keia makahiki kona make ana, a penei ke ano o kona make ana. Ia laua e moe pu ana me kona hoapili o ke kane o na la opiopio, oia hoi oa kii ia mai kekahi o laua e na lima menemene ole a ka make, e like me na la o ka Haku, ine he aihue la i ka po, pela no ia e hiki mai ai. I ka manawa i paoho ae ai (mai ka hiamoe) kona hoa pupuu anu o ka Hooilo, a me na la we!a o ka makalii, o na kau i kaahope a«>, aia hoi, ua hala ka makani kii wai a ka malua, e like me ka olelo a ka Baibala ; ua hala ka nani o ka- Isaraela. Oke kino kupapau ke waiho ana. O ka nui o kona mau makahiki o ke ola ana, he 59 e 4 malama 12 la. Ua hanau oia ika makahiki 1805. 1 ka makahiki 183$ la 4 Aperila, ua komo oia i ka ekalesia ma ka Berita o T. Coan ma Hilo, 26 makahiki 1 malama 8 la, oia ka nui o kona manawa i noho ai m'a ka āoao Karistiano. He wahine noho pono oia, aole i loaa kona hookolokoloia ma na rnea pili i ka ekaleaia, a me na kanawai o ka aina. He wahme hoomanawanui ma na mea a pau, me ka hoolohe pono i ka leo o kana kane. Aole no hoi i haalele i kona kokoolua ō na la opiopio o ka noho ana, oiai e kau ana na Lehua o Haili iiuna, e ai ia ana hoi e ka manu pohe ka lehua, a hiki i kona hoi ana'ku la i ka aoao mau o honua. Oiai ua lele pau ae na kukuna malamalama o ke ao nei, ua kuu aku kona luhi. Aia paha oia ma ka poli pumehana o ka makua mana loa, kahi hoi a kakou e lohe nei. lā manawa, ua hakoi mai loko i ka mea nui he aloha, e maeele ana i ke kino, e lele pauki ana iluna ilalo i ke kulu mau a ka waimaka, e hoohanini ana ma ka uka o Alanapo, poele au i ke aloha e noho nei, a eia malalo iho kona wahi mele kanaenae aala o ke kupukupu, e honi hoomau i ke ala o ke kiele. O ka'u no ia e u nei a. Kuu inakuahine hoi, ' Kuu makuahine o ka aina ua nui o Hilo, Ke loku māi la i ka muo o ka hala, Kuu hoa pupuu anu o ka aina koekoe. A makou e noho ai i ka uka anu o Kapena, Hoopumehana i ka poh o ka makua a, 0 oe mai la ia ; Aloha oe : E-u-we no au a. Kuu makuahine hoi, Kuu makuahine hoi o ka hale laumaia o uka, Hale lehua kipeapea a ka manu, 1 hoohuliia e ka hau anu o ka mauna, E ka noe anu aala o ke kiele, Kuu hoa u o ka po me ke ao a, O oe mai la ia ; Aloha oe : E-u-we no au a. Kuu makuahine hoi, [kapu, Kuu makuahine o ka piha kanaka o KeatfaMai ka nalu hai muku la e Pueke, E kahiko ana i na lehua o Meleakini, Ku ka uhane nana makani o kai, E hoolaau mai ana ke aloha i o'u mai a, O oe mai la ia ; Aloha oe : E-u-we no au a. Kuu makuahine hoi,

Kuu makuahine o ka wai au o Hiio, Mai ke kapa po-po i ka lima a paa, Mai ka wai au la e kolekole, Mai na pali haliuliu la e Kalehua, Uhane peepee naku kalahale o Hilo a, O oe mai la ia ; Aloha oe : E-u-we no au a. Kuu makuahine hoi, [kai, Kuu makuahine o ka piha kanaka o PomniMai ka mnlu hale la o Maunakula, Mai ka piina loa la e Uiukukahi, Hoomaha'ku i ka uka o Naumuapele, Aloha ia wahi a kakou e noho ai a, Ooe mai ia ia ; Aioha oe: E-u-we no au a. Kuu-makuahine hoi, [Waimea, Kuu makuahine o ka ua kipuupuu anu o Mai ka makani anu la he Waikoloa, Mai ke pili enaena la o Puup&' Mai ke kai hawanawana o Kawaihae, Mai ka makani wehe lau nui o ke Kaha a, 0 oe mai la m ; Aloha oe : E-u-we no au a. Kdu makuahine hoi, [kua, Kuu makuahine o ka malu kukui o HamaMai ka puukela la e Mahiki, E. nana ana i ka wai o Hiilawe, Aia ka uhane me Hiku i ka pua, 1 ke opu Halehiwa a Kane a, O oe mai la ia ; Aloha oe : E*u-we no au a. Kuu makuahine hoi, [naewa, Kuu makuahine mai ka ua Kanilehua o PaMai ka piha kanaka nui o Haili. Mai ka papa kahulihuli o Wailuku, Mai ka ua Hukiheenehu a ka lawmia, Uhane au-au kai o Paikaka s, Q oe mai ; Aloha oe : E-u-we no au a. Kuo makuamne hoi, ricahi, Kuu makuahine mai ka la hiki ma Kumu' Mai ka wai au la e Waiakaea, Mai ka pahoehoe ula i ka lehua o Hopoe, Mai ka wai pumehana la o WaiwelaweHa* Mai ke kai heenalu la e Kapoai a, O oe mai la ia ; v Aloha oe : E-u-we no au a. Kuu makuahine hoi, [anu, Kuu mkuahine o ka ua po-po kapa o Nuu* E hahai ana ma ke kua o Waipuhia, Kuu hoa o' ka ua me ka la wela, Oke anu hoi mo ke koekoe, ike kola a, Kuu makuahine i ka ua lilipua hee-koko ula O oe mai la ia ; Aloha oe : E-u-we no au a, Kuu makeahine hoi, Kuu makuahine i ka ua lani polua, Mai ka ua hekikili iluna o ka laau, E hoolaau mai ana ke kino waitoa, s Me ka uhane o na wahine o Kamao a, Poeie au i ke aloha e noho nei a t O oe mai la ia ; Aloha oe : E-u-we no au a. Kflu makuahine hoi, Kuu makuahine oka la wela o Makahuaa. Mai ka la lailai i kē awakea, Mapu ana halia i ke ahiahi, Paiamimo iki ka hele ana i ke aumoe, Pnlaheh» oie ka ahane i nalo iho nei a, Ooe mai la ia ; Aloha oe: E-u-we no aa a. WILUAM P. Z. MiKUAOU. . Wulm, Hilo, Mei 29,1865.