Ka Nupepa Kuokoa, Volume IV, Number 23, 8 June 1865 — Hoike Kula o na Kula Aupuni o ka Apana o Honolulu. [ARTICLE]

Hoike Kula o na Kula Aupuni o ka Apana o Honolulu.

Ma ka lo 29 o Mei oia ka Poakahi, ua heikeia ekolu kula ma Kawaiahao, o ke Kulawae, o ke kula a Knlauli o Kawaiahao no, o ke kula a G. Kamai, kula Katolika, ua inakaukau no, o ke kula nae a Kalauli ke kula i holo ka ike ma ia hoike ana i ka'u ike aku. Mei 30. Ua hoikeia eono kula, kula o Kaumakapili, Pualewa ke kumu, kula o Maemae, Kaunamano ke kumu, kula o Ka-lihi-kai, Kahananui ke kumu, kula o Kalihiuka, Kamakea ke kumu, elua kula o Moanalua, kula a Malaki me. Lapirio Katolkia. Ma ka'u nana'ku o ke kula o Maemae ka iwaiwa o Paliuli, ua holo mua no ka ike oia kula ma na mea ' i ao ia, elua na kumu oia kula, o Pauli ma ka himeni, ua uleu no hoi ia keiki ma kana mea i ike he puukani, ma ka palapala aina ua eleu na haumana o Maemae, i ke kaha ana 1 na mokupuni 0 Hawaii nei, ua paanaau na aina me na kai me kekahi mau kaua a Kamehameha. Ma ia kula no ua hanaia kekahi mea hana hooikaika kino, he mea hou no ia i ike oleia ma na kula e ae a pau 0 keia Pae moku, ma ia kula i hana paanaauia'i na makahiki mai Hawaii a Kauai. Ma ka Poaha lune 1, ua hoikeia ehiku kula kaikamahine, kula kail<amahine 0 Kapalama a me Kamakela a me ke kula a Kilikina, e hoomaka ana ka hoike o ia mau kula mki ka hora 8 a hiki i ka hora 1, ua holo no ka makaukau o na kula, ma ka himeni, a me na mea humuhumu a na kaikamahine ka eleu loa o kē kula a Kilikina. Ma ia la no, ua hoikeia 4 kula kaikamahine ma Kawaiahao, ke kula kaikamahine o Kawaiahao, Pauoa, Mahoa, Waikikikai, e hoomaka ana ma ka hora 1, a hiki i ka hora 5 paha. Ua kiekie ke kula kaikamahine 0 Kawaiahao ma na mea helu, ma ka himeni hoi ke kiekie loa oke kula kaikamahine 0 Pauoa, a ua makaukau no kekahi mau kula e ae. Ua haaheo loa ko'u naau e hapai ae i kahi kula no o Maeinae, no ka maiama ana i ka Pae aina Hawaii, a ke lana hookano nei ko'u naau me ka olioli no ia kula. Ua loha mai au ua makaukau iki no kekahi mau kula i hoikeia ma Kamoiliili, aole nae au i ike maka, he mau ia. Me ka mahalo. * J. Kailiaukea. Honolulu, lune 5, 1865.