Ka Nupepa Kuokoa, Volume IV, Number 23, 8 June 1865 — Mai haawi i ka poe mai i na Kahuna Hoopunipuni. [ARTICLE]

Mai haawi i ka poe mai i na Kahuna Hoopunipuni.

He pinepine kuu ike ana ma ka Nupepa i na manao o kekahi mau makamaka o H«iwaii, Maui, Oahu, Kauai, Niihau. E olelo mai ana i ka hoopunipuni o kekahi mau Kahuna Hawaii ma ka Inpaau ana i na mai. E na makamaka, mai noho no oukou a puni hou i ka hana a na Kahuna hoopunipuni, o pilikia hou no oukou. Eia ka'u mea kanalua; me ko oukou ike no hoi paha, he Kahuna hoopunipuni, haawi no oukou nana e lapau. Aia nae a make mau makamaka o kakou, no ka hawawa o ka lapaau ana, alaila, he puni ka wikiwiki e hoolaha ma ka N.upepa ike kolohe o ua Kahuna la. Eia keia, ua manao paha oukou, aia a hoola,ha ia ma ka Nupepa, alaila pau ka hoopunipuni oua Kahuna la. Aole loa, no ka mea, ua maa ia poe ika hoopunipuni; ooe no ke hooluhiia'na i ka ma-ma i ka awa 'o ke Kahuna, o ko puaa no ke pau ana i ke kalua ia i mea kumupaa, a i 'mea aumakua, wahi ake Kahuna. Nolaila, mai hele h,ou oukou ilaila e lapaau ai. E pono no ke ninau mua i ke ano o ka hana ake Kahuna, a ina i maopopo he Kahuna ike i ka lapaau, alaila, e haawi i na makamaka mai o kakou aku i ka poe makaukau. Ei?i keia, i r«a i ikeia ua hana kekahi Kahuna ma ke ano hoomanamana a ano hoopu- ! nipuni no hoi, he mēa pono loa no ke hoopii ia Kahuna imua o kekahi o na Aha Hookolokolo o keia Aupuni, e like me ke Kanawai e waiho nei. No ka mea, eia ma Oahu nei kekahi Kahuna i hāha i ka mea hoopunipiini, ā no kona hoopunipuni, ua hoopiia oia no kana mau haha hoopunipuni, a ke ai nei oia i ka hua "o kana hapa nna. He ono paha ?He awaāwa paha ? No ka mea, oka lehulēliu wale o na Kahuna o keia ano e noho nei, oia kekahi kumu e kau-o hou aku nef i kēia lahui. e hoi hou ihope, a e nana i ke ano ona hana pegana kahiko. Nolaila, he pono ia kakou ke mākaala i ka hana a keia poe kipi iwaena o ka wa awakea loa. O pilikia pinepine kakou ame ka hanauna hopē e noho nei i keia mahāwa. W. N. P. Kulnnakauliale Alii, Mei 17, 1865. '