Ka Nupepa Kuokoa, Volume IV, Number 24, 15 June 1865 — Page 4
| This text was transcribed by: | Kailee Loa-sugihara |
| This work is dedicated to: | Dr. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ka nu pepa Kuokua
He Kanikau no Aberahama.
1. Auwe oe e Aberahama
Ko makou hoa pili,
Pau hou lohe ana la,
I ke kani a ka Piano
Chorus;- Auwe, Auwe, Auwe, Auwe,
Auwe, Auwe, Auwe
2. Noho iho nei ka makua la,
me ka u, me ka minamina,
i kou wehe ana mai,
i ka pili me laua,
Chorus- Auwe, &c, &c, &c,
&c, &c, kuu kama
3. Ninau ae nei kamakani
auhea o aberahama
ua hele aku nei ia,
I ke ala hoi ole mai,
Chorus- Auwe, &c, &c, &c,
&c, &c, kuu lei,
4. Ke uwe nei Kahai la,
Auwe kuu keiki
O ka la o ainahou
Ka pilina i Halemakeke
Chorus- Auwe, &c, &c, &c,
auwe &c, &c, ua hala
5. Hele hookahi ka uhane,
Aohe koolua;
I ke ala Polikua
I ka hale pio Anuenue
Chorus- Auwe, &c, &c, &c,
&c, &c, hoi oe,
Aloha, aloha!
Hakuia e:
Mrs. R. K. Purdy
Mrs. L. K. Mahu
Miss. Kauahoa, Kauiohanalei
Honolulu, Mei 2, 1856
Kahuna Pule Hou
Aloha oe e kuu keiki
E Timokeo
Ke olioli nei kuu wahi manao, i kou hookahunaia ana iho nei. Aole nae no ko'u kuhihewa he mea ia he kaena'i oe, a e hookiekie ai no paha, aka, no ko'u iko pono o ka oihana oi ia i na oihana a pau o keia ao e noho nei, ma ka nani a me ka hanohano mau. Pela ka Paulo; a pela hoi ka ka poe hoomaopopo ia mea a pau loa, oia hoi nae, ke hana ia aku ia me ka makau i ke akua a me ke aloha i na uhane o kanaka, ma o Iesu Kristo la, No ka mea, ea, o ke ao nei me kana mau mea pili a pau, e pau pu ana auanei. O ka luakupapau ka palena maopopo o ka hanohano alii a me ke akamai kanaka, oi nae e kikoo wale aku ana ka hua maikai o ka oihana kahuna a hiki loa aku i ke ao pau ole.
Nolaila, mai hoopoina oe i ke ani weliwili o ka haawina i kaulie mai nei maluna ou, i keia mau la iho nei. Ua pau kou ano kanaka wale iho no. Ua hookohu mai nei oe i kauwa na kekakua kiekie loa. aole nae nou iho ka nani keia haawina maikai i waihoia mai nei iloko o kou mau lima; no kou Haku no ia, a nona wale no. Eoluolu oe, ea, i ka noho kauwa; a me he kauwa pono la hoi oe e malama aku ai i ka haku ou, e imi mau ana e kai pio nana, ka uhane o kanaka mai o a o.
Ua loha pinepine oe ia'u, o ka haiolelo, o kau mea nui no ia ma keia hope aku -- Pela ka ka palapala hemolele (2 Timoteo. 4:2) E imi nui oe e lili i mea makaukau ma ia hana maikai, e mahele ana hoi i ka olelo me ka noonoo pono a me ke akamai, i keko ia i pahi kaua oi lua ma ka naau o ka poe lohe mai.
Ke ninau mai nei oe ma kau palapala penei: " Heaha ka'u e hai aku ai imua o kanaka?" He ninau kupono loa hoi ia. A malama paha ua noonoo pono oe i kona ano, a maopopo hoi ke kau wahi hapa o kau mea e ninau mai nei penei: Aole oe e pono ke hai aku i kau iho imua o kanaka. Aole nolaila oe i hoonohoia mai ai ma keia oihana. Aole au olelo e ola ai kanaka. Aole no hoi oe e hiki ke hoakamai wake imua o lakou, me he mea la o ke Akua oe! O ke kina no ia o kekahi poe i komo hou mai nei iloko o ka Oihana Kahuna. Mai haule nae oe iloko o ua nenelu ino nei! No ka mea, he hana hoopailua no ia i kanaka, a pela hoi i ke Akua. A ina hoi e hiki ia Satana ke hoowalewale ia oe e komo iloko o ua hana hookiekie nei o ka luhi koke no ia o ka pepeiao o kanaka i kau mea e kai aku ai; a o kou hoka koke pu iho no hoi paha ia, i lohe oe.
Eia kekahi- Aole oe e pono ke imi e hoolealea ai i ka pepeiao o kanaka ma kau olelo ana. "O ka hoola uhane," o kau no ia aole au mea e ae, a o ka poe ake nu hou, a me na mea e, ko i ke alanei a ika hale keaka paha, e aho no lakou e imi i ka lakou la ma kahi e loaa'i; aole nae ma ka hale Iehova. Ua ike no au i kekahi manawa, me ka haohao nui no, a me ke kaumaha maoli no hoi, i na Kahuna Hou, e ky ana ma ka awai a hoike no lakou iho, a liuliu wale, i mea hoi e akaaka'i i ka poe lohe. A ma ka la Sabati ne hoi ia! me ke mea la aohe e ae, o ke kanaka wale no ka, e hoikei imua o kanaka ma ka la hoano.
Penei ka Paulo: "Aole o makou e hai aku ia makou iho, aka, ia Kristo Iesu, i ka Haku." A o hookahi wale no ia e pono ai. E waiho aku i ke kanaka me kana apau, a e hapai i ka inoa maikai hookahi o Iesu i mea e ola'i kanaka. Ke mea mai nei anei oe, e hoowahawaha kekahi poe ia? A pehea la ke hoike aku oe i kou akamai iho, i ke kanaka hoi imua o laukou.
Aole e liuliu a pau loa lakou i ka hoowahawaha mai, oiai hoi, a nei aku oe ia Iesu i ola no lakou, e lilo io ke akamai o ke Akua a me ka mana o ke Akua no lakou. Mai kuhihewa nae, he mea hiki ia oe ke hoolaulea i kanaka a pau, ma kau hoike ana i ka ke Akua. Aohe ou akamai e hiki aku ai ilaila. Aole o ka Haku i biki ia mea. Ukiuki no ka nui ia ia a hoomaau a pepehi no, a i na pela kanaka ia oe, mai kahaha a mai manaka. E hoomanao i ka Iesu, "Aole i oi, ke kauwa i kona Haku." No laila ea mai noho a kulanalana kou manao, a mai kukakuka me ke kanaka i kau mea e hai aku ai imua o kanaka e hele nei i ka make. E aho e hele oe i ka ke Akua olelo , a malaila oe e ike pono ai i kau mea e hana aku ai, me Saulo hoi i ao ai no ia mea hookahi no, Aole ou ala e ae e hele ai ma kau oihana lani hou. O ka Baibala, a o ka Baibala wale no ke kahua kupono ia kakou; a o ka mea ku laila, aole ia e hoka. Mahope paha e pane hou au i kau mea i ninau mai ai ia'u. Me ke aloha. MAKUA.
Ia oe e ke kanaka ui.
Aloha oe: - A i hiki mai ka ne ana ue i loko ou, e i ana "pehea la oe e hoolako ai ia oe iho, a me ko ka hale ou:" Alaila, e hopu ae oe a paa i keia mau kakoo elua nou iho, a na laua no e hookolokolo ia oe iho, a me kou ohana; a laila hoi, e hoopiha ia'i kou waihonua a hu e ua mau koo la elua, oia hoi keia, Hanamau a me hoomaunauna ole.
I mea e akaka lea ai, na'u paha e wehewehe ike ae i kekahi wahi mea pilipono, a nau hoi kahi e apo mai, a hoopaa pono iho; a penei ka like ana. Ina paha e loaa ana ia oe he 70 dala o ka makahiki hookahi. a nau no hoi peenaue iho; heaha lakokala hookahi? a i loaa ia. eia ke ninau, ehia la ia mau keneta emi au o kau loaa makahiki, ke noho hana ole i hookahi la hana? A in a i hapalua makahiki kou e noho hana ole ai, ehia la ka nei kau loaa makahiki i hooemiia? A in a paha i hookahi makahiki kou noho hana ole ana, he keneta hookahi no anei i loaa ma kou pakeke e waiho ana? Aole paha ea, ua kaalo ae la ua 70 dala la mai ou aku nolaila, pololei ai ka mea i olelo ia.
"Hihiu ae la ke dala no ka laha ole."
Hihiu ae la hoi ke kawowo Alii no kanaka."
wahi a S.P. Kalama.
Nau no e ka mea heluhelu e kaana nou iho, no ka mea, ma keia mea i akaka ai, ua hooi aku Hanamau i kau loaa, a ua hoemi mai o Nohowale i kau loaa.
Aka hoi, ina paha ooe, e ke kanaka ui, he kanaka hana mau, paa mau i ka hana a po ka la, a pela aku no a hala ka makahiki; a eia nae kou wahi kina iki, he puuwai waipahe wale, hewa no kau ilaila.
E ao o eha oe i ka hone ae a ku ipo i ka poli, a kuupau i laila, i ka uwe ae hoi ke kamaa buti, lilo no ilaila, i ka hikikii hoi a ka noho mekiko, a puehu no laila &c. - He hope loa ia mea, mahope, mahope ka manao ana pela, i ka awiwi koke ae hoi e hookalikelike me ka nui o ka poe keonimana, a pela ae paha ia wala kiaha a o ka manawa iho la no ia o Hagai e puka mai ai, a lilo iho oe me he iliili limu oe la e kakaa ana i ka ae one, a malaila ea o Hoomaunauna ole oia kekahi koo nana oe e hoolako mai; a e mau auanei kou waihona i ka poli, aohe mea nana e hoohune mai, in a pela ka hana. (koe nae ka'u mau mea i hoolilo pono aku ai no ka mea ai, ia, a me ka lohe kupono e like me ka nui o ka'u mea loaa.
Eia hou kekahi; a i hiki mai ke kupilikii ana iloko ou, no na anoi ana o kau puuwai, e i ana , i lilo oe i mea nui, mahaloia paha, o kaulana paha, alaila, i hookahi wale no au wahi mea i koe e ekemu aku ai, a nau no ia e kalena pono iho.
I hoopono oe, i hoopono. He wahi alapii kumou no keia, maluna olaila e pii aku oe; a hiki i kuahu o ka mahaloia, hanohano a kaulana &c. Aka, he nui no na ano hana e hiki aku ai i kulana o ia poe, eia nae ka hewa, he kakaikahi wale iho no ka poe i loaa ai o na talena o ia ano. E aho iho la no ia mau wahi kukulu-a-eo, o ke kau ae ka paha i ke ki-o-le-a, a ke nonoi ia aku nei kou naau e wehe ae a e hookomo aku i keia mau huaolelo iloko, a nau ia e hoopaa aku i kona pani mahope. Penei.
"Mai hoomaunauna i ka manawa."
"Mai hoomaunauna i kau mea loaa."
"I maa ae i ka hoopono."
A mai hoopoina hoi i keia. E hoomanao aku i ke kauwahi hapaumi o kau loaa makahiki no ke Aupuni o ke Akua, a e lu ahu i kou manawalea maluna o ka wai, e like me ka ke makaka manao i hai mai ai. Me ke aloha ia oe.
He mau ka hoaka pohihihi
A i hiki mai kou la e akaka lea ai, e hookokoke io mai no auanei kou la e kaniuhu ai.
Ia oe hoi oiai oe e noho ana iloko o ka popilikia; e hoomanao oe e loaa mai ana he wa nou e hooluolu ia mai ai.
A i wikiwiki ae oe e kela i ka hanohano; uku pono ia mai no oe ma ka hoemi
A i puka ae ke kaena o kekahi no kona oi, e loaa mai no auanei he mea oi kela ae mamua on a.
A i manao iho oe e ka mea nele e lalau wale aku, e oi papaha aku no hoi kou hoonele ia mai.
A i manao iho ka mea ilihune, he olelo a kana wahi mea i loaa pono mai; e aho ia. e kohu loa ai ke kaena loa ae.
A i haanui malu iho kekahi no ka maalea on a i ka mio ana i ka hai waiwai, e hiki mai no auanei ka la e poho ai o kona iho.
A i haawi manawalea aku kekahi me kona manaoio ole i uku mai kahi nana; e loaa mai no auanei kona wa e uku pono ia mai ai.
A i hanaino oe i ka malihini ke hiki mai i ou la, e hoopai pu ia mai no oe pela, ke hiki aku oe i kahi malihini.
A i manao iho ka mea hookahe koko kanaka ma kahi maku ua nalo, e hoike ia ae no ia ma ke akea. No ka mea o ka Lunakanawai o ko ka honua a pau he hoopono oia, a me ka pololei.
Na hiona o ke kau.
Ekolu mea ma kona e kohu ole ai. O ke ao hookamani a ka makua hanahewa i kana keiki. O ka aka lealea o ka mea huhu imua o kona hoapaio, a me ke kanapi iloko o ka ipu pua.
Ekolu mau la eha e hauoli ai. O ka la a ka wahine i hanau ai i ke keiki, o ka la luhi i uku ua mai ai o ka paahana e kona Haku, a me ka la i make ai o ke kanaka iloko o Kristo.
Ekolu mau mea e hoala ai ka huhu. O ka lono ino i ka pepeiao, o ke kii ino i mua o ka maka, a me ka elelo keukeu.
Elua mea lealea a ke kanaka i noonoo mua ai, a ekolu hoi aole i ikeia. Na mea paani o kona wa kamalii, ka aoao o ka wahine hoopalau i kou la ui, a me ke koo i kou kolopupu.
He mau rose no na la.
I kekahi la ninau aku la au i kekahi elemakula penei. "Pehea la kou manao no ka hoololi hou ia ana iho nei o ko kakou Kumu Kanawai?" pane mai la ia, "He like no ia me ka aama, ua hemo ae la kona iwi mua, a e paa ana no i ka iwi hou.
I kekahi la no hoi, ninau aku la au i kekahi wahine mahiai. "Pehea la oe e kana ai ke loaa mai ia oe kau dala o keia mala ko au e waele nai?" pane mai la ia "Ina e loaa ana ka'u dala o keia maka ko, ulaila kekahi no ka huna o ke kino, a o kekahi na kuu makuakane, ao kekahi na kuu akua, aia ilona, " pane aku la au, " he mau mea maikai kau i manao ai." Aka iho la kela me ka olioli.
He la no hoi i ninau ia aku ai kekahi wahi keiki nuku nona na makahiki eha a me ka hapa, penei. Heaha la ka mea i kae ai o ka lio nuha? kahaha au i ka pano koke ana mai, meneia, "No ka mea, e noonoo ana ia i kona luhi.
Heaha ka moo iloko o ka Hale Alii e hiki ole ai i na kauwa ana ke loaa? Haina He Moo Kuauhau alii.
Na G. Willie.
Lahaina, Maui, Iune 1, 1865
No ka huakai-hele mai Wasinetona Teritoria a Oregona.
E ka nupepa kuakoa e; alohe oe: ua haalele aku makou ia Port Madison i ka la 11 o Aperila. Ua hele mai ma ka huakaihele moana, maluna o ke kau wahi moku kiakahi. E lawe hele ana ia makou maluna iho o ka moana-kai lipolipo, no na mile he 45 a hiki i Steilacoom. Malaila makou i noho iki iho ai no na la elua, a ma kekakahiaka o ka la 17, haalele iho ia ia wahi. Hele wawae aku ka makou ma ka ili o ka honua, no na mile he 25. A hiki ma ke Kaona (olympia.) Hookipa ia mai la makou e na haole o na hale notele, a ma ke kakahiaka o ka la 18, haalele makou ia Kaona; holo aku la makou maluna o ke kaakeiki, no na mile he 90. A hiki aku la i ke Kaona o (Monticello.) Ma ke awakea o ka la 19 e kali ana hoi ka mokuahi o ka hiki aku o ka eke leta, i hakalia no a kau aku ka Leta a me makou iluna. Haalele iho la ka pili a ka mokuahi I Kauapo, holo aku la no na mile he 57 ma ka muliwai o Columebia, a hiki aku ma ke Kaona o (Portland.) hoookipaia’ku la makou iloko o na hale hotele, malaila makou I hooluolu iho ai. A ma ke kakahiaka ana’e o ka la 20, hele aku la kekahi poe o makou e makaikai a puni ke kulanakauhale, noho hou iho la makou maluna o kekahi mokuakahi, holo aku la hoi no na mile he 12, a hiki I (Oregoncity) nei. Halawai mai la makou me na kanaka kamaaina o Keomolewa nei, hookipa aku la ia makou ma ko lakou mau I ka make ana o alaila lohe iho la makou I ka make ana o kekahi kanaka W, Kauloa no Maui, penei no kona wahi moolelo.
“ Ma ke ahiahi o ka la 14 o Dekemaba, makahiki 1864. Ke kau wahi o ka la e uhi ia’ku ana e na ale lipolipo o ka moana. Hele aku la o C. Kaanaana me W. Kauloa o kahi o ka llikini, I kii aku I ka laua mau wahine, a ku laua mawaho o ka puka o ka hale. Me ko laua ike ole aku ua ona rama ka Ilikini o loko. Komo aku la o W, Kauloa iloko o ka hale, ku hoi kekahi o laua mawaho, Ie mai la ka Ilikini I ke komo ana aku, o ka hopu mai la no ia iaia nei a hakaka iho la, a aneane e pilikia ka Ilikini. O ka lele mai la no ia o ka lua o ka Ilikini a paa iaia nei.
Ua unuhi ae la hoi ka Ilikini a laua e hakaka pu ana I ka pahi, a hou iho la ia W. Kauloa, alaila, Kahea mai la kela me ka leo nui. E Kaanaana e! E Kaanaana e!! Make wai. Lohe ke kolu o ka Ilikini I kai nei kahea, e alualu mai ana ia Kaanaana e hou I ka pahi. E holo iho ana hoi keia me ka mama, a lele I ka pali. (He 37 kapuai ke kiekie o kam I lele ai,) a haule keia ilalo. Manao ko ia nei pakele, pohole nae ke kuli; a me ke kuekue lima.
O ka hoi mai la no ia a ko lakou hale, hai aku la ia Kahuelipi me Moku, I na olelo I haiia’e la maluna. A no ka hiki ole ia lakou ke hele aku ia po, moe iho la lakou a kakahiaka ae o ka la 15, hele aku lakou I kahi I pepehiia’I, ninau aku la I ka Ilikini. “Auhea o W. Kauloa,” olelo mai la ka Ilikini, “Aole makou I ike ia ia.” Nana’ku la lakou I ka Ilikini nana I pepehi, aole o loko o ka hale, Manao ae la lakou ua mahuka. Imi aku la lakou ma na wahi a pau loa, aole he loaa, he mau la 5 I hala’e, lohe ia mai ana e ka Ilikini. Loaa mai ei ia kanaka ia makou ua make iloko o ka pahu bipi kahi I waiho ai, e laweia’e ana e ka wai. He 17mile ka loa mai anei aku, alaila manao ia ae lo o W. Kauloa.
Ai keia mau la a makou I hiki mai nei, ua paa ua Ilikini la I ka hai, Hookolokolo ia iho nei a pakele no ; ke noho lanakila nei no kela a hiki I keia Manawa. (Mamua’ku ko makou lohe ana I keia mau mea.)
Ma ia hope iho, hiki mai la ka leta a kekahi o ko makou mau hoa'loha o keia aina malihini, e noho ana ma Jacksonville ; penei kekahi mau olelo o ua leta la. "E kali iho oukou ilaila a hiki aku o M. Kaauwaeaina ma, alaila, huli aku ke alo i Boise Miners i kahi eli gula. Elima dala no na la ewalu, he umi a pela'ku." Nolaila, eia makou ke kali nei ia lakou o ka hiki mai, nana ia'ku kona hope.
Eia iho na inoa o ko makou poe I hele pu mai nei, D. Keomo, C. Mahoe, J. Kaluapana, J. Kanakaole, L, Lewa, M. J.,
G. B. KAHINANO.
Oregon City, May 9, 1865
Palapala aloha a ka Malihini J. Kieekai I ko Kawaii nei.
Owan o J. Kieekai ka malihini mai Fatuhiva mai. Ke hai aku nei au I ko’u aloha ia oukou a pau loa, I ka Moi ke Alii nui, a me na’lii malalo iho, na Luna Aupuni, na hoahanau mai Hawaii a hiki loa aku I Niihau, a I ka poe I luna aloha pu mai me au ma Honolulu nei, I loko I keia mau la, ua nui loa ko’u aloha no ko oukou launa ana mai ia’u, e kuka pu ai no na pono o kela noho ana lani, ma ka haipule, a ma ka oukou hoike ana mai I ka oiaio o ka manaoio, ko oukou kokua ana mai ia’u I na mea aahu, a me na hapalua dala, Ke mahalo nei au I ko ke Akua aloha nui ia’u, I kona hoopae ola ana mai ia’u ma ko oukou aina maamaama nei, a ua ike I na mea kupainanaha a ke Akua Kahikolu I haawi mai ai I keia aina, nani maoli. Owau nei la he hoa na ko oukou aloha lua ole I ko makou aina fe; a ua paa kuu manao na keia hana a oukou e hapai ne I ko Fatuhiva poe fe, poe pokano aikanaka iloko o ka nani o Iehova, a e piha auanei o Fatuahiwa I ka nanai o Iehova ma keia hope ae. E na hoahanau a pau o Hawaii nei aloha oukou, no kuu ike iho aole au e huikino aku me oukou, nolaila, ke hai nei au I ko’u aloha ma ko oukou KILOHANA uani POOKELA ke KUOKOA, a e make ana au, a e kenuia’na paha, a e waiho ana ko’u kino o hoonionio ia e ka manao naau pokano, o ko’u lahui, ma ki oukou penua nei, aka, o kuu manno ua maamaama loa e ake ana no e pii a e nohopu me kuu Moi nani loa; a pau ku kaumahama keia noho ana. Aloha
J. KIEEKAI.
Kakauolelo H.K
Miliani, Honolulu, Iune 10, 1865
He Kanikau Aloha no Anamaria.
MAKAKAUALII E ; ALOHA oe.
Kuu kaikaina mai ka niu moe la e Kalapana.
Mai ka ia kuehu wawae la e na po mahina,
Mai ka olu o ka hale la e Kohao,
Hoomaha’ku kaua I Kalauonaone,
O ke one hanau ia a kaua I noho ai,
E holoholo pu ai me na kaikunane.
Me ka nui hoi o ka aina hanau,
I hau koolau ia kaua e na makua,
Ia oe e ke kaikaina la, pau ka palena,
Noho wau me ka u me ke kaumaha ia oe,
Auwe! Auwe kuu kaikaina e.
Kuu kaikaina mai ka nalu haimuku la e Hoeu,
A me ka piha kanaka la e Huehuewai,
O ka’u waiwai ia e malama nei o ke aloha,
Aloha ka hoapili o ke kaikana a,
I piliia e kaua, ka ua me ka la,
O ke anu hoi me ke koekoe,
Koekoe mai nei loko, maeele I ke aloha,
E aloha ana ia oe e ka hanau-muli a,
I piliia e kaua ka ua Kanilehua,
Noho au me ka u me ka minamina ia oe,
Auwe! Auwe kuu kaikaina e.
Kuu kaikaina mai ka pahoehoe ula I ka lehua,
A me ke pili enaena I ka la e Keohokiii,
Komo aku kaua o ka wehiwehi lau kukui,
Kamau a ke aho I ka ohelo nee I ka papa,
Huli haliu na maka I ka loa o ka aina,
Komo aku kaua I ka uluhala o Puaakanu,
Hehi kaua o na ala puke I ke alanui,
O ka anapu mai a ka papa o Malama,
Kuu kaikaina mai ka uluniu o Keahialaka,
A me ka iliili nehe I ka wawae la e Pohoiki,
He iki ka manao, he nui ke aloha a,
Auwe! Auwe kuu kaikaina e.
Mrs. KAWAIHAE.
Kuu kaikaina o ka aina makamaka ole,
Hookahi no makamaka o ke kane e,
Kuu kokoolua o ka haku kane ole e,
O ke kuleana o kakou I noho aku ai,
Kuu kaikuaana mai ka ululaau la e Mamala,
Oia ululaau lehua ole a kaua e ike ai,
Kuu kaikuaana mai ka piha wahine la e Kuloloia
E nihi hele ana ma Aina-hou,
Ma ke kapa kahakai o Ulakua,
Kuu kaikaina mai ka la welawela I Peleula,
Mai ka piina ikiiki la e Maemae,
Kau aku na maka I Hanaikamalama,
Auwe! Auwe kuu kaikaina e.
Kuu kaikuaana mai ka ua popo kapa o Nuuanu,
E ahai ana ma ke kua ka malu.
A pulu elo kaua I ka ua Kiowao,
I ka ua hoopulu I ke kamakahala,
Hala ka uhane me Kalaihauula,
Ola ka uhane I ka welelau makani.
He makani ke ola ke kino wailua,
Elua olua I hele aku I ka liko,
I ke ola a ka hinihini ula a Kane,
Ke noho nei au me na kane a kaua,
Auwe! Auwe kuu kaikaina e.
Kuu kaikaina I ke pili enaena I ka la,
Oia kula wela a kaua e hele ai,
Nana’ku kaua I ka ea Waahila,
I ka halii mai iluna o Makahuna,
I huna’ku hoi wau I ko aloha aole e paa.
O ka hanini wale no ia a ka waimaka.
Me he makamaka la no ke aloha ke hiki mai,
Kuu kaikuaana nana makani, he Kaelekei.
Ke nana’ku ia luna o ka Waihoa,
I hoa pili o Ihiihilauakea,
No’u ka waimaka e hanini nei a,
Auwe! Auew kuu kaukuaana e.
Mrs. KALOU
Kuu kaikuaana I keia aina makamaka ole,
Hookahi no makamaka o ke kaikuaana,
Kuu kaikuaana nana I ka loa o ka aina,
E nana ana paha ia luna o kaala,
Ala kuu manao haupu I ke aloha,
Kuu kaikuaana I ka huikau lio la e Polelewa,
Lewa ko maua noho ana ua hele oe,
Kuu kaikuaana mai ka makani kukalahale o Honolulu,
A me ka makani kuehu lepo a aina,
E hoopulu ana I na hale kuai,
Auwe! Auwe kuu kaikuaana e.
Kuu kaikuaana pane ole mai ia’u e,
Eia wai la ke noho nei me ka u,
Me ka minamina paumako ia oe,
O oe ka kai niau hele iho nei.
Noho wai me ka u me ka lia I ko aloha,
Kuu aloha kuu kaikuaana e,
Kuu hoapili o na hale haole a,
Hoa hele pu no I Aina-hou,
Me he kui la e hou nei I kuu Manawa.
Ka walenia ehaeha I ke aloha a,
Auwe! Auwe kuu kaikuaana e.
Mrs KALUAHINE.
Kuu kaikaina mai ka aina hanau,
I hanauia kaua I ke one hookahi,
Kuu Kaukauna mai ka makani wehe lau hinano o ka aina,
A me ka ua hehi mai luna o ka laau,
Kuu hoa aumeume ou no me ka nolu,
Oia ia aloha a kaua e luu ai,
Kuu kaikaina mai ka ia kaapoepoe o ka aina,
A me na unu huai lua la i ke kakahiaka,
Kuu kaikaina mai ke pili enaena I ka la,
A me ka pahoehoe ula I ka lehua,
He lehua ke aloha a’u e malama,
Auwe! Auwe kuu kaikaina e.
Kuu kaikaina i ka piha-kanaka la e Huehuwai,
A me ka ulu niu la e Ale-ili.
Kuu kaikaina ma ka malu ulu la e Mokuhula,
Kuu hoa hele oia kula panoa I ka la,
a kaua e pili ai I na mahina la o ke Kau,
Kau mai ana kuu haili aloha ia oe ea,
Kuu kaikaina o ka aina paia ala I ka hala,
A me ka puulena halihali la o kanehele,
Hele aku o ka loa o ka pahoehoe,
E pue aka ana e hala Puaakanu,
I hoapili o na kia kaunu,
Auwe! Auwe kuu kaikaina e.
Kuu kaikaina mai ka ulu hoonoho I ka papa
Auwe ka la welawela o kuaakala,
Hoomha’ku kaua iluna o Kalehua,
Me he lehua ula’la o Kukii I kuu maka,
I ka haloiloi ae a Waiwelawela,
Kuu kaikaina I ka lao hala o Kokoolau,
A me ke-a makauliuli e Nanawale,
Ke au wale nei wai ia oe, aole oe e loaa,
Ei aku nei paha oe I ka papa o Hopoe,
Eu-hai aholo ana I ka laula o Puna.
O puna paia ala I kuu aloha a.
Auwe! Auwe kuu kaikaina e.
Mrs. LUA.
Pa-kula-alii, Honolulu, Iune 12, 1865.
LAAU LAPAAU
AIA MA KAHI O
KAKELA ME KUKE
Ma Honolulu
J.T. Gower,- Makawao, Maui.
J.D. HAVEKOST.- Wailaka, Mauai.
C.H. WETMORE,- Hilo, Hawaii.
J.W SMITH,- Koloa, Kauai.
_____
HE LAAU KAHIKO, A HE MAOPOPO
NO HOI.
Laau hoopau Naio me na Koe.
A DR. JAYNE.
___
HE NUI NA PILIKIA O KAMALII I KA Naio a me ke kue, a pela nei na kanaka makoa u oa hope ola mau mea kola, oia ka holo. Oia Mau mea kolo @ oia ka lolo, a o ka make hoi I kekahi Manawa, a eulaila mau ua me na mai e ae.
O ka laau no kela e pau ai ua mau mea ino nei.
Eia hoi kekahi. O ka laau ku pono keia I ka poe pilikia I ka wela o ka houpo: I ka ono ole I ka-ai; I ka nawaliwali o ke kino I ka mai pehu; I ka nalulu hoopilikia; I ka pono ola o ka ana wahine, a me na mea like.
Penei no e inu ai I ka laau hoopau Maio me na Koe.
Ina no kamalii , e hanai aka I hookahi hapakolu o ka puna ki, I ka Manawa hookahi no ke keiki malalo iho o ka makahiki, hookahi. Mai ka makahiki hookahi a hiki I na makahiki ekolu elua hapakolu o ka puna ka poao, mailaila'e a I ka makahiki eono, hookahi no puna okua ka poao, a malaila aku a I ka ea kanaka maku, e hanai I elua, a I ekula paha paua I ka ea hookahi. I ka wa e inu ai, e hui I ka laau me ka pa ha o ka wai maoli. Oia hoi, ina hookahi ka puna laau, alaila e huiia me na puna wai maoli eha; a pele no e inu ai ma ke kakahiaka awakea a me ke ahiahi. Aka I nui ka pilikia, alaila pono no elima inu ana I ka la penel; kakahiaka kiekie ka la awakea auwi ka la, ahiahi.
E inu mamua o ka ai ana, aole kokoke ma hope iho.
Laau hoopaa Hi a Dr Jayne,
JAYNE’S CARMINATIVE BALSAM
He laau maikai a oluolu hoi keia no ka Hi, ka Nahu, N@, Wela o ka Houpo, Haoa, Hoopailua wale, Luai, Luai m@, ono olo i ka ai. Nahu me ka uwe no hoi o na keiki uuku, a me na mai like he nui.
Emo ole ka oluolu o ua mau mai nei i keia laau.
Penei e inu ai, i ka inu ana hookahi. Ina he keiki akahi paha ona malama, a @ua paha he umikumamalua paha @ a hiki i ka iwakalua ka pono.
Ina he keiki mai na malama eono a hiki i na malama @ he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka heku a i ka walu o ka makahiki, elua puna ka pono, a no kanaka makua, he puna nui ka e ina ia i ka manawa hookahi.
A inu ea, e hui me ka wai maoli uuku, (a like a like ka wai me ka laau,) a pela e inu@ ae ai. Ekolu, eha elima paha @ i ka la hookahi, e like me ka nui o ka pilikia.
I akaka nae. Ina he nui ka wela, a ina @ komo k@k@ pono ole iloko o ka opu, e aho e moni e mamua i mau H@ Ola, a i ole, e inu i wahi paakai, a i wahi aila paha, i h@ ka mea ino oloko, alaila e inu i keia Laau hoopaa hi.
Ina e luai ka mea mai, mahope o ka inu ana i ka Laau, a pau a i ka luaiia, e hanai hou aku no e like me mamua @ a pinepine, a oluolu hoi ko loko, a waiho malie no hoi ka laau ma ka opu.
Aohe a makou mea e noi aku ai i ka lehulehu, hookahi wale no o ke kauoha aku ia lakou e HOAO PONO i na
Laau Kunu a Kauka Jayne
hoike aku ai i ke ola o na mea a pau hoakakaia no kana @au. Ua hooia, a e hiki ana no ke hoola i ka mai
KUNU, NAHU, a me ke ANU,
a me na mai e ae no hoi he nui wale ; a o na mai HOKII @ i ola nui, na mai oi ola ole i na laau e ae. E ah@ e hoao oukou e ka poe i mai la.
HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI KOU me ka NAE?
AOLE ANEI OU MAI KUNU?
AOLE ANEI OU MAI NAENAE?
AOLE ANEI OU EHA MA KA umauma?
AOLE ANEI OU KUNU KALEA?
AOLE ANEI OU HU MA KA i@?
A ina ua loaa ia oe ia mau mai, alaila, e ike oe i ke ola @ LAAU KUNU a Kauka Jayne.
NA MAHI HOOPAILUA.
MAI o Ke Ako!
Mai Nalulu a me ka mai Dyspepsia.
(O ka nawaliwali o ka puu hoow@ ai, iloko o k@ waihona ai.)
He pono ke ai koke i ka laau a Huaale Ola a Kauka Jayne, he laau oluolu, a he ola no hoi. Aole no he @ makemake i na laau hoo@ mai @ no hoi ka poe @ me ka oluolu no hoi. Ina e hoomaopopo@ mau laau la. Aole no e oluolu pono @ ana oloko o kona kino ; a ua ulu nui @ kahi manawa ua make no, a ina e malama pono @ ua Huaale N@h@, alaila, ola no. No @ keia mau mea, nolaila, ke hoolaha ia aku nei ka
Huaale Ola a Dr. Jayne.
Me ka hiki ke hoola'ku i ka maikai, @ maopopo @ i ka oi o ke ola o @ mamua @ a me ka @ no hoi o ka @ ana @ A ina no e inu ana ia laau @ oia ka ai ana a me ka @ ka mea ua @ loa @ iloko o ka puu @ ai @ haawina @ he maikai loa @ a me ka holoi pau i ke ino oloko o ka opu.
DISIPEPESIA
(Oia ka mai ono ole o ka ai i kekahi manawa, a me ka nawali pono ole @ hoi o ka @ o ka puu @
O keia Huaale Hoola a Kauka Jayne, @ ihooikaika ana ia mau oihana @ oihi loa ka mai ana, alaila, e hikiwawe ke ola ke inu @
Huaale me ka Laau Hoomaemae Koko
a hoopau NAIO me na KOE.
A Kauka JAYNE,
e like me ka mea i kuhikuhiia mawaho o ka @
NO NA MAI MA KE AKE,
MAI LENA,
MAI MA KA OPU HANAWAI,
NA MAI WELA,
KA HAALULU,
KA MAI O KA @
KOKO INO,
MAI NALULU,
PAA O KA LEPO,
MAI KUNA,
MAI WAHINE,
ame ka MAI HOOPAILUA
Ua maopopo loa ke OLA o keia mau HUAALE @ wale no i koe i ka lehulehu o ka hoao pono @ maikai no @ laau a Kauka Kayne no ka @
PU@A,
ALAALA,
KAOKAO,
PUUPUU,
PEHU,
KUNAKUNA,
H@nene, Lolo,
na mai wahine, a me na mai e ae, @
LAAU HOOMAEMAE KOKO
@