Ka Nupepa Kuokoa, Volume IV, Number 24, 15 June 1865 — Na Mea Hou o ke Alo Alii. [ARTICLE]

Na Mea Hou o ke Alo Alii.

Ua oluolu makou i ka hai ana ia kakou makaainana, ua oluolu muikai ke ola o ko kakou Moi, aia no ia ma Waikiki kahi i ho> ni hoomau ai i ke ala onaona o ka limu lipoa o Ulukou, oiai e pa aheahe mai ana ka makani, a holunape hoi ka lau o ka niu, ka mea nana e koaniani i ua Mea Ilihia la i keia mau la ikiki.

He maikai no ke ola o ka Me i Kiekie M. Kekuanaoa. Ika Poalima aku nei, ua hele aku e nana i ka hoike kula o ke Kula Alii. a i ke ahiahi o ka Poalua, ua naue aku ia ma ua kula la no e hoolohe i na leo aheahe o na kaikamahine, a me na haiolelo a na keiki oia kuia. Ua maikai no ke ok o keKama Alii Wahine, a me ke Alii Wahine Kanemake Hakaleleponi, ma Haimoeipo laua i keia mau ahiahi iho nei kahi i luana ai. I ka Poalima aku nei, ua hele ke Alii Mrs. Pauahi Bihopa, a me ke Alii Mrs. Kamakaeha Dominis, i ka nana i ka hoikeoke Kula Aii, a i ke ahiahi o ka Poalua, ua ikeia o Mrs. L. Kamakaeha e hookani ana i ka Piana, ma ke Kula Alii ina Kahehpna, oiai e hoolele nna na kaikamahine opiopio oia kula i ko lakou mau leo hoolealea. Ma ia hana no ana, e mahaloia ai no na Mamo Alii. aloha i ko lakou poe makaainana, me ka hapai like no ina hana inaikni. Ika Poakolu iho nei, ua hoi aku ke Kiaaina Oahu, me kana Aliiwahine, a me ke Aliiwahine Likelike i Waikiki, e hooluolu ai no keia mau la kikiki o ke Kaona nei.