Ka Nupepa Kuokoa, Volume IV, Number 27, 6 July 1865 — I ka Poe Heluhelu. [ARTICLE]

I ka Poe Heluhelu.

Ke hoomaka nei ko kakou Nupepa e komo aku iloko o kekahi hapalua makahiki hou. Iloko oka hapa makahiki i pau, ua hooikaika nui makou, e hoomanao a e hoolealea ia oukou, ka poe heluhelu. Ma ia hooikaika ana a makou, ua loaa ia oukou ka pomaikai, aole nae i pau ka ikaika o ko makou makemake no ka hoopo.maikai ana 'ku ia oukou. Aole no hoi makou i manao ua poho ka luhi o ko makou hooikaika ana. Ina no ke dala ko makou hooikaika nui ana, alaila, ua poho makou ; no ka mea, aole no keia he hana e loaa nui mai ai ke dala. Eia nae ke kumu o makou i manao ai ua makepono ka luhi; no ka mea, ua lilo ko makou luhi ana i mea e pomaikai ai ka lehulehu. He poe kauwa makou no ka lehulehu, a ina me ko inakou luhi ana e pomaikai ai kanaka, he pono ia. Aole o makou mnnao e hooemi ana i ko makou ikaika ma keia wa aku. Aole o makou e makau ana i ka luhi, ke lilo ia luhi i mea no oukou e pomaikai ai. Ma kahapamakahiki i hala, aohe i lawa loa ko makou makenmke no ka pepa. CJa haule kekahi mau mea nui e pono ai. Ua haule kekahi mau helu manao no ke ola kino a mnkou i manao nui ai; pela no hoi kekahi mau helu manao no ka Mahiai ana. Ma keia wa aku makou e hoolawa ai ia mau mea. Ake manao nei no hoi makou e hoolaha aku i kekahi mau olelo ao liilii e pili ana i ka hana ana me ka hoomakaukau ana i na mea e pono ai ka noho kino ana, e like me ka ai ana, ka inu ana, ka moe ana, a pela aku. He rtiau mea ia e naauao ai a e oluolu ai ka noho kino ana. Ke makemake nei makou e ike na kanaka Hawaii i na mea e pono ai a e oluolu ai ka noho ana. Oka ike ole, he hemahema nui ia. He nui na porio e waiho nei; aka, qo ka ike ole ia, ua nele. A eia ka makou hana nui, o ka hohola ae ia mau pono imua o kanaka, a na kela mea keia mea e lawe elike me kona makemake. Eia ka manao i koe ; e apo mai oukou e na hoa i ka pepa a kakou a e hoopaa iho. Na oukou no e na makamaka makaainana Hawaii keia pepa. O oukou no na ona waiwai, ahe poe kudne makou na oukou. O oukou na haku, o makou na kauwa. E paa iho i ka pepa a paa, a e hookikina mai no ia makou, ka oukou mau paa-hana. Me oukou ka pepa e waiho nei. Aia kon'a ea iloko o ko oukou mau lima. A i olelooukou e ola ! Oke ola no ia ! Aole o rnakou kanalua, e olelo ana no oukou, " E ola ! "