Ka Nupepa Kuokoa, Volume IV, Number 27, 6 July 1865 — Aole i Loaa. [ARTICLE]

Aole i Loaa.

Eka Nopepa Kuokoa e ; Aloha oe : Ua halawai mai au me na haina o na ninau a'u, i hoop»ka ia oe ma kou kino o ka la 25 o Mei, maluna iho o kou Helu 21. Ua hiki mai i keia ia na hnina a kamalii liilii ma Waimanalo, e hai mai ana i na haina o ua mau ninau la. Auhea oukou e kamalii me ka poe koho ninau o lune, ke hai aku nei au ia oukou, o na haina a oukou i hai mai nei, aohe wahi mea a pilipili aina iki aku i kulana o ka haina oiaio aia wale no i ka pua, o ua mau haina la a oukou e hai mai nei, aole ia ona Haina oua mau ninau la. O ka ninau iwaenakonu o keia mau ninau, a oukou i pane mai nei aole he Haina oia ninau, he ano ole hoi wahi a oukou, na ka la poele ua ninau ia. Ke hai aku nei au ia ouJtou he ninau malamalama loa ia, nolaiia olinolino na maka o oukou a makapo loa ike ole. Ua īke anei oul<ou i ka moolelo no Paulo i kona wa i hele aku ai i Damaseko, a halawai mai oia me ka malamalama nui i oi aku i ko na malamalama ana i ike ai, pehea oia. Ua oleloia ua makapo, aole oia i ike i kekahi mea kino imua ona no ka n>ii loa o ua inalamalama la. Pela no oukou no ka hiki ana'ku o keia ninau malamalama loa i ko na ninau e ae a pau, a paia me ke alohilohi 0 ke one o Wailea a ine Pahonu oia ka mea 1 pouli ai. Nolaila paha ka poaeae pohihihi 0 na maka o oukou a hoole wale iho no aohe haina oka ninau maikai, kahaha! I ole au e kuhihewa. Ua alakai ia paha oukou e kekahi kanaka nona ka nana poaeae ana, aole i hanaia ke kii ma ka letina o ka maka a mamuli oia alakai ia ana ma ka maka pohihihi, nolaila paha ke kumu o ko oukou ike ole a hoole ai, aohe haina o ua ninau la iwaenakonu. Mamuli oka lana o kuu manao, aole au i hana i keia mau ninau i haina ole kekahi o lakou he haina no, i lohe oukou e kamalii o ka pali hauliuli o Makapuu. Ina no ka loaa ole ke kumu o ka hoole ana, pono anei ia ! E pono e nonoi mai oukou i ke " Kilohana Pookela o ka Lahui," e hoihoi aku i ko oukou manao hoole no ua ninau la. Eia ke kauoha ia oukou, e huli hou aku no malie o loaa, ina paha iluna o ka lihilihi pali o Makapuu. 1 huli oukou a 1 loaa ea, waiho hou mai oukou maluna iho o ke Kūohana nani o ka Pakipika. Owau no Kalaulī. Ilonokaupu, Honolulu, lune 12, 1805.