Ka Nupepa Kuokoa, Volume IV, Number 29, 22 July 1865 — Na Palapala. No ka hahai ana o ka Liona i ke Kanaka. [ARTICLE]

Na Palapala.

No ka hahai ana o ka Liona i ke Kanaka.

I kekahi manawa hele ae la kekahi Hotenetota, e alakei i na bipi a kona Haku i ka punawai, e hoohainu ia lakou ika wai. A kokoke ia e hiki ilaila, ike iho la ia i ka Lio, na nui e moe ana iloko o ka mauu ma kahi olu kokoke ika wai. Makau nui loa iho la ia i kona ike ana'ku ia mea weliweli loa, a holo-kiki aku la iwaena o na bipi me ka ma« nao e lalau ka liona i ka bipi, a haaleie ia ia. Aole haalele ka liona i ke kanaka, hahai no ia ia mawaena o na bipi, aole lalau iki i ka bipi, o ke kanaka no kana i iiahai aku ai. Nana ae la ke kanaka ihope, a e hahai ana ka liona ia ia, me ka haka pono mai o na~maka. A ike iho la ke kanaka i kela mea nui e weliweli loa ai, e haka pono ana ia ia, alaila, nawaliwali iho la ia i ka makau nui. Manao no nae ia i kekahi laau e ku mai ana, a pii aku la iluna, no ka mea, ua kaluiia he mau anuunuu i mea e hiki ai ke kanaka ke pii. Oia kona mea i pomaikai ai. Ua nui na punana manu maluna ma na kala, a ua kalaiia kela mau anuu 1 mea e hiki ai i ke kanaka ke kii ina manu. A ike ka liona i ua kanaka nei e pii nna, lele koke ae la ia e paa i ke kanaka, aole i paa, pakele no ke kanaka a hiki iluna o ka laau, a haule ilio la ka liona ilalo. Ku hou mai ka liona iluna, me ka hilahila, a holoholo ae la ma ke kumu o ka laau, me ka imi paha i mea e loaa'i ke kanaka ia ia. Ua huna ke kanaka malalo o na punana manu, aole ike mai ka liona ia ia. O Loxia ka inoa o na manu ma in laau, a ua nui loa na manu ma ka lala hookahi, nolaila, paapu ko luna Ina punana. Maloko olaila ka huna ana o ke kanaka, a liuliu kona moe malie ana, manao iho la ia ua hala ka l.iona. Aluila, hoopuka mai la ia i kona poo iwaho e nana, aia hoi, e haka pono ana na maka oioi oka liona ia ia. Nani kona makau nui loa, no ka mea, aole ona wahi e pakele ai ke holo. Hoihoi ke kanaka i kona poo iloko, a moe malie, me ka manao, e pii mai auanei ka liona īluna, oia kona mea e makau loa ai. Ike iho la ka liona,aole hiki ia ia ke lele maluna, i kahi o ke kanaka e kau ana. alaila, moe iho la ia malalo ma ke kumu o ka laau, a po ka la, a ao ka po, aohe i hele iki. Alaila, makewai iho la ka liona, a hele aku la ika punawai e inu. Olioli iho la ke kanaka i kona ike ana, ua hele ka liona, a iho iho la ia ilalo me ka haalulu, a me ka makau, a holo-kiki aku la ia me ka makau ole, a hiki i ka hale, aole hoi i ike ka liona ia ia. A mahope iho. hele ke kanaka ma ia wahi e nana, a ike e oia i na kapuai oka hona. Pau kona inu ona ika wai, alaila hoi ae la ia i ka laau, a.nana, aole ke kanaka, a honi oia i na kapuai o ke kanaka, a maiaila ia i hahai ai a kokake no i ka hale.

Aole ike kela hotenetota i ka olelo a ke Akua, aole ike ia i ka Haku i ka mea nana i hoopakele ia ia i ka waha o ka liona. Aole ia i ike na ka Haku no i haawi mai ī ka liona i ka makewai, i mea e hele aku ai ia. Ina paha ia i ike, ina ua kukuli koko iho no ia a hooalohaloha aku ia ia, me ka hoomaikai nui aku, no kona hoopakele ana ia ia ika make ino loa, ua pau. Me ka mahalo. Geo. Wood. Waikiki-kni, īune 12, 1865.