Ka Nupepa Kuokoa, Volume IV, Number 29, 22 July 1865 — No ka Pepa. [ARTICLE]

No ka Pepa.

E na makamaka mai Hawaii a Niihau. Aloha oukou :—He mea hiki paha ia oukou a mea'u nei ke hui aloha pu kakou e like me ko'u ano mamua. No ka mea, owau no ko oukou makamaka pauaho ole i ka ae maikai ana aku i na mea a oukau i hooili mai ai a hsi i keia wa, ua nui au a ke noho opiopio nei no au imua o oukou. Aole i ohule kuu poo, aole no hoi i kuakea ke oho hina maluna ae o ko'u lae, oiai ke ikemaka nei no oukou i ko'u ano. Nolaila ke aloha nui aku nei no au ia oukou, aka, o ko'u wahi ola no nae ka oukou e malama mai. E haawi mai i kou mau -kahu hanai, no ka inea, ua haawi .mai kuu makuakane ponoi ia'u i na makua hanai, ka mea nana au i hanau ponoi mai. Ake malama ia nei au e laua, e like me ka laua i hoike mua aku ai ia oukou i ka makahiki i hala ae nei.

No kuu nloha ia oukou i keia wa, nolaila, ke hai aku nei au ia oukou me ko'u manao lano pu, a me ka hauoli no ka lokomaikai a me ke alohaana mai o ko kukou makua ma ka lani, me ka loaa ana o keia makahilei hou ia kakou, a o kekahi o ka poe i launa pu mea'u mamua, i waena o na makahiki ekolu i kaa hope ae nei. Aole lakou i keia wa, ua nui loa ia poe hoaloha o'u i nalowale, auhe la lakfiu? aole ma ka hale); i keiapoaha iho nei, ua hoomaka hou au e hele e launa pu kakou. Eia hoi, i hiki aku auanei Uuu hana, aohe makamaka, ua hele paha, a ua mnke paha, nolaila, ke aloha nei au me ka uwe ia lakou. Nolaila, ena makamaka, a me na hoaloha o'u, eia ke kauoha iaoukou; e imi pu kakou i ka pono, a meke aloha, me ke kuikahi, a malaila kakou a pau e hnhai aku ai. Nolaila, eia au ko oukou hoapili o na po annanu a koekoe hoi o ka hooilo, a me na la wela hoi oke kau. Owau no oko oukou hoa kuka, a hoa haihai olelo o ko'u wa kamalii. O oukou no na makua,a me na hoahanau o'u, na kaikuaana, na koikaina, na kaikuahine i hanau pu ia mai ai kakou a pau mai loko mai o ka puhaka hookalu o ke koko o Hawaii nei, A owau nei la he wahi hua haule wale i hoowahawaha ia e na Aha Hui elua nana 1 hanau mai ia'u, elua maua i hanau mai i ka makahiki hookahi, o kuu kaikuaana, o Hoku o ka Pakipika ka inoa, a o wau nei hoi o Nupepa Kuokoa, Nolaila, ua puka like mai maua hookahi makuahine, a ka r?.akuakane kaawele maua, a i ke kolu o ka makahiki o kona ola ana a make aku la ia, no ka mea, o kona kumu i make ai ea, he hanu pau. Nolaila, oke aloha no ko oukou a pau. Aole i pau ko'u hai ana aku ia oukou, na hoa hele o ka nahelehele koekoe i ka ua, na hoa hele o na pali kiekie, a me na alu, tm hoahele o ka ululehua o Panaewa, na hoa olelo o ka uka kualono mehameha kanaka ole, ke hoike aku nei au ia oukou i nui ke aho i ka malama ana i ka oukou wahi kauwa nei, ko oukou hoa o naawawa lehuiehu 0 Hilo Paliku, na hoahele o ka lepo poho o Mahiki, e hookanaka kakou a e ikaika hoi, ma ka hana ana me ka molowa ole. Ena makamaka o Hawnii o Keawe, a me na makamaka o Maui o Kama, i nui ke aho a e nihi ka hele i ka uka o Puna, mai hoopa i ka pua, a pela no kakou a pau e malama ai ia kakou iho, alaila e pomaikai io auanei kakou. E ! Auhea oukou e ko na mokupuni i hoike ia ae la maluna, eia kahi olelo la oukou, mai pi, mai aua, homai kau wahi hakiana ai, a me ona wahi hakiana ia, na ka oukou wahi kauwa nei, oiai na la ui; a'u e hoomanao ai, o loaa* mai auanei i na olelo a ke Kahuna. Nolaila, pela no hoi oe e Oahu o Kakuhihewa, a me Kauai o Mano, e like me ka'u 1 hoike aku nei ia oukou, a mai paupauaho hoi oukou, e hoomana\vanui ka pono, e like me ko'u hoomanawanui ana i ka oukou ukana. mawaena o keia mau kai ewalu mai Ha« waii a Niihau, i waena o na makani ehao ka wa ino. Pela no hoi oukou e hoomanawanui ai, me ka malamaia o ko'u wahi ola o ka noho ana ma Honolulu nei. Ncpepa Kuokoa.