Ka Nupepa Kuokoa, Volume IV, Number 30, 29 July 1865 — Page 4
Ka Nupepa Kuokoa.
PAPA KUHIKUHI-MANAWA.
Mai ka Hookumu ana o ka Honua.
4245 { Pepehi hou-ia e Dekiu, o ka } 250
{ hiku ia. }
4256 { He mai nui ma ke ao nei mai } 252
{ Aferika mai ia mai. }
4256 { Pepehi hou ia na Keristiano e } 252
{ Galu, o ka walu ia. }
4262 { Pepehi hou ia no, na Vareliana } 258
{ keia hana, o ka iwa ia }
4266 { He olai nui ma ka aina o Asia, } 262
{ Aferika, a me Europa, ua }
{ uhi mai ka poeleele nui i ka }
{ Honua, a hala na la ekolu. }
4278 { Ka lawe mua ia ana o ke sili } 274
{ ka mai Inia'ku a i Europa. }
4307 { Pepehi hou ia na Keristiano e } 303
{ Diokelesiana, o ka umi ia. }
4310 { Lilo ke Aupuni o Roma ia } 306
{ Konesetine. }
4317 { Hoopau ia ka pepehi ana i na } 313
{ Keristiano. }
4362 { He olai nui ma ka aina o Asia } 358
{ Helene a me Europa, 150 }
{ kulanakauhale i hiolo. }
4424 { Ka hookumu ia ana o ke Au } 420
{ puni o Farani. }
4424 { Pau ko Roma poe i ke kipa } 429
{ ku ia mawaho o Beritania. }
4480 { Hiolo loa ke Aupuni nui o } 476
{ Roma. }
4547 { He olai nui ma ka Honua nei } 543
{ a puni. }
4601 { Ke ao nui ana o Beritania i ka } 597
{ olelo a ke Akua no Roma }
{ mai na kumu. }
4610 { Ka hookiekie ana o ke Kahu } 606
{ napule o Roma maluna o }
{ na Ekalesia a pau a kapaia }
{ " Pope." }
4613 { Hoolaha o Mahomeda i kana } 609
{ Hoomana wahahee. }
4641 { Kaua nui ka Mahomeda poe } 637
{ haumana a lilo o Ierusale }
{ ma ia lakou. }
4667 { Ka hana mua ana o ke aniani } 663
{ ma Beritania. }
4750 { He mai nui ma Europa me } 746
{ Asia a hala na makahiki }
{ ekolu. }
4818 — Make o Charlemagne. Ian. 28, 814
4843 { Ka hookumu ia ana o ke Au } 839
{ puni o Rusia. }
4860 { He olai nui ma ka Honua nei } 856
{ apuni. }
4876 { Ka ike mua ana i ka hana } 872
{ Wati. }
4882 { Ke kau ia Alefereda ke Alii o } 878
{ Beritania. Ua kapaia o }
{ " Alefereda ka Nui" no ka }
{ ikaika i ke kaua, a me ka }
{ malama pono ana i kona Au }
{ puni. Oia ke Alii i kau }
{ lana nui ma Beritania no }
{kona malama nui ana i ke }
{ Akua. }
4919 { Hanaia ka Hale Kula nui o } 915
{ Kameberida ma Beritania. }
4989 { Kaua.nui o Denemaka ia Be } 985
{ ritania a lilo ka aina ia Ko }
{ nute ke Alii o Denemaka. }
4995 { Ka ike mua ana o Europa i } 991
{ na huahelu mai Arabia mai }
{ ko lakou ike. }
5004 { Ka hana mua ana o ka Pepa } 1000
{ kakau. }
5018 { Lilo o Beritania ia Sueno ke } 1014
{ Alii o Denemaka. }
5019 { Kau ia ke Kanawai ma Beri } 1015
{ tania aole e kuai ka makua }
{ i kana mau keiki. }
5044 { Hookuke ia ko Denemaka } 1040
{ mai Beritania aku. }
5070 { Lilo ke Aupuni o Beritania ia } 1066
{ Williama Kalanakila " Wil }
{ liam Conq." Oct. 14. }
5091 { A make o William Kalanaki } 1087
{ la lilo ke Aupuni ia William }
{ Rufus. Sept. 9. }
5103 { Kaua na'Lii o Europa i na Ma } 1099
{ homeda ma Ierusalema a }
{ lilo ia kulanakauhale ia la }
{ kou. }
5104 { Lilo ke Aupuni o Beritania ia } 1100
{ Heneri 1. Augt. 2. }
5136 { Ka hookumu ia ana o ke Au } 1132
{ puni o Potugala. }
5139 { Lilo ke Aupuni o Beritania ia } 1135
{ Setepano. Sept. 1. }
5158 — Lilo hou ia Heneri II. Oct. 25. 1154
5176 { Lilo o Irelani ia Heneri II ke } 1172
{ Alii o Beritania ma ke kaua }
{ ana'ku. }
5184 { Ka hana mua ana o na puka } 1180
{ aniani ma Beritania Nui. }
5186 { Ke kauoha ana o ka Pope i ke } 1182
{ Alii nui o Beritania me Fa }
{ rani e paa i na keehi o ko }
{ na noho lio i ka wa ana e }
{ pii ai iluna o ka Lio. He }
{keu a ka hookiekie, ke oiaio }
{ keia. }
5187 { Pepehi ia na Alebigenesi 7000 } 1183
{ e na kauwa a ka Pope no }
{ ko lakou hoomana ana i ke }
{ Akua. }
5193 { Lilo ke Aupuni o Beritania ia } 1189
{ Rikeke 1. Iulai 6. }
5203 { Lilo ke Aupuni o Beritania ia } 1199
{ Ioane, Apr. 6. 1199 }
5237 { He hale pili wale no ka nui o } 1234
{ na hale ma Ladana Farani }
{ a me Geremania. }
5276 { Lilo ke Aupuni o Beritania ia } 1272
{ Edward 1. Nov. 16. }
5286 — Hui ia o Wale me Enelani. 1282
5306 { Ka hana mua ia ana o ke Pa } 1302
{ nana a ka poe holo Moku. }
5311 { Nohoalii o Edward II no Be } 1307
{ ritania. Iulai 7. 1307 }
5324 — He Olai nui ma Beritania. 1320
5331 { Nohoalii o Edward III no Be } 1327
{ ritania. Ian. 25. 1327 }
5334 { Hana mua ia ka Pauda e ka } 1330
{ ni ai ka Pukuniahi. }
5334 { Hoomaka mua ia ke kaua ana } 1330
{ me na Pu. }
5356 { Ka hele mua ana o ko Tule } 1352
{ ke poe i Europa. }
5381 { Nohoalii o Rikeke II no Beri } 1377
{ tania. Iune 21. 1377 }
5444 { Ka hana mua ia ana o ka mea } 1440
{ Pai Palapala ma ka Aina o }
{ Batavia. }
KA PAPA KUHIKUHI MAKAHIKI
— O NA MEA —
KAULANA O HAWAII NEI !
HELU 3.
KA MOOKUAUHAU ; A HE PAPA HOOMANAO
I NA MEA KAULANA O NA MOOLELO
O HAWAII NEI.
1779 Ian. 17. Ku ka moku o Lono (Kapena Kuke) ma Kealakekua.
1779 Feb. 14. Make o Lono ma Kaawaloa, Hawaii.
1781 Hakaka kekahi alii me ka mano ma Kauhola, o Nuuanu-paahu ka inoa.
1781 Make o Imakakaloa kekahi alii kipi, a ua amama ia e Kiwalao me Kamehameha, oia hoi o Amamalua.
1782 Aperila, make o Kalaiopuu ma Waioahukini.
1782 Ua pani paa o Kahekili i ka puu kaua o Kauwiki i ka makahiki okoa.
1782 Ua hee ka puu kaua o Kauwiki no ka wai ole, a ua lukuia na'lii, a ua kapaia o Kapikao.
1782 Iulai. Kaua o Kiwalao me Kamehameha ma Keomo, a lanakila o Kamehameha. O Mokuohai ia kaua.
1782 Lilo o Keoua i alii no Puna me Kau, a o Keawemauhili no Hilo.
1782 Dek. Kaua o Kamehameha me Keoua, Keawemauhili. Ilaila na koa o Kahekili, oia hoi o Kauaawa.
1782 Holo o Kahekili i Oahu i ke kaua me Kahahana, O Kaopuakiikii ia kaua.
1782 O Makaioulu me Pupuka na koa i hoouka mua, a make o Kauhikoakoa kekahi alii o Maui.
1782 Ekolu hoouka ana, i ka ha o ka hoouka nui ma Kaheiki. Ua hee o Kahahana, a hele pio elua makahiki. Ua auweaina ia.
1783 Laupahoehoe mua.
1783 Ku mai na moku o Kapilipakele me Alomakani.
1784 Make o Tito Hueu kekahi alii i ka powaia nia Waialua.
1784 Pakele o Kahekili me Kauakapekulani Kalaikupule me Koalaukani i ka powaia.
1784 Ua luku nui loa ia na'lii me na makaainana. Ua kukuluia o Kauwalua ma Moanalua. Ua kapaia o Kapoluku
1784 Make o Keaulumoku.
1784 Hapuu, oia o Kauhola.
1784 Kipi o Kalaniulumoku make ma Pakui i Olomana, make o Kaneoneo ma Kalamakee i Wahinekapu.
1785 Holo o Kaiana a me Namakeha i Kauai.
1785 Hoao o Kamehameha laua o Kaahumanu.
1785 Ku mai ka moku o Kapilikanaliki me Kilo.
1786 Ku mai ka moku o Loke, o Olo me Kapilimaka me Kapena Kane, nolaila mai ka ilio o Boki.
1786 Noho mai o Amara me Kaeo, a ua loaa mai na Iliohae o Makaeha ma.
1787 Holo o Kaiana i Kahiki me Kapena Kane.
1787 Hanau o Poki, na Kekuamanoha me Kamakahukilani.
1788 Ku mai ka moku Koneada me Makalawena, he aikane na Kalaikupule.
1790 Ku mai ka moku Okaka me Elenola ma Honuaula.
1790 Lolopahu ma Olowalu i ka moku Elenola.
1790 Noho o Olohana me Aikake i mau haole na Kamehameha.
1790 Kaua o Kepaniwai ma Wailuku.
1790 Kaunakakai mua, kapaia o Kawaanui.
1790 Make o Keawemauhili ia Keoua ma Alae.
1790 Kaua Koapapaa.
1790 Ku mai ka moku o Kapena Kane me Kaiana ma Kawaihae.
1791 Hoohiolo o Kaeo i ka paepae kapu o Liloa me ka nioi o Pakaalana.
1791 Kaua o Kepuwahaulaula.
1791 Kaua o Kaiana me Keoua ma Kalae Ohulelua a me Puuokokoki.
1791 Hanaia o Puukohola.
1791 Dek. Pau o Peapea ke alii kaulana i ka pauda ma Kauwiki, a ua make ma Honokohau.
1792 Hiki mai o Oliva Holmes, a holo aku no i Keomolewa. I ka M. H. 1794, ua noho me Kalaikupule. 1792 Hanau o Kuakamauna, na Peapea me Lonohiwa.
1792 Make o Keoua ma Kawaihae ma ka malimaliia.
1792 Hiki mua mai o Vanecoua ma Hawaii nei.
1792 Make o Kahekili ma Oahu.
1792 Hanau o Ahukai, na Manono Kauakapakulani me Kailinaoa.
1792 Noho alii o Kaeo no Maui.
1792 Ku mai ka moku Beritania Daedalus i Waimea Oahu.
1793 Hanau o KEKUANAOA, ma Keomoalii, Keokea ; na Nahiolea me Inaina.
1793 Ka alua o Vanecoua ma Hawaii nei
1794 Aug. 15. Kaua o Kalaikupule me Kaeo ma Kukui, a ua ike laua ma Kalapawai. O Kaelilua ia kaua.
1794 Ku mai ka moku Kapena Koki, me ka moku Kapena Bapa,
1794 Nov. 16. Ohumu iho la na hookele e make o Kaeo ma ka moana. Manao iho o Kaeo e kaua i nui ka moe puu.
1794 Komo mua na moku ma ke awa o Kou, o Jackoll me Prince Leboo.
1794 Kokua na haole mahope o Kalaikupule.
1794 Nov. Dek. Eono mau la hoouka kaua, a ua make kekahi mau haole ekolu ma Punahawele, a ua lanakila mau no o Kaeo.
1794 Dek. 21. Hoouka kaua nui ma Kalauao, mauka a ma na waapa. Ua make o Kaeo. Ua kapaia ia kaua o Kukiiahu.
Ke hoopau nei au i keia Papa Kuhikuhi, a o ka Mooolelo e pili ana i keia Papa, oia no ka mea nui, a hiki ole i kekahi mea e ola ana ke hana. He waiwai nuiia i hunaia, aka, ua pilikia au i ka mai, a ua pono ole ke kakau ana. Ina e kokua mai ke Akua ka mea mana, alaila, e loaa ia oukou ka Buke Mooolelo Hawaii oiaio maoli,
Na Rula o ka Hana mea Ono ana.
HELU 4.
HELU 23 (SAVOY CAKES.) E koai iho oe i e umi huamoa, me akahi pauna ko keokeo iloko o na minute he iwakalua. E hana iho oe i ka io keokeo o ka huamoa a huahua a hui malie aku ; alaila hui aku oe i ekolu hapaha pauna o ka palaoa i kaulaiia a maloo maikai, a ho-o aku iloko o ka o-ma.
NO NA MEA ONO PAI.
HELU 1. (PUFF PASTE.) E hui aku oe i ka hapalua pauna waiubata hou me akahi pauna me ka hapaha o ka palaoa i kanana ia a maikai, a ninini iho i ka hapalua paina o ka wai mapuna me ke koai pu iho. E hoowali oe awali a e waiho ae ma kahi e i hapaha hora ka loihi o ka manawa. Alaila kui iho oe a lahilahi, a kau liilii iho i ekolu hapaha pauna waiubata, a lu iho i palaoa maluna. Pauia, papalu iho a kui iho a lahilahi, i ekolu au hana ana pela, alaila, waiho ae ma kahi huihui no ka hora hookahi.
HELU 2. (RAISED PIES.) E waiho iho oe i elua pauna palaoa me ka hapa maluna o kekahi pepa manoanoa a waiho iho iloko o kekahi pa puna a kau aku maluna o ke ahi, me akolu hapaha o ke paina wai a i hookahi hapalu paina o ka aila palai maikai. I ka manawa e paila ai ka wai e hana iho oe i puka ma waena o ka palaoa, a ninini iho i ka wai me ka aila palai, a hui malie iho i ka palaoa me ke puna ; a ina ua maikai kau hui ana ; alaila, e kowali iho oe me ou mau lima a hiki i ka manawa e paakiki ai. Pau ia, lu iho oe i ka palaoa maluna o ka papa i pipili ole ai, alaila, olokaa iho oe me ou mau lima, a like pu ka manoanoa me ka ipuhao kuaka, a oki iho i eono apana a waiho iho i wahi mea uuku no luna iho. Pau ia ; hookomo iho oe i hookahi lima i waena konu o ka apana palaoa i moa ole, a waiho iho i kekahi ma kahi e kokoke aku ana, a hiki i kou manawa e ike ai oe ua poepoe maikai. E oki mua oe i kau io a lu iho i ka nioi pepa me ka paakai. Ina he puaa, e oki iho a lahilahi ; ina he hipa, e oki iho a liilii a ho-o aku iloko o ka pai e like me kau hana ana. Pau ia ; olokaa aku oe i na ili mawaho a like ka nui me ka pai a hooma-u ae i na kae-ka-e i ka wai, a kau iho maluna o ka pai, alaila, kaomi iho me kou manamana lima nui me kekahi manamana lima e ae, a ooki iho a puni me ka upa a huki ae iloko a iwaho ; alaila, ho-o aku iloko o ka oma, no ka hora hookahi me ka hapa.
HELU 3. (PUMPKIN PIE.) E hoolapalapa iho oe, i kekahi ipu pu ono a kanana iho. E lawe oe i elima huamoa, a koai pu iho me na pola ki i piha i ke ko, a me hookahi hapalua pauna waiubata me ona wahi paakai ; a me akahi hapalua o ka laau ala.
HELU 4. (PEACH PIE.) E lawe ae i mau hua piki (peach) pala, a okioki iho a lahilahi, alaila ho-o iloko o kekahi pa maikai a lu iho i ke ko maluna, me ka waiho malie aku a hala ka hora hookahi. Pau ia, lawe ae oe i kekahi pepa manoanoa maikai a waiho iho iloko o na pa me ka hana a piha pono; alaila hui aku i ko hou a hookomo aku iloko o ka oma i hapalua hora ka loihi.
HELU 5. (RHUBARB PIES.) E lawe ae oe i ka hua rubaba (rhubarb) e kolikoli iho a liilii, alaila, hui aku oe i hookahi kuaka ko me akahi kuaka o ka rubaba a ho-o iho iloko o ke kini pana nui a paila iho a hiki i ka wa e waliwali ai, alaila hui hou aku i hookahi gila barani me akahi aunaki waiubata, me akahi hapalu o ka hua ala nutemeka (nutmeg). Pau ia ; kui iho a pepe loa, me ko hana mua nae a paa pono na pa i na pepa manoanoa ; alaila, ninini iho i ka hua a hoonani iho me na pepa o kela ano keia ano i okiokiia me ka upa, a hookomo aku iloko o ka oma, aole nae ka loihi loa.
HELU 6. (APPLE PIE.) E lawe ae oe i umikumalua ohia, kolikoli a pau ka ili, alaila, oki iho mai ke kaula o ka nakii ia ana a ho-o iho iloko o kekahi ipu tini (stew pan); me na wahi waiu uuku. Pau ia ; hoolapalapa iho a waliwali loa, a hui iho i elua aunaki waiubata, me ona wahi makeke, nutemeka, me ka ili lemi i kolikoli ia a lahilahi a me ona ko. Alail, pale iho oe i au tini pana pai i ka pepa manoanoa maikai ; a i ka manawa e maalili ai o ka hua ohia, e hookomo iho oe iloko, a poi iho i poi pepa manoanoa, a e loaa mai no ekolu pai mai loko mai o keia.
Kumumanao.
AIA LA MA NA WAHI HEA E KOKUA AI KA NAAUAO I KE AUPUNI ? O ka naauao, oia ke kaula gula e nani ai ke Aupuni, ka mea hoi nana i kokua'e i na hana a pau o ke Aupuni ke hoohuiia oia me kekahi mau mea paahana e ae, aka hoi, ke ninau ia nei ma ko kakou Kumumanao. " Aia la ma na wahi hea e kokua ai ka naauao i ke Aupuni ?" Mamua nae o kuu pane ana'ku i ka haina o keia ninau, he pono ia kakou ke hoomaopopo mua i ke ano o ka huaolelo Aupuni. O ke Aupuni, oia ka huipu ana o na kanaka a pau ma kekahi aina, o na'Lii a me na Makaainana i hookahi ohana, e hana pu i na mea e pono ai ko lakou noho ana ; a o keia huipu ana i ohana hookahi, o ke Aupuni no ia. Ina pela ke ano o ke Aupuni, alaila, aia ma na wahi elua e kokua ai ka naauao i ke Aupuni.
1. Ua kokua ka naauao i ke Aupuni ma ka imi ana i na mea e maluhia'i ka Lahui. O ke Aupuni naaupo, he Aupuni haunaele wale no ia. E nana'ku i ka noho ana o na Aupuni naaupo, he haunaele wale, aole maluhia, no ka mea, aole i loaa ia lakou keia mea nui e kokua'i ia lakou ; oia no ka naauao.
Nolaila, i ka imi ana i na mea e maluhia ai ke Aupuni, o ka naauao ke kua kawau e kokua ai iaia. Ma na aina naaupo, aole e hiki ia lakou ke imi i ka mea e maluhia'i ; ua like pu ka maluhia me ka haunaele ia lakou. E like me na kao hihiu e paani ana ma ke kaulu pali, ua like ka honua a me kahi pali ia lakou. Aka, ma na Aupuni naauao, ua imi nui lakou i na Kanawai, i mea e maluhia'i ka noho ana o na kanaka. Aohe aina i ikeia ma ka honua nei e maluhia wale ana me ke Kanawai ole. No ka mea hoi, o ke Kanawai, oia ka io a me ka iwi o ke Aupuni. O ke Aupuni Kanawai ole, ua like no ia me ka u-la o-lu, a me ka loli fua ; he uwali, he holulelule, a he aha la hoi : A pehea la auanei e loaa mai ai na Kanawai e maluhia'i, ke naaupo ka poe nana e kau mai ? Aole. Nolaila, ua kohoia na kanaka naauao a hoopono hoi, i poe noonoo i na Kanawai. He hana nui keia, no ka mea, i na he poe naaupo ka poe naua e Kau na Kanawai, he hawawa wale no auanei ua mau Kanawai la. A i na hoi he poe hoopono ole lakou, alaila, he lapuwale wale iho no na Kanawai, no ka mea, me ko lakou ano, pela no na Kanawai i kau ia mai. Nolaila, ke kokua nei ka naauao i ke Aupuni ma ka imi ana i ka mea e maluhia'i.
A i ke ahu ana mai o na Kanawai a ku ke ko-a, a hoolahaia ma kela wahi keia wahi o ka aina, a paiia paha a paa ma na buke, aole no e lilo ia i mea e maluhia'i, ke ole ka poe nana e hooko na Kanawai. A owai la ka poe kupono nana e hooko na Kanawai ? O na Lunakanawai naauao no ; aole kupono na Lunakanawai naaupo, hoopai hewa i na lawehala i hoopiiia imua o kana Aha, a lilo no ia i mea e haunaele wale ai. Aka, i na no nae he naauao wale no ko ua Lunakanawai la, aole ona makau i ke Akua, e lilo no paha ia i mea e haunaele wale ai ; ike no na kanaka i ka hana a ka Lunakanawai, lilo no ia i mea e hoomahui ai na kanaka i ke kue ana i na Kanawai o ke Aupuni, no ka mea oia ke alakai o na kanaka, i na lilo ka Lunakanawi i mea e hoohihia ai maluna o ka lio a ma lalo paha, i-o i-anei no ka ona, a ike na kanaka ia mea, hoomahui no ; nolaila, pono na Lunakanawai ke makau i ke Akua, no ka mea, o ka makau i ka Haku oia ka noeau ; a o ka haalele i ka hewa, oia ka naauao, (wahi a Ioba) nolaila, i ka imi ana o na Lunamakaainana i na Kanawai, he mea pono ia lakou ke Kau mai i na Kanawai e kue ole ana i na mea e holo ai ka pono ma ua a