Ka Nupepa Kuokoa, Volume IV, Number 30, 29 July 1865 — KA PAPA KUHIKUHI MAKAHIKI O NA MEA KAULANA O HAWAII NEI! [ARTICLE]

KA PAPA KUHIKUHI MAKAHIKI O NA MEA KAULANA O HAWAII NEI!

HELU 3. Ka Mookuauhau ; a he Papa Hoomanao I Na Mea Kaulana O Na Moolelo o Hawaii Nei. 1779 lan. 17. Ku ka moku o Lono (Kapena Kuke) ma Kealakekua. 1779 Feb. 14. Make o Lono ma Kaawaloa, Hawaii. 1781 Hakaka kekahi alii me ka mano ma Kauhola, o Nuuanu-paahu ka inoa. 1781 Make o Imakakaloa kekahi alii kipi, a ua amama ia e Kiwalao me Kamehameha, oia hoi o Amamalua. 1782 Aperila, make o Kalaiopuu ma Waioahukini. 1782 Ua pani paa o Kahekili i ka puu kaua o Kauwiki i ka makahiki okoa. 1782 Ua hee ka puu kaua o Kauwiki no ka wai ole, a ua lukuia na'lii, a ua kapaia o Kapikao. 1782 lulai. Kaua o Kiwalao me Kamehameha ma Keomo, a lanakila o Kamehameha. O Mokuohai ia kaua. 1782 Lilo o Keoua i alii no Puna me Kau, a o Keawemauhili no Hilo. 1782 Dek. Kaua o Kamehameha me Keoua, Keawemauhili. Ilaila na koa o Kahekili, oia hoi o Kauaawa. 1782 Holo o Kahekili i Oahu i ke kaua me Kahahana. O Kaopuakiikii ia kaua. 1782 O Makaioulu me Pupuka na koa i hoouka mua, a niake o Kauhikoakoa kekahi alii o Maui. 1782 Ekolu hoouka ana, i ka ha o ka hoo uka nui ma Kaheiki. Ua hee o Kahahana, a hele pio elua makahiki. Ua auweaina ia. 1783 Laupahoehoe mua. 1783 Ku mai na moku o Kapilipakele me Alomakani. 1784 Make o Tito Hueu kekahi alii i ka powaia ma Waialua. 1784 Pakele o Kahekili me Kauakapekulani Kalaikupule me Koalaukani i ka powaia. 1784 Ua luku nui loa ia na'lii me na makaainana. Ua kukuluia o Kauwalua ma Moanalua. Ua kapaia o Kapoluku 1784 Make o Keaulumoku. 1784 Hapuu, oia o Kauhola. 1784 Kipi o Kalaniulumoku make ma Pakui i Olomana, make o Kaneoneo ma Kalamakee i Wahinekapu. 1785 Holo o Kaiana a me Namakeha i Kauai. 1785 Hoao o Kamehameha laua o Kaahumanu.

1785 Ku mai ka moku o Kapilikanaliki me Kilo. 1786 Ku mai ka moku o Loke, o Olo me Kapilimaka me Kapena Kane, nolaila mai ka ilio o Boki. 1786 Noho mai o Amara me Kaeo, a ua loaa mai na lliohae o Makaeha ma. 1787 Holo o Kaiana i Kahiki me Kapena Kane. 1787 Hanau o Poki, na Kekuamanoha me Kamakahukilani. 1788 Ku mai ka moku Koneada me Makalawena, he aikane na Kalaikupule. 1790 Ku mai ka moku Okaka me Elenola ma Honuaula.

1790 Lolopahu ma Olowaiu i ka moku Elenola. 1790 Noho o Olohana me Aikake i mau Kamehameha. 1790 Kaua o Kepaniwai ma Wailuku. 1790 Kaunakakai mua, kapaia o Kawaanui. 1790 Make o Keawemauhili ia Keoua ma Alae. 1790 Kaua Koapapaa. 1790 Ku mai ka moku o Kapena Kane me Kaiana ma Kawaihae. 1791 Hoohilo o Kaeo i ka paepae kapu o Liloa me ka nioi o Pakaalana. 1791 Kaua o Kepuwahaulaula. 1791 Kaua o Kaiana me Keoua ma Kalae Ohulehua a me Puuokokoki. 1791 Hanaia o Puukohola. 1791 Dek. Pau o Peapea ke alii kaulana i ka pauda ma Kauwiki, a ua make ma Honokohau. 1792 Hiki mai o Oliva Holmes a holo aku no i Keomolewa. I ka M.H. 179, ua noho me Kalaikupule. 1792 Hanau o Kuakamauna, na Peapea me Lonohiwa. 1792 Make o Keoua ma Kawaihae ma ka malimaliia. 1792 Hiki mua mai o Vanecoua ma Hawaii nei. 1792 Make o Kahekili ma Oahu. 1792 Hanau o Ahukai, na Manono Kauakapakulani me Kailinoa. 1792 Noho alii o Kaeo no Maui. 1792 Ku mai ka moku Beritania Daedalus Waimea Oahu. 1793 Hanau o Kekuanaoa, ma Keomoalii, Keokea; na Nahiolea me Inaina." 1793 Ku alua o Vanecoua ma Hawaii nei. 1794 Aug. 15 Kaua o Kalaikupule me Kaeo ma Kukui, a ua ike laua ma Kalapawai. O Kaelilua ia kaua. 1794 Ku mai ka moku Kapena Koki, me ka moku Kapena Bapa.

1794 Nov. 16. Ohumu iho la na hookele e make o Kaeo ma ka moana. Manao iho o Kaeo e kaua i nui ka moe puu. 1794 Komo mua na moku ma ke awa o Kou, o Jackoll me Prince Leboo. 1794 Kokua na haole mahope o Kalaikupule. 1794 Nov. Dek. Eono mau la hoouka kaua, a ua make kekahi mau haole ekolu ma Punahawele, a ua lanakila mau no o Kaeo. 1794 Dek. 21. Hoouka kaua nui ma Kalauao, mauka a ma na waapa. Ua make o Kaeo. Ua kapaia ia kaua o Kukiiahu. Ke hoopau nei au i keia Papa Kuhikuhi, a o ka Mooolelo e pili ana i keia Papa, oia no ka mea nui, a hiki ole i kekahi mea e ola ana ka hana. He waiwai nuiia i hunaia, aka, ua pilikia au i ka mai, a ua pono ole ke kakau ana. Ina e kokua mai ke Akua ka mea nana, alaila, e loaa ia oukou ka Buke Mooolelo Hawaii oiaio maoli.