Ka Nupepa Kuokoa, Volume IV, Number 31, 5 August 1865 — No Maikonisia mai. [ARTICLE]

No Maikonisia mai.

la oukou e na hoa aloha a pau e noho ana ma k«j pae aina o Hawaii nei, na hoahanau a me na Kahu o na Ekalesia a pau; Aloha oūkou : Owau okooukou makamakanei, ka men i hele aku a ike i ka hana a ko kakou poe hoa aloha e noho ana ma ka paeaina o Maikonisia, ua ike au i ka hana a na Kahu Ekalesia e noho ana ma Apa'iana. Ua holo no ka lakou mau hana malaila, a ua ikaika no i ke ao ana i ka poe Pegana, a ua launa oluolu mai no kekahi poe, a o kekahi poe aole launa mai, oia no hoi ka poe kahiko, aia no lakou mamuli o ko lakou ano mau, aka, ō ka poe opiopio nae kai huli iiui mai, e hele mauana i ka pule a me ke kula. I ka nana aku, ina e hoomau mai lakou i ka launa mau ana mai ma na hana pono, alaila e lilo ana lakou i mau hua ohaha no ke kihapai o ka kakou poe paahana i hoouna aku ai malailn. O ko lakou alii i)oi oia o Kaiea a me kana wahine, ua ike aku no wau ia laua e ku mau ana ma ka aoao Kari§tiano oiaio, aole he hele mn ka aoao o Satana. He nui ko'u hauoli i ka ike ana aku ia lakou, e hele mau ana ika pule ame na halawai. Ua hiki no hoi i keia pue ke kokua ana aku i na kumu a lakou ma ka hanai Kumu a me ka Mahinahou. Oka niu ka lakou mea e kokua ai, ao ke dala no hoi kekahi. Oke alii kane nae a me ke alii wahine, he dala wale no ka laua mea e kokua ai, a o na hoahanau hoi, o kahala a me ka niu, a me kekahi mau mea e ae no i kupono ma ke kokua ana. O ka baka ka mea nui loa i keia poe, he hoowahawaha lakou i ke dala, aole he makemake nui. He aina maikai keia o Apaiana, ma ka naekona nui, ua like paha mai Moanalua a Maunalua, pela iho la paha ka loa, a o ka laula, ua like paha me 7 kaulahao. He loihi ke kohola iwaho lilo. Ua puni no hoi keia aina ia'u i ka hele in. No Tarawa. He aina maikai no keia, ua oki liiliiia nae e ke kai, aia ilaila kahi inohoai o Haina me Mahoe, na kumu i hoouna ia'ku mai anei aku. Ua maikai 110 ko laua noho ana, oluolu mai no na kamaaina ia laua ; a he hele mau no kekahi poe i ka pule a me ka halawai, a o kekahi poe no hoi, aole he maliu mai. Ile poe puni paka no keia poe, ana keia poe kanaka ka olelo mai ia Haina ma e kuai i paka a nui, alaila, hoohuli ak.u ia lakou, pela ka lakou olelo ; a ua olelo na kumu ia lakou, <l Aole makou i hele mai ia nei, o ka paka ka makou mea e hoolimalima ai ia oukou, i huli mai oi oukou, o ka olelo a ke Akua wale no, aole mea e ae." Pela mau no leeia poe e olelo ai, ke hilei i ka wa e ku aku ai ka moku malaila. He aina wi keia, aole nui ka ulu, a me ka haia, ua kii aku no na kamaaina e ai i ka hala ika wa opiopio. He poe naau ikaika i ka aihue i kela mea i keia mea a lakou i makemake ai. No Mile. He aina nui no keia, ua okioki liiliiia nae eke kai. Aole Misionari ma keia aina, he oluolu na kamaaina ma keia wahi a me ke Alii Nui o keia aina, oia hoi o Lime, ua nui ko'u launa oluolu ana me na kamaaina o keia wahi. Ua oleloia'ku ke alii o keia aina i misionari, a ua hai mai ke alii i kona manao, ina e noho ka ma keia aina, aole no e loaa ia lakou, no ku mea; he kue loa ka poe misionan ika baka. Aua olelo aku aae au me -ka i aku, "Mai r kuhihewa oukou, no ka mea, oka baka ka mea mo loa." Ua olelo mai no hoi lakou, he mea mau mai no !<a ia mai ko lakou mau kupuna mai a hiki i keia wa, aole no ka lakou e haalele iki ana i keia mea he baka. He nui loa na ano-a pau o na aina pegana e noho ana ma Maikonisia. Aia no hoi a hai aku wau i ke ano o ka noho ana o na kanaka ma Ebona; o ka aina keia i huli nui 1 ka pono, aua kau ia hoi na Kanawai e like me ko kakou nei. Aole no i pau na mea a'u i ike ai nia ia pae aina, i ka hai ana aku i keia pule, aka, ma keia pule ae, e hoike āku no wau i na mea a pāu e pili ana mai Ebona, a hiki ma Bonebe, ke mau nae ke ahonui o ke Pailata nana e heokomo i keia wahi moku malihini ma kahi kaawale o kona Awa. J. D. Anakanaha. Kanmakapili, lulai 20,1865.