Ka Nupepa Kuokoa, Volume IV, Number 35, 2 September 1865 — Ka Uea Telegarapa Atelanika. [ARTICLE]

Ka Uea Telegarapa Atelanika.

O ka uea telegarapa Atelanika i keia manawa, he iwakaluakumamaono haneri mile ka loihi. O ka uea maoli o loko, ua hanaia mailoko mai o na uea keleawe ehiku, ua wiliia a lilo i hookahi. Mawaho o ia ekolu papa gutta percha, a mawaho oia, ua wili houia he umikumamakahi mau uea hao ikaika. Mamua o ko lakou wiliia ana, ua wiliia lakou pakahi i ke kaula malina i hamoia i keA-a. Nolaila, o ka loihi o ka uea keleawe o ioko, aole i emi iho malalo o na tausani mile he iwakaluakumamalima ; a ua aneane kanakolukumamalima tausani mile o ka uea hao ma ka uhi owaho, a ua oi aku mamua o ka aha haneri uusani mile ko ka lopi malina, me he mea la h« iwakaluakumamaha puni ana o ka honua. Ina e holo ka moku, e hookuukuuia ana ua uea la, a e pau pono ana na mile he umikumamahiku i ka la hookahi. I keia makahiki ua paa ua uea la, a 8 hololea ana no ka hana ana. 1 kekahi mau ia ua hohola ia ka uhi owaho, oia hoi ka lopi malina a me ka hao. He uea ikaika loa keia, a ua manaoia e kamailio ana o Amerika me Beritania iloko o ka manawa pokole loa. Ūa pokaaia keia uea iloko o na pahu nui ekolu, a 'ua kauia iluna o ka moku Hikina Nui. Eono haneri me kanakolu mile iloko o ka pahu mua ; ewalu haneri me kanaha iloko o ka lua, a ewalu haneri me kanakolu iloko o ke kolu. Ua hoopihaia na pahu ekolu i ka wai, a i ka manawa e ho-o ia ai ka uea iloko o ua mau pahu la, ua huiia na piko i kahi hookahi. O ka uea, he wahi hunahuna wale noia iloko o na ukana kaumaha a ka moku Hikiīia Nui e lawe ai. O ka hohonu, o ua moku la iloko o ke kai, he kanakolu kapuai a oi aku, i keia manawa nae ia ; a ina e pau ka uea i ka hooukaia iluna, aneane umikumamawalif tausani tona ke kaumaha o kana ukana e lawe ai. Ua manaoia, i na la mua iho nei o lulai e holo ai ia. E holo pu ana meia ka moku o ka Moi Wahine o Weliweli ( Terrible) a me kekahi moku-maha manuwa ikaika e ae, aneane like me ka moku Weliweli, a loaa na moku nana e kolo ka Hikina. Nui, ke loaa ka pihkia i kona mau

mesini a me na huila paha. Ua noii loa mai nei ke Aupuni Beritania i ka imi ana i mea e pono ai na enekini, a mau hoi ka maikai. Ua oleloia, aole e hookuu loaia ana ka holo o moku la, aole paha eoi aku mamua o na mile eono ika hora hookahi. Ina eono mile e holo ai ika hora hookahi, alaila, he umikumamaha ka nui o kona mau la e holo ai mai Valenūa mai a hiki i Nupounelana; a iloko o na hora a pau e launa mau ai ko Amerika me ko Beritania ma ka uea telegarapa.