Ka Nupepa Kuokoa, Volume IV, Number 35, 2 September 1865 — I na Haku o ke Keena Kuokoa: [ARTICLE]

I na Haku o ke Keena Kuokoa:

Aloha oukou. No ka halawai ana mai 0 na keiki hoe waapa o Keawaiki, i Lahaina nei, i ka manao o kekahi o ko oukou makamaka,. oia hoi o H. H. P. t i hoopukaia eia 1 ka la 12 o Augate, a ma ka Helu 32 • ka Buke IV i kakauia hoi i ka la 3 o Augate, o keia makahiki. Aia ma ka hapa hope o ua manao la, penei ka olelo ana: "No ka ahahui iai ke aloha ma ia wahi," a hiki i ka pau ana o ia manao, ua hoopihaia mai makou e ka olioli pau ole. Nolaila, ke mahalo aku nei makou ia ia, o kana mea i hoopuka'i, ua like loa ia me ka makou mea i hana'i, o ke Kahunapule o keia Ahahui, oia no o D. Belauwina, o na makua i hana pu ia pilikia a i lawelawe pu hoi, oia o Kuaana, a me Haalou kana wahine. Nolaila, o makou ona keiki a me ko makou mau makua i haiia ae la maluna, ke wāiho aku nei makou i ko makou aloha ia oe e H. H. P., ma ke " Kilohana Pookela o ka Lahui Hawaii," ma ka hulo ana. Hulo ! Hulo! ! Hulo!!! Na na Keiki hoe Waa^a. Lahaina, Maui, Aug. 29,1865.