Ka Nupepa Kuokoa, Volume IV, Number 35, 2 September 1865 — Mea Hou ma Waimea, Kauai. [ARTICLE]

Mea Hou ma Waimea, Kauai.

I ke awakea o keia la 9 o Augate nei, hele o G. B?RowelI, a me na hoahanau i hahai mamuli ona ileko o ka Luakini o Waimea, me na laka hou e pani i na puka o ka Luakini i ole e komo ke ki kahiko e waiho ana me makou, a hiki i ko makou manawa halawai i ka hora 1J hele aku au e hookani i ko makou pele halawai ua paa na puka, e kiai ana no na kanaka maloko mai, e paa ana i na puka, olelo aku au " e wehe mai oukou i ka puka i komo aku au e hookani i ko makou pele," hoole mai o " Kahele, a me Luka, na Luna nni o ka ekalesia Kowela." Nolaila, pau ko'u o\elo ia lakou, hoi mai au, aka, o kuu manao paa iloko e wahi koke i ka puka, aka, ua keakea ia mai au e kekahi hoaloha maikai o'u, mamua ae o kuu hele ana, nolaila, aole au i hooko ia manao o'u, a ke noho nei makou, aole o makou hale pule, ua pau ko makou komo ana iloko o ka Luakini o (pakou. Nolaila, pehea ko oukou manao e ka poe a pau e heluhelu ana i keia mea hou, manao anei oukou no G. B. Howela ka hale pule e hoomanao oukou i ka olelo hooholo a ka Ahahui Misionari ma Honolulu, Oahu, ī ka la 13 o luae, makahiki 1665, a maloko o ia olelo hooholo, ua hoopau ia kona kahunapule ana no kona hewa, nolaila, he kuleana anei o ke kahunapule i hoopauia e lawe i ka Luakini nona, a me ka poe e hahai ana mamuli ona. J. Kauai. Waimea, Kauai, Ang. 29, 1865.