Ka Nupepa Kuokoa, Volume IV, Number 35, 2 September 1865 — Olelo Kuahaua. [ARTICLE]

Olelo Kuahaua.

Kamehameha IV., Moi o ko Hawaii Pae Aina. E ike auanei na kanaka a pau ma keia mea, Owau o Kamehameha IV., Moi o ko Hawaii Pae Aina mamuli o ka hoikeia ana mai la'u ke kaua nei ke Aupuni o Amerika Huipuia me kekahi mau Mokuaina i kapa iho ia lakou o u Na Moknaina i Hoohuiia o Amerika," ma keia mea ke hoolaha nei A.u 1 Ko'u ku ana i ka wa mawaena o keia mau aoao elua e kaua mai nei. O Ko'u ku ana i ka wa e ikeia no ia mea ma na palena a pau o Ko'u Aupuni. a o na mea i lawepioia a pau me na mea i hopuia a hanaia e like meia, aole i ku i ke kanawai, a i ka uhaiia ana o Ko'u mau pono ma ke ano Moi. A e hoomaopopo loa ia, ke papa ikaika nei Au ma keia mea i Ko'u mau makaainana a pau, ka poe a pau e noho ana, a i ole, maloko paha o Ko'u Aupuni ma ka hui hikiwawe ana a lohi paha ma ka powa ana aku i na moku a i ka Oihana Kalepa paha 0 na aoao paio a i e.ua, a me ke kokua ana aku i kekahi mea i hanaia o ia āno; a o na kanaka a pau i ku-e i keia, e hoopaiia no ia ma ka uku hoopai i kauia e ke kanawai o na lahui, a e like no hoi me ka hoopaiia ana e ke kanawai o keia mau Mokuaina i oleloia, aole no e loaa ia lakou kekahi kokua mai Ia'u aku e pakele ai lakou māi ka hoopai ana. E hoomaopopoia, aole e ae ia ka hoopenopono ana i na moku pio maloko o Ko'u Aupuni nei, aole no hoi e ae ia ke kuai ana i na waiwai kuai a me na waiwai pio e ae. E hoomaopopoia, aole i haawiia na pono o ka hookipa ana i na moku powa a i na moku pio o na aoao paio a i elua, koe wale no ka īoohiaia ana e ka poino a me kekahi mea e kaohi ana paha ia lakou, no ke ioo paha o ka makani, a no na pilikia paha o ke kai, a ma kekahi mau mea~e ae e Iike me ka mfea 1 hooponoponoia e ka Olele Aelike o ke Kuikahi ana. Hanaia ma Ko'u wahi noho ma,ka Ae-kai o Kailua, i keia la 26 o Augate, M. H. 1861, a i ka Iliku o Ko'u Noho Alii ana. Kamehameha. Na ka Moi, Kaahumanu. Na ka Moi a me ke Kuhina Nui, R. C. Wyllie.