Ka Nupepa Kuokoa, Volume IV, Number 37, 16 September 1865 — Page 4

 Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

 

He Mele

 [No ke Kuokoa]

Homeward bound, Oriola.

1. Ala, e ala a nana kakou

I kela ao, ao maikai.

Ku ae, a holo, a holo mau no

I kela ao, ao maikai.

Waiho ke awa- ka malu oonei,

Kikoo i kahi e malu mau ai,

Ke awa o Kanaana, hou nani e

I kela ao, ao maikai.

2. Eia kakou la ke holo ae nei

I kela ao, ao maikai.

Ma ka maoha kuhu e kaa ai

I kela ao,ao maikai.

Luli na ale, a kupikipikio

Ko kakou maku a ane poho.

Paa nae i ka Haku a holo ae no

I kela ao, ao maikai

3 Kau na ao ino, e holo no nae

 i kela ao, ao maikai.

Nana a ike i na kahakai

O kela ao, ao maikai.

Alakai pono, ka Pailaka,e,

Kiai, hoomalu, a hoopolei,

Pa ka makani e holo mama’i

I kela ao, ao maikai.

4 Hala ke ao nei a hoea mai

O kela ao, ao maikai .

E oli na hoa, ua kokoke ae

I kela ao, ao maikai.

Pau ke kaumaha, e pau ka uwe,

Ala. hoolohe, he leo pa-e,

“Aloha oukou la, e komo ia nei

I keia ao,ao maikai.”

5. Pau ae ka holo, e komo kakou

I keia ao,ao maikai.

Malu, a maha, a pomaikai no

I keia ao, ao maikai.

Pau no na luhi, na ino a pau,

Ku ma Ziona a memele mau,

Nani ke Akua, ua malu kakou

Ma keia ao, ao maikai.

               Waimea.

PAPA KUHIKUHI-MANAWA.

Mai ka Hookumu ana o ka Honua

5864 [Holo o Lota Kamehameha i Kalifonia.] 1860

5864 [ Hanaia ke Kanawai Hookamakama] 1860

5864 -Make o Limaikaika. Sept.23  1860

5864 -Make o G.L. Kapeau.Oct.    1860

5868 {Kohoia O Aberahama Lincoln, ka umikumamaono o na Peresidena o Amerika Huipuia a i kona au, ka hoomaka ana o keia kaua nui haliamahi o ia Aupuni.} 1861

5865 {Hoopuka mau ia na Nupepa elua ke “Kuokoa” a me ka Hoku o ka pakipika.} 1861

5866 {Ka loaa mua ana o ka Moku Kipi “Alabama.”} 1862

5866 {Kuhoia o Geo.B.Makalelana i Alihikaua.} 1862

5866 {Lilo ka Leialii o Beritania Nui i ka Mea Kiekie Prince Albert Edward Wale.} 1862

[ i keia Hookama na Victoria ka Moiwahine o Beritania.]

5866 {Ka hiki mau ana o na Bihopa, me ka hoomana Enelani e ku nei me Peleula} 1862

5866 {Ka hoihoi ana o na Kuhina eha o ka Moi Kamehameha IV iko lakou mau palapala Hookohu Kuhina. Ka Mea Kiekie Victoria K. Kaahumanu, ka Mea Kiekie L. Kamehameha, ke Kuhina Waiwai D.L Gregg, a me ke kuhina o ko na Aina-e R.C Wyillie. Lilai IS} 1862

5866 { Ka Bapetizo is ana o Ka Hahu O Hawaii e ka Bihopa a kapaia ma inoa laa “ Ka Mea kiekie Prince Albert Edward Kauikeaouli Kaleiopapa a Kamehameha.”} 1862

5866 {Make ka Mea Kiekie ka Hahu o Hawaii ka hooilina o ka leialii o keia Aupuni.Aug.27.} 1862

5866 {Ka hoolewaia ana o KA Mea Kiekie Prince Albert Edward Kauikeouli Kaleiopapa a Kamehameha “Ka Haku o Hawaii.” Sept.7.} 1862

5866 { KE komo ana o na’ Lii Alexander Liholihoa me Emma Iloko o ka Hoomana Enelani ma Peleula.Nov.29.} 1862

5866 {Ka pau ana o ka Hale Kulanui o Lahainaluna i ke ahi ma ka po o ka la 18 o Iulai} 1862

5867 {Hookohu ia ka Mea Hanohano D. Kalakaua i Luna Leta Nui. Iune 30.} 1863

5867 {Ka hoololiia ana o ka inoa o ka Ahahui Misionari Hawaii, a kapaia ma ka inoa hou “o ka Ahahui Euanelio o ka Papa Hawaii.”} 1863

5867 {Ka mare ana o na Mea Kiekie Prince Albert Edward o Wale ka hoolilina o ka Leialii o Beritania me ka Moiwahine o Denemaka Princess Alexander Mea Kiekie.} 1863

5867 {Make o Keolaokalani. Aug.29.} 1863

5867 {ha oookumu ia ana o ke Kula Kahunapule a Rev. W.P. Alexander ma Wailuku ilioko o ka Hale Kula a Z.P. Poli. Sep.1} 1863

5867 {Ka make ana o Ka Mea Kiekie ka Moi Kamehameha 1V Alexander Kalanikualiholiho Iolani.Nov.30.} 1863

5867 {Pio ka Moku Kipi, ka “Alabama” o ka Hema ika Moku kaua o ka Akua a me ka mahuka ana o ke Kapena “Semmes.”} 1863

5868 {Ka hoolewaia ana o Ka MeaKiekie ka Moi Kamehameha 1V. Feb.3.} 1864

5869 {Ka make ana o ka Mea Webster.Mar.23} 1864

5868 {Ka hoomaka ana o ka Ahaolelo Elele Hoololi Kumukanawai a ka Moi KamehamehaV.Iulai 7.} 1864

5868 {Ka hookahuliia ana o ke A.D.1852.} 1864

5868 {Ke koho alua ia ana o na Lunamakaainana o keia Aupuni iloko o ka makahiki hookahi ike au ia Kamehameha V.sep.29.} 1864

5868 {Ka make ana o ka Mea Hanohano L.Haalelea.} 1864

5868 {KA hanaia ana o ke Kanawai Puhi Rama.Oct.} 1864

5868 {Ka hookumuia ana o ka Ahahui Kaahumanu ikapaia ma ka inoa Alii. “Ka Ahahui Kaahumanu.”} 1864

Na Rula o ka Hana mea Ono ana

           Helu 10.

Beef Essence.

            He mea hana nui loa ia keia e na kahuna lapaau, i ka manawa nae e loaa ai ika mai piwa, nolaila aole kupono loa o ko kakou ao ana ia mea, aole oiai ia lakou wale no ka pomaikai o ia mea, no ka mea, o lokou wale no kai ike i ka Manawa e haawiia ai i ka poe i loohia ia e ka mai. E lawe ae oe i elua pauna bipi me ko wae ae i ka momona a pau, alaila, oki iho a liilii ihookah iniha huinahalike, a hookomo iho iloko o ka omole lepo a pani iho a paa loa. A pau ia; e waiho aku oe i ua omole lepo la iloko o ka ipuhao i piha i ka wai huihui, a nakiikii ia iho i kaula ma ka ai o ka omole, me ka waiho loihi iho i kekahi aoao o ke kaula i hiki ai ke hoopukaia’ku ma ka puka o ke ku-au o ka ipuhao, a nakinanki iho i hiki ai ke kupaa ua omole la iloko o ka ipuhao. E hookomo iho oe imauu a ilole paha malalo o ka ipuhao, a iole ia, i kekahi mea e ae e pale aku ana i ka ili ana iho o ka omole ilalo o ka omole. E hoolapalapa iho oe i elua a i oleia i ekolu paha hora a loihi aku no i kekahi manawa. A pau ia; e lulu iho oe i ka omole mamua o kou ninini ana aku i ka wau, a waiho aku a maalili i hiki ai ia oe ke wae koke i ka momona, alaila, ka-pa iho. He mea kupono loa keia no ka poe mai i ka wa mahanahana.

       PALAOA UALA (Potatoe Bread.

            E lawe ae oe i hookahi paina uala i kuiia a wali, me hookahi puna paakai uuku, a pela no hoi ko ke ko. A pau ia; e hui aku oe i hookahi kiaha ti hu, aole make palaoa. E hoomahanahana mau oe i keia a hiki i ka wa e moa ai. Alaila, hui aku oe i keia me ka palaoa a koai iho i papa ole ai. E hookuu aku oe, a liuliu iki iho, alaila, hookomo aku iloko o na tini liilii (moulds). E hoomau no oe i ka hoomahanahana ana, alaila, hookomo aku iloko o ka o-ma e a maikai ana kea hi. Ua hanaia-ka palaoa ma keia ano, a ua maikai, oi ae mamua o ka palaoa wale no.

            PALAOA KULINA (Steamed Corned Bread).

  E hui iho oe i hookah kiaha waiu, me na kiaha waiu awaawa elua, me na kiaha kulina aeae ekolu, a elua kiaha palaoa, hookahi kiaha malakeke, a hookah puna paakai hu (soda). A pau ia; e waiho aku oe iloko o ka pana a hookuu ae oe i ka mahu o ka wai i bailaia malalo pono ae no na hora ekolu.

            BELENA WAIUBATA(butter Crackers).

E lawe ae i umi kiaha palaoa, a i hookah kiaha waiu-bata, me hookah puna paakai hu (soda), a elua o tata (cream tarter), me ka wai kupono i hiki ai ke hana ia a paakiki kupono. A pau ia, e anaanai iho ika waiu-bata a me ke tata mai loko aku o ka palaoa, a hoohehee iho i ka paakai hu iloko o ka wai, a olokaa iho a lahilahi me ko hookomo koke aku iloko o ka o-ma. Ua hanaia ke kupa olepe mailoko mai o keia mau belena a me na opepei

      KA WAI LEMI(LIME WATER).

Ina ua awaawa ka palaoa no ke ku loihi ia ana mamua o ka hookomo ia ana iloko o ka o-ma, e aho kou hana ana i ka wai lemi, aole o ka paakai hu, elua a ekola a ekolu paha puna nui, alaila, lawe pono no na popo palaoa nui eha a elima paha. E wae ae oe i ka huahua e lana ana maluna a ho-o iho i ka wai maikai i loko o ka hana ana. Ina ua piha kau omole i ka wai lemi, alaila e hala noke kau ia oe.

            KA PALAOA PU (PUMPKIN BREAD).

E lawe ae oe i elua kuaka o ke pu ono, me na kuaka kulina aeae elua, me na puna paakai elua, me ke puna nui aila, a huiiho ia mau mea a pau me ka waiwela kupono i hiki ai ke hanaia a paakiki kupono. A pau ia; kapae aku ma kahi e mau ai ka hookomo aku iloko o ka o-ma e a maikai ana kea hi. Hookahi hora me ka hapa ka loihi o ka manawa e waiho ai, alaila moa.

         WHEAT MUFFINS.

E wawahi iho oe i elua huamoa me hookah paina waiu ono; alaila, hui aku i hookah puna nui i piha i ka hu, a me ona wahi paakai. A pau ia; e koai iho oe me ka palaoa a hikii i ka wa e paakiki ai, a waiho malie aku nana no ia e pii malie ae no na hora elima a eono paha. Alaila, hana iho a like me ke komo kea no a hookomo aku iloko o ka o-ma.

         CORN MUFFINS.

E lawe ae oei hookah kuaka kulina aeae, me ona aunakai waiu-bata, alaila,koai pu iho. A pau ia; e koai pu iho oe me ke kuaka waiu hookah me na puna hu nui elua, me ke puna malakeke hookah, a me ona wahi paakai uuku. E hookuu aku oe nana noia e pii ae no na hora eha a i ole ai elima paha, a hana iho e like me ke komo a hoo aku iloko o ka o-ma.

Mai Maikonisia Mai

            E ke Kuokoa E;-- ALOHA PU KAUA, a me kou Luna Hooponopono, a me ka poe nana e hoonohonoho ana kou mau maka lehulehule, i oleloia’I oe he kino holookoa.

             Akahi no keia malihini a kipa’ku e ike i kou kahua kaua nani, a, i lilo ai paha i koa, a i Genera no kou kahua, no keia mea he kaua; ke pau pu mai oukou i ka oluolu e alakai ae i ko oukou malihini nei,I ike mai ai na hoa o kaua i na manao, a i na hana, a i kea no o ka noho ana o kela a o keia me na palena o ke Aupuni Hawaii,a me kela a me keia e noho kaawale ae la mawahi ae o na Leguea ekolu mai ke Aupuni Hawaii ae.

            E oluolu ana paha ko’u lahui, e launa aku au me lakou ma keia kamoilio ana, i kea no o ko makou noho ana ma keia mau pa-kaua a makou i alo ae nei i ka uahi poepoe a ka lahui ike ole i ke Akua; ka poe hoi i wehe ole ia ka pale o na maka, ka poe ilalo, ilalo i o Mila la o lalo aku.

            Ua nui no ko oukou lohe ana i na moolelo o Maikonisia nei mamua ae nei.

            Oiai hoi makou e noho nei ma keia mau aina, kahi hoi a ka lima ikaika o ke Akua i alakai ae ai e hoonoho malihini iwaena o keia poe lehulehu e kulou nei malalo iho o ka auamo a na laau a me na pohaku, a me na mea i hoo akua ia ma ke lewa, a me ka moana, a ma na ilina.

            Kai noa ua hana mai ke Akua i na mea a pau mahalo iho o na lani e like me kona makemake, a hoonoho iho ai ke kanaka a kukuli imua o na mea aole ia he Akua, a hanai aku no hoi ia lokaou oiai aohe o lokou waha no ke kumu, a ike ole no hoi, oiai ko kaua mau kupuna ma ia lalau hookahi.

            Ua kaahope na makahiki elua, me na mahina eha, a me na la he iwakalua o ka noho ana ma ka pa-kaua i kapaia konua inoa, “Ebon Maroh Is.” Malalo iho o ka auamo a kea lii o na’lii, ka haku o na haku, ka mea e oia mau ana.

              I ka nana iho a na maka iloko o na wa i hala’e ma ia kihapai, nani ka nui o ka lokomaikai o ka Haku, i kona hoike ana iaia iho ia lakou. Mai ka pouli a i ka olinolino nui, mai ka mana o ka po a i ke Akua ola, mai ka make a i ke ola.

             I mai ke Akua ma o Isaia la ke kaula, “ E hookaakaa i na maka o ka poe makapo; E lawe mai hoi i ka poe oio mai loko mai o kahi paa, a me ka poe e poho ana iloko o ka pouli, mai loko mai o na halepaahao.” Isaia 42;17. O ka poe kanaka ma ka pouli, ike ae la lakou i ka malamalama nui, a maluna o ka poe e noho ana ma ka malu o ka make, ua puka mai ka malamalama.” Mat 4:16.

            Ua hiki aku i o oukau la ka ike i ka nui o na koa o ka Haku i wae ia’i ma ia pa-kaua, aia no ia maluna’e o ke kanaha. A o ka nui hoi o na ohana i hoohuna ma ka berita mare, e like me ka mea i kauohaia a malamaia ma na aina Kristiano kahi o ka malamaia i poha iho ai, aia no ia maluna’e o ka iwakulua. A o na keiki i bapetizoia he 15. E like me ka olelo hoopomaikai mai kahiko loa mai. “ No oukou ka olelo hoolana, a no ka oukou mau keiki, a no ka poe ma kahi mamao aku.” A he nui aku ka poe e alualu ana, a e manao ana e ho’lii ia Iesu no lakou.

            E hookomoia ma keia wahi ka Himeni 61 i elua Pauku.

1.   Ka ua i haule mai,

Ma koomei kihapai,

Ka mea ia e ulu ai,

Na mea kanu nei.

2.   Ka ua hoi e ulu ai,

Ka Uhane ia mai luna mai,

Ka Uhane mana mau.

E houoli ka mea waele, a me ka mae lulu, oiai hoi ua hua mai ke kihapai i ka hua ohana o ka honua.

No ke kamailio mua e ia a nui ko oukou lohe, nolaila, ke oki nei au maanei. A e kamailio kakou no na mea ma keia Pa-kaua a makou e hoouka nei.

       Nov. 5, 1864.—Ku ae ka moku Hokuao i o makou la, oiai makou ma Ebon. Ua lawe pu mai i ka makaukau e hookaawale ae ia makou ma ia pa-kaua mai a kekahi pa-kaua e, kahi aole he mau koa, aole hoi he pa –kaua i kukulu mau ia e ka Alihikaua o ka unalamalama, aka, oiai ka eu o ka po e houhoa’na e hoopaa iho malalo iho o kono mana. O ka la no keia i hoomakaukau ai e hoakoakoa mai i na opala kino nei, oiailakou e waiho liilii ana.

    Nov.6.-He Sabati keia la, o ke Sabati hope no keia o ka launa ana me na keiki a ka olelo hoopomaikai i hoohanau mai ai. Ua akoakoa mai lakou ma kahi i maa mau i ka hui mai i na Sabati e lohe i ka leo o ka Hoola; ua hoopihaia ka hale, a haiia ka olelo a ka Haku, a me ka makemake o ka Haku, e hookaawele ia makou mai o lakou mai, a noho aku ma kahi a ka Haku e alakai ai. Aneane hiki i ole i kekahi ke aua i kona mau waimaka, i ole e hookah mai i ka nui o ka pumehana i waihoia ma ko makou mau naau; o inakou, o lakou, makua a keiki, kane a wahine. O keia ka launa hope loa ana me na keiki ma ka halepule.

    Nov.7—Opiopi aku i na wahi ukana a hoohikihiki aku i ka moku ma ia la a po, a i kea o ana’e kekahi. A ma ka hora 4 o ka la 9, ua kaawale mai makou mai Ebon mai. Elua o makou po a hookah ao ma ka moana, a i ke kakahiaka nui o ka la 11, kalewa makou mawaho o keia wahi mokupuni uuku, i emi iho kona nui malalo iho o Honolulu, non aka makani Kukalahale, a me ke kulanakauhale Alii.

  Owau a me ke Kapena kai holo mua mai i uka nei, a me kekahi mau wahi opala a makou; a kokoke makou ma ka poinanalu, ua nui ae ae na kanaka ma ka hapapa, no ka mea, ua maloo aku ke kai ma ia wahi ia wa.

  He aina awa ole, he hoomanawanui ke ola o ka waa i ka upa ia e ka nalu, a i ka anai ia i na pohaku. Aohe iho i po ka la o ka waapa o ka Hokuao, aohe nao kikala, paui ae ka wai malalo.

   Ike mai la kekahi kanaka ia’u, a pane ae la i ka poe e ku pa ana, “Kapali, ka Msanere i Toke.” Ke lohe aku nei noi au iluna o ka waapa. (O kela kanaka nae i ike mai ai ia’u, ua ike mau ma Toke i Ebon.) A ninau ae la no hoi kekahi poe, “Owau oe? Kapali Misanere i Toke.” ( Owai ia? Kapali, Misanere i Toke.) O ka inoino iho la no ia o na maka o kanaka, a hoopuka ae la i keia huaolelo, ojij. Puka no keia huaole ma kahi o ka huhu a me ka hoowahawaha; aoleno e puka mai i na aole ka huhu a me ka hoowahawahe. A no ko’u lohe ana aku i keia huaolelo, manao ae la au he huhu ko na kanaka, a he hoowahawaha no hoi. Kupu mai ka manaoiloko o’u, aole au e kamailio e aku me lakou, aka, no ko’u ike maopopo ole aku i kea lii, nolaila, ninau aku ai au ia lakou i ka wa i pae ai ka waapa i ka maloo, ninau aku la au, “Auhea ko oukou alii?” Pane mai kekahi” Hookahi keia, E ui Iroij o ami? Jet ej ba Juwan ia.” O ko’u  hele aku la no ia a hopu aku la ma ka poohiwi, aloha aku la au, a aloha mai la no kela me na maka oluolu, me ka akaaka pu. Ninau aku la au, “E monke Misanere ber i ailinin?” Pane mai la kela ma ka leo oluolu, “ Ait emon.” (“He maikai anei ka misanere ken noho ma keia aina?” Pane mai kela, “ Ae, he maikai.”)

   Olelo aku la au iaia, e lawe oukou i ko makou mau opala, a ae nai la no hoi kela.

   Ke haalele nei au i ka olelo Ebon, ma ka olelo Hawaii wale no e kamailio ai, no ka mea hoi, heaha la ka waiwai ke hai palua aku.

   Huli mai la au mai o na’la e hoi ae i ka waapa, lohe aku la au i ka ninau ana ae e kekahi kanaka i kea lii, “E noho ana na misanere i keia aina?’ “Ae,” wahi a kea lii. O ko i a la hoopuka iho la no ia i kela huaolelo i kamailio mau ia ae nei, “ojoj.” O ko’u lohe aku la no ia, a huli hou aku la au me ka ninau aku iaia. “A pehea, he ino na misanere ken oho ma keia aina?” Pane mai la kela ia’u, “Aole i ko’u manao, aia no paha i ko kea lii.” A no keia mea, ninau hou aku la au i kea lii, a ae mai la no kela.

             ( Aole i pau)

He Buke Unuhiolelo no ka Baibala.

            Abesaloma. Ka Davida keikikane, hanau kahi na Maaka, 2 Samuela 3:3. Mahalo nui ia oia n aka maikai o kona kino, me ka nani e hio o kona oho poo, 2 Samuela 14:25. A akoia ia 200 Sekela kona kaumaha, oia he 30 auneke. Pepehi ia ia Amenona no kona lima ikaika ana ia Tamare kona kaikuahine, a no ia mea mahuka aku ia i Gesure, kahi i hooalii ia ai o Talemai kona kupunakane, A hala na makahiki ekolu no ke noi o Ioaba, ae aku la o Davida i kona hoi hou i Ierusalema e noho ai, a mahope mai maliu ae la ka makua i kana keiki, 2 Samuela 14. Hoomaewaewa nae ia i ko ka makua lokomaikai, a aihue i ka naau o kanaka, a mamuli o kona manao iho no, ua kalaia oia e kea lii o ka aina ma Heberona. No ia mea hopohopo o Davida a holo mai Ierusalema aku. Hahai ke keiki mamuli ona a kaua pa na koa olaua. Auhee iho la o Abesaloma me hona poe a pau, a i kona holo ana e pahele, hihia kona oho ma na lala o kekahi laau, a pela i kau ai a make ia Ioabo. He mea e ka haaloulou o Davida no ko Abesaloma make ana pela. Ua hoomaopopoia mai nei ma ka mooolelo no Abesaloma. O ka hookiekie, o ka hookuli i ka ka makua, o ke kuko wale i ka hai a me na manao lapuwale like, he mea ia e pale mau ia’ku ai i na Manawa a pau.

   Akada. Kekahi o na kulanakauhale ahe, i kukuluia e Nimeroda, e ka mea nona ke Aupuni o Asuria i hookumu ai, Kinohi 10:10. Aia no kona kahua e waiho la, 6 a 9 paha mile i ke komohana o Bagedada. Aia no maiaila kekahi puu i kapaia ka Puu o Nimeroda. He puu i kapaia ka Puu o Nimeroda. He puu pohaku ula no, 400 kapuai kona anapuni, a he 125 kapuai kona kiekie. Ma ka manao o kekahi poe, aia no ke kahua o Akada ma kahi e kapaia nei o Nifera, ma ka aina kelekele o Babulona Hema.

  Ako. He kulanakauhale no Asera, Lunakanawai 1:31. Ma ka Oihana 21:7. Ua kapaia oia o Petolemai, mamuli o kekahi o na Petolemai nana ia i hoomalua a hoonani ai no hoi. He inoa e ae nae a ka poe o Kerusade i kau au maluna o ua kalanakauhale nei, o Aka ka inoa i ka poe Tureke, Me na kaua Kerusade, ua hoopuni pinepine ia ia, a o ke kulanakauhale pakaua hope ia i lawe pio ia e na Tureke, mai na Kerisitiano ae. Ke ku la o Ako ma na Kerisitiano ae. Ke ku la o Ako ma ke kapa Hikina o ke Kaiwaenahonua, he 30 paha na mile ma ka hema o Turo, ma ke kihi akua o kahi kuono i kapaia ma kona inoa iho no. O ua kaikuono nei, 9 paha ona mau mile, aua pio aua mauha, a hiki i ka lae o mauna Karamela ma ke komonana hema o Ako. Mahope o ko Bonepate hoopuni kaulana ana ia wahi, me kona kipakuia ana no hoi ma ka makahiki 1799, hooponopono hou ia oia, a nui ae ka paa o kona mau pakau. Ia Manawa he 18000 ka nui o kona poe kanaka. Ma ia hope iho nae, he nui kona mau poino. Eono no mahina ko Iberahima Pasa hoopuni ana ia ia ma 1832, a ma 1840 ua kipu nui ia ia e na manuwa o Beritania. He 10,000 paha ka nui o kona poe kanaka. Ma ia hope iho nae, he nui kona mau poino. Eono no mahina ko Iberahima Pasa hoopuni ana ia ia ma 1832, a me 1840 ua kipu nui ia ia e na manuwa o Beritania. He 10,000 paha ka nui o kona poe i kia Manawa. O Ako a me na aina pili kai a pau ma kona akau, he aina hoomanakii no ia i na Indaio.

  Akeledama. O ka aina kokoke wahi kula ma ka hema o Ierusalema i kuaiia e na Kahuna me na apana data he 30 a Iuda i kuakaia aku ai i kona Haku, Mataio 27:8; Oih.1:19. Me he mea la i ko lakou la manao, he mea kupono ole ua dala nei i ka waihona laa o ka Luakini, a nolaila hoi, kuai iho la lakou me ia i ka aina o ka potera i wahi e kanu ia’I na malihini,e make ana ma Ierusalema, ma Oih. 1:18. Ua oleloia na na Iuda ia wahi apana aina i kuai, no ka mea nona ke dala i kuaiia’i oia. Ma ke kaao kahiko ua i ai mai, aia ma ka iho ana o ka Puu o ka oleloao ino, malunaae o ke awawa o Hinoma in aka aoao hema malaila ia wahi. i ka wa i na Keruadeua kanuia na kupapau o ka poe hele malihini malaila, a mahope mai hoi lilo ia i wahi kanu kupapau no ko Aremenia. i keia Manawa ke waiho wale la no.

  Akaia. Ma ke kauoha Hou o Helene a pau ia, hema o Makedonia, me ko Peloponeso, oia o Maria a me kekahi aina akau o ke kaikuono o Korineto, Oih.18:12;Oih. 19:21;2 Korineto 11:18 O Akaia ponoi nae he wahi okana ia no Helene, a o Korineto kona kulanakauhale alii: non aka hapa Kom. Akau o ka Peloponeso. E nana ia Helene.

 LAAU LAPAAU!

AIA MA KAHI O KAKELA ME KUKE

MA HONOLULU

J.T. Gower-Makawao, Maui

J.D. Havekost-Wailuku, Maui

C.H. Wetmore-Hilo, Hawaii

J.W. Smith-Koloa, Kauai

HE LAAU KAHIKO, A HE MAOPOPO NO HOI

LAAU HOOPAU NAIO ME NA KOE

A DR. JAYNE

HE NUI NA PILIKIA O KAMALII I KA Naio a me ke Koe, a pela hoi na kanaka makua. O ka hope oia mau kolo, oia ka lolo. Oia mau mea kolo hope oia ka lolo, a o ka make hoi i kekahi manawa, a nolaila mai na mai e ne kekahi, e like me ka lepo paa, naiulu, pehu, ukake, a me na mae e ae.

            O ka laau no keia e pau ai ua mau mea ino nei.

            Eia hoi kekahi. O ka laau ku pono keia i ka poe pilikia i ka wela o ka houpo; i ka ono ole i ka ai; i ka nawaliwali o ke kino i ka mai pehu; i ka nalulu hoopailua; i ka pono ole o ka mai wahine; a me na mea like.

            Penei no e inu ai i ka laau hoopau naio me na koe:

            Ina no kamalii, e hanai aku i hookahi hapakolu o ka pana ki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki ekolu, elua hapakolu o ka puna ka pono. Malaila a i na makahiki eono, hookahi no puna okoa ka pono, a malaila aku a i ka wa  kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ha o ka wai maoli. Oia hoi, in a hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka awakea a me ke ahiahi. Aka, i nui ka pilikia, alaila, pono no elima inu ana i ka la, penei; kakahiaka, kiekie ka la, awakea, auwi ka la, ahiahi.

            E inu mamua o ka ai ana, aole kokoke mahope iho.

 

 

 

Laau hoopaa Hi a Dr. Jayne.
JAYNE'S CARMINATIVE BALSAM.
--------

He laau maikai a oluolu hoi keia no ka Hi, ka Nahu, Nalulu, Wela o ka Houpo, Haoa, Hoopailua wale, Luai, Luai moku, ono ole i ka ai, Nahu me ka uwe no hoi o na keiki uuku, a me na mai like he nui.

Emo ole ka oluolu o ua mau mai nei i keia laau.

Penei e inu ai, i ka inu ana hookahi. Ina he keiki akahi paha ona malama, a elua paha, he umikumamalua paha kulu a hiki i ka iwakalua ka pono.

Ina he keiki mai na malama eono a hiki i na malama ewalu, he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka hiku a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.

A inu ea, e hui me ka wai maoli uuku, (a like a like ka wai me ka laau,) a pela e inu ae ai. Ekolu, eha elima paha inu ana i ka la hookahi, e like me ka nui o ka pilikia.

I akaka nae. Ina he nui ka wela, a ina ua komo kekahi ai pono ole iloko o ka opu, e aho e moni e mamua i mau Hu'ale Ola, a i ole, e inu i wahi paakai, a i wahi aila paha, i hemo e ka mea ino oloko, alaila e inu i keia Laau hoopaa hi.

Ina e luai ka mea mai, mahope o ka inu ana i ka Laau, a pau a i ka luaiia, e hanai hou aku no e like me mamua; a pela no a pinepine, a oluolu hoi ko loko, a waho malie no hoi ka laau ma ka opu.

Aohe a makou mea e noi aku ai i ka lehulehu, hookahi wale no o ke kauoha aku ia lakou e HOAO PONO i na

LAAU KUNU O KAUKA JAYNE

hoike aku ai i ka ola o na mea a pau i hoakakaia no kana mua laau. Ua hoola, a e hiki ana no ke hoola i ka mai ia.

KUNU, NAHU, a me ke ANU,

a me na mai e ae no hoi he nui wale; a o na mai HOKII no i ola nui, na mai i ola ole i na laau e ae. E aho e hoao oukou o ka poe i mai ia.

HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI kou me ka NAE?
AOLE ANEI OU MAI KUNU?
AOLE ANEI OU MAI NAENAE?
AOLE ANEI OU EHA ma ka UMAUMA?
AOLE ANEI OU KUNU KALEA?
AOLE ANEI OU HUI ma ka Iwiaoao?

A ina ua loaa ia oe ia mau mai, alaila, e ike oe i ke ola keia LAAU KUNU a Kauka Jayne.

NA MAI HOOPAILUA.
Mai o ke Ake.
Mai Nalulu a me ka mai Dyspepsia.

(O ka nawaliwali o ka puu hoowali ai, iloko o ko kakou mau waihona ai.)

 

He pono ke ai koke i ka laau a Huaale Ola a Kauka Jayne, he laau oluolu, a he ola no hoi. Aohe no he mai i nele ke makemake i na laau hoonaha; a mai nui no hoi ka poe e ola ana, me ka oluolu no hoi, ina e hoomaopopoia, a e inu ia no hoi ua mau laau la. Aole no e oluolu pono kekahi mea oiai e inoino ana oloko o kona kino; a ua ulu nui ae no hoi ka mai, a i kekahi manawa ua make no, a ina e malama pono ia a e inu hoi i na Huaale Naha, alaila, oia no. No ka hooiaio ia ana mai o keia mau mea, nolaila, ke hoolaha ia aku nei ka

HUAALE OLA A DR. JAYNE.

Me ka hiki ke hooia'ku i ka maikai, a na ka hoao ana i hoike maopopo mai i ka oi o ke ola keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana ia laau, aole no he mau mea i hookapuia, oia ka ai ana a me ka inu ana. Aole e ino ke waiho loihi, no ka mea, ua hana ia no a maikai loa. A ina e inu ia ua hikiwawe loa ka hehee iloko o ka puu waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi, a me ka holoi pau i ke ino oloko o ka opu.

DISIPEPESIA.

(Oia ka mai ono ole o ka ai i kekahi manawa, a me ka hoowalipono ole ia hoi o ka ai iloko o ka puu moni ai.)

O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino. Ina ua loihi loa ka mai ana, alaila, e hikiwawe ke ola ke inu puia ka

Huaale me ka Laau Hoomaemae Koko
a hoopau NAIO me na KOE, A Kauka JAYNE,

 

Like me ka mea i kuhikuhiia mawaho o ka wahi o ka laau.

NO NA MAI MA KE AKE,
MAI LENA,
MAI MA KA OPU HANAWAI,
NA MAI WELA,
KA HAALULU,
KA MAI O KA ILI,
KOKO INO,
MAI NALULU,
PAA O KA LEPO,
MAI KUNA,
MAI WAHINE,
ame ka MAI HOOPAILUA.

Ua maopopo loa ke OLA o keia mau HUAALE. A o ka mea wale no i koe i ka lehulehu o ka hoao pono ia mau hua. A he maikai no hoi na laau o Kauka Jayne, no ka hoola ana i na mai

PUHA,
ALAALA,
KAOKAO,
PUUPUU,
PEHU,
KUNAKUNA,

Hanene, Lolo,

na mai wahine, a me na mai e ae, no ke KOKO a inoino ma kana

LAAU HOOMAEMAE KOKO. 214-1y.