Ka Nupepa Kuokoa, Volume IV, Number 38, 23 September 1865 — Na Palapala. He Moolelo no D. Lima. [ARTICLE]

Na Palapala.

He Moolelo no D. Lima.

O D. Lima ; ua hanauia oia ma Pauoa, o*hu, i ka makahiki 18(17, a i ka malaahiki 1865, make aku la oia. A o ka nui o kona *nau la o ke ola ana ma keia ao, ua like no 57 mak., 8 mal., me 15 la, a me na hora 17JJ Oa komo oia i ka eka]esia ma ka makahiki 1837, a i ka malama o Feberuari, o ka makahiki 1857, kohoia oia i luna ekalesia no Waiahao, a ua noho oia ma ka apana o Ma&oa, malaila oia i malama ai i kana oihana tana, iloko o na.mak. 8, me 8 mal., me na la 15. O ka loihi hoi o kona noho ana ma ka ek&lesia, he 27 makahiki, me ka launa oluol», e hookipa ana me ke aloha, a hiki wale i kona hoi ana i ka hala wāi a ke aloha. He

kanaka ikaika oia ma na hana a pau a ka Haku, a me na mea a pau e pono ai kpna aupuni. Mamua'e nae o kona make ana, pane mai la oia i keia mau huaolelo, penei no ia : " Ke olioli nui nei au, me ka lana o ko'u manao, e hiki io ana au i ka Puuhonua ; nolaila, e hai aku i ko'u aloha i na luna ekalesia, a me na hoa luhi a pau o'u ma ka pono 6ka Haku." Nolaila, ina he oiaio keia'manao ona, penei no ka mea i oleloia mai ma ka Baibala, " Pomaikai ka poe make iloko o ka Haku ma keia hope aku." Eia kona wahi Kanikau malalo nei. Aloha nui oe e D. Lima, Kuu punalua i ka ua liilii la e Manoa, Mai ka ua nihi mai la i na pali, I piliia e kaua ka ua Kuahine, Kela ua haaheo i ka lau o ke kukui, Aloha ia uka a kaua e pili ai, E holo ai i uka i kai, I ka Ia wela o ke Kulaokahua, Auwe kuu punalua, aloha oe. Aloha nui oe e D. Lima, Kuu hoa ohumu o ka uka anu, O na hana makamae a ka pono, O ka waiwai lahaolea kaua i lohe ai, Ka lei mamo mae ole o kela ao, Ke uwe nei ka hoa pili la he wahine, Ke noho nei me ka u me ke kaumaha, Pau kou noho ana me makou, Aia oe i ka poli o ka makua, E Hosana ana ma na lani kiekie loa. S. Hookano. Kalohua, Manoa, Sep. 20,1865.