Ka Nupepa Kuokoa, Volume IV, Number 41, 14 October 1865 — Mea Hou o ke Alo Alii. [ARTICLE]

Mea Hou o ke Alo Alii.

Ua maikai mau no ke ola o ko kakou Moi Ilihia, mai kona hoi ana mai kana huakai mai Maui mai a i keia mau la. Eia no ia ma ka malu launiu o Helumoa, e nanea ana i ka olu hale o Kuhale, o ke aheahe mai a ka makani Haualialia, okipau kela i kahi wai o Apuakehau. Ke Kama Alii Wahine Kalohelani, he oia mau ka maikai o kona ola i keia mau la ana e noho mai la i ka uka iuiu o Luakaha. Ka mea Kiekie M. Kekuanaoa, ua polapola maikai mau no kona ola i keia wa, eia no ia ma kona Home Papakanene. Ka mea Hanohano W. C. Lunalilo, ua pohala maikai mau no kona ola e kupu oha°ha nei. Aia no nae ma Waikiki-kai, Ke'Lii Wahine Kapakuhaili, ua pae mai ia makou ka iohe, ua mau no kona ano nawaliwali.