Ka Nupepa Kuokoa, Volume IV, Number 41, 14 October 1865 — Untitled [ARTICLE]

CTa loaamai ia makou kekahi palapala nona ke poo, " Olelo Ekemu aku." Ke pai nei makou ia palapala malalo iho o keia. Ina he olelo ekemu keia i ka mea e, ina ua waihoia ma ka papa, no ka mea, ua kapae ka mea nana i kakau i na rula o ke kamaiiio maikai ana. Aka, no kona ekemu ana mai ia makou, ke hoolaha nei no makou i kana. Anoai paha, o kapae makou i kana palapala, alaila, olelo ka mea nana i kakau, ua makemake ole makou e īke i ka olelo a kekahi aoao. Ina he makemake ko kekahi poe e pale i na olelo n makou i hoolaha mua ai, no keaha la i kakau ole mai ai lakou i ko lakou manao maluna o ko lakou mau inoa ponoi ? 0 keia 14 olelo ekemu aku," hfe waiwai ole, no ka mea, aohe inoa malalo. Nawai la i kakau ? Na Keaka paha ? Na Koma paha? Na Uwekanaonao paha ? Na Ki paha ? Na Ke paha ? Nawai la ? Ke kau nei nae ma* Jalo o ka paiapaia, " Na na Makai o ua Aha la &c." Ma ka nana aku nae, aole na lakou 1 kakau. Ma ka lima o ke kanaka hookahi ia palapala, a oia lima, ua <kamaainn no ia makou. Ua kipa pinepine mai kona kakaulima ana i kekahi wa. Eia hou hoi, na kekahi poe o na •• Makai o ua Aha la" i hooiaio mai i na mea a makou i hoolaha mua ai. Nolaila makou i hoolaha ai. Ina aole i hooiaio mua ia mai, aole hiki ia makou ke hoolaha. Ke hai pooolelo mai nei ka mea nana ia palapala ia makōu, ma na olelo Akamai a Soioniona. Ua lalau ia i ka ike ole i ke ano 0 kana mea i hoopili mai ai. Noiaiia, makehewa ko makou pane i kela, Aole i pili. Ke hoike mai nei no hoi oia i kona " mahalo ole," Aohe o makou- kahaha ia mea. He mea mau no ka mahalo ole o ke kanaka 1 ka hoolahaia o kana hana kekee, a hana kuhihewa paha. Aole no makou i mahalo Aole no hoi makou makemake e hoolaha. Aka, mamuli oka haawina i waihoia mai la makou, e nana i ka pono kaulike o na makaainana a pau o ke 'Lii, aole e hiki ia makou ke waiho wale a huna paha i na hana oia ano. Ahe olioli nui ko makou ke lilo keia hana ana i kumu ao no keia hope aku. He aloha ko makou nei i ka aina a kakou. Ahe lili ko makou no ka inoa inaikai oka aina. Aole o makou makemake e hemo ia pono. He aina malu. He aina pomaikai. Ua malu na elemakule, ame ka poe ilihune. Ua malu kela mea keia mea malalo oke kanawai. E mau ia malu, a e mau ka pomaikai o ka aina.