Ka Nupepa Kuokoa, Volume IV, Number 44, 4 November 1865 — Ka Hoomana Kahiko. [ARTICLE]

Ka Hoomana Kahiko.

\ HELU.26. *

KA OIHANA LAPAAU, ME PUAA HIWA ME KA MOA KEOKEO. NA HANA HOO-* MANA 1 KA LAPAAU ANA,. MA KA AOAO KAHIKO. O ka hoomaka ana o ka lapaau o ke kahuna Hawaii i ka mai, penei no ia ; he hoailona ka hana mua, eia na hoailona, he iliili pohaku, he poe hua kukui, he mau hua hala, mau hua kakalaioa, he apu awā, he pua kukaepuaa, a he pua mauu makoloa, penei ka hana ana o ka iliili, hua kukui, hua hala, a hua kākalaioa, hookahi ano o ka hana ana, he uhi i ka puu iliili pohaku i ke kapa keokeo, alaila pule iholā, mahele iho la ke kahuna i kona lima inaluna o ke kapa, kahi hoi e waiho ana o ka iliili. hookaawale i kahi hapalua, a me kahi hapalua, mahele hou i na hapalua i mau hapaha, poo puu, alaila pane ae la ke kahuna, eia na puu aha, eia ka inake ia waho hookahi hapa-. ha, eia ka make ia loko elua hapaha, eia ba make aumakua ekolu hapaha, eia ko'u ko ke kahuna eha hapaha, i na e oi na iliili pohaku, o ka hapahu' mua ua ikaika loa ia aoao, ua iuhi loa ke kahuna, me ka hoole aku no o ke.kahuna aole au e hana, pela rto ka hana ana i ka elua hapaha, oia ka niake ia loko, ina i oi ka aoao ekolu ekolu hapaha ka aumakua, alaila

pōne aku ke kahuna i ka mai, i na pili 'koko o ka mai, i puaaiūwa, i moa lawa, alaila na ka lili o ko aumakua, ka aoao eha, oia ko ke kahuna, ina oi ko ke kahuna puu iliili, alaila pane ae ta ke kahuna, ua ikaika ko'u aoao. . Penei ka hōailona ana i ka apuawn, e mama mua ka awa a kahi poi maikai, me kona kanana, alaila hoomoe ke kahuna i ka mahele lauki, he mau mahele keia elua, o ka lauki, a hoomoe paa iho la iloko o ka apu awa, i ka eha kowa, paneaku ke kahuna, eia ko make la ma waho, eia ko makeia loko, eia ka aoao aumakua, eia ko make i ko waho, eia ko'u ko ke kahuna, o kahi i hui ai o ka pea lai, oia kona wahi, makaukau ke kanana e uwi i ka wai o ka awa, iloko o ka apu, o ka hookahe no ia o ka wai o ka awa, a lawe koke ia ke kanana, nana na maka o ka apu, oia na punohu e ku ana iluna o kela kowa, keia kowa, ina e ku ma ka aoao mua e hoomaka eeuanei ke kahuna e kuni, pela no ka lua o ka aoao ke ku malaila, o ke kuni ka hana a ke kaluina i ku hoi ma ka aoao aumakua, kauoha no kela i ka puaahiwa a me ka moa lawa, ina i ku i ka aoao eha, oia ka make i ka waha, pane ae ke kahuna, ua hoohiki oe, aole nae oe i hooko. Pela hoi, ke ku na huahua ma kahi o ka pēa ana o fea lauki, oia ko ke kahuna wahi, olelo ke kahuna ua ikaika kona aoao, he mana kana lau weuweu. O na pua kukaepuaa, a me na makoloa ka hoailona i koe, eha pua kukaepuaa, eha mauu makoloa, ma ke koho ana no e akaakn ai L kona pua, a i kona mauu makoloa, eia ko ka aoao mua, eia ko ka aoao elua, eia ko ka aoao akoiu, eia ko ka aoao aha, alaila huki kela mea keia men i ka pua o ke kukaepuaa.i ole ia o ka makoloa paha me ka hunaia o kekahi aoaa o keia mau |>ua, o ka pua i oi ka loihi, a emi mai paha, pela no a pau, ua like no ka' loina me ka wehewehe ana o ko ka puu iliili pohaku, a me ka apn awa hoi. Eia kekahi; ina i like kekahi o keia mau hoailona, a oi kekahi, ua kapa aku la no ke kahuna oia no ka aoao i mai ai. Ka hana ana o ka puaahiwa, a me ka moa keokeo, ua ike ke kanaka ka mea i kapaia o ke kahuna, ua kupono i ka hoailona ana no ka aumakua, ke kumu o ka mai, o ke kalua no ia o ka puaa, i ole ia o ka moa paha, a inoa ka puaa komo iloko o ka hale,- mnktiukau na mea a pau, o ka ai ka hope kii aku ke k'ahuna ma ka ihu o ku puaa, a me ka, huelo, a me ka lou o ke ake paa, iloko o kona maiao, o ka pule aku la no ia i na akua aumakua, a mahope hōokomo iho i ko lēhova inoa iloko o kn lakou puie, pela lakou e hana nei i keia wa, a mahope haawi aku i ka mai. "Heaha.la ka like o Kristo me Beliala?" Eia keia, ina i nakaka ka ili o ka puaa, he hewa okoa ia. E ai no a pau ka puaa i ka la hookahi, pela ka moa. Ina e koe ka' puaa a kekahi la, olelo ke kahuna koe no ka mai oia nei r aole i pau e like me ke koe o ka puaa o ka kekahi poe kahuna, ua pono no ke koe ka puaa, e ai no i kekahi la-aku. Nana aku o ka oluolu'o ka mai, ina e koo ana iloko o ke kapa, e kikoo ana, e oni aiia paha, pule aku Ia ke kahuna penēi, imua 0 ke alo o ka mai. " Kumamalohia puna i ka awa, Awa inu kahela ia na ka lani, fkilihau wale iho no i ka ua, Hiolani kela moe'i Wahinekapu, Kanikaeha a ke kanaka ki manu e, He manu ke kanaka na iike i ke anu, Ke hai mai la i kona koekoe, E uhi iho oe i wahi kapa i mehana." • Eia kekahi mau loina a na kahuna a'u 1 ike maka, ina i kii oe i ke kahuna i kona hale paha, a loaa ia oe ilaila, mai noho ino oe imua o kona alo, eia ka noho ino, ke kalele o ka lima i ka auwae, he ano uwe ke ano, o koho mai no kehi e make ana no. Ina i loaa ia oe i ka mahiai, ma kahi kihapai, e paa ana kona lima i ka o-o, hai mai no kela e make ana no; kja hoailona o kela o-o, he mea pili i ka eli o ka lua kupapau. Ina ma ka po kou kii ana, e hele oe me ke ahi ma kou lima, oia he kaufa kapa i hiloia, oia ke ahi, i oie he kukui, ina nele ka mea nana i kii aku i keia inea a'u i hai ae la, koho mai no ke kahuna e make no, ka hoailona keia heie poeleeie ana, he mea pili i kn make, he wa-

hi pouli poeleele loa. Ina i loaa ia oe ke kahunn, i ke nla loa qu i kii ai, a lona ia oe e hele mai ana, olelo oe no ka mai, pane mai no kela, he mai no a ofa ae, no ka mea ua loaa oe ke alaloa, loa ka noho ana. aku ke kahuna, a aneane e hiki aku i kahi o ka mai, puka e mai kekahi mea o loko, a hanawai mai la ma kahi e hele mai nei o ke kahuna, hoole mai no ke kahuna aole e ola ia'u, e imi hou no ua kahuna hou, kela helei ana aku la ma ke alo o ke kahuna, he hoailona o ka nele. Ina uwe kumaUi me ka opea ona lima > ke poo, i ke kua paha, olelo no ke kalnina e make ana no. Ina uwe mau ka ilio i ke ao paha, i ka po paha, he loina no i pili i mahope oku. Eia ka loina no ke ku laau ana, ina i kii oe iluHaau no ko mai, a kahea kua ia mai kii, no ka mea ua pili i ka nele, hae ia e ka ilio hoi no, mai kii i ka laau, kaniia e ka pueo hoi no, i holoia e ka iole, hoi 110, i kaniia e ka )eo winiwini o ka moo, e hoi no, aia wale no a maikai ke kii anu, alaila pono. S. Ekaula.