Ka Nupepa Kuokoa, Volume IV, Number 44, 4 November 1865 — Untitled [ARTICLE]

No ka nui o na palapala ma "keia helu o kp kakou pepa, ke kapae nei makou i ka manao pepa i hoomakaukauia nokeia helu, a ke hookomo nei makou ma ia wahi.i ke koena palapala a Mr. Z. Poli, no kona makaikai ana i na "Palikoolau elua" o Oahu nei. He kanaka makaukau o Poli ike kakau inanao, a. he oluolu makou e hoolaha ika mea a kona peni i kakau ai. Aka hoi, ina e hooppkole ia na manao, e aho ia mamua oka loihi loa. Aole no e heluhelu nui ia na palapala loihi. Ina he moolelo lealea, e like me kekahi mau kaao e heluhelu ia no; aka r he makeheWa ke kakau loihi afia ina palapala. Aole hiki ke hoolahaia ; a'ina paha e hoolahaia, he manaka ko. ka poe heluhelu no ka loihi. He oluolu makou e hoojaha i na palapala a oukou, ena hoa kakau manao. E hoomanao nae oukou i na tu!a kupono no na palapala, ke makemake oukeu e paiia ko oukou mau inanao. E hooikaika oukou ma ka imi ana i na manao ano hou e lealea ai a e naauao ai ka poe heluhelu. Mai Jioouna mai i na manao ka"hiko i lohe pinepine ia a ua pakuwa. Ua like ia me ka ai punahelu, aohe makemake ia. O na manao i hukiia mai loko mai o na punawai hohonu o ka noonoo, a i hakuia hoi ma na huaolelo hoihoi, oia no kai makemakeia. E noonoo nui mamua o ke kakau manao ana ; e huli nui a e hoomanawanui ma ka imi ana i loaa na manao maikai. E imi ina huaolelo me na hopunaolelo kupono i aahu maikai no na manao a oukou. Pela oukou e lilo ai i poe kaulana no ke kakau manao. A e makemake' nuiia auanei na mea a oukou i haku ai e ka poe helohelu nupepa. Ina pela oukou e hana'i, aole nq e nele ko oukou mau palapala i kahi kuleana iloko o ka Nupepa Kuokoa.