Ka Nupepa Kuokoa, Volume IV, Number 45, 11 November 1865 — La hanau o ke Kama Alii Wahine V. Kamamalu. [ARTICLE]

La hanau o ke Kama Alii Wahine V. Kamamalu.

Lahaina, Maui, > Nove. 2, 1865. ] Ua malamaia ka la mua o Novemaba, he ahaaina hula ma ka po o ka Poakolu iho nei maloko o ka Hale o ka " Ahahui Aloha" e na haole ame na kanaka aloha Alii o ka malu ulu o Lele. O keia poe haole ame na kanaka, ua lulu ae lakou i puu dala, a malaila ka hiki ana o keia hana. Ona Luna o keia Aupuni maanei, a me ka mea Hanohano ke Kanikela o Amerika Huipuia,' Mr. Perkins, ame kekahi poe e ae. Ua hanaia ka papaaina ma ke ano Europa, a pela no hoi ka hula ana, mamuli o ke alakai ana aP. "K. Kalaikini. Ua nui ko'u mahalo ana ma ka ike ana akp i na iwa palupalu e hana ana, a e olioli kupono ana no ka la i hanau ai ko lakou Alii Wahine. • Ma ke kakahiaka nae o ua la nei, ua ike ia aku ka lani, ua paapu loa i na ao a me ka ua, nolaila, manao iho la au, pela ke ano ona la hanau o na'lii mai ka po mai. Ma ke awakea hoi o ua la nei, ua weheia mai ka malamalnma, ua kalae ka lani, ua hooneeneeia ae na ao ua, a ike aku la au i ka mea nana i hoomakaukau e noho ana i ka hale, e hana ana me ka ikaika nui. A ma ka hora 7 o ke ahiahi, ua weheia ka puka, a ho*a ia ke kukui ; a ia wa wau i ike aku ai he mau ihoiho kukui i kau pakahiia a puni ka hale," a hoomalamalama ae la Iko loko a pau. He hapalua hora no paha ko'u noho ana iho, hiki mai ana ka Luna Nui oia po, oia hoi o Mr. Jones, ka Luna« kanawai Hoomalu, a me kona ohana ; mahope iho, hiki nui mai ana na hoa i poloaiia aku e hele inai ia po e lealea, a e inu like i ke kiaha aloha ia R. H. P. V. Kamamalu. Aia no hoi ma kekahi poo oua hale la, he papaaina i hooniakaukauia, a ua nani loa i ka nana aku ; aole a'u hoohalahala ai olaila, ua piha pono i kef moinona o Nakiakaunu. Ma ka hora 9 oua po nei, ua hele kuikui na mea a pau e kai hele ana me he poe koa la e paina. Haawi ae la o Ap. Jones e inu kiaha aloha no ka la hanau o ke Kama Alii Wahine V. Kamamalu, ma ka huro ana, a ua piha loa'o loko ika hauoli. Aloha no. J. A. Kaohaiula.