Ka Nupepa Kuokoa, Volume IV, Number 47, 25 November 1865 — He minamina paha. [ARTICLE]

He minamina paha.

E ka Nupepa Kuokoa e ; Aloka oe:—Ua ike au nia kou Helu 40, Buke 4 o ka la 28 o Sepatenfaba ( ma ke kahua kaua o kou la hanau, nona ke poo i kakauia, " Mai Hilo mai." Penei kona kukulu manao ana, no kona ike ana he mau kumu Pope, ua lilo na kula o ke kulanakauhale o Hilo nei ia laua. Ka ! Kupanaha maoli oe e Alohauhane, ua kuhi no ka paha oe, na ua mau kumu Pope la no i koho iho ia laua e noho i mau kumu no ia mau kula ? Aole no anei oe i ike, na ke Aupuni no'i hooili mai ia oihana nui maluna o laua, no ka mea, aole nana ke Aupu* ni ma na aoao hoomana, mamuli no o ka pono me ka pololei ke kumu o ka hooiliia ana mai oia oihona. Ēia kekahi, ke olelo mai nei kela, na laua ka hoomaloka ana ina keiki. Aole no pela. Aia hoi paha kou kuhihewa la, ame kou olelo iho, no ka nui launa ole paha o ke akamai a me ka noonoo, oia ka mea i pule ole ai. Aole no pela, no ka olelo no ma ka rula kuhikuhi a ke Kahukula Nui ; aole no e ae ia na hana hoomana e hana i ka manawa oke Aupuni. Oia iho la la i lohe oe e Alohauhane. Aole no ia o kou inoa, eia no kou inoa, o A'.ohaole, o Minamina, o Hookeekee a pela aku. Oia ou mau ifloa. Ma kekahi olelo no hoi au, no ke ao ole ia o ka heluhelu Buke Kaūoha Hou ma ia , mau kula. Aole no pela, ke kuhihewa hou nei no oe ma ia wahi. Ke heluhelu nei no ua mau kula la i ka Buke Kauoha Hou. A eia no ka pono ia oe, e akahele no ma ka lohe, e kali hoi ma ka hoopuka ana ma ke akea. Aka hoi, ua pono no ia hoopuka ana, kuuia'ku paha ka pono ilaila i kahi akea, i ike rnai ai ou hoa kula o Lahainaluna. Me ko kuhikuhi mai no hoi i ka oielo ma Mataio, a e alawa iho hoi oe mHaila no, ma ka Mokuna 7: l-f>. "Mai manao ino aku, o manao ino ia inui oe." &c. Aku ka hoi ka naaupo ia oe ka mea i ao ia i na ike hohonu, a me ke Kula Kahuna, o ka lalau hele ana ; kai no ua ike no oe, aole e loaa ka ke kanaka 1010, o ka ke kanaka miki ma ka hana, ku no oia imua o ka oihana o ke Aupuni. Oia la i lohe oe e Minamina oihana. Ma keia mea, aole no e pau ko'u pane ana ia oe ma keia mea, ke hoopuka hou ae oe. Pela io no, he minan.ina maoli no kou i ka oihana i ka lilo ana i na kanaka Pope, a nele io ana ke kanaka Pulikano. E kuu hoa o nei mea he hoopuka Nupepa, mai kuhi no oe, ia oe wale no nei mea he hOopuka, aole, ua kupu, ua lau, aia i Honolulu i ka Hale Pai Palapala, o L. H. Kulika ka Lnna Hooponopono. Me ka lana no nae o ko'u manao, e pono ana no. Ke hooki nei au i ko'u hapapulima i ke ka'ukoe ana iluno o keia kanana. Ke hoi nei ko Halemona keiki, ua welo ka la i ka pewa laau o Kapaukea. Me ke aloha no i ka Luna Hooponopono. T. Hoopono. Hilo, Oct. 28, 1865.