Ka Nupepa Kuokoa, Volume V, Number 8, 24 February 1866 — Page 3
Ka Nupepa Kuokoa.
NALOWALE A MAKE PAHA. - Ua ike iho no makou ma kekahi mau pepa o ko kakou nei kulanakauhale, ua nalowale he malihini ma Hawaii, nona ka inoa F. R. Robolski. Ua oleloia, ua ikeia oia ma ka malama o Novemaba i hala, mauka o Waimea, i Hawaii, a mahope iho oia manawa, aohe oia i ike ia. Ma ka manao waleia, ua make oia, oiai ke hele nei i ka akolu malama o kona nalowale ana, me ka ike ole ia ma na wahi pupupuhale o na kamaaina oia mokupuni.
Ua hiki mai he palapala io makou nei mai na pali mai o Waipio, na ka mea nona ka inoa, A. W. Pupulenui, e hai mai ana i kona hoouna ana mai he olelo hoolaha e hoopukaia ma ke Kilohana Pookela nei o kakou me ka uku pu. Ua waihoia no ka olelo hoolaha e makou no ka hiki ole ana mai o ke dala. Ke hai mai nei nae oia, ua haawiia na kala elua ma ka lima o ka Luna Leta, aohe nae i hiki mai io makou nei, i lohe oe e ka makamaka.
UA HOI AKU. - Ma ka holo ana aku nei o ka mokuahi Ekake, ma ka Poaono i hala'ku nei, ua hoi aku maluna ona ka wahine a ke Kanikela Beritania, oia o W. W. F. Synge, i noho iho nei me kakou, a holo pu aku nei me ka Moi Wahine Emalani, i Enelani. Ua hanohano no ka hookipaia ana o laua e ko kakou mau Alii. I ka hora e makaukau ana ka moku e holo, aia hoi, halihaliia ae la ua wahine la maluna o ke kaa o ka Moi. Malaila no hoi ka Moi, i naue ae paha e ike ia ia i kona haalele ana iho i na kapa kahakai o Hawaii nei.
HE IAPANA MAKAIKAI. - Ua ike paha kekahi poe o ke Kaona nei i kekahi wahi keiki Iapana i keia mau la iho nei. I Amerika oia elua makahiki o ka hele makaikai ana, a i ka holo ana mai nei o ka moku Ekake, ua holo mai nei oia i Hawaii nei. E hiki hou ana paha ia i Iapana, aole paha ? O ke Kanawai paa o Iapana, ina e holo kekahi mai Iapana aku a hala kekahi mau makahiki, alaila, aole oia e hiki ke hoi hou i Iapana. Aka, no ka ua wahi keiki nei lawe ana i kekahi mau mea ana i ike ai, nolaila, ua manao oia, e hiki hou ana oia i Iapana. Ma ka la sabati iho nei, ua hoi aku oia i Iapana.
UA HELE KOHANA AKU LA. - Ma ka auina la o ke ahiahi o ka Poakahi mamua, ua hiki mai la ke kuna Moi Wahine mai Kauai mai, a mai na kanaka mai maluna ona i loheia mai ai, ua haalele mai ka hooilina o Robata C. Wale i keia ola ana, a ua hele kohana aku la i ka opu o ka honua, i kahi e noho koolua ole ai i ka hale mau a ke anu. Ua waiho iho oia he mau makamaka ma keia ao ma kona aina hanau, i poe na lakou e kanikau aku ma keia aoao o ka luakupapau. O ke kumu i make ai, ua oki kela i kona puu iho me ka pahi, a ma ka hora o ke a hiahi o ka Poakolu o ka pule i hala, kuu aku la kona hanu, a make iho la.
HANA ALOHA OLE. - Ua loaa mai ia makou he palapala na D. B. K., o Paliuli, Hilo Hawaii, e hai mai ana i ke aloha ole o kekahi wahine i kana kane mare, oiai he mau wahi la helu wale iho no ko laua o ka pili ana ae, he kane a he wahine, a kawale koke aku la laua. I ke kane nae e waiho ana i ka mai, aia hoi o ka nana maka wale mai no ka ua wahine nei. A i ka make loa ana o ke kane, kiei iki wale mai la no ua wahine nei. Eia ka makou. Pela no anei ka ae ana o ka wahine imua o ke Akua Mana Loa, e haalele oe i kau kane i ka wa mai ? Aole, aole loa no, ua hikiwawe ka waha i ka ae, e malama i ke kau ola a i ke kau mai.
UA KEPA MALUIA. - Ma keia pule, ua hai mai kekahi makua ia makou, ua kepa malu ia kana keiki hanai e kekahi mea, a ua hoounaia aku i ke kumakahiki i Maui. O ka inoa o ua keiki la o Kolia. He haumana oia no ke Kulawae o Kawaiahao. Ke olelo nei ka makua a me ke kumu kula, ua kepa ia keia keiki me ko laua lohe ole. A ke manao nei makou, o keia kepa ana me ka ike ole o ka makua a me ke kumu kula, aole no ia he mea e mahaloia ai ka oihana kepa. "E nihi ka hele i ka uka o Puna" e na makamaka. Mai hoomahui hou i ka hana kue.
HOAO E AIHUE. - Ma ka Poakolu o ka pule i hala, ua hoao kekahi mea kolohe e komo iloko o ka hale kuai laau lapaau o Kauka Hilibarani a me Kamika, ma ka huina o Alanui Papu, a me Hotele. Ua hoao ka mea kolohe mahope mai o ka hale, me ka manao e holopono ana, aka, aohe i ko kana hana. Ua manao paha ua wahi kanaka nei e komo i laau hoomake iole nana. Kanawai ole no hoi na kanaka kolohe. No kona ike ana no paha aohe i piha o Kawa, nolaila, hele hoi keia e lalama hele ai. E loaa pono iho nae, ina ua poohu ka lae.
HOLO KA HANA O KE KUOKOA. - Ua loaa mai he palapala ia makou mai a Levi Kaiwi mai o Haiku, Maui, a maloko oia palapala kela poo e kau ae la maluna, "Holo ka hana o ke Kuokoa ma Haiku," he aumeume aku ka ia la o na kanaka i ka nupepa Kuokoa, e ake ana e loaa mai, pau e ae la no ka i kekahi poe lawe pepa, a nolaila kauoha hou mai i Honolulu nei e hoomahuahua ae i na pepa no ia wahi. A pela io no, ke pii ae nei ka makemake o na kanaka. Eia no hoi kekahi mea i haiia mai, o ka uhi paapu no ia o Haleakala e ka hau.
En glish Column.
Foreign News.
The Uni ted States.
On the 15 of Jan. the Lower House passed a law giving the right of voting to negroes in the District of Columbia. It was passed by a vote of 116 to 54. When the result of the vote was announced, applause followed from floor to gallerries.
It is reported that a conspiracy has been formed among the rebels to rescue Jeff. Davis from prison. The particulars are not yet known. Orders were we know received at Fortress Monroe from the War Department to discharge all Government employees in that District who had been in any way connected with the rebel service. About 200 were thus dismissed, and ordered to leave the place on shrot notice. Armed boats have been constantly on the look out to examine vessels arriving in the harbor.
Lette rs have been received from A. H. Stephens,stating that the persecution of Union men in Georgia is worse than during the rebellion. In Tennesee there are similar complaints, and the Union men petition the Government not to withdraw the troops.
The great iron-clad Puri tan is at New York receiving her boilers. She is to have one turret containing two 20 inch guns, each weighing 115.000 pounds, and capable of throwing a shot weighing 1000 lbs!
The Rus sian Government has informed Col. Bulkley in San Francisco that they will furnish a war steamer to help in laying the telegraphic cable between America and Asia. He requested that the vessel be sent to Petropaulousky to help in laying the cable next summer across Bhering's Straits.
Me xico.
The Me xican news is, as usual, contradictory and mixed up. A band of conspirators to asasinate Maximilian's Sec. of War, had been arrested at the very moment of endeavoring to execute their designs. One hundred and seventy Mexicans lately captured by Maximilian's men, were ordered to be shot by him. Pres. Quarez was still, December 18, secure at Chihuahua. Toluca, the ancient capital of Mexico, 40 miles S. W. of the city of Mexico, with 1200 inhabitants, was captured by the Mexicans under Nunez.
Chili.
The Chilian Ministe r at Washington on the 19th of January, received official intelligence that the Spanish fleet were about to raise the blockade of Chilian harbors.
The la te Pres. of Peru, Gen. Canseco, had been deposed, and Gen. Prado installed in his place. The Peruvian fleet have been ordered to unite with the Chilian ships of war against the Spaniards, and the Spanish Minister has left Peru for Europe. Three or four Chilian Privateers have been fitted out at Motevideo to capture Spanish Merchant vessels.
Pa reha, the Spanish Admiral shot himself with a revolver in his Cabin from chagrin at the capture of the Covodonga by the Chilians.
NU HOU O NA AINA E MAI.
Aohe no he mau nu hou ano nui ma na eke leta hope mai nei.
No Ame rika Huipuia.
Ma ka la 15 o Ianuari i hala, ua hooholo ae ka Ahaolelo Hui o Amerika, he kanawai e haawi ana i ka pono o na negero ke koho balota ma ka aina o Columebia. Ua hooholoia ma ka ae ana o 116 hoa o ka Ahaolelo, a hoole 54 poe. I ka wa i lohe ia mai ai ka holo o ke koho balota ana o na nika, ua hehihehi nui na hoa a pau, mai ka papa hele aku a hiki i kahi o na kanaka e noho ana maluna.
He ohumu e hookuu ia Je ff. Davis.
Ua lohe ia kekahi ohumu mawaena o na poe Kipi, e olelo ana e hookuu ia Jeff. Davis mai ka hoopaahao ia ana. Aohe nae he mau mea ano nui i ikeia nona i keia wa. Aka, ua ike iho makou, ua hiki aku he mau kauoha ma ka Papu Monoroe, mai ke Kuhina Kaua mai, e olelo ana e hookuu aku i na kanaka a ke aupuni i hoolimalima ai ma ia aina, i hui aku mamua me na Kipi ma kekahi mau hana. Ua kokoke 200 poe i hookuuia, a kauohaia aku hoi e haalele iho i ka papu ia wa koke. Ke holo mau nei na waapa kaua mai o a maanei, e nana i na moku ku mai ma ke awa.
Ke kulana o ka Hema.
Ua loaa mai he mau palapala mai a A. H. Sekepano mai, e hai ana, o ka hoomaau ia ana o na kanaka kue i ke Kipi ma Gerogia, ua oi ae ke ino mamua o ka wa Kipi iho nei. Ma ka mokuaina o Tenesi, he nui loa na hoahewa ana, a o na kanaka kupaa mamuli o ke aupuni, ua kakau aku he palapala i ka Peresidena, aohe e pono e hookuu aku i na puaii koa. O na kanaka Kipi hoohaunaele (gorila) ma Alabama, ke puhi nei i na pulupulu. Ua lawe pio ae lakou i kekahi mokuahi ma ka muliwai, a lawe mai no hoi he 70 ope pulupulu, a ua paa iho lakou i ua wahi moku la, a hiki i ka wa a na koa Amerika i kipaku aku ai ia lakou.
No Mekiko.
O na nu hou o Mekiko, he kuee no a me ka pohihihi. O ka poe kanaka ohumu e pepehi malu i ke Kuhina Kaua o Makimiliama, ua hopu ia i ka wa a lakou e hooikaika ana e hooko i ko lakou manao. Hookahi hane ri a me kanahiku poe kanaka Mekiko i lawe pio ia e na koa o Makimiliama, a ua kauoha ia lakou e ki pu ola ia. O ke Generala Amerika Weitzel, ua kue ikaika loa ia i keia hana lokoino. O ka Peresidena Juareza ma ka la 18 o Dekemaba, ke noho maluhia la no ia ma Kihuahua. O Toluca, ke kulanakauhale alii kahiko o Mekiko, he 40 mile ma ke komohana hema o ke kulanakauhale o Mekiko, nona na kanaka he 1200, ua lawe pio ia e ka poe Mekiko malalo o Nunez. O Gen. Bazaine me kekahi puali kaua Farani, ua hele aku E hoihoi hou mai ia kulanakauhale. O ka Alihikaua hou o Farani o Gen. Didelate, ua ku ae ma Vera Cruz, a ua hele aku i ke kulanakauhale o Mekiko e kukakuka me Gen. Bazaine, no kona kaua paha a no ka hiki ole paha o ke kaua mawaena o Farani a me Amerika Huipuia.
No Kile.
O ke Kuhina Kile e noho nei ma Wasinetona, ma ka la 19 o Ianuari i hala iho nei, ua loaa ae iaia he palapala oihana ano nu hou, e hai ana, o ke aumoku Sepania ke manao nei e hoopau i ke pani ana i na awa ku moku o Kile. O ka moku kaua Eme rala, mahope iho o kona lawe ana i ka moku kaua Kovodonga, holo aku la ia ma ka Akau, a maalo ae la ma Arika ma Peru, a ua manao wale ia e holo ana e hui me na aumoku Peru. O ka Peresidena hope iho nei o Gen. Canseco, ua hoopau ia, a ua hoopihaia ka hakaka e Perado. Ua kauohaia na aumoku o Peru, e hui mai me na aumoku o Kile e kue aku i ko Sepania, a ua haalele iho ke Kuhina o Sepania ia Peri, a ua hoi aku i Europa. He 3 a he 4 paha na moku i hoolakoia e kekahi poe Kile ma Monetevideo e holo aku a e lawe pio mai i na moku kalepa Sepania. O Pareka ka Adimarala Sepania ma Kile ua pepehi iaia iho, no kona hilahila paha i ka lawe pio ia ana o ka moku Hovodonga e ka moku Kile. Ua ki kela iaia iho me ka pu panapana ma kona keena o ka moku mahope, a ua loaa he palapala ma kona kino, e hai ana no ia kumu.
Ka Uwea olelo o ka Paki fika.
Ua hai ae ke aupuni o Kusia ia Col. Bulkle y ma Kapalakiko, e haawi mai ana lakou i na mokuahi e kokua ai i ka hoomoe ana i ka waea olelo mawaena o Amerika a me Asia. Ua hai aku o Col. Bulkley e hoouna ia'ku ana ia moku i Peteropaulouki ma Kamataka, e kokua pu i ka hoomoe ana i kela kau aku, e moe ana ma ke kowa Beherina.
Ko rela ma Ierusalema.
He le ta mai Ierusalema mai i kakauia ma ka la 28 o Okatoba, e hooiaio ana i ka uluku ana o na manao o ko laila poe no ka hiki ana mai o ka mai luku nui Korela ma Mauna Ziona. Ua holo aku ko laila poe no ko lakou makau nui, a o koena o na kanaka ma ia kulanakauhale he 9.000 wale no, a o na make he 80 i ka la hookahi. Ua holo aku ke Kiaaina Tureke i Jaffa, a o na paahao ma na hale paahao, ua hookuu wale ia, a ke powa nei me ka pepehi wale, me ka hoopai ole ia.
No Ma degaseka.
He wahi aina maikai a waiwai nui ma Madegaseka, ua haawi wale ia aku e ka Moi i make aku nei, i kekahi kamaaina Farani ma ia mokupuni, o Mons. Lambert kona inoa. Ua kue nae keia hana i na kanawai oia aina, a ua papa ikaikaia e na alii a me na luna aupuni ; aka, ua hoole nae ka Moiwahine a me ke aupuni holookoa i keia mea, a no ia mea, ua alunu ka Emepera o Farani i ko Madegaseka, a ua uku aku lakou i na dala elua haneri kanaha tausani. ($240.000) O ka uku ana i keia mau dala nui, ua hoopaneeia mai kekahi manawa a i kekahi manawa, a he nui na hoao i koi aku i mea e loaa mai ai ka emi ana, aka ua lilo i mea ole. No ia mea, o ka uku ua hookaaia no, a ua hookupu ka Moiwahine he $140.000, a ua aie aku i ke koena he $100.000. I ka wa e kokoke mai ana e lawe aku i keia puu dala nui ma kapakahakai, kuee nui iho la na kanaka a me na luna i keia hana hookaumaha wale a mainoino no hoi, wahi a lakou. A no keia mea, nui loa iho la ka hoopaapaa, a me ka haunaele. Ua noonooia keia mea, a ua hoomakaukauia na koa e malama i ka pahu dala a hiki ma kahakai, a ua laweia aku maluna o ka manuwa Farani, e kaili ana ma ke awa o Tamatave. Aohe mea nui e ae i hiki mai, aka, nui ka huhu o ko Madegaseka poe a pau i ko Farani, a ua paa ko lakou manao, he hana hookaumaha wale, a aloha ole keia i hanaia mai e ke aupuni ikaika maluna o ka aupuni nawaliwali. Aole no hoi lakou i hoopoina ia mea, a ina wa e hiki mai ana na luna aupuni o Farani a me na kanaka Farani eae ma Madegaseka.
No Iapana.
Ua ku aku ma Kapalakiko kekahi kialua Ru sini Olga, mai Tokohama Iapana mai, ma ka la 12 o Ianuari.
Me he mea la e hui ana na manuwa Farani, Beritania a me Amerika, e holo aku i Osaka e hana hou i kuikahi me ke aupuni Iapana. Ua makemake lakou e kau i dute no na waiwai i laweia mai, mai na aina e mai, ma ke kau ana i 5 hapahaneri noloko mai o ke kumukuai o ka waiwai. Eia, elua mau alii ma Iapana, hookahi, he Moi ano Pope, a he Moi pili hoomana hoi, (ua kapaia he Midako, ka mea i hoomana i kokoke aku e like me ke Akua.)
O kekahi ua kapaia Jycoon a ke hana nei oia i mau kuikahi, a me kona aha kuka, ke kau nei i mau kanawai, a ke hooponopono nei no hoi i na puali koa. A no ke makemake nei na aumoku manuwa e ninau pono a loaa ka oiaio, i ka pono ia Mikako ke hooko i na kuikahi a Jycoon i hana'i a makou e manaoio nei o ke kumu oiaio ia. Ke hoao nei lakou i akaka'i kona hookoio ana mai i na kuikahi hou. Ke manaolana nei makou e pau keia hana mawaena o Iapana a me na Aupuni Nui me ka lalau ole i na mea kaua.
Na Pake (Coolie s.)
Ke lawe ia nei na pake i ka moku aina o Louisiana. He nui wale o na pake i lawe ia Inia Komohana. Iloko o ka mokupuni o Guadelupe, ua like kona nui me Oahu, iloko o na makahiki eono, he 30,000 pake i hiki mai. O na haole malaila, kakau lakou i mau palapala ae iike, i mea e paa'i ka pake me lakou no na makahiki ewalu e hana'i, ma ka 4 a 5 dala o ka malama. O ke ano maikai o na pake paahana, o ka poe Hinedu. He oi aku ka maikai o ko lakou helehelena, a he oi aku no hoi ka maemae a me ka manao maikai oia poe mamua o na pake. He maikai ka lakou hana, a poe hapa i ka loaa ana i ka mai. O ka poe Hinedu, o lakou ka poe i lawe nui ia ma Inia Komohana o Farani, a o ka poe pake o Kina, ua lawe nui ia i Inia Komohana o Sepania. O ka poe pake, he poe inoino, a ku ole no hoi i ka maikai, a he poe hoohaunaele nui loa ma Kuba. A o ka hana nui ma Kupa i keia wa, o ka malama o na koa i na pake paahana ma na mahiko a me na wili ko i mea e malu ai. Aka, o na pake opiopio i malamaia iloko o na hale kalepa ma Hinedu, ua oleloia he poe eleu, hoolohe, a maikai hoi ma ke komo lole ana. Aole e like me ka poe i hanau ma Kina. He ano okoa loa na pake paahana maanei mai ko kakou mau pake kalepa mai.
HUNAHUNA HUIKAU.
O ka uku o Gen. Kalani maloko o kana oihana, he $9,240 dala ma ka makahiki.
He 3,512 halekuai waiona ma Kapalakiko, a o ka nui o na dala i ohi ia e ke aupuni no na leikini kuai rama he 50.000 a keu. Ua haiia mai he elua kausani eiwa haneri me kumamaha mea ona i ike ia ma ia kulanakauhale iloko o ka makahiki i hala.
Ke makau nei ka Pope o hele na enemi o ia ekale sia i Roma i ka wa e hoihoi ia'ku na koa Farani.
Aia ke Kapena powa o Semmes, iloko o kahi paa loa e kali ana i ka wa hookolokolo; ua haiia mai aohe ona makau iki, he paa kona manao no kona ahewa ole ia.
O ke kula Sa bati nui loa ma Amerika, aia ma Cincinati; he 2,500 haumana iloko o ia kula.
Ua ku ae kekahi moku ma ka mokupuni o Ku ba no Aferika mai me na kauwakuapaa he eha paha haneri. Kainoa ua pau ia hana.
Ua hoopii ia ka uku no ka ai ana ma kekahi mau ho tele ma Nu Ioka he eono dala no ka la. Ua hiki aku ka lilo o kekahi mau ohana e noho ana ma na hotele i ka eono haneri dala no ka pule.
O Lopez ka Peresidena o ke aupuni o Pa rakua ; aka, ua oleloia he wahine Enelani ka mea nana e noho alii nei maluna o keia aupuni. Ua loaa ua wahine nei ia Lopez ma Ladana.
Aia i ka Banako o Amerika Akau kekahi pahu hao nui, he pahu hao pale ahi, aole e wela i ke ahi na waiwai o loko o ia pahu, o ka hale ke pau e a lilo i lehu, koe nae na mea maloko o ka pahu, aohe wahi mea a hohono ahi. He 20 tona ke kaumaha o ua pahu hao la, he 11 lio nana ia i kauo, he ewalu kapuai me ka hapa kona kiekie, a ehiku me ka hapa ka laula.
Ua kipakuia kekahi kanaka eleele mailoko aku o kekahi kaa o ke kulanakaahale o Cin cinati no ka eleele o kona ili. I hoopii iho ka hana o ua nika nei no kona hanaino ia, a hookaa ia mai la iaia he 800 dala e ka mea nona ke kaa. Polohuku kela, hohoka hoi keia.
O ka nui o ka waiwai i poho ma na hana kolohe a ka moka powa Senadoa, ua like me $1.655.000 dala.
He eiwa tausani hale hou i kukuluia iloko o ke kulanakauhale o Kikago i ka makahiki i kaahope ae nei. He eono o ia mau hale i hooliloia 100.000 dala ma ke kukulu ana. O ka nui o na dala i hooliloia no ke kukulu hale ma ia wahi no ka makakiki hookahi he 6,009,009 dala.
He 1,151 moku i lawe pio ia e na manuwa o Ame rika iloko o ke kaua ana i pau iho nei.
Ua olelo ke Kuhina Waiwai o Ame rika Hui e haawi ke aupuni i 200.000.000 dala i kela makahiki keia makahiki i mea hookaa i ka aie o ke aupuni.
Ua make aku nei kekahi kanaka kaulana i ka hakaka ma Enelani; he kanakolu tausani kanaka i hele i kona hoolewa.
Eono tausani poe malihini i komo i Nu Ioka iloko o ka hebedoma hookahi.
O ka nui o na waiwai i hookomoia iloko o ke kulanakauhale hookahi o Bo setona, ua like me 60.000.000 dala i kela makahiki keia makahiki.
He 6.000.000 dala i loaa iho nei i ke aupuni Amerika ma ke kuai ana i ka pulupulu.
I ka nana'ku, e pau wale ana ka pilikia mawaena o Sepania a me Kili. Ua oluolu o Sepania e waiho i na hihia na kekahi komite e hooponopono.
Ua kuai iho nei ko Palolo poe i bele no ko lakou hale halawai, o ka halepule koe, alaila kani ka bele o Palolo. Ua makaala ko laila poe ma na hana maikai i keia wa.
Oiai ke hele nei kahi poe i na aina e e makilo dala ai no ka halepule me ka nuku ana i ko Hawaii i ka ilihune loa, he mea mahaloia ka hana a ko Helani poe ma Kona Hawaii, i ka lulu ana he 764 dala iloko o ka halawai hookahi no ko lakou halepule. He Kahu ekalesia Hawaii maoli ko lakou. E noonoo oe e ka haole i keia.
Ua haiia mai aia o Rev. Mr. Whipple i Wailuku, Maui, kahi i hooikaika ai e kukulu i ka Pono Enelani. He nui loa ka holoholo ana o ia Kahunapule mamua, a ua ku iho nei i Wailuku.
NA KOKUA MAHINAHOU O KAWAIAHAO NO KA MALAMA O FE BERUARI.
Honolulu $80 10
Puiwa 3 00
Maemae 3 00
Kunawai 7 00
Kalihi 1 50
Kapalama 3 25
Kaakopua 4 37
Pauoa 10 25
Maunakiekie 1 75
Makiki 18 62
Manoa 34 75
Kamoiliili 34 12
Waikiki-kai 52 50
Palolo 6 00
No na wahine ninini wai o Kawaiahao 40 00
Huina $300 21
KOKUA O NA KULA SA BATI.
Kula o Honolulu $6 12
" " Makiki 2 87
" " Manoa 6 75
" " Kamoiliili 6 37
" " Waikikikai 4 87
No ka Halemai Moiwahine 1 75
Huina pau $328 94
HUAKAI KAAPUNI A REV. A. PALI. - Ua loaa mai ma ko makou nei keena he palapala na Williama o Waikoloa, Waimea, Hawaii, e hai mai ana i ke kaapuni ana a Rev. A. Pali ma na kihapai o Hamakua, me kona malama ana i na ahaaina a ka Haku. A ua malamaia no hoi na lulu dala e na hoahanau oia mau apana, penei:
No Kawela, $16 62 ½
No Kapulena, 10 99
No Eleio, 11 62 ½
Huina pau loa, $39 24
Ua ikaika no na hoahanau i ka hooikaika nui ana no ke Aupuni o ke Akua.
HE KUAI WAIONA KA B RIGHAM YOUNG. Ma kekahi o ka Brigham Young haiolelo haipule ana, ua hai oia, " O ke kanaka e kuai waiona ana me ka manao, ua pakele oia i ka hoino ia, he naaupo ia nona iho." Aka, i keia wa, ua hoohuli ae oia i kana kamailio ana, a eia oia ke lawelawe nei i ka oihana ana i hoino aku ai. Ua papa aku oia i na hale kuai waiona e ae o ia wahi, a o kona hale kuai waiona wale no ka hale kuai e ku la ma ke kulanakauhale o Loko Paakai Nui. A no e no hoi na hana a kela aoao.
HE HALEKUAI IO LIO. Ua ike iho makou ma kekahi nupepa o Farani, ua wehe ia'e i Halekuai io lio i mea ai na kanaka, ma ke kulanakauhale alii o Parisa. Ua weheia keia hale ma ka ae ana mai o na mana aupuni. Akahi no kakou a lohe i ka wehe ia ana o ka Halekuai io lio ma na aupuni kupa o ka naauao.
HANAU.
Feb. 22, ma Lukini, Makiki, hanau o Hairama (k.) na H. Kahanaumaikai, me Mary Keha.
Fe b. 6, ma Waikoloa, Waimea, Hawaii, hanau o Kealohaokalani w. na Kealoha me Ana.
Ian. 27, ma Waimanalo, Oahu, hanau he keiki inoa ole k. na Kahue me Mamaole.
MAKE.
Feb. 15, ma Pawaa, make Mahoe (w.,) he mai hikiwawe loa.
Feb. 12, ma Kaaawa, Koolauloa, Oahu, make o Keliikuhiau k.
Feb. 13, ma ia wahi no make o R. Hoohelu k.
Ian. 29, na Waimanalo, Oahu, make Kohilae w.
Ma Puoko Kohala Hema, Hawaii, make o Naapuelua.
Feb. 19, ma Honolulu, make o Pauole w.
OLELO HOOLAHA !
EIA NA LIO MA KA PA AUPUNI Ma Kaelepulu, he mau holoholona helehewa, ke ano malalo nei. Lio k. ulaula hao I-B. Lio k. eleele hao P. Lio w. ahinahina hao manamana ano e. Lio w. keokeo hao manamana ano e. Lio w. hulupala haoe ano e. Hoki w. ulaula hao ano e. Hoki w. eleele hao manamana e. E kii koke mai o hala na la he 15, kudala ia i ka la 5 o Maraki, oia ka Poakahi e hiki mai ana. JOHN. PALE, Luna Pa Aupuni. Kaelepulu, Kailua, Koolaupoko, Feb. 20, 1866. 221-1t
Hale Kuai Hou !
UA WEHE AE NEI AU HE Hale Kuai Hou ! Ma Keopuka, Kona Hema, Hawaii, a, aia malaila e loaa'i na lole o na ano nu hou a pau, kupono no na kane, na wahine, a me na keiki, no ke kumukuai makepono loa.
O ka poe a pau e makemake ana e kuai i ka lakou Kofe, e lawe mai me a'u e kuai ai, i loaa ke kumukuai nui makepono ma ke Dala maoli, a me ka lole paha. E hele mai e ike maka e na makamaka. LIKI. (R. B. NEVILLE) Keopuka, Kona Hema, Hawaii, Nov. 23, 1865. 206-3m
OLELO HOOLAHA.
UA KOMO MAI ELUA PUAA ma ko'u Kuleana aina, a ua hoopau ia kekahi o ka'u mau mea kanu. He Puaa kane keokeo kekahi, he Puaa wahine eleele kekahi. E kii mai me ke dala ($10.00) E loaa au ma Niuhelewai, Kapalama ; e wiki o hala na la he 30, lilo loa keia mau Puaa ia'u. H. KAMAALEWA Niuhelewai, Kapalama, Feb. 9, 1866. 220-3t
Olelo Hoolaha !
E IKE AUANEI NA KANAKA A PAU ma ka Apana o KONA HEMA, ua wehe ae nei makou he Halekuai lole no na kanaka Hawaii a me ka poe e ae e makemake ana i na lole ano hou i hiki mai nei. Eia ma PAHOEHOE-UKA, KONA HEMA nei kahi i ku ai o ua Halekuai nei. E hele mai e nana no oukou iho, i ke ko io ana o ka makou olelo ana. NA KA POE HUI. G. W. Kahunaaina, Kakauolelo Nui. Feb. 15, 1866. 220-4t
OLELO HOOLAHA.
E IKE OUKOU E KA POE MEA HOLOHOLONA, Lio, Hoki, Miula, Bipi, Kao, Hipa, Puaa, a me kekahi ano Holoholona e ae. Ua kapu ka aina o Ka Moi e waiho nei i Kamoiliili, Waikiki, oia hoi Piliamoo, me Kiki, a me Waiaka. Ua kapu, ina komohewa kekahi Holoholona, e uku no $1.00 no ke poo hookahi, i na e kue mai kekahi mea Holoholona i kela mau olelo e hai ia nei maluna, alaila, e hana no wau e like me ke Kanawai mau o ka aina. HAPAUEA. Kahu Aina o Ka Moi. Honolulu, Feb. 7, 1866 219-4t
Lio Helehewa !
OWAU O KA MEA NONA KA inoa malalo iho nei, ke hoike aku nei au me ka Hoolaha aku hoi ma ke akea. Ua loaa ia'u ma ka Uapo o Lahaina nei kekahi Lio kane hulu hauliuli, e hele auana ana (me ke Kahu ole.) Aole ona hao kuni ; aka he pahu-pu keokeo kona ma ka wawae hope Akau, a he mau hulu keokeo no hoi ma ka lae, a ma ke kua kekahi kiko keokeo pu. E loaa no keia Lio i ka Ona ponoi nona ia, ma ka uku ana mai ia'u no na poho o keia Hoolaha ana, a me ko'u malama pono ana i ua Lio nei ; aka, ina e kii ole mai a hala na la he kanakolu mai ka loaa ana mai ia'u, alaila, e lilo loa ana ia'u, a e kuni no au i ko'u hao. Ua loaa i ka la 23 o Ianuari, a ua Hoolaha akea no hoi au ma Lahaina nei, a ma Wailuku & Makawao, aole nae kii mai i kona waiwai. D. KANAINA, Kekahi o na Makai o Lahaina. Kelawea, Lahaina, Maui, Feb. 3, 1866. 219-3t
OLELO HOOLAHA.
KE MAKEMAKE IA NEI I KANALIMA kanaka paahana no ka mahiko o (WAIHEE &WAIEHU) o Maui. E ninau ia (J. MALUAIKOO) a me kona poe Hui, aia ma ko lakou Halekuai mea ulu ma (POKELE) e pili ana ma Alanui Nuuanu, ma Honolulu nei. E hele mai ! e hele mai!! Owau no o ko oukou hoaloha. J. MALUAIKOO Honolulu, Oahu, Ianuari 30, 1886. 215-1m
MAKALENA MA.
Ma na huina Alanui Papu a me Alii, HONOLULU. Ua makaukau maua e kuai lilo aku i na ANOANO HOU ano MAIKAI, I loaa mai nei ia maua mai luna mai o ka Mokuahi Ekake, no lakou na inoa malalo nei : ANOANO PU. ANOANO UALA PAKE. ANOANO KAIMA (Thyme) ANOANO KERAKI (Celery) ANOANO KULINA ONO, ANOANO AKAAKAI, ANOANO OLENA, ANOANO UALA PILAU, ANOANO BITA, ANOANO PI, ANOANO KALI PALAOA, (Cauliflower) ANOANO TOMAKO. ANOANO KAVOA (Savoy) ANOANO KAUKAMA, ANOANO KULINA POHAPOHA, ANOANO KAPIKI. ANOANO KALAPI (Salsify) ANOANO LEKUKE (Lettuce) ANOANO PAKANIPA (Parsnip,) ANOANO IPU HAOLE. 219-tf
E NANA MAI !!
MAKANELA MA. Ma na huina o Alanui Papu me Alii, Honolulu. Ua makaukau mau e uku aku i ehiku keneta no ka paona Pia MAEMAE a MALOO hoi ma ke dala, Ke lawe ia mai imua o maua. Ua makaukau pu no hoi mau e kuai mai - I KE -KOFE a me ke KULINA, I na manawa a pau. Makanela ma. 219-tf
Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina.
NO KA PILIKIA ANA MAI NEI O KA Mokuahi "KILAUEA." Nolaila e holo ana ka moku kuna "ONWARD," I KAWAIHAE, a me HONOIPU. O Neti Mela Hoi, e holo mau ana ia i LAHAINA. O ALBERNI I HILO, A O ANE LAURIA, I WAIMEA, a me KOLOA, Kauai.
Eia hoi :-- Ina e NOHA IO ke " KILAUEA," alaila, e hooholo koke ia ana no he MOKUAHI hou e kupono ana i keia mau Mokupuni.
A o ka poe e makemake ana e holo - E ninau no ia CAPT. F. MOTINA, a i ole ia, ia JANION GREEN & CO., Na Hope o ka Ahahui hooholo Mokuahi a moku maoli Maloko o ko Hawaii Pae Aina. 217-1t