Ka Nupepa Kuokoa, Volume V, Number 15, 14 April 1866 — Page 3

Ka Nupepa Kuokoa.

English Columu.
Telegraphic.

            Gov. Stone, Iowa , telegraphed to Congress to stand firm, that the northwest would stand by them. - Mr. Fessenden stated that he voted with Congress against the President's veto, because he did not like its closing portions, which stated that Congess had no right to tax a State which was not represented. - Mr. Seward refuses to recognized the Shanandoah as rebel, declaring that it has never been anything else than the British ship, Sea King. - Senator Sherman of Ohio , has made a speech defending the President's policy and urging conciliation. - As to Mr. Johnson's speech, hoever, he said there was no friend to the President who would be unwilling to wipe it out of history. - It was impossible to conceive a more humiliating spectacle than the President of the United States addressing such a crowd. - The President is reported as being afraid of assassination. - A large public meeting in Chicago , addressed by Gov. Bross and others, took strong ground in support of the radical measures of Congress. - Gen. Grant has been presented with a purse of $100,000 by A. T. Stewart and others, of New York ; $30,000 to discharge the mortgage on his Wahington residence. - Marshal Forey has said in the French Senate that the French troops could not be recalled from Mexico at once, and advised that reinforcements be sent out. - A bill has been passed through the English Parliament suspending the habeas corpus act in Ireland . - Mr. Seward, in his late visit to the West India Islands , selected a habor in St. Thomas as a naval rendezvous, which will be of immense importance to us in case of war with foreign nation. - The contemplated line of opposition steamers from New York to San Francisco has been withdrawn. - The New York Times says the President is fully sustained by the people, and that there will be no disruption. – Mrs. Lincoln has invested her $22,000, voted to her by Congress in 5-20 bonds. - Some clerks have been lately removed from some of the departments in Washington for using language disrespectful to the President, among them Mrs. Jane Swishelm. - The Minnesota Legislature sustain Congress as against the President's veto. - A large meeting of mechanics has lately been held in New York favoring the eight-hour movement Senator Doolittle spoke in New Haven sustaining the President's policy. - An enthusiastic meeting was held in Baltimore (?) to sustain the policy of Congress. - Gov. Andrew and others have petitioned Congress to abolish the present system of electing a President through an Electorial College , and advise a direct vote of the people.

          The Virginia Legislature has adjourned. Great professions of loyalty were made. - The consevatives of the Tennessee Legislature absent themselves from the Capitol and thereby block the weheels of legislation. It is on account of the programme which the radicals propose to carry out. Gov. Brownlow has issued a proclamation for an election to fill vacancies. - Gen. Grant's eldest son has just enterd West Point . - Gen. Scott fell from his berth on the trip from Key West to New Orleans , and was somewhat injured, but is recovering. - Congress allows Miss Clara Barton $15,000 for her services in searching for missing soldiers. - William A. Browning, late Private Secretary to the President, is dead. - Spanish and Chilean prizes have been forbidden our ports. - It is expected that the Tennessee members of Congress will obtain their seats very soon. - An immense gathering of Fenians, numbering 15,000 persons, has assemebled at Jones' Wood, New York , for holiday purposes. It is declared taht a million of men are ready to move (where?) for the liberation of Ireland when the orders for marching are received. - It is said that the President will veto the resolution of Congress with reference to the admission of the Tennessee members. He declares that he will not sign away his own citizenship. The members elect from Tennessee are in power there, and they are determined to keep it, excluding all traitors, even those pardoned by the President. - A motion to increase the national banking capital 100,000,000 was voted down by a vote 114 to 17. - Garrett Davis, of Kentucky , made a foolish speech advising the President to side with the South and those of the North who will join, and set up another Congress in Washington . - A bill permitting an underground railroad in Broadway will undoubtedly pass the Legislature of New York. - The Pennsylvanisa Demorcrats, in council, endorsed President Johnson's course. - Gen. J. S. Fullerton, formerly on Gen. Howard's staff, and notorious by his brief administration of the affairs of the Freedmen's Bureau in Louisiana, has been appointed Private Secretary to the President, and will enter upon his duties at once. - The bill for the admission of Colorado is up in Congress. - The President is said to be anxoius that the elections soon to come off in Connecticut and New Hampshire be favorable to the Republicans.

          KA NUI A ME KA LOAA NO NA LETA. I ka makahiki 1865 i hala aku nei, ua lawe ia'ku mai ka hale leta aku ma Nu Ioka, he iwakalua kumamalima miliona palapala. O ka nui o na dala i loaa mai no na poo leta a me na palapala, hookahi miliona, ehiku haneri iwakalua kumamakahi tausani, elima haneri kanaono kumamaiwa, me kanaha keneta. Noloko mai o na pahu liilii i hooili ia mai a me kekahi mau mea e ae, he kanalima kumamahiku tausani a oi aku. O ka lilo o ke aupuni no na mea lawelawe i ka hana, he $359,791.75. O ke koena aku i ke aupuni, he $1,506,174.22.

NU HOU O NA AINA E MAI .

No Makimiliama.

            Eia o Makimiliama ke noho nei maloko o kona Hale Alii, me ka hoike ole iaia iho imua o ke akea. Ua poai puni ia oia e kona mau kiai; na koa i lawe ia mai e ke aupuni Farani. Heaha la kona manao, iaia e noho ana maluna o ka aina olai nui, ke hiki mai na pilikia nana e hookahuli ae iaia, a waiho iho iaia i ka hoino ia e na miliona kanaka ana e kue nei ?
          Aole i lawa kupono o Makimiliama i na tausani dala elima ana i koho ai i ua uku la, aka, ke hoopii hou ae nei oia i kona uku, a hiki i ka ehiku tausani o ka la. A ke hai nei oia, aole oia e hiki ke ola kupono ke hoemi iho i kona uku malalo o ia puu dala.
          No keia hoopii ana ae o Makimiliama i kona uku, ua nui mai ka nau ana o na kui o na kanaka ponoi ona, no kona hoemi ana iho i ko lakou uku a hala loa ilalo, a pai ae la no kela i kona uku. No keia kumu i hai ia maluna, ua kuee na kanaka pili aku i ua Emepera la, a ua enemi mau lakou i ka hoopololei ole ia o ko lakou mau uku, oiai, aohe loaa makahiki ma ia aupuni. A o ka waihona Farani, ke uku mau nei i ko Makimiliama makemake i kela malama keia malama. Ke ninau nei makou, pehea ka loihi a Farani e malama mai ai ia aupuni, ina pela e hana ia ai ? Ke manao nei makou, o Napoliana wale no paha kai ike , ina ua maopopo io ka manawa.

Ka Bihopa o Honolulu .

            Ua ike iho makou ma kekahi nupe o Amerika, ua hoi mai ka Bihopa o Honolulu nei mai na mokuaina ma ka aoao o ka Akelanika mai, a ua keakeaia a hoohoka ia kana mau mea i manao ai e holo pono ana kana hana misionari e na mokuaina ma ia aoao o ia moana. Ua peku kahi ia mai oia, aohe wahi mea i loaa mai iaia mai laila mai, no ka mea, he nui na hoike oiaio i hoike akea ia malaila, i holo wale mai no ua Bihopa la i Honolulu nei, i loaa ke kanaka Beretane nana e hookiekie ae i ka pono o ko Enelani, a kue aku i na kanaka Amerika, me ka manao e huki mai i na kanaka Hawaii, mai loko mai o ke ao ana a ko Amerika poe, a e hoopau aka i ka malama ana a Beritania Nui ia Hawaii nei malalo o kona malu.

Moku ili Hou.

            Ina paha oe e ka mea heluhelu i ike i ka moolelo i kakau ia ma ka nupepa haole, no ka ili ana kekahi moku kalepa maikai, o " Hana Moa" kona inoa, aole no e ole ke kulu iho o kou waimaka no ke aloha i na kanaka i ka wa i loohia ai keia moku i ka makani ikaika, a pilikia na ola. He moku keia e holoholo ana mawaeka o ke kowa o Enelani, a he 1,179 ka nui o kona mau tona. I ka wa i hoopiha ia ai ia i ka ukana a piha, holo aku la ia, ma ka la 8 o Febuari, loaa iho la oia i ka makani ino, a alako ia aku la ia mao a maanei o ka moana. A ma ke owehewehe ana ae o kai ao o ke kakahiaka o ka la 11, ike ia aku la ua moku nei e na kanaka o ka mokupuni o Lundy, ua ili ma na kuaau iloko o ka wa makani nui. Ike ia aku la no hoi na luina e pinana ana, a e lalama ana ma na likini o ka moku, e imi ana i kahi e ola ai, aka, aole ka makani i hooakakuu mai i kona ikaika. A iloko o ia wa, ua hoao elua mau kanaka e holo aku maluna o ka waapa. Aka, ia laua i holo aku ai i uka, lumilumi ia mai la ko lau wahi waapa e na nalu, a hookui mai la ia laua, hoihoi hou ia mai la laua i hope. Ua hoao hou no, aka, ua poho ka manao lana nolaila, ua kakali mai na kanaka o ka moku, a no ka hiki ole aku o ke kokua, ua haawi wale lakou i ko lakou mau ola e make iloko o keia pilikia nui. Ia manawa, hoa ae la kekahi wahi mokuahi i kona ahi, a holo aku la a pili ma ua moku ili la, a lawe mai la i kekahi poe i mauleule e kali ana no ka make loa. I ka hiki ana mai ma ka uapo, ike e ia aku la no ka pilikia kaumaha, i ka ike ana aku i kekahi poe e ahu mai ana me ka pelekai, e olala ia ana i ka la. Kii hou no ua wahi moku ahi nei, a lawe mai i kekahi mau mea kino hou, a i kekahi hoi hou ana aku, ua nahaha liilii ua moku la, a ua lawe ia aku kekahi poe ma na apana nahaha maluna o ka moana, a ua huki ia aku e ka makani io a ia nei. Pela ihola ka hiki ana mai o keia poino nui.

Ka Moiwahine o Sepania a me kana hanaukama.

            Mahope koke iho no o ka hora 11 o ka po o ka la 24 o Ianuari, lohe ia'ku la ka leo o na pu e hoonakeke mai ana ma na puka aniani o na hale, a e hai mai ana no hoi i ka haakohi ana mai a ka Moiwahine o Sepania i ka milimili hou e hele mai ana i keia ao. I ka wa a ka Moiwahine e waiho ana iloko o na ehaeha a ke kuakoko keiki, kauoha koke ae ka Moi kane, e hoonani ia kona Halealii, a e hoomakaukau ia na pule kahea i ka Mea mana maluna no ka hoohemo maikai ana mai i ka malihini. O ka nui o na keiki a keia mau alii e ola nei, he elima, a o ka hanau kama hou hoi, aoao pau loa.
          I kekahi la Sabati ae no, ua laweia ua milimili hou ia e bapetiko iloko o ka halepule o ka Moiwahine. O na makua hanai o ua keiki hanau hou la; o na Moi kane a me ka Moiwahine o Belegiuma. I ka wa i lawe ia i ua keiki nei i ka halepule, ua hele nui ae na kanaka oihana aupuni a me na kanaka koikoi o ka aina e aku. Ua kapaia aku i ua malihini la, hookahi haneri a me umikumamalua mau inoa. O ka inoa i kapaia'i o " Palakiko de Asis," e peli wale ana na inoa i kapaia'i i ka Vigini Hemolele. I wahi hapa inoa ae no, ina ua make.

He makana ia Gen. Keremana.

            O kekahi hale kumukuai nui ma Harrisona, oia hoi he kanahiku kumamalima tausani dala a me ka waiwai o Davida Nicholrona, ua haawi wale ia aku ia Gen. Keremana ma ke ano makana haawi wale. A o na dala iho i koe, he elima tausani, ua ho-o ia iloko o ka Banako e na Komite no na puu dala i hoahu ia ma ka malama o Augate i hala, ma ke ano haawi wale.

Ke koho Baiota ma Nu Hamasire.

            O ka poe Uniona ma Nu Hamasire, he 5,000 ko lakou nui i lokahi like ka manao. O na poe koikoi hoi, he elima wale iho no, a he eiwa o na poe 12 o ka Ahaolelo. Ua kohoia o Kamika, he kanaka Uniona e na kanaka, he 20,000, a o Sinclair hoi, he kanaka Democarata, ua kohoia e na kanaka, he 15,000. A ua hala aku la ke kanaka Uniona i ka Ahaolelo.

Hoopaaia na luna o Kile ma Nu Ioka.

            O kekahi Luna Nui o ke aupuni o Kile ma Nu Ioka a me ke Kanikela o Kile, ua hoopaa ia e ke aupuni no ke kue ana i ke kanawai e pili ana i ka hookipa ana mai i na moku. Ua bela ia laua elima tausani dala pakahi i ka la no i hopu ia'i, a ke kakali nei paha no ka hookolokolo.

HUNAHUNA MEA HOU o na Aina e.

            UA MAKE KE KAMALEI ALII A VIKOA EMANUELA. O ke keiki muli loa a Vikoa Emanuela, oia hoi ke kamalei alii, Haku Oddona, ua make aku la ma ka la 23 o Ianuari. I ka make ana o ua Haku Alii la, na pani paa ia na Halealii o Europa, a ua hoopuniia lakou e ke kaumaha kuhohonu no na la eiwa. O ke Kama Aliiwahine hoi, a kaikuahine o ua alii la i hala aku, ua pau kona ikeia ana imua o ka lehulehu. Ua pani paa iho ia iaia iloko o ka hale, oiai ka wa o kona kanikau, a kaumaha i kona kaikunane.
          O ka Moi hoi, oia kekahi o ka poe i hoomakaukau i makana no ka Hoikeike Nui o Parisa, a o ka ka mea kapili hale hoi i manao nui wale ai o ke kukulu i mau hale no ka poe ilihune.
          Ua hoouna mai ke alii Aigupika, he makana mare i ke Aliiwahine De Morny, he pohaku nani makamae, a o ke kumukuai, he 20 tausani dala, a ua noi mai oia i ua Aliiwahine la e hookipa iho i ua makana la, i mea hoomanao no kona makemake no ka hele kaapuni ano mai o ua Aliiwahine la i ka makahiki 1853. Ua oleloia, oia ka oi o na'lii waiwai loa ma ka honua nei a puni.
          Ua hai mai kekahi nupepa, ke hoomakaukau ia nei e hoomoe i ka waea-olelo mai Beretania mai a hiki i Amerika i keia kau aku. O ka moku Hikina Nui ka moku nana e lawe.
          Ma kekahi kulanakauhale o Peniselavenia, ua hoopii kekahi wahine nona na makahiki he iwakaluakumamakolu, i kekahi wahine a-oo nona na makahiki he kanaono kumamalua. Ua hooholo ka Aha jure i ka pono i na dala he iwakalua kumamaha tausani no ka lede, nona na makahiki he 23 a oia no hoi na dala i hoopii ia'i. A o ka oluamana hoi, hoohoka ia iho la e ka poe jure.
          MAU HOA ALOHA OIAIO. I kekahi mau makahiki he nui i kaa hope aku nei, ma Enelani, ua loohia kekahi kane a me kekahi wahine i ka pupule, a no ia loaa ana o laua ia mai, ua hoouna ia laua iloko o ka halemai pupule. Ia laua i noho ai iloko oia hale; ua launa pinepine laua ma ke ano luana ana, a komohia iloko o laua na manao ku i ke aloha oiaio. A ua palapala aku a palapala mai laua, mahope iho, ua hoohui ia laua ma ka mare ana, a ua noho laua me ka oluolu kupono. Maia hope mai aole laua i loaa hou i ua mai la o laua, aka, ua kau kauluna o Welehu ka malama, aloha no na hoa hooipoipo o ka hale leo nui a ka mai.
          Ua hai mai kekahi mau pepa o Amerika, he wahi moolelo no kekahi wahi kanaka opiopio i hele mai, mai Pittsfield mai, oiai oia ua hoopilipili ia me kekahi wahine opiopio mai Williamstown mai a kii aku la laua i ke kahunapule me ka manao e hoohui ia laua a lilo i hookahi. I ka wa i makaukau ai e hoohui, ninau koke mai la ua wahine opiopio nei, a olelo aku i ke kane, e hoohiki mai oia ma kekahi kumukanawai, aole pono e inu i na wai ona. Hoole ikaika iho la ke kanaka opiopio, a oia ke kumu i hoopohala mai ai i ko laua hoohui ia ana, nolaila, hoi aku la laua me ka mare ole. Ua manao kuhihewa ka wahine, e hoomau aku i kona hoole pinepine ana e mare i ke kane, ke ae ole mai ke kane e hoopau i ka inu ana i ka wai ona, aia wale no a hiki i ka hora o ka mare ana. Ina pela e hana mau ai, o ka nele mau no ka hope . I hea no la hoi papaleo e no hoi mamua no ia mea.
          KOMO KE KUA-LA O KA IA ILOKO O KA MOKU. I ka wa a kekahi poe kanaka e kapilipili ana i ka mokuahi Lawe Leta, " Kumukanawai " ma ka mokupuni o Mare, loaa iho la ia lakou ma ke kino o ua maku la, ke kuala o kekahi ia,. ua komo loa aku iloko o ke kua nui no kekahi mau iniha he nui wale. Ua kuhihewa paha ka ia i ka moku he kohola, i hele ai a hookui.
          NO KA HOOPAA ANA I NA PAAHANA KEOKEO. Ua hai mai kekahi nupepa o Kaletona. Karolina Hema, he akahi haneli iwakalua kumamalima tausani dala i hookupu ia ma ia kulanakauhale ma ke kakau inoa ana. I mea e hookupaa ai i ka paahana ana a na kanaka keokeo maia mokuaina. Ua hiki aku kekahi palapala i Geremania, mai kekahi Keonimana aku o ka Hema, e hai ana, he hiki iaia ke hoohuli i na kanaka o ka Hema a holo aku ma kekahi mau wahi e.
            HE NOI I WAIWAI. Ua hai wale ia mai, he oiaio, ke hoohuli nei o Robata Lee wahine i ka manao o na kanaka o Vireginia a me, ka Hema, e hai aku i ka Peresidena i ka pono i ka hoihoi mai iaia o ka waiwai o ka Haku Opio A. Linekona. A he mau manao e ae no kahi ana i manao ai.
          HE AINA NUI UA PAA I KA PA. Aia ma ke kulanakauhale ma Kikako, mokuaina o Mikikana, he kanakolu eka aina i pa ia a paa i ka pohaku, iloko o laila ka wai e kahe ai, a ua lona i ka poe hui, he kanaha tausani tona hau-paa, e lawe ia nei i kela hale hau keia hale hau. Ua manao ka poe hui e hoolako i ke kulanakauhale i ka hau no keia kau aku.
          Aia ma ka mokuaina o Iawa, Amerika Huipuia he 80 tausani mau ilio. I ka makahiki i hala aku nei, ua hanaino ia e na ilio hae a me na ilio maoli, he akahi haneri iwakalua tausani, hookahi haneri kanaha kumamawalu dala noloko mai o na hulu hipa.
          O ke kaua kuwaho a Farani e pue aku nei ia Mekiko, ua hiki aku ka lilo i ka akahi haneri kanakolu kumamalima miliona dala, a me umikumamakahi tausani koa i make.
          HOOKOHU LUA. I ka wa a kekahi kahu kaa lio e holoholo ana maluna o kekahi kaa me kekahi wahine, a hiki aku la laua ma kahi o ka wai, kaohi iho la ua kahu kaa nei i ke kaa lio, a lele aku ia i lalo e kii aku i wai. Ninau e ia mai la ia e kekahi, " no keaha ko olua kaohi ana i ko olua kaa ? " Pane koke aku la ua wahi kahu kaa nei, "e hoopulu ae ana au i ka'u pua." Hookohu no kahi kahu kaa, e hoolana paha auanei ko kakou mau wahi kahu kaa, oiai ke hoohie nei kekahi poe i ke kaa.
          HE KANAKA OLA LOIHI. Ua make aku nei ma Caledonia Wiseconsina, he haole kahiko loa, o Iosepa Kerele (Crele) kona inoa. Ua hanau oia ma Detoraika ma ka makahiki 1725, a i kona la i make aku nei, ua hiki aku oia i ka 140 na makahiki. Ua hanau oia, ehiku makahiki mamua'e o ka hanau ana o Geoti Wasinetona, a he kanalima na makahiki ona i ka wa i kaua kuwaho ai o Amerika. He kanaha kumamaha kona mau makahiki i ka wa i hanau ai o Napoliona Nui; a he kanaono kumamalua na makahiki ona i ka wa i hanaia'i ke Kumukanawai Kipi, a he 84 makahiki ona i ka wa i hanau ai o Aberahama Linekona. O kekahi kanaka ola loihi a makou i ike ai, he kanaka Beritania, o Parr kona inoa, ua ikeia, ua hanau oia i ka makahiki 1483, a ua make oia i ka 1685, iloko o kona mau makahiki, ua hele a palalauhala, oia hoi 152 makahiki.
          NA MOI AUPUNI O EUROPA. Eia i keia wa , he kanaha kumamakolu mau Moi e noho aupuni nei ma Europa. Mawaena oia poe , he umi Moi i huli ma ka aoao Pope, aka, hookahi i waiho aku o lakou. He kanakolu oia huina Moi, he poe hoole pope. Hookahi Moi i huli ma ka ekalesia Helene, a hookahi he Mahometa, a o ke kanaha kumamakolu he Pope.
          NA WAHINE KANEMAKE O KINA. O na wahine kanemake o Kina, ua hoano e ae i ko lakou noho ana ma ke komo ana i na aahu a me kekahi mau mea e ae. Ua makemake lakou e komo i na aahu keokeo, me ka hupa uliuli a eleele paha. Aole lakou i ae ia e komo i ka aahu ulaula a me ka aaha ano hanohano, i ka wa a lakou e mare ai, a i ka wa paha e noho pu ai me ka lakou mau kane. Nolaila mai keia olelo ana, " O ka mare ana i ka mea e komo ana me ka hupa keokeo," e like ana ia me ke kanaka e mare ana i ka wahine kanemake. O na ohana ilihune, hoano e lakou i ka lakou mau keiki i mare ai me na wahine kanemake, no ka mea, o ka mare ana me na wahine kanemake, he uuku loa na lilo no ka hoomakaukau ana no ka mare. Aole ae ia na wahine kanemake e holoholo lio me ka noho ulaula i lawe ia mai, mai kona hale noho mai a i ka hale o ke kane hoopalau. Na ka wahine no e hana noho i uhi ia i ka eleele nona. He nui wale na ohana ma Kina, i makemake ole i na wahine kanemake e mare hou i mau kane, oiai, e mau ana ke aweawe o ka hoomanao i ke kane.
          HE KAHUNAPULE MAMONA UA HAALELE I KA AOAO MAMONA. :—I ka wa aku nei mamua, ua hiki mai o Haike ma Honolulu nei, mai Mauna Pohaku mai. I kona holo ana mai a hiki ia nei; haalele oia i ka hoomana mamona, a kakau oia i kekahi buke, a eia no paha kekahi o kana mau buke i kakau ai i kekahi poe o kakou. I ka lohe ana aku o ka ohana Mamona o lakou, o ka wa no ia i oki ia mai ai oia mai ko laua mare ana me kaua wahine, ana i haalele aku ai ma Mauna Pohaku. Ua holo aku nei oia a hiki i Beretane, lilo hou oia i kahuna ma ka aoao kue Mamona, a he Luna Hooponopono no hoi oia no kekahi nupepa ma Beretane. Kauoha aku nei oia i ka wahine e hoi a e hui hou laua, hoole nae ka wahine: a o na wahine la, ua mare hou oia i ke kane, a ke manao nei o Haike e mare hou i wahine, eia nae, aia a oki mua ia kela wahine mua alaila hiki.
          UA HIKI KINO KII MAI—Ma ka hiki ana mai nei o kekahi moku Kalepa ma ke kakahiaka o ka Poalua iho nei. ua hiki mai ke kii o Samuela Limaikaika ia Pareka. I ko makou kiei ana aku, e ku ana ua Samuela ia me kona mau aahu kaua a pau, a maluna o kona mau kihipoohiwi na pilali gula mama he hoailona ia no na Alii koa. I ka ike iho i kona kulana he ano koa no a pau, aohe wahi mea i malele ae, oia no a-o.

MARE.

            Iulai 9, ma Waioli, Kauai , mare o Blacksmith k. me Lotalia w. Na Rev. E. Ioane i mare.
          Iulai 29, malaila no, mare o Kama k. me Mele Kalaikini w. Na Rev. E. Ioane i mare.
          Dek. 9, malaila no, mare o J. W. Kaehu k. me Kealoha w. Na Rev. E. Ioane i mare.
          Ma Waimanalo, mare o Kahawai k. me Kaniania w. Na S. Waiwaiole i mare.
          KUIALII-KAHALE. No Lahaina, Maui . Apr. 2, mareia e Rev. D. Balauwina o Kuialii k. no Lahaina, me Kahale no Molokai .

HANAU .

            Apr. 19, ma Waioli, Kauai , hanau o Kawelo k. na Mahoe me Luka.
          Apr. 20, malaila no, hanau Keoni k. na Limalole me Keikilani.
          Nov. 10, ma Hanalei, hanau o Mele opio, na H. Fredenberg me Mary Fredenberg.
          Dek. 20, ma Hanalei, hanau o Kamehai k. na J. Apiki me Maka'u.
          Ian. 25, ma Waioli, hanau o Lutera Leirose k. na E. M. Kaleikini me Halemanu.
          Ian. 25, ma Hanalei, hanau o Punilio o k. na Kauwa me Mrs. Kalima.
          Feb. 9, ma Hanalei, hanau o Luka-opio, na Makaino me Mrs. Luka.
          Apr. 5, ma Olowalu, Maui , hanau o W. Keakalani w. na Piilani me Minamina.
          Ian. 22, ma Waipio, Hamakua , Hawaii , hanau o Nakookoo w. na J. H. Uaina me Meleopu.
          Mar. 27, malaila no hanau o D. Keaulana k. na Neheulia me E. Kahanauakua.
          Mar. 13, ma Keauhou, Kona Akau, hanau o Laiekawei w. na S. Kapukui me Kaaimahui.

MAKE.

            Mar. 17, ma Kaaawa, Koolauloa, Oahu, make o Maniheu w.
          Mar. 24, ma Kahana, Koolauloa, make o Kapapa k.
          Mar. 2, ma Kualoa, Koolaupoko, make o Kapuaokekau k.
          Apr. 5, ma Kaluaaho, Olowalu, Maui, make S. Wahieala k.
          Apr. 5, ma Kalanipapa, Ukumehame, make o Kamaka w.
          Ape. 2, ma Heeia, make o Kueeou k.
          Apr. 9, maia wahi no make o Ioane Babezito k.
          Apr. 7, ma Waikiki-kai, make o Puaa k.
          Apr. 7, ma Kawehewehe, Waikiki-kai, make o Kapule w.

HE MOKU HOLO MAU

No Lahaina, a me Makena. O KE KUNA KALEPA PAA maikai. "Kate Lee." O Fountain ke Kapena, E HOLO MAU LOA ANA, A HIKI WA no hoi ma na Awa i olelo ia maluna. No na ukana a me na ohua, e nina i ke Kapena ma ka moku, a i ole ia ia C. BREWER &co. (BURUA MA) 228-tf

OLELO HOOLAHA.

E IKE AUANEI OUKOU A PAU LOA e na kanaka o keia ano keia ano, mai ka poe waiwai a me ka poe i hoowaiwaiia, ke nana maka nui mai oukou. Owau o HANALEI, ke papa aku nei au ia oukou, mai hoaie aku oukou IA PUKUI, Ka'u wahine mare, no ka mea, ua haalele mai oia ia'u a me ko maua wahi hiolani o na po loloa o ka Hooilo, i na e hoiaie oukou ia PUKUI ka'u wahine, alaila, maluna ona ko oukou poho, aole au e hookaa i kona aie. HANALEI. Moalii, Lahaina, Maui , Apr. 10, 1866 . 228-4t

OLELO HOOLAHA!

E IKE AUANEI OUKOU A PAU KE nana mai, o maua o na mea nona na inoa malao nei, ke papa aku nei maua i ko maua mau Apana aina e waiho nei ma Manoa, no laua na inoa O Kaaipuaa-luna me Kaaipuaa-lalo, Aole e hele wale na holoholona maluna o ko maua mau Apana aina i haila'e la maluan, a i na e loaa kekahi Lio, Bipi, Hoki, Miula, i ko maua Luna, e uku ia no $1.00 no ke poo hookahi, a o na Hipa, Kao, Puaa, e uku ia no he hapaha no ke poo. A ua koho aku maua ia MAIHUKU, oia ko maua Hope nana e hooko na mea a pau i hanaia maluna. D. PIKIPENA. C. AKAHI. 228-2t

$544!
MAKANA GULA NUI!
- E -
KOKUA I KA POE MAHIAI
- O -
HAWAII NEI!

ME KUU AKE NUI E HOOHOIHOI i ke kanu ana o ka PULUPULU SI AILANA, mawaena o na kamaaina o Hawaii nei, mai Niihau a ka lae o Kau, a e kokua no hoi i ka poe ilihune, ke manao nei au e haawi aku i na makana manawalea malalo nei, i ka poe e kanu ana a e mahi nui ana i ka Pulupulu, iloko o ka MAKAHIKI 1866, mai ka la mua o Ianuari, a ka la hope o Dekemaba, 1866. E haawiia'ku keia mau makana i ka poe e loaa ana iloko o ka malama o Ianuari, 1867.
          1—E uku ia kekahi kanaka maoli e kanu ana i ke "St, AUKANA," i na eka he umi a oi ae paha, ke hoohua mai i na paona Pulupulu he 10,000 a oi ae, mai Ianuari1, a hiki i Dekemaba 31, 1866, i ka makana gula, - - - $200.
          2.—O ke kanaka e hooulu ana i ka Pulupulu i emi iho na paona malalo o ka ke kanaka mua, alaila, e loaa ia ia ka makana gula, - - - - $100.
          3.—O ke kanaka e hooulu ana i ka Pulupulu i emi iho i ko ke kolu, e loaa ia ia ka makana gula, - - $50.
          4.—O ke kanaka e hooulu ana i ka Pulupulu i emi iho i ko ka ha, e loaa ia ia ka makana gula, - - $40.
          5.—O ke kanaka e kanu ana i ka Pulupulu i emi iho i ko ka lima , e loaa no ia ia ka makana gula, - - $30.
          6.—O ke kanaka e kanu ana i ka Pulupulu i emi iho i ka ke ono, e loaa no ia ia ka makana gula, - - $20.
          7.—O ke kanaka e kanu ana i ka Pulupulu i emi iho i ko ka hiku, e loaa no ia ia ka makana. He Wili Pulupulu.
          8.—O ke kanaka e kanu ana i ka Pulupuiu i emi mai i ko ka walu, e loaa no ia ia ka makana, He Wili Pulupulu.
          9.—O ke kanaka e kanu ana i ka Pulupulu i emi mai i ko ka iwa, e loaa no ia ia ka makana, 4 Buke Kuokoa i humuhumuia a paa.
          10 —O ke kanaka e kanu ana i ka Pulupulu i emi iho i ko ka umi, e loaa no ia ia ka makana, 4 Buke Kuokoa i humuhumuia a paa.

NA RULA O KA MAKANA ANA AKU.

            RULA 1.—O keia mau makana a pau, e haawi ia i ka poe i loaa iloko o Ianuari, 1867.
          RULA 2.—Na ke kanaka hookahi wale no e mahi i ka Pulupulu, ia ia wale no e loaa aku ai ka makana, aole ka Pulupulu a kekahi mea e ae i kanu ai.
          RULA 3 .— Aole e loaa aku kekahi o keia mau makana, aia a he Kanaka Hawaii , (koe na haole.)
          RULA 4 .-- O na Pulupulu a pau loa, i loaa'i keia mau makana, e kuai mai lakou me a'u, a na'u no e malama pono i Buke Hooponopono no na paona a kela mea keia mea i kuai mai ai.
          RULA 5. —Ina elua a ekolu kanaka paha, i lawe mai i na paona he Umi Tausani a keu, e haawi la aku no ka makana mua i ka mea nona na paona i oi ae, a o ka mea ma lalo iho, e loaa no ia ia ka makana elua, a pela aku.
          Nolaila, e o'u mau Makamaka mea aina, e ala oe oukou; a e hooikaika nui oukou, e hana pauaho ole, a mai hoopalaleha, no ka mea, e loaa auanei ia oukou na makana maikai. O ka poe i hana hooikaika me ke akamai, e loaa no ia lakou na makani maluna'e nei.
          O ka poe e makemake ana i na Hua Pulupulu Hou e kanu mai Kaletona Hema mai, e loaa no ia lakou ma ko'u Hale Wili Pulupulu, ma ka Hale Leta. H. M. WINI. 224-tf

No Hilo .

KA MOKU KUNA "MELE HILO," O Pilipo ke Kapena. E HOLO MAU ANA KEIA MOKU I KE Awa maluna, no na ukana a me na ohua e ninau ia C. BREWER &co. (BURUA MA)

No Hana, Kaupo, a me Maliko.

KA MOKU KUNA 'MANUOKAWAI," O Merchant ke Kapena. E HOLO MAU ANA KEIA MOKU I NA awa i haiia maluna. No na ukana a me na ohua, e ninau ia C. BREWER &co. (BURUA MA)

OLELO HOOLAHA.

E IKE AUANEI NA KANAKA A PAU loa. Ua kapu na Aina, O Manana-nui me Palea, e pili ana ma Ewa, Mokupuni o Oahu . Aole e hele wale na mea a pau e ki i na manu o kela ano keia ano e lele mau ana maluna. A o na holoholona a apu, Lio, Bipi, Miula, Kekake, Hipa, Kao, Puaa, Ilio, na ano holoholona no a pau. A me na kai kekahi e pili ana no ia mau aina i haiia maluna. Ua kapu loa. Ua kapu loa ka Mokupuni o ka Mokuumeume, A me na kai e pili ana no ia aina, aole e hele wale kela mea keia mea, a hoopae i na waa a waapa paha me ke kuleana ole, o hopu ia, a hoopaiia e like me ke Kanawai. MAHOE H. HACHSON, J. KEONEKAPU, Na Lunahooponopono. 228-3t

Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina.

KA MOKU KUNA MAIKAI "ONWARD," E holo ana i KOLOA, a me WAIMEA, Kauai , mahope iki iho o kona hoi ana mai KAWAIHAE mai. O KE KUNA MAIKAI Alabani, 161 tona, e holo ana i Kawaihae, a me Kona, ma ka Poaono, a mamua ae paha, la 10 o keia malama. O KE KUNA KALEPA O Neti Mela E holo mau ana i Lahaina, a me Maalaea, No na mea i koe, e ninau ia Kapena Mokina, a i ole ia, ia JANION GREEN & CO., A. H. M. K. H. 222-tf

HE MAU AINA WAIWAI NUI.

E KUAI LILO ANA KA MEA NONA ka inoa malalo nei ma ke KUAI KUDALA! Ma ka Halehookolokolo, Honolulu, POAKAHI, APERILA 23, HORA 12 O KE AWAKEA, Ina aina nona na inoa malalo nei! A I OLE IA Aia e like me ka me e kaa'i ka Aie o ka MEA HANOHANO LEVI HAALELEA! E like me ke kauoha a ka Aha Hookolokolo i na Lunahooponopono Waiwai.
Ka aina o KAHANANUI, ma Molokai .
" " " KIPU, " "
" " " MANAWAINUI," "
" " " KAPUALEI, " "
" " " KUMUELE, " "
" " " AWAWAIA, " "
" " " MAKANALUA, " "
" " " KAMANONI, " "
" " " WAINIHA, " Kauai.
" " " WAIKOKO . " "
Eia no na kii ma ko'u keena o keia mau aina. Eia hoi kahi, o ka hoolimalima o ka Loko ia o Maunalua, $200. no ka Makahiki, A ina e oi ar ka hawina a kekahi mamua o ka uku mua, alaila lilo. Aia no i ka mea e lilo ai ka hana hou ana i ka Loko, a o 5 makahiki ka hoolimalima. H. W. SEVERANON, Luna Kudala. 227-3t

E KUAI KUDALA IA ANA Kekahi mau aina ma Hawaii .

E KA MEA NONA KA INOA MALALO nei ma HONOLULU , aia e like me ka mea e kaa'i ka Aie o ka Mea Hanohano Levi. Haalelea, E like me ke kauoha a ka Aha Hookolokolo i na Lunahooponopono Waiwai. MA KA LA 23 O APERILA! E kuai Kudala la'i, ma ka hora 12 o ke awakea. Ma ka Hale Hookolokolo o Honolulu , Mamuli o ke kauoha a na Lunahooponopono Waiwai. EIA NA AINA E KUAI IA ANA, o KE AHUPUAA O PAPAIKOU! Ma ka Apana o Hilo . KE AHUPUAA O HAKALAU! Ma ka Apana o Hilo . O keia mau Ahupuaa, he mau aina kupono loa i ke Kanu Ko ana, a he nui no hoi. He kula hanai holoholona no hoi, a he aina wahie. KE AHUPUAA O HONAUNAU! Ma Ka Apana o Kona Hema. He aina waiwai loa no ia , no ka ole o ka ALANI, KO, a me Ke Kofe. KE AHUPUAA O HONOKOHAU! Ma ka Apana o Kona Akau. He Aina Nui, a he lako i ka wahie. H. W. SEVERANCE, Luna Kudala. 227-3t