Ka Nupepa Kuokoa, Volume V, Number 26, 30 June 1866 — Page 1
KA NUPEPA KUOKOA :
KE KILOHANA POOKELA NO KA LAHUI HAWAII.
BUKE V. HELU 26. HONOLULU, IUNE 30, 1866. NA HELU A PAU 239.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono .
$2.00 no na mahina he UMIKUMAMALUA,
$1.00 no na mahina eono . ME KA HOOKAA MUA MAI.
NA OLELO HOOLAHA — aole i oi mamua o 10 laina no ka hoopuka hookahi ana , $1.00; alua komo ana , he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai .
KANIKAU—he hapalua dala ka uku no ka aoao hookahi o ka pepa leta , oia hoi 4 keneta no ka lalani hookahi — penei : he 25 lalani , $1.00; 50 lalani , $2.00; a pela'ku .
NA UKU NO NA OLELO HOOLAHA — ka uku pepa , a me ka uku o ke Kanikau , e haawiia no ma ka lima o na Luna o ke Kuokoa , a i oleia , e hoouna mai ia Kauka Kulika .
O NA UKU PEPA A PAU E HOOKAA MUA MAI NO — aole e kauia ka inoa o kekahi haole a kanaka maoli paha , ma ka inoa oka poe lawe pepa ke ole e hookaa e mai mamua . E pono ke hiipoiia keia mau rula , no ka mea, he emi no ka auhau no keia nupepa .
AIA KE KEENA O KA NUPEPA KUOKOA — ma ke kihi hema o ka Hale Hookipa Luina (Sailor's Home.) O na hora kana, ma ka eiwa o kakahiaka , a i ka ha o ke ahiahi .
L. H. KULIKA. (Luna Hoopuka .)
KA "NUPEPA KUOKOA."
I s published in Honolulu.
EVERY SATURDAY ,
$2.00 per annum, or $1.00 per six
mon ths , in advance.
A DVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements mu st be paid for in advance.
KANIKAU S will be charged 1.00 per page, or 4 cts . a line.
PA YMENTS FOR ADVERTISEMENTS, Subscriptions or Kanikaus , ma y be paid to any of the Agents of the Kuokoa , or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription li st , until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M.
L. H. GULICK.
Publisher.
Volume I, II, and III of the KUOKOA, bound, for sale, $3.50 each. Pe rsons having complete sets of the above, can have them bound by paying $2.00 each.
HE MOKU HOLO MAU
No Lahaina , a me Makena .
O KE KUNA KALEPA PAA maikai,
"Ka te Lee."
O Fountain ke Kapena ,
E HOLO MAU LOA ANA A HIKI WA no hoi ma na Awa i olelo ia maluna . No na ukana a me na ohua , e nina i ke Kapena ma ka moku , a i ole ia ia
228-tf C. BREWER &co. (BURUA MA)
No Hilo.
KA MOKU KUNA
"MELE HILO,"
O Pilipo ke Kapena.
E HOLO MAU ANA KEIA MOKU I KE Awa maluna , no na ukana ame na ohua e ninau ia C . BREWER &co. (BURUA MA)
No Hana , Kaupo , a me Maliko ,
KA MOKU KUNA
'MANUOKAWAI,'
O Merchant ke Kapena .
E HOLO MAU ANA KELA MOKU I NA Awa i haiia maluna . No na ukana a me na ohua , e ninau ia C. BERWER &co. (BURUA MA)
Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina .
KA MOKU KUNA MAIKAI
"ONWA RD,"
E holo ana i KOLOA, a me WAIMEA, Kauai, mahope iki iho o kona hoi ana mai KAWAIHAE mai .
O KE KUNA MAIKAI
Ala bani ,
161 tona , e holo ana i Kawaihae , a me Kona , ma k Poaono, a mamua ae paha , la 10 o keia malama .
O KE KUNA KALEPA
O Neti Mela
E holo mau ana i Lahaina , a me Maalaea . No na mea i koe , e ninau ia Kapena Mokina , a i ole ia , ia JANION GREEN & CO. ,
222- tf A. H. M. K. H.
Na Buke i Pai ia e ka Papa Hawaii.
Eia na buke kuai , a me ke kumukuai .
Baibala nui no na Awai o na Halepule , $4 00
" Ohana, ano nui , me na kii , 2 50 a me na Moohana , 5 00
" Ohana uuku iho, me na Moo hana , ili ulaula, 1 00
" Ohana, me na Moohana wale no, 62 1/2
" Okoa, 50 Kauoha Kahiko, i paiia i ka M. H. 1838, 25
Kauoha Hou, me ka pepa lahilahi o waho, 12 1/2
Kauoha Hou , hapa haole (Haw. Eng.) 25
Haiao , 25
Hele Malihini Ana, 25
Wehewehehala , 26
Li ra Ha waii, 25
No k o ke Akua Ano, 25
Li ra Kamalii, 25
Kumumua Hou, 12 1/2
Moolelo Ekalesia , 50
Hoike Palapala Hemolele , 25
Himeni Hawaii me na Leo Mele , 1834, 25
Ninauhoike , 12 ½
Ui Kamalii no na Kula Sabati 12 ½
Kumu Leomele 12 1/2
Eia na buke i haawi walei a.
Haawina Baibala .
Ui.
Na Dawida Malo Kumumanao .
Ko Olelo Ao Liilii .
Ka Moolelo o Batimea Puaaiki .
L. H. Kulika.
Kakauolelo o ka Papa Hooko o ka Ahahui Euanelio o Hawaii.
Ka Nupepa Kuokoa .
Ke ola a me ka make ana iho nei o Victoria K. Kaahumanu.
O oe na e ka oha no Lono,
He hopu kai no Ku,
He hope maka like ma ka nahe,
Mamakaha haui lani ka eina,
U kalina loa kai papau,
Kukuliao hai ka'u manawa,
Penei kaliao kaniau,
O au au ka moo mai Nuuhiwa,
Paupau ke kaina Hawaii,
He kai kapu kaiena no ka la Kina'u,
E na'u-na'u wale ana ia oe,
I ka ma-kekau ino ka hanauna,
I ke keeo ole o Puna i ka wahine,
I ka inaina ana o ka la ia Puna,
Mohole eha ka la o Puna—e,
Nou ka ili e mamae a—na.
Maemae hui oni loku loko i ke aloha,
Aloha ino hala i ke awakea,
I haina mai e ke kaikunane,
I na iana la he kino lau manamana,
O ka manamana hiu walu kapu,
Hui malana eu malano ka lamakini,
Kapakapa hao io na kino,
O ke kino kuawehi ka lau,
Ili onioni kakalawela,
Hooweliweli hoomaka'u ia ia,
Oni lele ka ka huelo wili ka lani,
Wili ke kua ka i ke alo,
Ke hoowiwili nei ka lani—e,
Hanau puka ku kaena lili ka lani,
Lili ka lani kaakaakua i ka lananuu,
Kaakaakua i kahiki lealea,
Ua hee Puna ia Kalana,
I ka lili manawaino o ka la,
O ka la mainuu me akaka i lani,
O ke aka kaa-i wahi kapu o aka,
O aka hihi o lei makalii,
O ka lei aloha e puoa e aikoae,
I noho hookuanui ai i ke aloha,
Noho hookahi i ka hale o ke keiki,
Mehameha ino owau anae.
Kuu kei—ki, Kuu keiki—e.
I ka la mua o Ianuari, A. D. 1839, he la ki pu ia o ka Papu, ke hiki ae i ke awakea, aka, ma ia kakahiaka nui, ku ae la ka makuahine me ua keiki nei, a me ka'u wahine, a pela ae, a haele ana a noho ma Honokaupu hale, oia ka halepohaku o Kekauluohi, aole no hoi ia i hoi hou ma ka papu a hiki i kona wa i make ai malaila.
Ia makou nae malaila, ua loaa mai he palapala mai Hawaii mai na J. A. Kuakini, e e noi mai ana nana ke keiki e hanai. Oia mea ka ka makuahine i hai mai ai ia u. A pehea ka manao o ke keiki? Wahi hoi a'u. O ka hele pu o kakou i Hawaii ka pono loa. O ka i ala mai la ia. Aole paha he pono o ia manao ; pela aku ka'u. A o G. P. Judd hoi, aole ka he pono, aia a nui ae haawi na Kuakini e malama. Pela no ka nune ana, aole nae i akaka lea ka mea pono.
Ma na la hope o Feberua ri , ua puni ke kulanakauhale nei i ka mai a-i puu, he mai pa make ole nae, a ua loaa no hoi au ia mai, a pela ko'u hookaawale ana ia'u mai o laua mai, koe nae ka'u wahine a pela'e me laua, a he mau la nae hoi, maikai au, a hui hou me laua. A eia nae hoi, loaa ka'u wahine i ua mai nei, a pela no hoi i kaawale ai oia.
I ka hebedoma mua o Ma ra ki , loohia ka makuahine i ka mai, a he mau la i hala iho, hoi mai la ka'u wahine ua ola maikai, pane aku la nae ke alii wahine me kona mai no, Ua ola oe e Sarai ? Ae. Alia la mai, pane hou ke alii, he mai no Mananaiki,eia ka mai o Manananui.
A i ka hiki ana mai o kona la hope, ua ko kana mea i pane ai, he mai no Manananui, alaila, o Kekauluohi, Leleiohoku, Kekuaiwa, Keliiahonui, Kekauonohi, Kalei o Kamehameha I., Puki, Keoni Ana, Kinau, Hakuohawaii, alaila, Kamakaiouli, Kalohelani. Noho hookahi i ka hale ko laua mua, a uwe nui me ke kaumaha, a me ka minamina, a pela ka lakou elemakule, ua poohina, a ua nui no kona mau la, a e kanikau ana paha ia a hiki i ka lua me kona oho hina, a wahi hoi a ia elemakule mea keiki, i ka ua mea o ka mai o Manananui.
"Kaumaha wau maanei,
He eha, luhi, kanikau,
E ake au e holo e,
Me Iesu e ola'i."
A mamua ae nae o ka i ala waiho ana mai i kana kane, a me na keiki a laua, a me ka Haku o lakou, a me kona mau hoahanau, ua lawe mua ia ma Kauai kana keiki mua, o na keiki a pau e ola ana, no ka mea, e makemake ana oia e hookomo ma ke kula olelo Beritania , a me kona muli mai, e noho hookahi nei i ka Noho Moi, a me ka laua kaikamahine hanai mai a Paki mai laua me Konia, a ua hoopuka ae no ia he olelo hoopalau i ua kaikamahine hanai la a laua, me kana keiki muli o ua mau keiki la, a e like no hoi me ia kana olelo ana me Kekauluohi, e hoohui ana i ua kaikamahine nei me ka i ala keiki, i ko ia nei wa iluna ke alo, ua kahaha nae au ia olelo a laua ma ko'u manao, aka, aia no ia laua ia wahi.
A o ua mau keiki la ana elua, a me ke kaikamahine, ua hookomoia i ke kula i haiia maluna. A o ua kaikamahine nei a me ka Konia pu, oiai oia me ia e noho pu ana ma Honokaupu hale, a oiai e mai ana i ka mai mua mamua iho, he nalulu a me ka eha o ka maka, a no ia mea, hapai ae la ua Konia la i ka inoa o kana keiki hanai, mai a Keohokalohe mai laua o Kapaakea, o Kamakaeha. I ka wa nae e uwe ai ua kaikamahine la ann i ka waiu, a ina ua hele kona wahine waiu ma kahi loihi, alaila, lalau mai la no ua Kaahumanu elua nei i ua kaikamahine la, a kau iho la ma kona uha, a hanai iho la me kona waiu. Elua keiki a ia nei e hanai ai, oia nei, a o ia ia ke nele i ka waiu ole i kahi manawa, aole nae hana mau, no ka mea, he makee alii loa o Konia i ka ia la hanai mai i kana kaikamahine. Aka, aole no nae kela a mea wiwo ae i ka Konia ma huhu aku hanai no.
A hala kela i ka i ala huakai, alaila, waiho mai la na ukana ana, a e ulu ana i na puolo a ia la o ke aloha, me ka waimaka na keiki a pau, koe nae ua mau kaikamahine uuku nei, he aha la ka uwe ana ia laua ? A oiai no hoi ua kii ia o Kekauluohi ma Lahaina, oiai e ola ana no a ike i ke keiki a laua, alaila, kii hou ka moku Hooikaika, i ke ahiahi no i ku mai ai, a ao ae, a i ke kakahiaka oia la'e, ku mai ana ka Moi, ua pau aku nae ka ike kanaka ana, o ka hanu wale no koe, a ike ia keiki ia ia, o ka pau no ia o ka hanu.
Alaila, waiho mai la o Kekauluohi a me Kekuanaoa, na'u ka malama ana ia mau la i na keiki, oiai e mau ana ka hele ana o na keiki nui i ke kula, a hui pu mai o Loeau, alua kaikamahine, o ka Kauukualii hanai ia e hele pu ana i ke kula. A no ka i ala hoomaopopo ana i na keiki alii e imi i ka naauao. No ia mea, kukaia ka manao kupono, e kukuluia i hale kula no ua mau keiki nei, a kukaia ka pono o ka noho pu o na keiki alii a pau iloko o ke kula hookahi, i mea e launa mau ai na keiki alii a pau, a i mea no hoi e kue ole ai lakou ma ko lakou launa mau ana.
A i mea no hoi e haalele ai i ke kipi ana kahi a me kekahi o lakou, no ka mea, ua maopopo ke kumu oia mea, o ke kipi a me ke kaua pinepine o ka aina i ka wa kahiko, o ka hanai kaawaleia o n a keiki alii oia kau. A no ka mea, ua hoomaopopo ae o Mr. W. Rikeke ia mau kumu manao, oiai ua noi ia ae oia e ka Moi a me ka Kaahumanu elua, oiai ka Ahaolelo Misionari e noho ana ma Lahaina, ma ka A. D. 1838 paha, i kumu na na'lii ma ke ano Kalaiaina, a ua hookuu ia mai oia mai ka Ahahui Misionari Hawaii mai A ua hooholoia e ka Moi, Kekauluohi, a ua kauohaia o G. P. Judd, M. Kekuanaoa, e hanaia i hale kula no na keiki Alii a pau.
Kuka hou ana. Ma ia mau la mai, imi muaia kahi e mau ai ka noho'na lahui Hawaii, no ka mea, ina e mau ka lahui ma keia ano, e pilikia no ka hope, no ka mea, aohe wahi e malu ai ma ona iho. Ua ulu mai keia manao i kahi e kuapapanui ai ka naauao, a me ka malu pono o ka lahui, ke ae mai na Aupuni nui ekolu. A ua hoomauia ke kuka ana a me ka imi ana he mau makahiki, aneane ekolu a hiki i ka holo ana o na Luna i ua mau Aupuni nui la.
O ka mua o ua kaikamahine nei, aia no ia me ke kaikuaana o lakou, (me ka Moi) a ua hoouna pinipine ia oia e kona makuahanai i o B inamu la i kona wa uuku i kela la keia la e launa pu me ka laua mau keiki a me ka Dr. Judd ma. A ua maamaa oia i ke kamailio ana ma ka olelo Beritania, no kona launa ana me na keiki a na Misiona ri , a o ka po wale no kona wa hoi ma ko lakou wahi.
Ia wa, ua hiki mai o Mr. R ikeke mai Amerika mai, a i kekahi la, e hele ana ia ma ko Dr. Judd ma hale, aia ua keiki alii nei e paani pu ana ia me ka lakou mau keiki ma ka olelo haole. Ninau ae la o Dr. Judd ia Mr. Rikeke, "Heaha keia keiki i kou manao e paani mai la ?" He keiki haole wahi ana. I ko i aia hai ana ia ia, ua kahaha nui kona manao i ka ike ana.
Ike wale i kuu keiki haia i Kapaa,
Ua ua ia e ka ua kakahiaka,
Ua hoopulu ia e ka ua kani lehua,
Ua loli ka pua ua kaao ke ka,
Lu ia iho la e ka makani puulena,
Helelei ka pua i ke oho o ke pili,
Aweiki ula i ka mau keiki kahu,
I ke alanui o ke kui a—lo la—e,
Nawai hoi au e alo i kau leo e,
O i mai oe ua wahi e a—u la—e.
Aole i pau.
Na mai ma Puakailima .
E KA NUPEPA KUOKOA E; ALOHA OE:
Akahi no kaua a halawai, no na wahi huaolelo e kau ae la maluna.
NO KA MAI . Eono ano mai ma Puakailima
nei. O ka mai mua e hiki mai ai, he a-akuu ma na iwihoehoe e moe pololei ana i ke kihi waena o ka iwihoehoe, a o ka inoa o ia a-a he a-a ku. Ua lolo na lima a opili na wawae, he hikoko, he pehu ka waha, he he piwa, poniuniu. A o ka laau e ola ai o keia mau mai o ka uhau me ke kookoo wah a na haole.
P. KEAKAULANI
Puakailima, Ape rila 20,1866.
Kau Ahaolelo
O ka M. H. 1866.
POAKAHI. Iune 18 .
Halawai ka Hale Ahaolelo i ka hora mau. O Kapena R oke ma ka noho Lunahoomalu.
Hoike mai o Hon. Mr. Kepoikai, he palapala hoopii no Honuaula a me ka Apana o Wailuku, e noi ana e hoopanee ia ka Bila Dala Pepa.
A ua haawiia ka palapala hoopii i ke Komi t e Wae.
Ku mai o Hon. Mr. Kaunamano, a hoike mai he palapala hoopii no Hamakua, Hawaii mai, e noi ana i $1,200 no ke awa, a e hookaawaleia i puu dala no ke alanui, a e kukuluia i Halemai ma Waimea no ka moku holookoa : a e hoopaiia ka poe noho manuahi i $100., a e haawiia i mana hookolokolo i na hihia Jure i na Lunakanawai Hoomalu a me ka Lunakanawai Apana, a i $200 i mea e kukulu ai i hale hookolokolo ma Hamakua.
Waiho ia ka palapala hoopii i ke Komi t e Wae.
Hoike mai o Hon. Keohokaua he palapala hoopii mai Honuaula mai, e noi ana e hoomoakaka loa ia ke Kanawai hoopaa i na holoholona helehewa ma ka Pa Aupuni ; a e hoopau ia na Lunakanawai haole mai ka oihana ae, a koe ko Honuaula.
Ua waiho ia ka palapala hoopii i ke Komi t e Wae.
Heluhelu mai Ka Mea Kiekie Lunalilo, he palapala hoopii mai kekahi poe Kapena mai o na moku e holoholo nei, e noi ana'e hoihoi hou aku i na dala a lakou i uku ai no na palapala hookohu Kapena, e like me ka hoololi ana ia Kanawai a ka mak. 1872.
Noi mai ke Kuhina Waiwai e hoomoe i ka Bila ma ka papa. Aole no i kau Inoa mai Ka Moi, no ke Kanawai e hooloihi ana i ka manawa.
Noi mai o Hon. Mr. Kaapa e hoomoe i ka Bila ma ka papa.
Hoike mai ke Kuhina Kalaiaina, o na dala i oleloia no na palapala hookohu, aole i ukuia i ke Aupuni, aka, aia i ka Luna nana ia mea.
Hoihoi hou ia ka palapala hoopii i ka mea no nana i heluhelu mai.
Noi mai ke Kuhina Waiwai, e haawi ia i mau manawa e noonoo ai ke Komi t e no ka Bila bipi—ae ia.
Noi mai o Hon. Mr. Kupau e haawiia i uku no na makai o Honolulu nei e ka Ahaolelo.
Noi mai ke Kuhina Kalaiaina e hoomoe i ka olelo hooholo ma ka papa.
I ka ninaninau ana, i ka moe a me ka ole ; haule ka hoomoe, a ua hooholoia ka olelo hooholo.
Noi mai o Hon. Mr. Mahelona, e uku ia i $2000., no Binamu. Kue o Hon. Mr. Kaapa.
Wehewehe mai o Hon. Mr. Mahelona ma na mea e maopopo ai he pono ke uku ia.
Kue o Hon. Mr. Kamalo, me ka i ana ina e uku ia o Mr. Binamu, alaila, e uku ia no hoi ke kumu Katolika mua i hiki mai ia nei.
Noi mai ke Kuhina Waiwai, e lilo ka Hale i na hana o ka la—laweia.
Lilo ka Hale i Komi t e , no ka noonoo ana i ka Bila dala pepa, o Hon. Mr. Kupau ka Lunahoomalu.
Wehewehe mai ke Kuhina o na aina e no na mea e pili ana i ka pono o ke dala pepa.
Wehewehe mai no hoi o Hon. Mr. Hoika ma na mea e pili ana i ka poino ke hooholoia ke dala pepa.
Noke mai no hoi ke Kuhina Waiwai ma ka pono ke hooholoia ka Bila, me ke kapa ana mai i ka Lunahooponopono o ke Kuokoa he naaupo, i ka lawe ia ana aku o kekahi maa Apana pepa i paiia me na manao e kue ana i ke dala pepa. Ku mai ke Komi t e a hoopau. Hoopanee ka Ahaolelo.
POALUA, Iune 19.
Halawai ka Ahaolelo ma ka ho ra mau.
Hookomo mai o Hon. Keawehunahala he olelo hooholo e hookomoia i $4000 iloko o ka Bila Haawina no ka uku o ke Kakauolelo a ka Luna Dute Nui.
Olelo mai ka Peresidena , e hookomoia ma ka Bila Haawina ma ke ano hoololi ke hiki mai ka wa e noonooia'i .
Heluhelu mua mai o Hon. Mahelona he Bila e hookuu ana i na auhau o na elemakule a me na luahine .
Heluhelu hou mai o Hon. Mahelona he Bila e pili ana i na hale lole-puaa. Hoole ia .
Heluhelu mai o Hon. Kepoikai he olelo hooholo, penei : "E haawiia ka mana i ke Kuhina Kalaiaina e koho i mau Lunamakaainana no na Apana ana i manao ai he kupono , koe nae na Apana koho mau.
Ua hoopanee loa ia ka noonoo no keia olelo hooholo.
Ma ke noiia ana mai, ua hapaiia ka hana o ka la, oia ka Bila D ala Pepa popopo wale.
Noi mai ke Kuhina Waiwai e hoopanee ia ka noonoo ana no ia B ila .
Noi mai o Hon. Kamika e hapai ia ka ka noonoo no ka Bila Haawina.
NA UKU HOOMAU.
No Ka Mea Kiekie M. Kekuanaoa , he $8,000.
Noi mai o Hon. Kahanu e kapaeia na rula o ka Hale, a he hoololi kana i $16,000. Heluheluia a hooleia.
Noi mai ke Kuhina o ko na aina e, e hooholoia e like me ko ka B ila Haawina —ae ia.
Noi mai Ka Mea Kiekie Lunalilo e hoike mai ke Komi te i waiho ia aku ai kana olelo hooholo no ka mea e pili ana i Ka Moiwahine kanemake Kalama.
Noi mai ke kuhina Kalaiaina e kali iki ka noonoo ana. Ma ke noi a Ka Mea Kiekie Lunalilo, ua heluheluia ka Palapala kauoha a Kamehameha III.
Wahi a ke Kuhina Waiwai, ua loaa no na aina no Kalama mai Ka Moi mai i make.
Kue Ka Mea Kiekie Lunalilo.
Kue loa mai kahi Luna o Waimea, Kauai, i ka haawina oia puu dala ia Kalama, he hoomoe kana i ka Bila.
Hon. Kanaina, o na aina i loaa ia Kalama, ua haawi mua ia noia iaia—aia oia ma ka aoao kokua i ka Bila .
Noi mai o Hon. Kamalo e haawi ia i ke Komi te Wae, oiai ua pauaka ka hoike a ke Komi te i waiho ia aku ai.
Noi mai o Col. Kalakaua e kali a hiki mai ka B uke a mahele a ke Kuhina Kalaiaina.
Ua kokua o Kepoikai i ka olelo a ka mea i hai hope ae la.
O ke noi e haawi i ke Komi t e Wae, ua lawe ia.
No ka Oihana Kinai Ahi o Honolulu, he $5,800.
Noi mai o Hon. Mr. Kaapa e hooholo e like me ka Bila.
Noi mai o Ailuene he hoololi kana, he $7,225--hooholo ia.
No na lilo o ka Hale-pai o ke Aupuni he $ 10,000.
Makemake o Kamalo, pehea la ia mau dala e hoohio ia ai.
Wehewehe loihi mai ke Kuhina Kalaiaina i kahi i lilo ai oia mau daia, a ua noi mai ia i $11,200.
O ke noi e hooholo i ka hoololi ($11,200) —hooholoia.
Noi mai o Hon. Ukeke e hookaawale ia i $600., no S. Kaili makai.
Hoole mai ka Peresidena i ka pono ole oia noi.
No ka Halemai Pupule, he $12,000.
Noi mai ke Kuhina Kalaiaina e hoopii ae i $16,000.
Kokua mai o Hon. Mr. Hoika i ka hoopii ae i $16,000.
O ka hoololi i $16.000—hooholoia.
No ka Hale hookolokolo a me ka Hale paahao o Kawa i $1,200—hooholoia.
Noi mai ke Kuhina Kalaiaina, e hookomo i $700 no Honomalino, a i kukui no Kawaihae i $200—hooholoia.
Noi mai o Hon. Mr. Keawehunahala e hookomoia i $ 15,000 i pale wai no ke awa i ole e hoopiha ia E ka lepo a ka wai—haule.
Hoopanee ia ka Ahaolelo.
POAKOLU, Iune 20.
Halawai ka Ahaolelo ma ka hora mau.
Ma ke noi ia ana mai, ua kapae ia na rula , a ua heluhelu mai o Hon. Kamika he palapala hoopii na W alker , Allen & Co., e noi ana e kokua aku ke Aupuni ia Kilauea i $1000 no ka malama .
Noi mai a Hon. Mr. Wana e hoomoe ma ka papa.
Noi mai o Hon. Mr. Kamalo e haawi i ke Komike Wae .
Noi mai o Hon. Mr. Kamika e waiho ma ka papa a hiki mai ka wa e noonoo ia ai ka Bila Haawina , alaila noonoo hou .
O ke noi e hoomoe ma ka papa, ua haule . O ke noi e haawi i ke Komite Wae , ua lawe ia . Na ka Hope Peresidena i koho ia Kamika , Aholo , Kuhina Kalaiaina , Kamalo a me Nahaku i Komite .
Ua hoike mai ka hapa nui a me ka hapa uuku o ke Komi te i waiho ia aku ai e noonoo i ke Kanawai no na kolea—Aohe mea a ka Hale i lawe.
Hoolaha mai o Hon. Mr. Kahaulelio he olelo hooholo, e hookaawaleia iloko o kn Bila Haawina i $100 no ka lawe le ta mawaena o Lanai a me Maui, aohe mea a ka Hale i lawe.
Ma ke noi a Hon. M r . Kamika, ua hapaiia na hana o ka la, oia ka Bili Haawina ma ka heluhelu ana.
Ka uku o ka Lunakanawai Kaapuni o Oahu he $1,200—hooholoia. Hapaiia ka noonoo no ka olelo hooholo e hoopii ae i ka uku o ke kakauolelo a ka Luna Dute Nui i $4,000.
Noi mai o Hon. M r . Kamalo o hoololi i $3,000.
Noi mai ke Kuhina Kalaiaina e hooholo e like me ko ka Bila .
O Col . Kalakaua hoi, aia ma ka hoololi i $3,000.
Aia o Hon Mr. Kamika ma ka aoao hoopokeokeo i $3,000, oiai he nui ka hana, wahi ana.
Kue loa mai o Hon. Mr. Ukeke i ka hoopii ae.
Kokua mai o Hon. Mr. Kahaulelio i ka $3,000, no ke Kakauolelo.
Aia no o Hon. Mr. Kaunamano e like me ka ka Bila Haawina.
Olelo mai o Hon. Mr. Keawehunahala, ua ahona ka $4,000 i ke kakauolelo a ka Luna Du te Nui mamua o ka $3,000 i ke Kakauolelo a ke Kuhina o ko na aina e, aohe nui o kana hana, a o ka ia nei he nui loa.—Aia oia ma ka ae i ka $4,000.
Noi mai o Hon. Mr. Kamalo e hoopii hou ae i $600.
O ke noi e hoololi i $3,600, ua hooholoia.
Noi mai o Gov . Dominis e hoopii like ae ka uku o na Lunakanawai, i $600, a ua hoopii like ia.
Ia wa, lawe mai la ke Kuhina Kalaiaina i ke Kuhina noho o Ame rika no Kina a me ke Kuhina noho no Iapana, a hoolauna mai la imua o ka Ahaolelo, a ua hookipa oluolu ia laua, a ua kono mai ka Hope Peresidena ia laua, ina laua e hoopuka mai i kekahi mau olelo, ua ae ia no.
Noi mai o Hon. Mr. Kaapa o hookomo ia ka Lunakanawai no Hakalau, Hilo i $500---a ua ae ia .
Noi mai o Hon. Mr. Nahaku e hoololi i ka uku o ka Lunakanawai o Lanai i $400---a ua ae ia.
Noi mai o Hon. Mr. Kamalo e hookaawale ia $4,000 no ke kuai ana i Hale Dute no Hilo. Mahope iho hoihoi hou ia.
O ka uku o Luna M akai o Maui, he $1,000—hooholoia.
Noi mai o Hon. M r. Ha rt i $2,000 no ka Luna Makai o Kauai—hooholoia.
Noi mai o Gov . Domini s e hookaawale ia i $6,000 no na lilo o ka hoolewa ana o ke Kama Alii.
Noi mai Ka Mea Kiekie i $8,000, a i na no e koe iho, waiho iho no i ka waihona.
Kokua o Hon. Mr. Kamalo i ka Ka Mea Kiekie noi.
Wahi a ke Kuhina Waiwai, ua lawa ka $6,000.
Wahi a Hon. Mr. Kamalo, he puni auanei ke noi mai e huikala aku, no ka haawi uuku ia, i na e haawiia a lawa, alaila, aole e hookomo mai i palapala noi.
Aia no o Hon. Mr. Hoika ma ka aoao o $6,000.
Kokua mai o Hon. Mr. Ukeke i ka Ka Mea Kiekie noi.
Noi mai o Col. Kalakaua i $6,000 no.