Ka Nupepa Kuokoa, Volume V, Number 27, 7 July 1866 — Page 4
Ka Nupepa Kuokoa.
Ka Nupepa Kuokoa.
S catter Smiles as you go.
Gol den Censer.
1 E hoohelelei i na aka maikai
Ma na ala e hele nei,
Me na kukuna ao e hoolike ai,
Ma ka hoopomaikai mai.
Cho. E hoohelelei
I na aka maikai, aka maikai
Ma na ala nei;
E hoohelelei
'Na aka maikai ma na ala nei.
2 E hoohelelei i na aka maikai,
Me he huna liilii e,
Me he bama nae ia i ka poe luuluu,
He laau e olu ai,
Cho. E hoohelelei, & c.
3 E hoohelelei i na aka maikai
Ma ka lua kupapau,
Kahi o na makua i kulou ai,
Me ka uwe a kanikau,
Cho. E hoohelelei, &c.
4 E hoohelelei i na aka maikai
Ma ka poe hune nei,
Ma ka poe pololi a makewai.
Me na pilikia e.
Cho. E hoohelelei, & c.
5 E hoohelelei i na aka maikai
Ma na keiki naaupo.
O ka poe auwana e alakai
Ma ke ala ola mau.
Cho. E hoohelelei, & c.
6 E hoohelelei i na aka maikai
E hoohelelei a mau,
Me ka la laelae la i ke kau ana'e,
Me ka mau o kona ao.
Cho. E hoohelelei
I na aka maikai, aka maikai
Ma na ala nei,
E hoohelelei
'Na aka maikai ma na ala nei.
HAWAII.
Mai a L. Kamika mai.
[Koena o kela pule.]
NA WAHINE.
Nahaleloulu, no Waimea, Hawaii, ka wahine ma re a John Comer; Meri Kupokoli, he Ilikini, ka wahine mare a Kaaiahua; o Maria, he Ilikini, ka wahine mare a Makuahine.
NA KEIKI.
O Ema, he hapa ilikini, he 5 makahiki; Me ri, he hapa ilikini, he 3 malama.
A hiki aku au ilaila, ua pau na kanaka i ka hana ma ke kahawai. Holo koke o Ema a hai aku ia lakou; "Ea! O Kamika! Ka Makua! Ua hiki mai." "Aia la i hea?" "Aia no i ka hale me Nahaleloulu." Ko lakou hele koke mai no ia e ike i ka malihini.
Aole lakou i lohe e i ko'u manao e hele e ike ia lakou.
Kulou makou a hoomaikai aku i ke Akua no keia halawai aloha.
I ko'u nana ana a me ko'u noanoo ana, aole i oi aku ko lakou pomaikai ma ko ke kino, ma ka oihana eli gula, mamua o na kanaka e noho ana ma Hawaii, ma ka aina hanau. I ka hana mau ana me ka hoopalaleha ole, ua loaa ia lakou ka ai a me ka i-a, a me ka lole; ua mau nae ko lakou ilihune. He poe auwana ma ia wahi aku a ia wahi aku, nolaila, aohe maikai ko lakou hale; aole kanuia na mea e nani ai, a e pomaikai ai maloko o na mala. Ua noho malihini lakou, a o ka hele aku koe ma kahi e.
Ekolu hoi mile mai keia wahi aku a hiki i Vallecito, ke kauhale a lakou e hele aku ai e kuai i ka palaoa, ka bipi, ka waiu-baka, ke ti, ke ko a me na mea paahana. Eha no hoi mile a hiki aku Murphy, ke kau wahi e kuai ai i na mea e pono ai ke kino.
Mai Mu rphy aku a hiki i "Big Trees," oia hoi na Laau Nui, he 15 na mile.
Ua noi mai hoi lakou ia'u e noho pu makou a hiki i ka la Sa bati. I aku au, maikai no. Eia nae; makemake au e hele i kekahi la a ike i na "Laau Nui kaulana loa." Ua hoapono mai lakou i keia manao. Nolaila, a pau ko makou halawai haipule o ke kakahiaka, alakai ae la kekahi o lakou ia'u iluna o na puu, a mawaena o na awawa a hiki i Murphy. Malaila, hoolimalima au i ka lio a holo aku i Big Frees. Hookipaia au i ka Hotele. A pau ke paina ana, hele pu ka Luna Nui, a kuhikuhi mai ia'u i na laau nui. He 30 a keu o lakou ma kahi kokoke. O "Cedar" ka inoa o kekahi, o "Sugar Pine" ka inoa o kekahi. Nani ka nui, ka pololei, a me ke kiekie o keia mau laau. Ma ka mokuna okoa, e hai aku auanei au i ke ano kupaianaha o keia mau laau.
I ke kakahiaka Poaha, hoi mai au i Murply me ka oluolu kupono.
Olelo mai ka Luna Ho tele, ua hiki mai ia'u kekahi palapala "Telegrama!" A i ka heluhelu ana, no Rev. D. Palmer ia ma Columbia, no ka mea, aole Kahunapule ma Murply. A ua make ke kaikamahine aloha nui ia a Mr. Roke (Rhodes). A ua palapala o Mr. Roke ia Rev. D. Palmer, e hele mai e pule kupapau. I mai kela ma ka waea, aia o Rev. L. Kamika, ua hala ia i ka "Big Frees." Pono ke haawi i ka pule kupapau iaia. Noloila, palapala koke mai o Mr. Roke ia'u, e launa ma kona hale, a pule kupapau i ka hora 4 ahiahi. Ae aku au, pono no. Nui na hoalauna i akoakoa i ka hale kumakena i ka hora 4. A pau ka hoolewa ana i ke kupapau, a me ka haipule ana, a me ka himeni kanikau ana, noi mai kekahi ia'u e hai aku i ka olelo a ke Akua ia lakou i ka la Sabati.
I aku au, "he wahi hana ka'u me na kanaka Hawaii ma Grape vine Gulch."
Ina e pau e ia i keia mau la, e hele hou mai no au, a hai aku i ka olelo a ke Akua ia oukou i keia Sabati.
Hoi no au ia ahiahi i ke kauhale malumalu o kanaka. Halawai nui makou ia po - a kakahiaka ae halawai hou; ahiahi ae la, halawai hou, a kuka loihi ma na mea e pono ai ko lakou mau uhane.
Ua akaka lea ko lakou hemahema no ke Kahunapule ole, e noho pu, e kiai, a e alakai ia lakou.
Ua lako no lakou i na Bai bala, a me na Himeni a me na Lira. Ua akamai i ka heluhelu ana, a me ka himeni ana.
Manao lakou, no ko lakou noho liilii ana, a me ka hele pinepine ana ma ia wahi aku ia wahi aku, aole hiki ia lakou ke malama pono i ke Kahunapule. Aka hoi, ina e oluolu ke kahuna e kaahele iwaena o na kanaka, a noho i kekahi mau he bedoma wale no, ma ia wahi aku ia wahi aku; e hiki no i na kanaka ke hanai ia ia. O ke dala ole e kuai ai i kona lole a me na kamaa, a me ka ai ma ke alanui, oia kona pilikia.
Nolaila, ke ninau aku nei au penei: "Aole anei he pono i ka Papa Hawaii ke imi i kahuna kanaka ano misionari, a hoouna aku ia ia e ao aku i ko Hawaii poe e noho liilii auwana ana ma Kaleponia, a ma Oregona?"
Halawai hope. Ma ke kakahiaka o ka la hoomalolo, oia ko makou halawai hope loa. Ua hai mai lakou i na inoa o na kanaka ma An gels Camp; ma El Dorado County; ma Butter County; ma Sutter; a me ka poe ma Jacksonville Oregona. Olelo mai hoi, aia o Kaulehelehe ma ma Columebia River.
Nupepa Kuokoa. Elua kanaka wale no kai haawi mai i na dala no ke Kuokoa. No ka hele pinepine i o a ia nei, aole loaa pono ia lakou ke Kuokoa.
Baibala. Hookahi wahine ilikini kai noi mai i Baibala Hawaii.
Pi-a-pa kamalii Elua mea makemake i ka Pi-a-pa kamalii.
Mare. Ua ma re au i kekahi kanaka me ka wahine Ilikini.
Hoike mai kekahi poe i ko lakou manao aloha i ko lokou poe hoahanau, i mea e pai ma ke Kuokoa.
Aloha. Makana aloha mai lakou ia'u i kekahi mau dala, a me kekahi gula lepo.
A pau ke paina awakea, hele pu mai kekahi o lakou i Mu rphy.
Ho tele. Hookipaia au i ka Hale Hotele a hiki i ka la noa; a o Mr. Roke ka i hookaa i ko'u Bila ilaila.
Sa bati. Ekolu ko'u hai ana i ka olelo i ka la Sabati.
Moku Comet. Ma ka Nupepa, ua ike au, ua ku mai ka moku Come t, mai Honolulu mai. Nolaila, i ka la noa, hora 3, A. M. komo au i ke kaa lio (stage), a holo loa mai i Stockton, he 70 mile no ia. Hora 4 ahiahi, ee au i ka moku mahu, a holo loa mai i Kapalakiko nei ia po - he 150 mile hoi ia. Hui 220 na mile.
Eia la ka moku Comet, e pili ana ma ka uwapo. Olelo mai hoi kekahi, "Apopo e holo aku ai." Olelo hoi kekahi, aole! "O ka la hoomalolo ka wa e holo aku ai."
An gels Camp. - Kalili a me Kaauamo, no Kohala; Kuluwailehua no Hilo; Kahuakaipio no Manoa; Kalani no Honolulu; Ehu, no Molokai.
El Dorado County. - Kake, Kuaiwahia a me Leimakani, no Lahaina.
Sutte r County. - Mahuka no Kohala; Pika no Hilo; Kapahu no Kona Akau; Hikiau a me Waipula, no Lahaina; Kaholokahiki no Honolulu; Mapuewai no Manoa.
Bu tter County. - Kapu, Maikai, Poepoe, Keo, Kekoi, Kaneku, Paona a me Papu no Kauai; Kahoohuli no Kohala; Kaawa no Honolulu.
WAHINE.
Manuiki no Kohala; Hanakula (kaikamahine).
Jack sonville Oregon. - Kumukahi no Kauai; Kauwaeaina, Kaukalei, Alapai, Inuawa, Louisa, Daniela, Kanaina, Maio, Davida, Kaikiolani, Makakoa, Koeke, Kealoha, Kamaile, Keone a me Kaohimaunu no Maui; Paakaua, Kaukolu, Kanakanui a me Kaenaena, no Honolulu; Koinea, Kalua, Kalawaianui a me Kekoa, no Hawaii.
NA WAHINE.
Kaili a me Kuleana no Hawaii. Kamakahiki a me Lumahai no Maui.
Colum bia River Oregon. - O Kaulehelehe ma, ua manaoia, he 50 a keu o lakou. Aka, aole akaka ko lakou mau inoa a me ke ano o ko lakou noho ana. Me ka mahalo.
L. KAMIKA.
Olelo pane aku ia "Ka tolika."
ALOHA OE e ka Lunahooponopono o ke Kuokoa:
Aia ma ke Au Okoa o ka la 25 o Iune, he wahi moolelo hoopaapaa iwaena o "kekahi Kala vina me kekahi Katolika," no ke kino o ka Haku, (Corpus Christi) ka mea i hoolewaia i ka la 31 o Mei, iloko o ka pa o ka Luakini Pope.
Ma ka hoopaapaa ana, ua ninau aku ke Kala vina i ke Katolika, penei:
"Loaa mai anei ia oukou ke kino o ka Haku?"
"Ae," wahi a ke Ka tolika, "loaa mai no; no ka mea, ua haawi mai o Iesu ia ia iho i kana poe haumana e ai, ua akaka loa ia ma ka Palapala Hemolele."
Eia ka ninau, e ka Luna Hooponopono, i na he oiaio, ua pau ko Iesu kino i ka aiia e kana poe haumana i ka po i kukuluia'i ka Ahaaina a ka Haku, pehea la i hiki ai i ka poe Iudaio a me Pila to ke kau ia ia ma ke kea i ke kakahiaka ae, oiai ua pau e kona kino i ka aiia?
E ke Ka tolika naaupo! Kahaha!! Ke i mai nei ka Palapala Hemolele, aia ke kino o Iesu iluna i ka lani. Luka 24:51, a nawai la oe i olelo iho ai, o kona kino kela wahi popo berena au i hoomana'i i ka la 31 o Mei iloko o kou pa Luakini?
"A hoolilo aku la lakou i ka nani o ke Akua make ole, i kii e like me ke kanaka make, a me na manu, a me na holoholona wawae eha, a me na mea kolo.
Haalele aku la lakou i ke Akua oiaio, no ka mea apaapa, a hoomana aku la lakou, a malama hoi i ka mea i hanaia, aole i ka Mea nana i hana, oia ka mea hoomaikai mau loa ia. Amene. Roma 1:23, 25."
E ke Katolika kuhihewa, o ka olelo keia a ka Palapala Hemolele, a e hoakaka ana i ke ano o na hana au i hana'i i ka la 31 o Mei i hala aku nei. Aole ma kau hoomana wale ana i ka barena e hoonaniia'i o Iesu, a e hoanoia'i kona inoa; aka, ma kau "ike ana i ka poe makua ole, a me ka poe wahine kanemake i ko lakou wa e pilikia'i, a malama hoi ia oe iho i haumia ole i ko ke ao nei."
Ina heluhelu pono oe i ka Palapala Hemolele, alaila, e ike oe, ua kauoha mai o Iesu i kana poe haumana e ai i ka berena, aole o ka hoomana. "E lawe oukou, e ai," ka olelo kauoha; aole E lawe oukou, a e hoomana iho. Aole, ole loa.
A i hea la ua wahi popo berena la au i hoomana'i i ka la 31 o Mei? Ua kiolaia ia mahea? Ua pau ae la anei i ka ai ia e ka mu, a i ka ilo anei? Kupanaha! Nani maoli kou hupo i ke kapa ana i ka berena - ka mea palaho, he kino maoli no Iesu; oiai ua akaka e ola mau loa ana ko Iesu kino, aole e aiia e ka mu, aole hoi e pau i ka ilo. Heaha ka hookahi ana o ka mea palaho me ka mea palaho ole, a o ka berena me ke kino lani o Iesu? A ina i kapa o Iesu i ka berena, ma ka hoohalike ana, he kino nona, he kumu anei ia e hoomana'i oe ia mea, a hoolilo iho i Akua nou?
"He Uhane ke Akua, a o ka poe hoomana ia ia, he pono no lakou e hoomana aku ia ia me ka uhane a me ka oiaio. Ioane 4:24."
Ka Hoike Makahiki a ka Puuku o ka Ahahui Euanelio Hawaii.
NA LOAA MAI IUNE 1, 1865, A HIKI I MEI 31, 1866.
NO NA HANA KUWAHO.
Ke koena o Iune 1, 1865. 1,050.84
MAI HAWAII MAI.
Kapalilua, Kona Hema ma S. W. Papaula 35.00
Hilo, T. Coana 900.00
Kailua, G. W. Pilipo 73.00
Waimea, L. Laiana 104 00
Kohala, Dr. J. Wight 20 00
Kona H., J. D. Parisa 200.00
Kohala Komohana, S. C. Luhiau 31.00
Kohala H., A. Pali 29.00
Hamakua Waena, P. Kanekuahiwi 29.00
Hamakua Komohana, S. Kukahekahe 29.00
Hamakua Hikina, S. Kamelamela 24.00
Mai na kamalii mai a J. D. Parisa 15.00 1,489.00
MAI MAUI MAI.
Lahaina, D. Balauwina 339.50
D. Balauwina 25.00
Balauwina wahine 5.00
D. D. Balauwina opio 10.00
Miss. E. S. Balauwina 2.00
" H. M. Balauwina 2.00
He hoa'loha ma Lahaina 10.00
Hana, S. E. Bihopa 8.75
Keanae, S. Kamakahiki 17.25
Makawao, J. S. Gerina 40.00
Wailuku, W. P. Alekane dero 18.68
Mai na haumana o Lahainaluna mai 20.50 498.68
MAI O OAHU MAI.
Halepule Alanui Papu (Kaukeano). 74.10
Kaumakapili 143 98
Kawaiahao, H. H. Pa reka 601.62
Kaneohe, B. W. Pareka 79.00
Waianae, A. Kaoliko 5.50
Hauula, M. Kuaea & G. B. Ukeke 18.50
Loaa no ka haiolelo makahiki a B. G. Snow 105.50
Loaa no ka haiolelo makahiki a H. Manase 81.12
G. P. Kauka 20.00
G. B. Ukeke 2.00
Ho ffschlaeger & Stapenhorst 25 00
Waialua, M. Kuaea 33.25
Mai na luina moku mai ma o Damona la .50
Waimanalo, S. Waiwaiole 59.25
Pahukula 2.00
Mai ka Ahahui Misiona ri o na keiki mai 150.00 1,401.32
MAI KAUAI MAI.
Waimea, J. W. Kamika 46 50
Koloa, J. W. Kamika 170.00
Waioli, E. Ioane 46.40
Mai ka Ahahui Mi sionari ma Waioli mai 50.25
Mai ka Ahahui Misionari ma Koolau 7.25
MAI MOLOKAI MAI.
Halawa, S. W. Nueku 93.25
Kaluaaha, A. O. Po rebe 90.90
Kalaupapa 2.75 186.90
MAI EBONA MAI.
Mahina hou o E bona H. Aea 2.87
Mahina hou no ka ailaniu 44.48 47.35
MAI APAIANA MAI.
J. W. Kanoa, Mahina Hou 22.25
MAI TARAWA MAI.
J. H. Mahoe, mahina hou 11.00
5,027.74
MAI KALEPONI MAI.
Kula Sa bati o ka Halepule Euev. mua 200.00
MAI AME RIKA HUI MAI.
Papa A. B. C. F. M. no Maikonisia 1,700.00
Huina pau o ka loaa o ka oihana Kuwaho 6,927.74
WAIHONA OKOA.
Koana o Iune 1 , 1865 1,906.67
MAI HAWAII MAI.
Kapaliiuka, Kau, H., J. Kauhane 38.12
Mai na haumana mai o ke kula a Laimana 25.00
Hilo, Dr. Wetmo re 50.00
Kohala A., E. Bona 450.00
Kau, O. H. Gulika 132.34
Kona H., J. D. Pa risa 230.00
Kohala A., E. Bona 114.50
" H., A. Pali 18.00
" K., S. C. Luhiau 20.00
Waimea, L. Laiana 62.00
Hamakua waena, P. Kaaekuahiwi 13.00
Hamakua Komohana, S. Kukahekahe 10.00
Hamakua Hikina, S. Kamelamela 8.68 1,171.64
MAI OAHU MAI.
Mahina hou Halepule Alanui Papu (Kaukeano) 109.95
Ewa, J. Bikanele 8.00
Waialua, M. Kuaea 143.25
Waianae, 8.25 269.45
MAI KAUAI MAI.
Koolau, Helekunihi 12.70
MAI MAUI MAI.
Wailuku, Alekanedero 43.00
MAI MOLOKAI MAI.
Kaluaaha, Mr. Pore be 43.00
Huina pau o ka waihona Okoa 3,446.40
NO NA EKALESIA KULOKO.
Koena o Iune 1, 1865 355.51
MAI O OAHU MAI.
Loaa no ka Haiolelo a O. H. Gulika 31.68
Loaa no ka Haiolelo a S. E. Bihopa 113.17
Mahina hou Halepule Alanui Papu 33.92 178.77
MAI AME RIKA HUIPUIA MAI.
Papa A. B. C. F. M. 2,100.00
MAI MAUI MAI.
Wailuku, W. P. Alekane dero 18.67
MAI HAWAII MAI.
Kohala, Dr. Wi ght 24.00
Huina o na loaa o ka Ekalesia Kuloko 2,677.00
KULA KAIKAMAHINE.
Koena o Iune 1, 1865. 1,596.23
Mahina hou o ka Halepule alanui Papu 29.87
Mai ka Papa A. B. C. F. M. mai 1,600.00 - 1,629.87
3,226.10
KULA KAHUNAPULE.
Koena o Iune 1, 1865. 40.12
Mai Kona Hawaii mai, J. D. Pa risa, 50.00
Huina. 90.12
NO NA BAIBALA.
Koena o Iune 1, 1865. 282.99
Mai a Dr. W ight mai, Kohala, 20.00
Loaa ma ke kuai ana a Dr. Gulika, 552.11 - 572.11
Huina. 855.10
NO NA PALAPALA LIILII.
Koena o Iune 1, 1865. 68.74
Na loaa mai a Dr. Gulika. 104.17
Huina. 172.91
NO KA HALAWAI MAKAHIKI.
Koena o Iune 1, 1865. 91.50
Loaa mai ka Papa A. B. C. F. M. mai, 600.00
Huina. 691.50
NO KA LAPAAU ANA MA MAIKONISIA.
Loaa mai ka Papa A. B. C. F. M. mai, 200.00
NO NA BUKE.
Koena o Iune 1, 1865. 2,209.61
Mahina hou o ka Halepule alanui Papu, 60.42
Loaa o na buke i humuhumu ia ai, 456.05
Loaa o na buke i kuai ia e Dr. Gulika, 237.16
Mai ka Papa A. B. C. F. M. mai, 2,000.00 - 2.753.63
Huina. 4,963.24
PILIKINO.
Koena ia Doane, 59.86
HUINA O NA DALA LOAA MA KA WAIHONA.
No na ekale sia Kuwaho, 6,937.74
" " Waihona okoa, 3,446.46
" " ekal. Kuloko, 2,677.00
" ke Kula kaikamah., 3,226.10
" " Kula kahunapule, 90.12
" na Baibala, 855.10
" " Palapala Liilii, 172.91
" ka Halawai makahiki, 691 50
" " Lapaau ma Maikon., 200 00
" na Buke, 4,963.24
" ka Pilikino. 59.86
23,310.03
Huina o na Lilo. 16,172.62
7,137.41
Na Lilo mai Iune 1 , 1865, a hiki i Mei 31, 1866.
NO NA HANA KUWAHO.
Uku ia i na uku makahiki o 12 mau misionari 1866 4,027.31
Haawiia no ka laau hale o Snow 300.00
Haawiia no ka laau hale o H. Aea 30.00
Haawiia no ke Kuokoa no ka M. H. 1864-5 27.00
Ukuia no ka pilikia i ili mai maluno o Hokuao 6.00
Ukuia no ka eemoku o Snow k & wahine 75.00
Ukuia no Capt. James 10.00
" " ke Kuokoa no ka M. H. 1866 18.00
Ukuia no na Papa pohaku, Peni pohaku 20.25
Ukuia no ke pai ana & ka humuhumu ana 266.45
Ukuia no ka laau lapaau no Maikonisia no ka M. H. 1865-6 195.40
Huina o na lilo no Maikonisia 4,975.41
Ukuia no ke Kuokoa no ko Pa tuhiwa poe 1866 12.50
Huina o na lilo no na Ekalesia Kuwaho 4,987.41
NO NA EKALESIA KULOKO.
Uku makahiki no A. O. Po rebe 425.00
Uku makahiki no O. H. Gulika 450.00
Uku makahiki no L. H. Gulika 1,000.00
Uku makahiki no J. P. Gerina, 6 malama 225.00
Haawiia ia S. Kamaahiki 25.00
Haawiia ia Mr. Naumu 30.00
" " Kupahu 30.00
" ia J. Bikanele 100.00
Ukuia no ko Kuaea holo ana 30.00
Ukuia no kekahi mau lilo e ae 65.00 2,380.00
NO KA WAIHONA OKOA.
Uku no ka hele ana o na Elele 22 88.00
Uku no ka hele ana o H. H. Pareka 10.62
Uku no ka hele, no ke pai ana, kope ana, na poole ta a pela aku 217.16 315.78
NO NA BUKE.
Ukuia no na Bila o ke pai ana 1,099.10
Ukuia no na Bila no ka humuhumu ana 1,118.37
Ukuia no na Bila no ka hoolako ana i kekahi mau mea 704.72
Ukuia no na Bila no ka Ah. Hoolaha Baibala o Amerika 250.00
Ukuia no na Bila i ka Ah. Hoolaha Palapala liilii o Amerika no ke pai ana 705.48
Ukuia no na Bila no ke Kuokoa no na Lepe ra ma Molokai 18.00
Ukuia no na Bila no na lilo o ka waihona buke 185.00 4,080.67
NO KE KULA KAIKAMAHINE.
Haawiwaleia no ke Kula o Waialua 1,500.00
Haawi waleia no na kokua kumu 332.00
Haawi waleia no na lilo e iho 1,136.13
Haawi wale ia no ka hoolimalima o kekahi mau hale 144.00
Haawi waleia no ke kakau ana i ka palapala hool. 2.00 3,114.13
NO KE KULA KAHUNAPULE.
Ukuia ma ke kauoha a Dr. Gulika 65.00
NO NA BUKE.
No ke pai ana i ka Eunaelio Maikoni sia 456.83
Ukuia no na Bila a ka poe humueumu 469 21 No ka Papa Amerika 58.84 984.88
NO NA PALAPALA LIILII.
Ukuia no na Bila a ka poe humuhumu 15.00
NO KA HALAWAI MAKAHIKI.
No na uku moku 1865 229.75
HUINA O NA LILO.
No ka oihana Kuwaho 4,987.41
" " Kuloko 2,380.00
" Waihona okoa 316.78
" na Buke 4,080.67
" ke kula kaikamahine 3,114.13
No ke kula Kahunapule 65.00
" Baibala 984.68
" Palapala liilii 15.00
" ka Halawai Makahiki 229.75
16,172.62
NA KOENA.
Ia Oihana Kuwaho 1940.33
" Kuloko 297.00
Ia Waihona Okoa 3,130.60
No na Buke 882.57
" kula kaikamahine 111.97
" " Kahunapule 25.12
" Palapala liilii 157.91
" Halawai Makahiki 461.75
Laau lapaau no Maikonisia 200.00
Ia Pili kino 59.86
I na Baibala aie 129.78
7,137.41
Hanaia a ua pololei.
I. BARTLETT.
Honolulu, Iune 6, 1866.
LAAU LAPAAU
AIA MA KAHI O
KAKELA ME KUKE
Ma Honolulu.
J. T. GOWER. - Makawao, Maui. J. D. HAVEKOST.- Wailuku, Maui C. H. WETMORE. - Hilo, Hawaii. J. W. SMITH. - Koloa, Kauai.
HE LAAU KAHIKO, A HE MAOPOPO NO HOI.
Laau hoopau Naio me na Koe,
A DR. JAYNE.
HE NUI NA PILIKIA O KAMALII I KA Nalo a me ke Koe, a pela hoi na kanaka makua. O ka hope oia mau mea kolo, oia ka lolo. Oia mau mea kolo hope oia ka lolo, a o ka make hoi i kekahi manawa, a nolaila mai io mai e ae kekahi, e eke me ka lepo paa, ulaula, pehu, ule ulepa me na mai e ae.
O ka Laau no keia e pau ai ua mau mea ino nei.
Eia hoi kekahi. O ka laau ku pono keia i ka oe pilikia i la wela o ka houpo i ka ono ole i ka ai; i ka nawaliwali o ke kino, i ka mai pehu, i ka nalulu hoopailua: i ka pono ole o ka moi wahine,a me na mea like.
Penei no e lau ai i ka Laau hoopau Naio me na Koe:
Ina no kamalii, e hanai aku i hookahi hapakolu o ka punaki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki ekolu, elua hapakolu o ka puna ka pono. Mailaila'e a i na makahiki eono, hookahi no puna okoa ka pono, a mailaila aku a i ka wa kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ha o ka wai maoli. Oia hoi, ina hookahi ka puna laau, alaila, e huila me na puna wai maoli eha; a pela no e inu ai ma ke kakahiaka, awakea a me ke ahiahi. Aka, i nui ka pilikia, alaila, pono no elima inu ana i ka la, penei; kakahiaka, kiekie ka la, awakea, auwi ka la, ahiahi.
E inu mamua o ka ai ana, aole kokoke mahope iho.
Laau hoopaa Hi a Dr. Jayne,
JAYNE'S CARMINATIVE BALSAM.
He laau maikai a oluolu hoi keia no ka Hi. ka Nahu, Nalulu, Wela o ka Houpo, Haoa, Hoopailua wai e, Luai, Luai moku, ono olo i ka ai. Nahu me ka uwe no hoi o na keiki uuku, a me na mai like he nui.
Emo ole ka oluolu o ua mau mai nei i keia laau.
Penei e inu ai, i ka inu ana hookahi. Ina he keiki akahi paha ona malama, a ehia paha, he umikumamalua paha kulu a hiki i ka iwakalua ka pono.
Ina he keiki mai na malama eono a hiki i na malama ewalu, he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka hiku a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.
A inu ea, e hui me ka wai maoli uuku, (a like a like ka wai me ka laau,) a pela e imua ae ai. Ekolu, eha elima paha iau ana i ka la hookahi, e like me ka nui o ka pilikia.
I akaka nae. Ina he nui ka wela, a ma ua komo kekahi ai pono ole iloko o ka opu, e aho e moni e mamua i mau Hu'ale Ola, a i ole, e inu i wahi paakai, a i wahi aila paha, i hemo e Ola, a lele, e inu i waha paakai, a i wahi aila paha, i hemo e ka mea ino oloko, alaila e inu i keia Laau hoopaa hi.
Ina e luai ka mea mai, mahope o ka inu ana i ka Laau a pau a i ka luaiia, e hanai hou aku no e like me mamua a pela no a pinepine, a oluolu hoi ko loko, a waiho malie no hoi ka laau ma ka opu.
Aohe a makou mea e noi aku ai i ka lehulehu, hookahi wale no o ke kauoha aku ia lakou e HOAO PONO i na Laau Kunu a Kauka Jayne, hoike aku ai i ke ola o na mea a pau i hoakakaia no kana mau aau. Ua hooia, a e hiki ana no ke hoola i ka mai KUNU, NAHU, a me ke ANU, a me na mai e ae no hoi he nui wale: a o na mai HOKII no hoi i ola nui, na mai i oia ole i na laau e ae. E aho e hoao oukou e ka poe i mai ia.
HE KUHA KOKO ANEI KOU? HE KUNU ANEI KOU? HE EHA ANEI KOU KANIA-I? HE KUNU UMII ANEI KOU me ka NAE?
AOLE ANEI OU MAI KUNU? AOLE ANEI OU MAI NAENAE? AOLE ANEI OU EHA MA KA umauma? AOLE ANEI OU KUNU KALEA? AOLE ANEI OU HU MA KA iwiaoao?
A ina ua loaa ia oe ia mau mai, alaila, e ike oe i ke ola i ka LAAU KUNU a Kauka Jayne.
NA MAI HOOPAILUA.
Mai o ke Ake!
Mai Nalulu a me ka mai Dyspepsia.
(O ka nawaliwali o ka puu hoowali ai, iloko o ko kakou mau waihona ai.)
He pono ke ai koke i ka laau a Huaale Ola a Kauka Jayne, he laau oluolu, a he ola no hoi. Aohe no he mai i nele ke makemake i na laau hoonaha; a mai nui no hoi ka poe e ola ana, me ka oluolu no hoi, ina e hoomaopopoia, a e inu ia no hoi ua mau laau la. Aole no e oluolu pono kekahi mea, oiai e inoino ana oloko o kona kino; a ua ulu nui ae no hoi ka mai, a i kekahi manawa aa make no, a ina e malama pono ia a e inu hoi i na Huaale Naha, alaila, oia no. No ka hooiaio ia ana mai o keia mau mea, nolaila, ke hoolaha ia aku nei ka Huaale Ola a Dr. Jayne.
Me ka hiki ke hooia'ku i ka maikai, a na ka hoao ana i hoike maopopo mai i ka oi o ke ola o keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana ia laau, aole no he mau mea i hookapuia, oia ka ai ana a me ka inu ana. Aole e ino ke waiho loihi, no ka mea, ua hanaia no a maikai loa. A ina e inu ia ua hikiwawe loa ka hehee iloko o ka pou waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi, a me ka holoi pau i ke ino oloko o ka opu.
DISIPEPESIA.
(Oia ka mai ono ole o ka ai i kekahi manawa, a me ka hoowali pono ole ia hoi o ka ai iloko o ka puu moni ai.)
O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino. Ina ua loihi loa ka mai ana, alaila, e hikiwawe ke oia ke inu puia ka Huaale me ka Laau Hoomaemae Koko a hoopau NAIO me na KOE, A Kauka JAYNE, e like me ka mea i kuhikuhiia mawaho o ka wahi o ka laau.
NO NA MAI MA KE AKE, MAI LENA, MAI MA KA OPU HANAWAI, NA MAI WELA, KA HAALULU, KA MAI O KA ILI, KOKO INO, MAI NALULU, PAA O KA LEPO, MAI KUNA, MAI WAHINE, ame ka MAI HOOPAILUA.
Ua maopopo loa ke OLA o keia mau HUAALE. A o ka mea wale no i koe i ka lehulehu o ka hoao pono ia mau hua. A he maikai no hoi na laau o Kauka Jayne, no ka hoola ana i na mai PUHA, ALAALA, KAOKAO, PUUPUU, PEHU, KUNAKUNA, Hanene, Lolo, ina mai wahine, a me na mai e ae, no ke KOKO a inoino mai no i kana LAAU HOOMAEMAE KOKO. 214-1y.