Ka Nupepa Kuokoa, Volume V, Number 37, 15 September 1866 — Page 3
Ka Nupepa Kuokoa.
En glish Column.
FOREIGN NEWS.
The programme of the President's electioneering tour through the North is published. He will leave Washington on the 28th of August, accompanied by Secretary Seward, visit most of the principal cities east of the Hudson, repeating his speech at each stopping place; participate in the ceremony of laying the cornerstone of the Douglas monument, and return to the Capital within a week. As a piece of stage effect, Johnson will travel in the veritable car which was fitted up for the funeral train of the martyr Lincoln.
Deaths by Cholera.
During the week ending Friday, August 25th, there were 1,300 deaths from cholera in the city of St. Louis. This weekly report excludes Saturday.
August 20th.
In accordance with the President's proclamation of the 19th, declaring null and void Maximilian's paper blockade of Matamoras and other Mexican ports, the Navy Department has dispatched two men-of-war to be stationed at the mouth of the Rio Grande. The commander of the Pacific squadron has also received orders to send two ships to Mazatlan and Guaymas, to protect United States interests on the Pacific coast.
The Presentation of the proceedings of the Philadelphia Convention to its author and engineer served as an occasion for the delivery of another of those vulgar, malicious egotistical and revolutionary harangues for which Andrew Johnson has become notorious. Such wholesale abuse of the lawmaking power of the Government by the Chief Magistrate was unknown among us before an assassination opened this demagogue's way to the Executive chair. General Grant, who was present on this occasion, doubtless by the contrivance of the revolutionary conspirators, who badly want the support of the soldiers, must have been highly edited by the exhibition of Presidential dignity. That portion of the tirade which is not a mere repetition of previous deliverances from the same source, is distinguished for being a little more steeped in malignity. The Congress of the United States, many of whose enactments Johnson has signed, thus recognizing their legality, is pleasantly referred to as a "body assuming to be the Congress of the United States" which daily violated the Constitution. From Europe we hear further of a remarkable demand made by Napoleon upon Prussia that the boundaries of France be allowed to extend to the Rhine, and of Prussia's absolute refusal to accede to the request. The amibitious Emperor seems to have been unfortunate in the time of preferring his request, even as he miscalculated in the Mexican affair. It will afford a good subject for the illustrated newspapers.
The business of the Atlantic Cable is so heavy that the Directors contemplate the establishment of a new scale of prices. We hear one day that the cholera is subsiding, and the next that it is on the increase. It has reached Chicago, St. Louis, and other western cities. The President has issued an important proclamation declaring that Maximilian has no blockading force about the Mexican ports which the United States is bound to respect. Matamoras has already been occupied by our forces under Lew. Wallace.
Eu ropean.
P RAGUE, August 26. - The cession of Venetia to Italy was fully accomplished before the treaty of peace between Prussia, Austria, Italy and Bavaria was signed. Austria freely and unreservedly ceded Venetia to Victor Emmanuel.
NEW YORK, August 26. - Special dispatches confirm the fact of the signing of a treaty of peace at Prague on Thursday the 23d.
LEIP SIC, August 27th. - A large and influential meeting here has declared in favor of a union of Saxony with Prussia.
BERLIN, August 27th. - The Peace Treaty, which was signed at Prague, will not be made public till ratified by the contracting powers. It is believed, however, that the general features are almost identical with the original preliminaries interchanged at Nickolsburg on the 26th of July.
PA RIS, August 15th.
The Emperor Napoleon received the Prussian Embassador to-day, at the Tuileries. The Minister delivered to His Majesty the reply of the King of Prussia to the French note demanding an extension of the frontier of France of the Rhine. The reply declares that the demand is inadmissible, and that Prussia will not accede to it. Napoleon rejoined that he had made the demand in order to satisfy public opinion in France on the subject of the rectification of the frontier. He deemed it a just demand, but at the same time acknowledged the fairness of the argument used by the Prussian Cabinet, in giving a refusal. He said that the relations existing at present between France and Prussia should not be disturbed in any case, and hoped Prussia would not overstep the line.
Nea rer Home.
While extending a welcome to the daily "contemporary" lately arrived in our city, and acknowledging, (as the Gazette of last week did not,) the really desirable presence amongst us of the Hawaiian Herald, we would at the same time speak a word for the correct orthography of Hawaiian names, instancing the occurrence of such errors as "Onoka" for Honokaa or Honokaia, (it being uncertain which of the two is intended,) and "Monala" for Manamana, and so on, as sufficient ground for a little friendly remonstrance on our part. We are painfully aware of the mangling of foreign names in the native papers, but it must be remembered that the Hawaiian names are on their native soil, and have the best right to correct typography.
NU HOU KUWAHO.
14 La mai Eu ropa mai!
Ma ka moku Kaminioka (Smynriote) mai keia nu hou.
No Eu ropa.
He mea hikiwawe loa ka ke kaua ma Eu ropa, o ka pau ana, he mau la wale no ke kaua ana, a maopopo koke no ka aoao iaia ka lanakila. Aka, o ka hooponopono ana i na kuikahi, a me ke kakau inoa ana o na inoa Alii i ua mau kuikahi la, oia ka mea hooloihi, a oia ka ua mau Alii la e hana nei. Ua halawai nae ko Auseturia a me Perusia ma Prague, (Pareke paha ma ka olelo Hawaii) aia ma Bohemia ua wahi la. Ua oleloia, ua kakau inoa ia ka palapala kuikahi, aole nae i hoolahaia ke ano.
Ma ka haawiia ana o Venetia ia I talia e Auseturia. Aole no he ano nui o na mea hou ma Europa.
Eiwa wale no ka paona pauda kai waihoia malalo o ka Hale Ahaolelo Nui o Beri tania. Ua manaoia he mea hoomakaukau wale no, no kanaka, no ke kue i ka hana o ke Aupuni.
Aia ka Emepe ra Wahine i kapaia no Mekiko, ma Parisa, e noi ana e kokua hou aku o Napoliona i kana kane me na koa Farani.
No Amerika.
O ka la 28 o Au gate, oia ka la i oleloia no ka hoomaka ana o ka Peresidena Ioanekana i kana huakai hele kaapuni i kauwahi o na Mokuaina Komohana. E holo ana kela ma ke kaa-mahu nani, oia kai lawe i ke kupapau o Likana, i ka wa i hoolewaia'i ma na kulanakauhale nui o Amerika Huipuia.
O Kenela Kerikana (Sheri dan), ka mea ia ia ka malama o Nu Oleana i keia wa, ua hoahewa loa kela i na Luna kulanakauhale o ia wahi, no ka pepehi nui wale i na kanaka i ka wa i haunaele ai. Pela kona hoike ana aku ia Kenela Kalani.
No ka nui loa o ka hana o ka waea tele galapa, e hoonui hou ia ana ka uku. Aia no ka moku Hikina Nui i ka moana kahi i huli ai i ka waea kahiko, oia hoi kai moku a nalowale i ka makahiki 1865.
Ua nui ka poe i make ma ke kauwahi i ka mai kolera. (Pela ka pololei, aole "korela," aole no hoi "korila.") Ua emi loa nae ma Nu Ioka, a aole no i nui ka poino i ua mai Ahulau nei, ma ka hapanui o ka aina.
Hale Hanee.
Ua kau ka weli i na kamaaina o Kapalakiko no ka haule ana o kekahi hale, a pau kanaka o loko i ka make. Eiwa poe i make, a he 25 ka poe i eha. I ka po ka haule ana, a ua pau ko loko i ka hiamoe. Ua lohe nae kekahi mau mea o lakou i ka neneke mua ana o na paia o ka hale me he mea la e haule ana, nolaila, ua pakele kekahi poe. A o kekahi e hookomo ana no i ka lole-wawawae, pahu ana ilalo na wahi a pau o ka hale, a o ka huikau weliweli iho la no ia o na laau hale, na pohaku uini-hepa, a me na iwi kanaka, hookahi no ka pepe like ana. Ekolu papa o ua hale la, he hale uini-hepa no. A o ka mea nae i hanee ai, o ka eli ia ana ma kekahi aoao, no ke kukulu ana i kekahi hale e ae paha. Noonoo malama ole no.
E moe ana hoi kekahi kanaka ma ka rumi maluna loa. Oia haule pu no me ka hale mai luna a lalo, a aole no hoi i eha. Ke keu paha ia o ka pakele. I moe ino no hoi kana, ina ua make.
Ua oleloia he kaua kuloko ko Iapana i keia manawa. Aole nae i maopopo loa ke ano o ua kaua la.
HUNAHUNA HUIKAU.
MEA HOONANEA.
- Ua ninauia o Miletona penei: "No ke aha la ka ae ia ana ma kekahi Aupuni, e kau ke Alii ma ka noho alii, ke loaa na makahiki he umikumamaha iaia, aia wale no nae a umikumamawalu alaila ae ia e mare?" "No ka mea" wahi a i ala, "he mea hiki wale ke malama pono i ke Aupuni, he mea oi loa aku o ke oolea ka malama ana i ka wahine."
- E hele ana kekahi kanaka opiopio o ko ke ao nei me kekahi wahine noho pono a i ka Halepule. A hiki aku la laua i ka puka, i mai ana ke kane, "O komo iho paha oe, he hele hoonanea ko'u i kahi e hoolanalana ai." "O kau ia la?" wahi a ka wahine; a hopu koke aku la ia i ka papale o ua hoa hele la, a paa ae la malalo o kona koloka, a naue aku ana iloko o ka Halepule. He hoaa wale no ka i ala, a o ke komo haahaa aku mahope o ua wahine la, me he mea 'la ua maa.
- O kekahi kanaka i oleloia he Kahunapule, ma ka Mokuaina o Nu Ioka, ua hahau ia i kana keiki me ke aloha ole, a o ka make loa o ua keiki la ka hope. Menemene ino. Ua bela ia ua kanaka la, aka, no ka huhu loa o na kamaaina, ua holo maoli kela iloko o ka Halepaahao e noho ai a hiki mai ka wa hookolokolo.
- Ua pii hou i ka lewa kekahi haole Farani ma Nu Ioka, ma ka baluna i hoopihaia i ka la lahilahi; a ilaila hoi kahi ana i hana keaka ai, e hoolewalewa ana iaia iho me na wawae iluna a malalo ke poo, a pela wale aku. Pa mai ana ka makani nui me ka ua, hoomaka ka baluna e iho ilalo i ka muliwai Hudesona, oiai ua laula loa kela muliwai. Maka'u kela o hihia i kaula o ka baluna ke iho loa a loaa i ka iliwai, lehai mai ana ua haole nei mai ke kiekie mai o na kapuai he kanaono, a pahu ana iloko o ka wai. A i kona hoea ana ae iluna, mai make loa i ka paupauaho, e ole nae ka hiki koke ana mai o kekahi waapa, a pakele aku la. O ka hana iho la no ia a ka mahaoi.
MOANAWAI HOU. Ua ike ia maloko o kekahi nupepa o Kaleponi, e hai ana ua loaa kekahi moanawai hou maloko o ka mokuaina o Kaleponi.
Na Palapala.
Ka halawai ana o ka Ahahui Euanelio o Hawaii Akau.
E KA NUPEPA KUOKOA E; ALOHA OE: - Ua halawai iho nei keia Ahahui Euanelio ma ka la 6 o Sepakemaba nei. Ua hui pu mai kekahi mau hoa o makou ma keia halawai. Eia na hoa i hiki mai, o P. Kaaekuahiwi me kona lala, o S. Kamelamela me kona lala, o Keikinui he lala no ka ekalesia o Waipio, aohe i hiki mai o S. Kukahekahe, aole no Waimea, aole no Kawaihae, o S. C. Luhiau me kona lala, a me Rev. E. Bona me kona lala, a me na hoa lala no he nui.
A ua nui no na manao i hoikeia ma ka la mua, a ma ka la 7, o ka mea nui ma ia la, o ka noonoo ana no ka pono o ka hookahuna ana ia P. Kaaekuahiwi me S. Kamelamela, a ua kali ia ko lakou hookahuna ana a ka malama o Feberuali, o ka A. D. 1867 ma Maunahoano, Hamakua waena. A he mau manao e ae no kekahi i hapai ia ma keia halawai. Aole paha e hiki ia'u ke hoike pau aku no ka pokole o ka manawa, no ka mea, ke awiwi mai nei kahi kapena o Haleakala. S. P. HEULU.
Makee Milimili.
ALOHA OE E KE KUOKOA: - I kuu wa e noho kula ana i na makahiki i hala loa i hope ae nei, ua ike au i kekahi kii i hana ia e kekahi hoa kula o'u. A penei ua kii 'la; He pukuniahi nui a he kanaka e ki-pu ana me ua pukuniahi la. E ki aku ana la i ke aha? He wahi manu liilii, manu kani leo lea e kau ana ma kekahi kumu laau, a oia ka ua kanaka 'la mea i ki aku ai me kona pukuniahi nui launa ole.
Mai poina loa ia'u keia mea hoakaka, i ole au i ike iho nei ma na kolamu o Ke Au Okoa kekahi palapala mai Honokaupu mai e nuku aku ana i kahi milimili o kakou nei oia hoi o Alaula. Aia ka i Honokaupu ua pukuniahi ki manu nei! A o kahi manu leo lea oia paha o ua o Alaula. Aloha wale.
A heaha ko ua o Alaula i hai hewa ai, a okalakala koke mai nei o ia 'la o ko Honokaupu keiki, o J. K. U? i hele ai kela a huli i ona mau buke haole, a i hooluhi hewa wale ai i na hoonoho hua o ua o Au Okoa me na hua haole i hoonoho hewa ai lakou? ("Ene Brist" heaha la ia?) Eia wale no ka ke Alaula. E hai ana kela i ka moolelo o Wm. Peni, me ka olelo ana ua haalele kela ia Enelani no ka hoomaauia mai o na Kueka malaila. Oia iho la no, a he oiaio no. Ua noho pinepine o Wiliama Peni i ka hale paahao, ehiku malama i ka manawa hookahi, a pela aku. No ka mea he wa hoomau kela mai o a o. A oiai, he mau buke haole kau e "J. K. U," eia hoi ka'u, a nana iho oukou ka poe namu haole. Ma Bancroft's History of the United States Vol. II., page 354, ua haiia na pilikia o na Kueka ma Enelani.
A no ka hai ole ia ana ma ua Alaula la i ka hoomainoino ana o na Pu ritano i kekahi mau Kueka, oia kekahi hoohalahala o ua o J. K. U. Eia mua; aole no kumu o ka hai ana malaila o ia mea; he moolelo ia no Wiliama Peni, aole no Nu Enelani kekahi lihi o ua moolelo la, no ka mea aole i hele o Wiliama Peni i Nu Enelani. A eia, alua. Aole no e pono ia kakou e imi i na mea a pau a ko kakou mau kupuna e hoopololei ai. Oiai he mau kupuna hoomana kii ko kakou a pau mai ka Berekane a ka Hawaii O na Puritano, aole no o lakou i hoomaemae loa ia, ia manawa mai ka hewa o ia wa, oia o ke kau kanawai ana o ka manaoio o ke kanaka. Aka nae o ko lakou ao ana he mea ia e pau ai kela hana.
Ke olelo nei o J. K. U. e pau ana na Kueka i ka ole. Ae, e nalo ana ka inoa Kueka, a o ka inoa Pu ritano paha kekahi, ke ole ke kapa mau mai na enemi ia inoa. Aka eia, o ke kumu manao nui o na Kueka, a o na Puritano no hoi, he mea ia e mau ana, a e laha ana ma ka honua nei a pau, oia o ke kaulike ana o na kanaka a pau imua o ke Akua. Ua piha loa o Amerika e noho nei me na mamo o keia poe, a eia ma Hawaii nei kahi a lakou e hoopuka nei i ke Alaula. Na lakou mai ka ae ia ana o kela mea kela mea e hoomana i ke Akua e like me kona makemake.
Owai ka i lanakila iho nei i ke kaua ma Ame rika? O na mamo o keia poe, a o na mokuaina i noho ia e lakou, oia o Penesilevania a me Makekukeka oia na mokuaina ikaika loa. Pau ka'u, X.
Ua hoopaiia he kanaka i aihue i ka waiwa i o ke keiki o ke "Aupuni Pua," ma Waialua, Oahu, a ua lawe ia mai ua kanaka aihue la i Honolulu nei ma ka po Poaha iho nei.
Na Lawe Le ta no Hawaii nei a puni.
He mea kupono loa keia na ka lehulehu e nana pono mai ai, ina e hoonohonoho ia ana na wahi lawe leta a pou o ke Aupuni Hawaii nei, e like me ka mea a ka Nupepa haole a H. M. Wini i hoike ai i kela pule aku nei. a makou hoi e lawe mai nei malala nei.
NA LE TA NO HAWAII.
HILO A ME KAWAIHAE. E haalele no ke kanaka lawe le ta ia Hilo a e hele mai i Kawaihae i kela Poakahi keia Poakahi ma ka hora 8 kakahiaka, a i ka hoi ana e hiki hou aku i Hilo i ka Poaono, i na e malie.
HILO A ME KAU. E haalele ke kanaka lawe le ta ia Hilo a e hele aku i Kau i kela Poakahi elua keia Poakahi elua, a e hoi mai i Hilo i kela Poalima elua keia Poalima elua.
KAU A ME KEALAKEKUA. O ke kanaka lawe le ta mai Kau mai a Kona, e haalele ana ia Waiohinu i kela Poakahi elua keia Poakahi elua, a e hoi aku i ka Poaha alaila loaa leta mai ka mokuahi aku, no ka mea e ku aku ana ia i ka Poakolu i Kealakekua.
KOHALA A ME WAIMEA. E haalele ana ka lawe le ta ia Kohala, a e hele aku ana i Waimea i kela Poakolu keia poakolu ma ka hora 6 kakahiaka, a e hiki ana ia ma ke ala o Hilo a me Kona hoi i Kohala ia la hookahi no.
KAWAIHAE A ME HILO. E haalele ana ka lawe le ta ia Kawaihae a e hele ana i Hilo i kela Poaha keia Poaha, a e hiki ana i Hilo ma ka Poaono, ke malie, a e hiki ana no ia ma Waimea, Hamakua a me na mahiko.
KAWAIHAE A ME KAILUA. O ka lawe leta no Kona e haalele ana ia Kawaihae i ka Poaono ho ra 4 ahiahi o kela hapalua malama keia hapalua malama, a e hoi mai i ka Poakolu o ka pule e hiki mai ana.
NA LETA NO MAUI.
LAHAINA A ME MAUI HIKINA. E haalele ana ka lawe leta ia Lahaina ma kela poakolu keia poakolu mawaena o ka hora e 6 a me ka 9 a e hele aku ana ma Waikapu, Wailuku Makawao, Haiku a me Ulupalakua, a e hoi mai i ka Poalima ke malie.
HANA A ME ULUPALAKUA. E haalele ana ka lawe leta ia Hana, a e hele mai ana i Ulupalakua i na Poalua o kela pule elua keia pule elua, a e hoi aku i ka Poalima.
NA LETA NO KAUI.
LIHUE A ME HANALEI. E haalele ana ka lawe leta ia Lihue, a e hele ana i Hanalei i kela Poakahi keia Poakahi ma ka hora 8 kakahiaka, a e hoi mai i ke ahiahi Poalua.
LIHUE, KOLOA, WAIMEA, A ME NIIHAU. E haalele ana ka lawe le ta ia Lihue, a e hele ana i Koloa a me Waimea i na Poaha a pau ma ka hora 8 kakahiaka, a e hoi mai ana i ka Poalima. O na leta no Niihau e waiho ana no ma Waimea, a loaa ka wa kupono.
NA LETA O OAHU.
E haalele ana ka lawe leta ia Honolulu ma ka ho ra 9 ponoi o kela Poakahi keia Poakahi, a e hele ana ma ka Pali o Nuuanu aku, a ma Kaneohe a me na kauhale o Koolau a pau a hiki aku i Waialua, ke malie, a malaila mai a i Ewa a hiki loa mai i Honolulu.
MA MOLOKAI. Aohe lawe leta o keia mokupuni, aka, aa kauoha ia ka Luna leta ma Kaluaaha e hoolimalima i mea lawe leta, ke nui mai ua leta la.
Hana pono a me Lokomaikai.
Loaa iho la i kekahi kanaka ilihune loa kekahi eke dala, aole no hoi keia i hoopau i ka imi ana i ka mea nona ia waiwai, a hiki wale i ka loaa ana.
He kanaka waiwai loa hoi ka mea nona ua eke nei. Mea e no hoi kona olioli no ka malama pololei loa o ke kanaka ilihune, i ka hoihoi pono ana aku o ke kanaka i kana mau hane ri dala elima; no ia mea, haawi aku la ia i kanalima dala nana i uku no kona malama pono ana i kana eke dala.
"Aole" wahi a ka ilihune, "e waiho aku i kau moni; ua pau ka'u hana a o kau koe, mai hoohaule hou oe, a e malama pono iho me ka makaala, o lilo auanei i ka mea naau lokoino. Aloha oe."
"Aole! ea;" wahi a ke kanaka waiwai "mai wikiwiki oe i ka haalele i ko kaua launa maikai ana, ina aole oe e lawe i na dala he kanalima, i kanaha hoi ha."
"Aole no," wahi a ka ilihune. Onou wale mai la kela ia ia, mai ke kanaha mai a hiki i ka umi dala aole loa no hoi ke kanaka ilihune i ae aku. No ia mea, haawi mai la ke kanaka waiwai i ka eke okoa a pau me ka i mai. E ka mea hana pono hookaha ole hoi, e lawe oe i keia eke dala nau, aohe a'u mea i haule, no ka mea ke haalele wale nei hoi oe i kahi makana uuku a'u e haawi aku nei i uku no kou malama me ka hoihoi pono mai i ua eke dala nei.
Hookunana iho la ke kanaka ilihune a ae oluolu aku la ia e lawe mai i umi dala, aka ia manawa koke no i haawi pakahi ae ai oia na kekahi poe ilihune e ae.
Eia ka ninau. Owai la o laua ka oukou e mahalo loa ai, o ke kanaka ilihune paha, a o ke kanaka waiwai paha? A ina o kekahi o laua ka oukou e mahalo ai e hoohalike aku ka pono me ia. Me ke aloha.
G. WILLIE.
KE HOENEHOENE MAI NEI NA LEO. Ke ao ia nei ka himeni i kela ahiahi keia ahiahi ma ka Luakini o Kamoiliili, e hoomaamaa ana paha i na kileo i ka holo i o ia nei no ka la hapa mua e hiki mai ana.
Na mea Hou o Wa ikiki-waena.
HE MEA E LANA AI KA MANAO. Mai a Mika Sope i lohe mai ai makou, ke piha mau nei ka Luakini o Kamoiliili i kela ahiahi keia ahiahi, i na hoahanau a me ka poe hooikaika. E imi ana lakou i ka pomaikai o ka Uhane.
HIKIWAWE LUA KA HOI. Iloko iho nei no o ka malama o Augate ke kanu ana o ka anoano ipu haole a ke Alii, a i keia mau la ke kokolo mai nei ka lau i o ia nei, a o ka hihi mai no ia, a hua mai i ka hua. Nohea ole ulu wawe ole he maihiai ka hoi na Kalani.
MA RE.
KAOLELO (k) - AUKAI (w) - Ma Moiliili, la 6 o Sepakemaba, e Rev. L. H. Kulika. No Waikiki laua.
IOANE (k) - KAONOI (w) - Ma Kawaiahao, la 7 o Sepatemaba, e Rev. L. H. Kulika. No Honolulu laua.
HALALI (k) - HELEUA (w) - Ma Kawaiahao, la 7 o Sepatemaba, e Rev. L. H. Kulika. No Honolulu laua.
JAMES KAAI (k) - LUIKA (w) - Ma Kawaiahao, la 10 o Sepatemaba, e Rev. L. H. Kulika. No Honolulu laua.
ELIA (k) - LILIKA (w) - Ma Honolulu la 10 o Sepatemaba, e Rev. L. H. Kulika. No Honolulu laua.
HANAU.
Sept. 4, ma Honolulu nei, hanau na Mrs. J. F. Allen he kaikamahine.
Sept. 4, ma Waimanalo, Koolaupoko, hanau Kaiwaopaliuli (w.,) na Punee, me Kukona.
Iulai 29, ma Keaau, Puna, hanau o Kaiewe k. na Puukohola, me Kuakea.
Iulai 29, ma Keaau, Puna, hanau o Kahuakainu (w.,) na Keliiala, me Kaohimaunu.
Au g. 24, ma Kehena, Puna, hanau o John Wells k. na Kealo, me Kamalu.
Au g. 26, ma Hoalua, Hamakua-loa, Maui, hanau o Kealoha k. na Nakoa me Koea.
Au g. 27, ma Heeia, Koolaupoko, Oahu, hanau o Haalilio k. na Haalilio, me Kaaikoa.
MAKE.
Au g. 30, ma Kaneohe, Oahu, make o Kualii w.
Sept. 12, ma Kapalepo, Honolulu, make o Aneane k.
Au g. 18, ma Halawa, Hamakualoa, Maui, make o Kaonohi w.
Au g. 24, ma Honokala, Hamakualoa, Maui, make o Kukue k.
Au g. 29, ma Honopou, Hamakualoa, Maui, make o Keoho k.
Au g. 25, ma Makapala, Hawaii, make o K. Nawai w.
E IKE AUANEI OUKOU E NA KANAKA a pau, a me na Haole, a me na Pake. Owau o ka mea nona ka inoa malalo iho nei, ke papa aku nei au ia oukou, mai hoaie mai oukou i kuu wahine mare, IA KAMAKA w. A mai hookipa ia ia, a mai kokua paha ia ia, alaila, o ka mea kokua ia ia, e hoopii no wau ia lakou e like me ke Kanawai. Na KEOKI KALAKA. Honolulu, Sept. 14, 1866. 250-1t*
HALE KUAI HAPA FERE.
- NO -
WILIAMA RAIANA (RYAN,)
- MA -
ALANUI MAUNAKEA.
249-2m
LOLE HOU! LOLE HOU!!
UA LOAA MAI NEI I KA MEA Nona ka inoa malalo nei, he mau lole hou e lawa ai ka makemake o ka poe puni mea hou, a i mea hoi e lohe pepeiao ole ai, nolaila, e hele mai no i ike pono i ke au-nui a me ke au-iki. He hiki hoi ia'u ke kuai aku ma ke kumukuai haahaa loa, me ka lana o kuu manao, o kahaahaaloakeia i oi ae i ko na Halekuai a pau ma ka Mokupuni o Hawaii. KAPENA WAKA. (CAPT. J. WORTH) Hilo, Aug. 4, 1866. 249-9t
OLELO HOOLAHA.
UA KOHO IA MAI KA MEA NONA KA inoa malalo nei i Lunahooponopono i ka waiwai o J. W. KUAHOPU (k), o Waiakea, Hilo, Hawaii i make aku nei. Nolaila, ke kauoha ia aku nei na mea a pau i aie mai ia ia, e hookaa koke mai i ko lakou aie. O ka poe hoi ana i aie aku ai, e hele koke mai lakou mamua mai o ka la 31 o Sepatemaba i ka Lunahooponopono, i ko lakou kuleana pili i kona waiwai. H. B. NALIMU, Lunahooponopono. Waiakea, Hilo, Aug. 24, 1866. 248-4t*
Olelo Hoolaha!
KE KAUOHA AKU NEI AU I NA MEA a pau i aie ia Kamuela (S. H. Dowsett) i make, e hookaa mai mamua o ka la 30 o Iune 1866, e like me ka manawa i haawiia e ka Aha. KIMO PELEKANE. Lunahooponopono. Honolulu, Mei 30, 1866. 235-tf
OLELO HOOLAHA.
E IKE AUANEI NA KANAKA O KELA ano keia ano a pau, o maua o na mea nona na inoa malalo iho nei, ke papa aku nei maua, ua kapu ko maua mau aina kuai, oia hoi o Leapuaiki, me Panauiki, ma Puna, Hawaii. Ua kapu na mea ulu, na mea kolo, na mea hihi a me na pono e ae i puka ae ma ua mau aina la. Ina hoi e kii kekahi mea i na mea i papa ia maluna, a lawe wale me ko maua ae ole a ike ole hoi, e uku no $5.00. Ina komohewa kekahi Bipi, Lio, Hoki a me ka Miula, e uku no $1.00. Ina komohewa ka Hipa, Kao a me ka Puaa, e uku no $.50 no ke poo. Ina e hoole mai i ka uku, e hoopiiia no imua o ka Lunakanawa. S. KALOMA, & L. MANU. Panauiki, Puna, Hawaii, Aug. 29, 1866. 248-3t*
Ma ke Alanui Nuuanu
- O -
IAKOBO ESTALL!
- MEA -
Hana Tini a hana Hao Apana.
- MEA -
HANA KAPUAHI HAO!
KE HAAWI AKU NEI I KE ALOHA I na kanaka o Hawaii nei, no ko lakou launa oluolu ana mai i ka wa i hala, a ke lana nei ka manao e mau mai no ko oukou kipa ana mai. O ka poe e makemake ana e kuai kapuahi hao, a mea pili paha i na Tini, e kipa mai ia nei mamua o ka hele ana aku i kahi e. 231-3m
Halekuai Mea ai! Halekuai Mea ai!
Ma ka Hale Unihiepa ma Alanui Papu.
UA HOOMAIKAI IHO NEI KA mea nona ka mea malalo nei i ke Kulana o kona HALEKUAI MEA AI, oia hoi, no ka hookipa ana mai i na kanaka maoli e kalepa ana, a o kona i ini nui, o ka hoolako mau i na mea maikai loa a pau e makemake ia ana. OIA HOI KEIA MALALO IHO: AILA, PALAOA, PALENA, KOPAA, PALENA LIILII, LAIKI, PIA, KOLU HOOLUU LOLE, KAMANO, UWIKI KUKUI, MEA ONO, KULINA, BALE, ILI PALAOA AI A KA LIO, &c. Elua ana mau Kakauolelo i makaukau no ke kuai aku me na makemake, mai ka hora 5 o ke kakahiaka a hiki i ka hora 7 o ke ahiahi. MR. KAKAI (A. D. CARTWRIGHT.) Honolulu. 243-6m
KAUKA LAPAAU.
- O -
Dr. Kennedy (Kenede) kona inoa.
AIA NO KONA HALE KAUKA MA ke Alanui Papu, makai iho o ka HALE AUPUNI. Honolulu 245 1y
Kauka Lapaau!
- O -
A. C. BUFFUM
KONA INOA.
AIA NO KONA HALE KAUKA MA KONA hale noho ALDRICH HALE ma Alanui Papu, Honolulu. 236-6m
KAUKA LAPAAU.
I KA LA MUA O OKATOBA E HIKI Mai ana, e hoomaka o Kauka Bikiniga (Dr. Bechtinger.) E noho loa ma LAHNINA i Maui, e hooko i kana Oihana Kahuna Lapaau, a o ka poe mai o kela ano keia ano, no kela wahi keia wahi, e hiki ia lakou ke hele io na la no ko lakou mau pilikia a pau. Dr. BECHTINGER. 247-10ts
E HAALELE ANA KA
Moku Ahi
"KILAUEA"
Ia Honolulu i kela Poakahi keia Poakahi.
Ma ka Hora 4 1/2 ponoi, (a hiki i I ka wa e hai hou ia'ku ai.) A e holo ana i KONA, HAWAII, A me na Awa ku moku malalo iho nei LAHAINA, KALEPOLEPO, KAWAIHAE, KAILUA, KEALAKEKUA. Ma ka hoi ana mai, e haalele ana ia
KEALAKEKUA & KAILUA, ma ka Poakolu.
KAWAIHAE, " " po Poaha.
KALEPOLEPO, ma kakahiaka Poalima.
LAHAINA, " ka po Poalima.
WALKE R, ALLEN, & Co. NA EGINI. 238-tf
LOLE HOU, LOLE HOU.
UA LOAA MAI I KA MEA NONA ka inoa malalo nei, maluna mai o ka moku D. C. Murray, he mau Kamaa Buti a me na Kamaa maoli i wae ia mamuli o na ano maikai loa. Penei:
Na Kamaa Buti ili bipi Farani maikai loa i papakahi ia a papalua ia ka ili o lalo ae, i kupono i na Keonimana.
Na Kamaa Buti kupono no ko kuaaina noho ana.
Na Kamaa Laholio o ka aoao - Na Kamaa ili bipi keiki me ka laholio ma ka aoao o kela ano keia ano - O na Kamaa Buti o kamalii i oi ae ka maikai mamua o ko na hale e ae. Na Kamaa wahine laholio ma ka aoao o kela ano keia ano - A he mau ano e ae o na Kamaa maoli a me na Kamaa Buti i kupono i na Kaikamahine a me na keiki, i oi ae ke emi i ko na hale kuai e ae ma ke Kaona nei.
O na ano loli kane a pau - Na kakini wahine a me na kane. Na kalepa eleele he nui wale - Na kukaenalo a me ke keokeo paina - Na ano lole hulu hipa o kela ano keia ano - Na kaleko ano hou. Na palu huluhulu. Na kihei lilina. Na pale uluna lilina. Ke ano lilina keokeo maikai loa. Na palule keokeo maikai o kane - Na palule ka-la lilina o kane - O kela ano keia ano tawelu - Na hainaka lilina o kane. Na palule, palemai a me na palemai wawae - Kihei hulu hipa papamu wahine ano maikai - Na mamalu kilika.
He nui wale na KOHEOHEO, LOLE WAWAE, PULIKI O NA ANO APAU, KAAWE & PAKU MAKIKA, UHIMOE KEOKEO, LOPI KEOKEO MAIKAI, PEPA HAHAU, KAHI ELEELE, BARAKI POO, HAINAKA KILIKA KEOKEO, a o na ano e ae, BARAKI NIHO, LIHILIHI, PIHI PA no ka palule, LIPINE PAPALE, PEAHI, A me na mea e ae he nui wale o kela ano keia ano. M. McINERNY. Alanui Maunakea me Beritania, Honolulu, July 24, 1866. 244-2ms
HE PA KUAI PAPA HOU.
300,000 Kap. Papa ka nui!
KE POLOAI AKU NEI O L. L. Hulipahu (he haole i noho a ewe ia Hawaii nei,) i na io ponoi a pau o Hawaii nei mai ka Hikina a ke Komohana, e anoi ana e loaa na lako Hale no kelia wa aku, e kipa mua mai ma ko'u HALE KUAI PAPA Ma ke kihi Komohana o na Alanui Papu a me Moiwahine. Nana no e hahai aku i na lilo e paa ai ka hale, ke hai mua ia mai na palena.
Eia ma kona Pa Kuai Papa Hou!
60,000 Kapuai Papa Kalakala Nouaiki,
40,000 " " Hole "
30,000 " " Ulaula, 2, 1 1/2, 1 1-4, 1 in.,
80,000 " " Kalakala ulaula,
20,000 " " Kepa ulaula loloa, pine pa
200,000 Pili Laau kapili Hale, [me na kaola.
Na Pepa Kapili Hale.
150,000 Iwilei Pepa Kuea ka nui.
O kela ano keia ano o na pepa kapili Hale o Pelekane - 21 iniha ka laula a he 36 kapuai ka loa o ke kukaa hookahi. O kekahi mau kukaa iho he nui a hiwahiwa no ke nana aku.
Oia no hoi, 9,000 Iwilei Pepa Kuea Ame rika e waiho pu nei.
E okioki ia no na papa e like me ke kauoha, aole e uku ia ka hoolala ana a me ka wehewehe ana i na mea e hana ia ana. O ke kapili ana i na kua hale a me na laau o na Alahaka, e kuhikuhi wale ia aku no ia mamua o ke kuai ana mai. O na papa hele manoanoa i kupono no na Alahaka a me na uapo, e haawi koke ia no e like me ke kauoha. O na kanaka a pau e makemake ana no na mea kapili hale, e oluolu lakou e kupa mai e hoinainau pu me a'u ma ko'u HALE OIHANA. E hiki koke mai ana na PENA, AILA, PATE, a me na mea hulali i awili pu ia, NA KUI, PANI PUKA, OLEPELEPE, NA PUKA ANIANI, A PELA AKU. O na mea a pau i hai ia maluna, e kuai ia no me ke kumukuai haahaa loa i emi iho malalo o ka mea e kuai ia nei ma ka hookaa aloha ana mai.
He mau Papa Ulaula kekahi i HOLEIA ma na aoao elua, me na ano Pine Pa Hale maikai a pau. L. L. HULIPAHU (TORBERT.) 247-5t