Ka Nupepa Kuokoa, Volume V, Number 47, 24 November 1866 — Page 1
NUPEPA KUOKOA:
KE KILOHANA POOKELA NO KA LAHUI HAWAII.
BUKE V. HELU 47. HONOLULU. NOVEMABA 24, 1866. NA HELU A PAU 260.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono. $2.00 no na mahina he
UMIKUMAMALUA,
$1.00 no na mahina eono. ME KA HOOKAA MUA MAI.
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke kihi hema o ka Hale Hookipa Luina (Sailor's Home.) O na hora hana, ma ka eiwa o kakahiaka, a i ka ha o ke ahiahi.
L. H. KULIKA. (Luna Hoopuka.)
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six months, in advance.
A DVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line.
PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M.
L. H. GULICK.
Publisher.
Volume I, II, and III of the KUOKOA, bound, for sale, $3.50 each.
Persons having complete sets of the above, can have them bound by paying $2.00 each.
HE MOKU HOLO MAU
No Lahaina, a me Makena.
O KE KUNA KALEPA PAA maikai,
"Kate Lee."
O Fountain ke Kapena,
E HOLO MAU LOA ANA A HIKI MAI no hoi ma na Awa i olelo ia maluna. No na ukana a me na ohua, e nina i ke Kapena ma ka moku, a i ole ia ia
228-tf C. BREWER &co. (BURUA MA)
No Hilo.
KA MOKU KUNA
"MELE HILO,"
O Sebastian ke Kapena.
E HOLO MAU ANA KEIA MOKU I KE Awa maluna, no na ukana ame na ohua e ninau ia
HULIPAHU, (L. L. TORBERT).
No Hana, Kaupo, a me Maliko,
KA MOKU KUNA
'MANUOKAWAI,'
O Merchant ke Kapena.
E HOLO MAU ANA KELA MOKU I NA Awa i haiia maluna. No na ukana a me na ohua, e ninau ia C. BREWER &co. (BURUA MA)
Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina.
KA MOKU KUNA MAIKAI
Alabani,
161 tona, e holo ana i Kawaihae, a me Kona, ma ka Poaono, a mamua ae paha, la 10 o keia malama.
O KE KUNA KALEPA
O Neti Mela
E holo mau ana i Lahaina, a me Maalaea. No na mea i koe, e ninau ia Kapena Mokina, a i ole ia, ia
JANION GREEN & CO.,
222-tf A. H. M. K. H.
Na Buke i Pai ia e ka Papa Hawaii.
Eia na buke kuai, a me ke kumukuai. Baibala nui no na Awai o na Halepule, $4 00
" Ohana, ano nui, me na kii, 2 50
a me na Moohana, 5 00
" Ohana uuku iho, me na Moohana, ili ulaula, 1 00
" Ohana, me na Moohana wale no, 62 ½
" Okoa, 50
Kauoha Kahiko, i paiia i ka M. H. 1838, 25
Kauoha Hou, me ka pepa lahilahi o waho, 12 1/2
Kauoha Hou, hapa haole (Haw. Eng.) 25
Haiao, 25
Hele Malihini Ana, 25
Wehewehehala, 25
Lira Hawaii, 25
No ko ke Akua Ano, 25
Lira Kamalii, 25
Kumumua Hou, 12 1/2
Moolelo Ekalesia, 50
Hoike Palapala Hemolele, 25
Himeni Hawaii me na Leo Mele, 1834, 25
Ninauhoike, 12 ½
Ui Kamalii no na Kula Sabati 12 ½
Kumu Leomele 12 ½
Haawina Kamalii, Buke 1. a me 2, 12 /1/2
Haawina Kamalii, Buke elua i huiia, 25
Eia na buke i haawi walei a.
Haawina Baibala.
Ui.
Palapala Liilii Helu - - - - 4
" " " - - - - 6
" " " - - - - 7
" " " - - - - 11
" " " - - - - 16
Na Dawida Malo Kumumanao.
Ka Moolelo o Batimea Puaaiki.
L. H. Kulika.
Kakauolelo o ka Papa Hooko o ka Ahahui Euanelio o Hawaii Pae Aina.
Ka Nupepa Kuokoa.
Mahope o ka O gana.
He makemake anei oukou e ike i ka loihi o ko'u pauma ana i na Ogana halepule? A-he, he umikumamaha na makahiki a oi aku ke hoopokoleia, a he umikumamalima a oi aku. Mau lepo, no ka mea, he hana luhi maoli no ka pauma Ogana ana iloko o na wa wela.
Ua nui anei na hookani Ogana au i ike ai? Oia ka'u ia — a iloko no hoi o keia halepule na'u i pauma no na mea eiwa a he umi paha.
Ka mea hea la o lakou kau i anoi ai? Ka mea no paha nona na lima mama. A ke haawi iho nei au i kekahi o ka'u mea i ike maka ai. E hai aku paha i ka'u mea i ike ai iloko o ka Hui Himeni ko oukou manao anei ia? A-he, no ia no, aohe no nae he mea nui loa ilaila, aka, he wahi mea like no ilaila a oukou e hoohialaai iho ai.
E hoomaka anei au mai ko'u wa kamahi mai? Oi paha. E hoomaka no.
O kuu makuakane ka mea nana e malama kekahi halepule uuku ma Waimalie (Stillwater) maluna o Hudesona, a ua loaa mai he kanalima dala i ka makahiki no ka pulumi ana i ua wahi la. He oiaio nae, aohe i lilo nui kona manawa i keia hana ana, no kona walea i ka hookuu mau mai na'u e pulumi, mahope iho o ko'u mau hora kula o ka la, a pela i maalahi ai keia wahi pilikia ona.
E ku leoleo ana ka halepule maluna o kekahi ahua i kupaia Puu Ziona. He epirkopalu makou. Ma kela aoao mai o ko makou luakini kona Bapetize luakini nui huina-ha a ma kekahi aoao ae hoi ko na Peresebuteriano luakini nui ae me ka halepele maluna iho. He oiaio, aohe o makou halepele, a ua kukulu ia ae ma ia wahi he towera huina-ha me na wahi lau awapuhi ma ke kae luna, a me na wahi winiwini eha ma na kihi a me ka hao uila pakahi. He wati nui ko makou ma na kihi eha o ke towera, aohe nae he hele iloko o na makahiki eha a elima paha, a ke nana aku oe ma ka aoao hikina a me ke komohana, ua like ko laua kau ana a ma ka aoao akau, he hapa o ka hora eha kai hala ae, a ma ka hema hoi he hapaha o ka hora Akahi, aohe nae he hiki ke hai mai i ka minute.
Maluna o na mea a pau. Ia makou ka bele, he bele kahiko i laweia mai, Nu Ioka mai, i haawi ia mai ia makou e kekahi wahine waiwai kahiko. He loihi ko makou hookani ana i ka bele, a ua haaheo loa ae makou nona, no ka lilo ana i bele no na anaina pule bele ole. I ka wa e kani ai ko makou bele, olelo ae la na Metode, Bapetizo, a me na Peresebuteriano. "Hele mai! Aia ka bele Pisakapulu, Hele ae kakou."
Nau anei i pauma Ogana no na halepule e ae? Ae, elua o'u mau makahiki ma ka Metole a hookahi me ka Bapetite aohe nae o laua maikai mamua ae o na Peresebuteriano, he uku pono mai lakou ia'u. O ko makou mau himeni Pirakapulu loloa no ko'u mea e luhi ai, a o ke Te Deum nae ko'u mea luhi loa. He manao pinepine iho no au he molowa ia ko ke kahunapule aoao, oiai e himeni wale ia ana no kahi o ka heluhelu, a ina oia kahi, ke hoowahawaha nei au, he molowa ia.
Aole no he nui o ko makou anaina pule. He mea mau ka oleloia iloko o Waimalie he makau ke hele i ka pule Esipulu, no ka mea, ina no e alua ike ia ana o ke kanaka iloko olaila i ka makahiki okoa o kona koho koke ia mai la no ia i Kiaihale, a ina e maumaua aku a hala eha la pule o kona lilo koke no ia i Wadena ke hiki mai i ka pule ahaaina.
Aia iloko o ko makou luakini kekahi mau iwa no ke kula hanai kaikamahine mai a Miss Wilkinsis a he piu noho akea ko lakou e kokoke aku ana i ka awai. I ka auwina lapule he hele mau mai no kanaka opiopio mai ka Bapetite mai, a me kekahi mau hale pule e ae, e kalewa ai mawaho o ka puka a hiki i ka wa e komo mai ai na kaikamahine Wilikini.
Ia mau la la, na'u no e pauma ka Ogana, aohe wahi moe uhane iki i wahi uku kekahi, a o ua Ogana nei ka mea hookahi iloko o ia kauhale; o Mr Birca ke kumukula ka mea nana e hookani a hiki wale i kona make ana, a o Wiss Hautona (Haughtona) mai kekahi o na kaikamahine Wilikini. I kona hookani mua ana, lelele lua au i ka ua mea he olioli, a huahua mai nohona haumana kula Sabati ia u, a o kukahi hoomalimali mai la "e kokua mai ia'u i ka paumu ana."
He wahi Ogana uuku no keia, a he wahi puuku kepau e hoholo wale ana mawaho o ka ho-ai, ka meu nana au e hooki mai, 1 ua la Sabati mua nei, me kuu manao ole, ua hoopuhau pinepine au i ka makani iwaho, halulu ino no ka Ogana, aka ua ike ia no ia mea e Miss. H. — aohe nae ona papa iki mai ia'u, a pulalelale kela i ke kaomi i na kuhikuhi o ka upa makani me ke ano pono ole. Hoouna mai la ia i kekahi o ka poe himeni e papa mai ia'u, o hu hewa auanei ke hele kino mai ia. O kona la Sabati mua no keia i hookani Ogana ai, a o kaoiaio maoli, aole no i ike lea ia i na mea ma kona aoao, mamua o,u i na mea ma ko'u aoao.
Ia mau la no hoi, he haumana kula Sabati au, a ua kuliu wale au ma na kanawai he umi, a me na niele a me ka'u mau haawina, a ua paanaau ia'u ka mokuna umikumamaha o Ioane, me na himeni he umikumamalua, a i kou ike mai paha la me he mea la e hoopulapula ia ana au i hoahanau hele pule io. A! aole loa au i moeuhane iki pela, no kuu kaa mahope o ka Ogana.
Mai ua wahi kuono la o'u ua hiki ia'u ke ike mai i ka mea hele ae i kahi himeni, a he ke pinepine aku au i ka hawanawana a me ke kamailio o ka poe himeni, a i ke aha la ko lakou mea e hoolohe ole ai i ke pooolelo; aohe no nae o'u hoolohe i ke pooolelo, aka aia ia'u ka loi, ke nana aku i na poe a-oo he hoolohe pono lakou i ke kahunapule, me ka olioli pu no hoi. I ka poe himeni he haukamumu ka hana, e lolelole ai i na buke himeni me ka mumu kanade. Mai ia manawa mai i loaa ai ia'u, ku hana ia o na poe himeni o ke kuaaina a me kona kulanakauhale iloko o na halepule a pau.
He like no o Mss Hautona me he kii la i penaia, a mahope iho auanei ia, he waipahe wale au i ka pauma makani Ogana no kona mau manamanalima aiai maikai e uleu ai. Oia mau manamanalima la! O waliwali, keokeo, a me ka momona, me na maiao i like ke onaona me he mau lau pua rose la lakou i maewa aku. Elua ona mau komolima; he momi ko loko o kekahi komo, a o kekahi he emerale. I kekahi wa kaomi molie iho la au i ka makani o ka Ogana, no kuu lia wale iloko. "Kuu kuai ana iho no la i komolima daimana nona, o ko'u waiwai loa iho la no la ia."
Melamela maikai kono mau papalina aole i uheke aole hoi i loloa, me na wili lauoho gula anuunuu, a paa ia kona waha i na niho hoomahie lua. Mahope iho o kona hookani ana 'na e hele aku kela mahope o ka poe himeni e noho ai, kahi moakaka loa ia'u, a e nanu wale ana no au i ke kaikamahine hookani pila i na manawa a pau, me ka manao ole ae i ke kahunapule, ka mea maanei iho o'u e haiolelo nei no ka wa loihi. Aka ia'u nae ka inoa maikai o ka mea hoolohe loa.
Ia mau la Sabati o ke kau, aohe o'u manao. E hoopoina ana wau ia ia. Ua uu mau ia na pukamakani, a komo mai la ke ea oluolu Lahalahai ae na manu maluna o ke ku pukamakani, a o na pulelehua hookikakaha ae la lakou ma ka pale luna, a hemo aku iwaho, a o na auna nalomeli hoi kai hoopuoho wale mai e mumulu ae ana io, a io, a wiki aku iwaho, me he mea la aohe ona manao e hoopau manawa iho i keia wahi.
He mau pule iho, ike wale aku au he makemake o Miss. H. — i na pua, no kona paa mau he wahi huhui iloko o ka halepule. Ike iho la au i keia wahi ano oiala, he kumu ia no'u e hiki ai ke lawe mai i mau pua noloko mai o ko makou kihapai pua. Aka, ea; he hakalia ole ka loaa ana o ka pua, a he paakiki loa ka hookuli ana aku i ua pua nei; he hilahila loa au ke hoomanao ae na'u iho no e haawi aku ia iala, a malama wale iho la no au i ua la nei, me ko'u hoopalaimaka wale. A pela i ahu moka wale iho ai lakou.
I kekahi Sabati mai. Hooholo iho la au i manao hou no'u a hele mua loa aku la au i ka halepule, mamua o ka wa e pule ai, a hoo iho la i kekauwahi huhui pua rose uuku maluna o ka papa ki o ka Ogana. Ua loihi iki o Miss Hautona i ua la nei awiwi loa no hoi au o hiki e mai kela. O hilahila loa iho la au ke hoaiki ae ma ke kihi o ka Ogana e nana aku i ka iala huna me kuu wahi makana mailuilu, aka i ka pau ana o ka pule, hoomihioi lua au i ka i ala paa mai i ua mau wahi pua nei iloko o kona olelo paani aku i kekahi o na mea himeni me ka huaolelo a me ka nana ina, e i aku ana ia na'u ia wahi mea i hana.
Ua hana hou iho no au pela i kekahi la pule mai, a pela hou mai, a—oua mau pua la a'u kai loko o kona lima. Ua lawa keia ia'u no ia la, a i kekahi Sabati mai a ke nui loa iho la au, — aohe o'u aa iki e hoike aku i ke kaikamahine nohea na'u ia mea e hana nei, aka i wahi mea e ae no e pili kokoke aku ai au i a ia la, no ia la; kahakaha iho la au he mau wahi hua kikoola ma ke au o ka pua rose nui loa oloko o kuu wahi makana, penei: R.A.B. He liilii ua mau hua nei a me ka inoino, aohe no paha he mea nana e hoomaopopo iho i ke ano, a o ua mau hua ala hoi na hua kumu ia o ko'u inoa ponoi, oia hoi o Rbert Andrew Burns. (Robati Aneru Burana.)
Komo ae la kela e like me ka mea mau, a paku ia mai ko'u ike aku ia ia la e ka Ogana. Aole no hoi i kanamai ka loihi o ia la pule, a o ka himeni ka mea pokole e like me kona mau, nolaila, ia wa la, hoopaani wale kela, a owau hoi kekahi i kamau aku.
Mahope iho o ka himeni ana, hoi aku la kela ma kona wahi mau, me kuu huihui pua iloko kona lima. O ka rose nui loa, he keokeo loa ia, a o na mea e iho, he ula wale no. A ma kuu wahi e noho ai, ua hiki loa ia'u ke waewae ae, ua hoopuka ia ke a-u o ka rose nui iwaho, kahi hoi i kahakahaia, a malaila kahi i hoomaha ai ko ia la manawa, ia ia e paa ana i ka huihui pua. A ke noho nei au me ka waiolu wale, i ko'u ike ana aku i ko ia la lima iki e kalele hoohie ana i na hua R.A.B.
A i ka pau ana o na hana a ke kahuna, ia wa la i puehu loa aku ai ko'u hauoli, a lili wale aku la au i kekahi kanaka o ka poe himeni, oia hoi o Mr. Iaba kona inoa. Ua olelo ia nae hoi nona, oia wale no ke kanaka ui puukani o loko oia wahi: a o kana hana ia wa, he malama halekuai nona iho no ma Mudpudde Comret (na kihi kiowai lepo) ma ke alanui Saticoke (Schagticoke).
Hina aku la ua Mr. Iaba nei a hawanawana aku la "Aohe anei e puunaue ae o Miss Hautona i wahi lau uuku na kona mau hoa?"
"I keaha hoi e Mr. Iaba," wahi ana me ka kaeueu wale, a oi i iho la ko'u mea i kahi pu ai, "e lawe i kau mea i makemake ai."
I hou aku la ua Iaba nei. "O kau mea wale no e haawi mai ai na'u." "Ahe o ka mea maikai loa kau i kumu nou e ohumu ole iho ai." o koiala unuhi ae la no ia i ka rose keokeo, ka rose hoi me R.A.B., ma ke au, a haawi aku iaia me ka mino aka iki pu.
Lawe aku la ua lapuwale nei me ka hookeke i kona naio, aia manawa iho e paa ana kona lima nui i ke au i kahakahaia no ko ia la mau manamana, nohea wale no.
I kekahi Sabati mai, kahakaha hou iho la au i na R.A.B. ma ke au o kahi pua uuku, a nonoi hou ana no ua Iaba nei i pua. "Ano" wahi a Miss Hautona "i kela Sabati aku nei ua haawi aku au i ka mea maikai loa, a i keia la hoi i ka mea pupuka loa. Namunamu iho la ua Iaba nei me he keko la e kohoho ana, a i ko i anei haawi ana aku i ka rose ula uuku kahi au i kahakaha'i kalele hou no na lima lapuwale o ua laha nei i na hua R.A.B.
Ma ia hope mai i ka Poaha o ia pule, kahea ia mai la au e kuu makuakane, a kona manawa i olelo mai ai he leta kana na'u mai a Miss Hautona mai, mahope iho o ko'u hikilele mua ana, ke loku wale la na manao iloko o'u e hana ai.
"E Bob e heluhelu oe i ka palapala nou iho a e ike; heaha la. "O ko'u lalau aku la no ia me ka lima o haalulu ana, a heluhelu iho la, penei.
WAIMALIE. Tusede A. M.
"Mr. Burns. Ua manao ke Kahunapule he pono au ke hoomaamaa i ka ogana ma na auwina Poaha, a ina paha e hiki i kau keiki Bob ke upa no'u, e uku ia no ia no kona luhi.
SARA P. HAUTONA."
Maha ae la au; aohe kona he manao ninau no na pua i lawe ia. A no ka hai ole ia mai o ka hora e hele ai maloko o ka palapala, nolaila miki e aku la au i ka luakini a wehe ae la i kekahi aoao o ka puka ma ka hora akahi, a ua aneane i ka hora ekolu hiki mai la, a me ia pu mai o Julia Iaba. He hoowahawaha loa au i keia poe Iaba. ia ohana no a pau.
"O Bob" wahi ana. "Olioli au, eia ka oe ia nei, "me ka aka pu no ia ia e komo ae nei. "E hiki anei ia oe ke hele mai i na auwina Poaha a pau? "Ae, ina au e hiki ole mai na'u io e hoonoho mai i kekahi keiki e ae maanei; he hele mau mai no kekahi mea e maanei i ko'u ike.
Uala, o kekahi mea au i makemake ai, e like me ka loihi o ka pauma ana a kekahi mea maanei, aohe no o'u manao owai la ia? Ua aneane au e uwe i keia pane ana, no ke ano oluolu ole, a me ke anuanu pu.
I kekahi Poaha mai o Miss. Hautona wale no kai hele mai, ninau aku la au, "e hele mai ana o Miss Iaba." Hoole mai la kela, aohe i hiki mai he poe hoa kona, mahalo iho la au i kona poe hoa. Mahope o ka hookani ana i hookahi hora hooki iho la kela, a kahea mai la ia'u. "Bob me ke ano hopohopo me ka malie a oluolu loa, ua waiho iho kekahi o ka poe himeni i mau pua na'u maluna o ka ogana, iloko ae nei o keia mahina okoa, nolaila ano ke nonoi aku nei au mai hai aku oe i kekahi; ina paha oe i ike e hai mai i ua mea la."
Ua puiwa no au me ka hopuhopualulu a hoomoa wale aku la no, malia paha aohe makemake o ua keonimana la ia'u e hai aku. Ohilahila iho la kela a olelo hoomaoe mai la me ka noonoo ole. "Aohe o'u manao na Mr. Iaba."
"O aole , "wahi a'u "aohe e hiki ia Iaba ia mea. "Pehea oe i ike ai aole e hiki ia Mr. Iaba "wahi ana, me ka leo hooikaika ana ma "Mr Iaba "ka mea a'u i hoonele ai no ko'u ukiuki. "Ina aole oe i ike i kekahi mea e ae, aohe ou pono ke olelo aole na Mr. Iaba. Pehea e Bob, oia la, ke ike nei au aole oe i ike i kahi mea e pili ana ilaila mamua o'u. E hele aku oe e pauma i ka ogana, ke olu oe.
A i kekahi la pule mai, waiho iho la au maluna o ka ogana i pupu nui mamua ae o na mea mua, a he mau lilia-tiga pu kekahi iloko, ae ulu ana ma Auwai Kidene wale no, ka mea a'u i lawe mai ai no na mile hele wawae elima mamua ae o ka aina kakahiaka. Lilelile ae la laua me he ula ala o ke alii iwaenakonu o na pua rose keokeo e maewa ana. He nui loa kona aka hene aku ia Iaba mamua ae o na la a pau mamua, aka, aole loa ia i haawi aku i kauwahi pua ia ia, i aku la ia. "E lili mai auanei ka Anela maikai" nana lakou i haawi mai na'u." He wahi manao iki paha kona, o ua Anela maikai la o Bob, Burena ia ke puhi upa makani. I ka auina la o ua Sabati nei waiho iho la au i kuu auwae maluna o ko'u mau poholima, a leha ae la au me ke ano palaka, ma ke kua o kona poo. Kai ka nani o kona papale! I ko'u ike ana ae oia no; ke noho la au me ka lia loku wale. "Heaha la ia ina paha e hiki mai kekahi uhane malamalama a awihi mai la la ia'u me he i ana la la, Robati hele mai" a hele aku la au, a hoopa mai la ia ia'u me ke kookoo, ia wa koke no he aahu nani loa ko'u i lilehie ai, a awihi hou aku la la i kekahi kaikamahine u-i loa, i ka i ana "Sara, o Hautona " ka hookani pila o ka luakini Piskapulu o Waimalie nei, hele mai, a hoo ia mai la la ka lima o ke kaikamahine iloko o ko'u, a i mai la ia maua e komo iloko o kekahi kaa kaua, a komo iho la mau a lawe ia aku la e na makani a me ka lio nona na hulu a-i e luhe ana, iloko o na ao kaalelewa, ia wa la ke nana ae nei na kanaka o Waimalie ia maua me ka eehia a me ka mahalo ana, a o ua mau Iaba nei kai noho maewaewa iho e hukihuki ana i ka lauoho me ka auwe wale ana!
Mahope iho o ko maua holo ana iloko o na ao, iho iho la maua i kekahi mokupuni nani i luluu wale i na laau e pala ana na hua alani nunui momona a me na uala maoli i hoomoaia, a me na hua Pekana, a o wau hoi ma ko'u ano Anela maikai, hoopiha iho la au i kekahi hinai nui i ua mau mea la a haawi aku ia ia.
Ke hoholo nei na hebedoma, a hiki mai la ka wa Haulelau, a ihoa la auanei e loaa ai ku'u mau pua, a hapuku wale mai la au i mau wahi lau palapalai, a ma ia hope iho nele loa iho la, a o ke oki no ia o ka'u mohai ana.
Ma kekahi mau Poaha ia Miss. Hautona e hookani ogana nei, a owau hoi ko upa makani ana; i ka wa ona e uku mai ai ia'u no ko'u pauma ogana ana, aole au i lawe iki, o kona hoomaikai wale no. A pela wale no a hiki i ka pau ana o ka hooilo, loaa iho la ia ia elua mau violeta a me ekolu mau korokusa keokeo, ka'u makana mua o ka manawa Kupulau, maluna o na papa ki o ka ogana.
I kekahi Sabati mai hoomakaukau iho la au i wahi makana maikai nana, ka mea i loaa ia'u i kuu hele ana i Auwai Kidene I ua kakahiaka nei, i ka wa aina kakahiaka i mai la kuu makuahine ia'u ma ke ano makaala.
"E Robe e hele koke ana oe ia Miss Hautona" "Nele ia ia! "Heaha kou manao e ka makuahine?" "Heaha, e ke keiki, aole anei oe i ike e mare ana kela." "Mare" Ae he oiaio! ua mareia ia Mr. Iaba ma ke kanawai, ua ike au iloko o na malama eono i hala ae nei.
O kuu makana maikai loa hele lohi wale aku la au i ka helepule, a ua like iho la au me kekahi mea i loaa ia ia i ka pilikia nui, ia ia i hoomaopopo ole ai i ka iliki ia ana mai.
Hele aku la au ma kahi o ka ogana a wehe ae la i ka oagana, a i ko'u manawa i waiho iho ai i na pua maluna o ka papa ki o ka ogana o ko lakou wai hooluu kai, ohaoha ae me na kulu kehau pu iloko — a he mau kulu waimaka paha —
He nehe ana o ke silika ka'u i lohe a i ko'u alawa ana ae, aia ka o Miss Hautona, e nana mai ana ke kaumaha, a me ka malie aohe nae hookae.
"Ooe ea, e Robe" wahi ana, ooe kuu Anela maikai no na pua. Aohe a'u mea e ekemu aku ai, aka, huli e ae la au, no ka mea, e nana mai ana kela ia'u me ka nohea a me ka ii wale, a akaka iho la ia'u, he oi aku ko iala ike mamua o ko'u i ke ano o ua mau pua nei.
"He makahiki ae nei a keu e Robe, a iloko oia kau a pau a me ke kupulau, ua waiho iho oe ia mau mea maanei. Kuhikuhi iho la oia i na pua. Ua lawe mai oe me ka oluolu loa, a me ka paulele nui, aole nae au i ike.
Huli aku la au ia ia, "E manaolana iho no oe, na kekahi mea e ae no i lawe mai." Hopuhopualulu wale ia a i mai la me ka hoohunahuna ole iho. Ua manaoio loa no hoi au, na - ua ike no oe. Aka, i kela Sabati aku nei, hoole mai la ia, aole nana, a i keia la, ua hele kino mai au e ike, nawai la ia, a o ka'u keia i ike iho nei, na Robe, he hoa'loha, ka mea a'u i mahele hapa ole iho ai i kona kumukuai.
I ka lohe ana no i ko ia la kapa ana mai ia'u he hoa'loha nona; hoopuehuia aku la na manao o hilahila o'u a me ka maka'u, a ua noho pu iho la maua. Aohe mea e ae maloko o ka halepule, o keia aala wale no o kakahiaka nui wale no kai kokomo mai ma na pukamakani, a me na manu e ulili ana ma na olepelepe.
Lawe ae la au i ka huhui pua a nonoi aku la au iaia e haawi mai na'u kekahi. Unuhi ae la kela i ka mea nui loa; a iaia i ahai ae ai io'u la, loaa mai la i kona maka na hua R.A.B, i kahakahaia ma ke au. Ia wa la, auhee wale