Ka Nupepa Kuokoa, Volume V, Number 50, 15 December 1866 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

@ KAMALII. Iloko o kekahi la o keia @aui ae nei, ua hai mai ke Kakauolelo Papa Hoonaauao ia makou, e paa ana Helu Kamalii iloko o keia mau la, no ka @a, na lawe ia aku i ona la ka buke mua i @ i ke paiia. A Ke lana nei ko makou manao, e pau ana ka hemahema o na kamalii no ia ano buke.

   HOOLILOIA I KAHUNAPULE. Iloko o ka nupepa a H. M. Wini o ka pule i hala ne nei, ua ike iho makou i ka hoolilo ia ana o Rev. WM. F. Kano. (Snow) ke keiki a Kapena Kano e noho mai nei ma Honolulu nei, i kahu no kekahi luakini hou ma Laureneke, Makekukeka. O ke kukulu ia ana mai nei no ka ia o ua luakini la, no ua keiki la i maa i na kaiaulu o Hawaii nei.

   HE KEU KA MAHAOI. Ia makou no e ulele ana i na hua kepau no ka kakou pepa ma ka a@a la Poaha iho nei, hoea mai ana kekahi poe ekolu, elua kane hookahi wahine, ua hele wale lakou a haimalule i ua ai maluhi nei he wai ona. I kuhi paha i ka hamama aka o ka puka o ka Halepai o Wini o ka puka o Halehai, o ia hele no au a ku nui ana i ka puka, a me ka olelo nui ana iho “aohe ka keia” aohe hoi i mea ia ‘ku, ua oki hoi e nanai poo puu nui ana. Ahu no hoi ka pala o ka miki ana mai. Ua oki nae hoi i ku ana i ka pali lele ana i ka ihe. O kahi wahine ka hoi o Kohala ka oi!

Hilahila ole.

   Mauka hoi o Hanaiakamalama’ malalo o na lau o ke koa, ua haawi ne ka Moi wahine kane make Emma Kaleleonalani he ahaaina hoomanao no ka la hanau o ke kane Moi hookahi e ola nei. Ua nui kona mau ai alo i luana pu ma kona papaaina, a he mau poe kekahi ma ke kaona nei i holo aku e hakilo i na hana a ua Moi wahine la, aka, ua hookipa oluolu loa ia mai lakou.

   Mahope iho o ka auina la, ua ike ia kekahi poe o ke kaona nei e hilala mai ana me he ano hehena la, aka ua haohao nae makou i kahi i loaa mai ai ia lakou ia wai hoauwana kino. I ke ahiahi loa ana he mau hakaka kekahi no loko mai no o ka ona. He mau hakaka ino loa nae ma ka i ke aku, no ka mea, ua hoohilahila kekahi o lakou ia lakou iho, aka ua mikiala koke mai no nae na kanaka o ke aupuni, a ua lawe ia aku maka hale hoopaa.

   KA HOOLEWA IA ANA O KE KINO KUPAPAU O HON. C. KAPAAKEA. Ma ka auina la o ka la Sabati iho nei, Dekemaba 9 e like me ka makou hoolaha ana, na lawe ia ae ke kino o Ka Mea Hanohano Kaisara Kapaakea maloko o ka luakini o Kawaihao, a malaila i hai mai ai o Rev. H. H. Pareku i ka haiolelo hoolewa i hoomakaukau ai, i mua a ka ohana o ka mea ipauaho mai i keia ola ana a me ke anaina holookoa e noho ana. Mamua ae o ka laweia ana mai o ka pahu kupapau iloko o ka luakini, ua komo e na poe hanohano, kanikela, kaukau alii a me na makaainana i komohia e ka nanu mokumokuohua a kaumaha, no no kela makua alii i hala e aku la i ka pali huna. I ke komo ana mai o ka pahu kupapau me na kahili e kiwelu ana ma kela a me keia aoao, ua pau na maka apau o ke anaina i ka nana, a o ka poe i komo loa aku iloko o ke kanikau ana, ua hooilihia ia mai lakou e na waimaka aloha alii, a ua hiki ole ia lakou ke hoike ne i ko lakou mau mak@ i hele a luuluu no ka hoomanao mau ana i ke ano a me ka noho ana oia makua alii.

   I ka waiho ana aku o ke kupapau mamua iho o ka awai, ua heluhelu koke mai ke Kahunapule i kekahi halelu i hoelilo ia ma ke ano himeni. A ia wa koke no ka puana nahenahe ana mai o ka Papa Himeni o Kawaiahao me na leo I hiki ole ia makou ke hoohalike ae, a ke olelo nei makou, o na huaolelo a pau i himeni ia, ua akaka loa a ua maopopo hoi i ka poe a pau i haawi aku i ko lakou mau pepeiao no ia mea. Mahope iho, ua heluhelu mai ke Kahunaaule i kekahi mau pauku o ka baibala i kupono no ka mea e waiho ana; a pau ia he pule iho, a he himeni hoolea iho i kupono wale no noia hana kaumaha. A i ke oki ana oia mau hana mua, ua hai mai ke Kahunapule i ke poolelo ma Ioane, mokuna II:25. Owau no ke ala hou ana, a me ke ola. Ua wehewehe mua mai ke Kahunapule no ko Adamu ma haule ana i loko o ka @ke mahope iho o ko laua malama pono ia ana e ka mea nana i hana, a he loihi aku kana mau mea i wehewehe mai, a iloko oia wa, ua heluhelu mai oia i kekahi mele no ka mea i hala e aku.

   A ua wehewehe mai oia no na mea pili kino i ua mukua la, no kona ano lokomaikai a aloha kanaka, a ua makemake nui ia oia e kekahi mau makaainana maia ano, Ua hanau ia ka mea i haalele mai ma Maui, a he manao e ae kekahi i pili loa aku ia ia.

   I k@pau ana o ka haiolelo, ua mele hou ia @ mele kupono no ka mea i make, a ua kapaia ua mele la. “Ka Aina Anoano.’ Ua like loa no ke mele ia ana me ka halelu i puana mua ia ka hele a like loa@ A i ka pau ana o ka pule hookuu ua lawe a aku ke kupapau maluna o ke k@u kupa@, a ma ke alanui Alii kahi i hoonoho@o ia ai o ka huakai e ka Mekia W. L. Moehonua. E like me ka hai ana o na palapala liilii pela no ka hooko ia ana. Ua lawe loa ia ma ka hale kupapau ohana ma Kewalo. Ua ukali ia ka huakai e na poe apau i komohia e ke aloha.

   UA MAU MAI KA PA ANA o ka makani puahiohio o Hoonolulu nei mai ka la Sabati mai a ka Poakahi, Poalua, Poakolu. He makani paha keia e hooholo kiki aku ana i na aumoku o kohola make kahua o ia.

   MAI PALUPALU. Ma ka po Poalua i hala ae nei, ua haule i ka lio kekahi Pake waiwai mai luna iho o kona lio i holo ai, a e loaa i ke kaa aku mahope, ina ua palupalu.

   HILAHILA NO HOI. Ma ka auina la o ka Poakolu i hala ae nei ua kalewa ae kekahi wahine Hawaii, ua hele a pulu i ka wai a Kanaulu, e lalau wale ana no ka olelo i o a ia nei.

   KA HELU ANA I NA KANAKA O HAWAII NEI. O ka po o ka la 7 o Dekemaba nei, ka po I hookaawaleia ai i po e hoopiha ai i na wahi hakahaka o ka pepa helu kanaka i haawi ia iho nei. Ua pau paha ko ke Kaona nei poe, aole paha, aka aia wale no paha ia i ka poe ohi mai. E puka ana paha ka huina houluulu o na kanaka mai Hawaii a Kauai ma ka malama o Ianuari, ke akaka lea mai ka maopopo o na hana i hookoia.

   AHAHUI PAIO O HONOLULU. Ua hai aku makou mamua iho nei, ua hookumu iho kekahi poe o ke kaona alii o Honolulu nei i ke kahi Ahahui. I ka hui hou ana i ka po o ka la 6 o keia malama, ua heluheluia ke Kumukanawai, a ua kapaia ua ahahui nei i kela inoa maluna. I ka halawai hou ana iho nei i ka po Poaha o keia pule, ua haawi ia ke kumu manao e paio ai, a penei no ia. ‘E hiki ana anei ke hooulu hou ia keia lahui?’ Ua hookaawaleia na alakai o kela ame keia aoao. E hoopaapaa ana ma ka la 27 o Dekemaba nei ma ke keena uuku o Kawaiahao ma ka hora 6 ½ o ia po. O ka poe a pau i komohia e na manao e anoi ana e hoomaamaa ia lakou iho ma ka kamailio ana, eia ka puka ke hamama nei. O ka poe a pau e makemake ana e ike a e lohe i na wehewehe ana no ka ulu hou ana o keia lahui a me ka ole paha, ua hiki no ke hoomuimuia malaila.

   KA LA HANAU O KA MOI KAPUAIWA MA HONOLULU NEI.  Ua malma loa ia ka la hanau o ka Moi ma Honolulu nei e na makaainana a me na haole, a ua pani ia na puka o na hale oihana aupuni.            Ua pani pu ia na puka o ka hale kuai ma ke awkea. Ua minamina nae makou i ke kaa ana o ka la hanau i ka wa hooilo o ka makahiki.            Ua kuehu mai na kauna lepo o Honolulu nei I na maka o ka poe e hauoli ana a e lealea ana. Ma ka hora 12 o ke awakea, ua ki ia mai he 21 pu mai ka puu mai o Puowima no ka hoomanao ana i ka la i hoohemo maikai ia mai ai ko kakou Moi mai ka opu alii mai o kona makuahine alii Kinau.

   Ua haawi ia he ahaaina ma Honolulu Hale, kahi e akoakoa nei na poo aupuni I kela a me keia la, a ua kono ia mai na maka hanohano a me na alii koa pualu o ke kaona nei e luana pu aku ma ia papa aina ma ke awakea. Malaila na kuhina kahi i ai pu ai, ke Kiaaina, ka Puuku Nui a me ka poe I poloai ia aku.

           UA PAU I KE AHI. Ma ka palapala i loaa mai nei ia makou, ua ike iho makou ua pau i ke ahi kekahi elemakule e ola ana ana no o Nuhi kona inoa maloko o kekahi wahi papai hale ma Wailuku, Maui. E noho hookahi wale ana no ia maloko o ua wahi hale nei, aka ia ia paha i moe ai, ua hoo mua kela i ka aila pipi paa iloko o kekahi poopoo pohaku me ka uwiki lole, ua ho a a ua a ua kukui la, a i kona pauhia loa ana i ka hiamoe, lele ae la paha ka huna ahi ma ka paia, a ia wa koke no, ka hoomaka koke ae la no ia o ke ahi i kana hana mainoino. He po makani ia ma Wailuku emoole apau ae la, ua lilo iho la ua wahi papai hale nei i hun@ hehi na ka wawae. Aloha ino ka mea i pau i ke ahi, a i make mainoino hoi iloko o ka lapalapa a ke ahi. He ku mamao loa no ka paha no kona wahi papai hale mai ka nui hale aku.

   UA HALA AKU LA O ASI. I ke awakea o nehinei, Dekemaba 14, ua hooko io ia ka hoopai, he make, maluna o keia pake nana i pepehi i ko kakou makamaka haole, oia o Jiure Kuakua. Maloko no o ka pa o ka hale paahao o Kawa i na makaainana a me na kanaka malihini, e ake ana o ka ike aku, aka, aohe i maopopo loa mai, a lawe ia aku la kona ola. Mamua ae o kona make ana, he mau la paha, ua komo pinepine aku na haipule oiaio o ka Makua Nui maluna iho, e kuhikuhi iaia ma ke ala e hiki aku ai i ke ola mau loa. Ua lohe mai makou ua mihi io oia, a ua palapala aku i kona makuahine a me kona ohana ma Kina, e hai aku ana, e make ana ia ma Hawaii nei no kona pepehi ana i kona haku hana. Ua papa ikaika aku ia i kona makuahine ina ia e make, mai hoomanamana ia no ka mea e make ana, e hoopau loa ia ano kahiko o lakou.

   I KEIA MAU LA IHO NAI I ike nui aku ai makou i ka pau nui ae o kekahi poe i ke pai kii. O ka pau no mai ka poe aoo a ka poe opio. He makahehi maoli paha e ake ana o ka paa o na wahi kii.

   KAAWAI HELU 1. Ma ka po Poakolu, i nala ae nei, oia hoi ka po i pau ai na hale elua ma Kewalo i ke ahi, a i ka holo ana o na kaawai e kinai, ua haule ke kaawai Helu 1 iloko o ka malualua, a ua manuheuia kekahi wahi.

   UA HOOLILI IA IHO NEI maluna o ke kuna Mere ka ipu hao mahu hou o ka mahiko o Kaalaea. Ke lana nei ka manao e hiki pono ana keia ipu hao ma kona wahi i kau nui ia ai.

   NO KA NUI LOA O KA MAKANI o keia mau la iho nei ua lohi loa, a ua panee mai ka holo ana o kekahi mau moku kuna o kakou nei. Elua la o ko Helen kau ana i ka hae, a i ke kolu o ka la akahi no a holo, a pela iho no kekahi mau kuna e iho.

   KA AHA HOOKOLOKOLO KAAPUNI O MAUI. Ua holo aku nei Ka Mea Hanohano Robata G. Davis e malama i keia Aha, a eia nae ka mea haohao loa i kekahi poe o ke kaona nei, o ka ike ole ia ana o na inoa o na Jure ma ka nupepa, aka, ua makaukau e no paha ka Hope
Hamuku malaila i ka hoolako ana i na jure.

   I KA PO POAKAHI IHO NEI, ua komo aku kekahi haole maloko o ka rumi pai o ka nupepa puka la, a i kona hoi ana, kuala aku la ia a kakaa ma na anuunuu o ke alapii. Hemo iho la nae kona kuka a waiho iho la no, aohe ona manao mai i ua kuka nei ona.

   HULI PAHA UANEI. Ua hai’a mai makou e W. S. Kiakona Pake, kekahi o na Pake noho halekuai, i ka ae ana o kekahi mau Pake waiwai o ke kulanakauhale o Honolulu nei, e hooikaika e imi i ka pono e ola ai na uhane o lakou. I na he oiaio ia, alaila, aole mea e hoka ai.

   WAHINE MUUMUU MAI KA OPU MAI O KONA MAKUAHINE. Eia ma ke kaona nei he wahi wahine muumuu pau pu na lima a me na wawae, Ua hanau ia oia ma Kona, Hawaii, a malaila oia i noho ai a mare i ke kane, a ke ola nei laua a elua. Ua hanau ia na laua eha paha mau keiki. Eia kahi mea kupanaha, me keia muumuu o na lima, ua hiki no ia ia ke hoo I ka lopi ma ke kui a humuhumu e like me ka wahine okoa, oiai na lima e okoa ana. Nana no e humuhumu i kona mau wahi kapa a me na kapa o kana wahi elemakule. O ke kua o kana wahi kane kona mau wawae e nee aku ai mai kona ipuka hale aku.

   HU NAHUNA MEA HOU O NA AINA E.

 

   LILO KA ENEKINI I KA PUPULE. E ku ana kekahi enekini kaa mahu ma ka hale kaa. Ua a ke ahi, a ua makaukau e holo, oiai aole I hiki mai ka hora e hoomaka ai ka holo ana, ua moe ka malama enekini me kona kokua iluna o ke kaa. I puoho ae ka hana o laua e holo ino ana ma ke alanui hao. Aole no i ku iki ke kaa ma kona wahi ku mau, kake aku ana, a weliweli ka holo hooponopono ole o ua kaa la. I nana ‘ku laua he malihini ka iluna o ke kaa e hooholo ana i ka ehekini. Oia hookokoke aku, huhu mai ana kela, aole i ae iki ia laua e lawelawe i ku malie ke kaa. Eia ka ua ona paha, ua pupule paha.

   Aole no he makau a koe o pau pu lakou i ka poino: aku noonoo ae la kekahi o laua hopu ana i ka apana lanahu pohaku a pehi aku la, pa ana i ke poo o ua pupule la. Kona huli mai no ia e hakaka, pa aku ana me ka hamare, moe ana i lalo ua kanaka la, a lilo ke kaa mahu i kona alii ponoi, a hoihoi aku la laua i ke kaa i ke kulanakauhale. Ua nui na mile o ka holo ana ia wa pokole. O ka inu mau i ka rama ka mea i pupule ai ua kolohe nei. Ka hana a ka poino!

   PEPEHI IA KA ONA O KA LIO HEIHEI. Ua hai ia mamua iho nei, ka make ana o kekahi kanaka heihei lio i ka poeleele loa ana o ka liula. Ua pepehi maoli ia no. A ma ia mau la no, ua hele ka mea nana kekahi lio heihei, I kakahiaka nui i ke ala heihei, e hooholo a hoowalea i kona lio. O kona kino kupapau nae ka i loaa i ka poe i hele aku. I ka huli ana, ua ki poka ia ma ke poo. Ekolu kaapuni ana o kona kaa ka i hoomaopopo ia ma ka meheu ma ka alanui, alaila ki poka ia e kekahi, a hoi kahu ole ka lio me ke kaa I ka hale hotele. Mai loko mai o ka pili dala ana keia kue a pepehi, no ke aha la, aole i ikeia.

   KUMUKUAI NUI. Ua lilo ka lio heihei “Kenetekuke” ia Jerome o Nu Ioka no na dala he $40.000.

   KULANUI. Ma Yale College Nu Havena, 686 haumana kahuina pau. Maloko o keia nui, 27 poe ao kahunapule, 23 ao loio, 31 ao ana i ka lapaau, 113 ma na mea hana akamai. Ma ke kulanui ponoi, (Collegiate Department) eha papa, ma ka papa mua (ka ha keia o ko lakou mau makahiki o ke ao ana) 100, ma ka papa eha (poe komo hou,) 149.

   PUALI KOA MAKAIKAI. E hele, makaikai ana ka milimili o Nu Ioka, ka Puali koa Ehiku, (7 ^th Regiment,) i Europa, i Ladana a me Paarisa. E hookipa ia paha lakou me ka hanohano, oiai ua hookaawale ia ona mau puu dala e ponoena, no na aina he nui wale.o ai ko lakou hele ana.

   E OKI NO HOI KA IRELANI. I ka ike mua ana o kekahi Irelani i ke kaa mahu; “Kahuhu, he moku inahu paha kela e imi wai ana i wahi e lana pono ai,” pela ua malihini nei. A penei kekahi mau Irelani; “Ea, e Mika e, e hele ana oe i hea.” “O Pateri oe, ea?” pela mai ana keia. “Aole paha owau o Pateri.” “Aole, ea, aole no hoi au o Mika, eia ka aole o kaua keia, he mau mea e ae wale no e kamailio nei.”

   MAI HEA MAI KA PALAOA HUA NUI CAPS.  No Enelani no kekahi hapa, aka ua nui loa ka loaa mai na aina kuwaho. O keia palaoa ma na aina e, hookahi hapaha no Rusia, hookahi hapaha no Keremania, hookahi hapaha no Farani. O ke koena, no na aina he nui wale.

   MA KAPALAKIKO. Ua pilikia na kalepa o laila no ka lawe ia o na gula ma na aina e.

   E kukuukuia ana i alanui hao kaa mahu mai Kaleponia a i Oregona.

   Ua lilo ma Kapalakiko iloko o keia makahiki $1,000.000 no ka hana alanui o ke kulanakauhale. O ka loa o na alanui pili pa a hanaia, ua umi mile ka huina loa.

   O ka auhau waiwai paa ma Kapalakiko, $3.00 ma ka $100.

   Iliki hou no ka Perusia i ka imi I wahi e holo ai ka hana ma ke ki pu ana. Mamua iho nei, ma ke kiko malalo e uu mai ai, alaila kani, I keia wa mai nei, aia no mahope o ka pu ke kumu o ke kuikele, aia no a komi mai I ke kumu o ka pu I ka poohiwi alaila kani. O ka hoolale kaua hou mai aohe nao o kahi aoao I ka papaa.

 

Na Mea Hou o Wailuku i Maui

 

NO NA WILIKO. Ke hoomau nei no kekahi mau wili i ka lakou hana o ka nau okaooka i na pua ko puaole. A o ka wili mahu a Henry Conwell, ke hoomaha nei, ekolu pule e hoomaha ai. A ke paahana nei na kanaka ma ke ko ulu hou, a o kekahi poe kanaka ua pau iika haalele i ka pipi o ka pau. A o ka poe hoi i hele a ku pai hana ka haawe, o ua mea he aie, e moe kau ana no lakou a moe hooilo hoi, pa no ka ia la, kani no kaia la aka iki.

   Ua hoomoeia ka ahaaina lulu dala luakini no ke omaimai o na kanaka, aia ola like mai na hoa kaau o ua lai nei, alaila hoomakaia, ia manawa hoi e hookala ai na kobala a ka poe mea Kobala.

   ELUA KULA HIMENI MA NAWAIEHA NEI. Ma Wailuku a ma Waikapu kahi I kukuluia keia mau kula himeni, a me kemele ana ma na leo kani kapalili honehone. Aole nae I hookauia ka ina Generala maluna o lakou, o ka inoa obala wale no, (oia keia ua ponopono iki). Me ke aloha no.                  JOSIA KULUWAILEHUA. Waikapu Maui, Nov. 29; 1866.

 

MARE.

 

   PAUU-KAMAKA-Ma Honolulu, Dec. 14, mareia e Rev. H. H. Pareka o Pauu k, me Kamaka w. No Honolulu nei laua.

   KAIAKEA-KUAMOO-Ma Honolulu, Nov. 30, mareia e Rev. H. H. Pareka o Kaiakea k. me Kuamoo w. No Kaupo, Maui, laua.

   KAHAI-MARIA-Ma Honolulu, Dec. 1, mareia e Rev. H. H. Pareka o J. Kahai k. me Maria w.

   KAMOKUIKI-ATONI Ma Makawao, Oct. 8, mareia e Rev. S. P. Gerina o Kamokuiki k. me Atoni w. No Hamakualoa, Hawaii, laua.

   MOKUULA-HOOKANO-Ma Makawao, Oct.17, mareia e Rev. S. P. Galuna o Mokuula k. me Hookano w. No Hamakualoa, Hawaii, laua.

 

HANAU.

 

   Dec. 13, ma Kunawai Honolulu, hanau o Kuauh@k@na Kuauli me Ioane.

 

MAKE.

 

   Dec. 13, ma Kaumakapili, Oahu, make o Mrs. Kahela Kapohaku, ka wahine a Rev. P. Kapohaku.

   Nov. 25, make o Ha@mo k.

   Nov. 19, make o K@helelau w.

   Dec. 4, make o Kaopu w.

   Elua make no Kawaihae uka.

   Ekolu make no Waimea.

   Hookala make no Puako.

   9 ka huina o ka poe make ma ka apana o Kohala Hema.

   Nov. 24, ma Kamanuwai Honolulu, make o Kamae w.

   Nov. 27, maKa@ha@ula Kohala, make o Aluli w.

   Nov. 25, ma Halehaku, Hamakualoa, Maui, make o Hulihia k.

   Dec. 2, ma Halehaku, Hamakualoa, Maui, make o Pelekauakalani he eleku.

 

Lio Nalowale

 

  UA NALOWA HE LIO HULU IO           le mai k@hi aku o ka mea @ua ka inoa malalo nei. Nolaila ke nei aku nei au I ka mea a mau mea paha e loaa ai kuu lio, e hoihoi mai ma ko’u hale ma ka Uapo o Wailuku, Hilo, Hawaii, a e ukuia no ma ka uku kupono.   L. W. KAAINOA. 263-lt@

 

OLELO HOOLAHA.

 

   UA HOOKOHUIA O J. O. DAVIS KEKahi o na Lunahooponopono Waiwai a I Ka@ no na keiki a Kawa@ aku nei. Nolaila @ a pau I @ I ka waiwai @ ke kau ole ia ka inoa o J. O. Davis (K@ o Waialua, Oahu.  J. O. Davis. Waialua, Oahu, Dec. 15, 1866.   263@

 

Lio Nalowale!

 

   E IKE AUANEI NA MEA A PAU, Owau @ ka mea @ na ka inoa malalo nei, ke @ha aku nei au @ nalowale, e ke ano a me ka h@ . Ina o ka mea a mau mea paha e loaa ai keia ho, e hoihoi mai no a loaa wau ma K@a, e hiki no ia’u ke uku aku I $5.00 I ka mea e hoihoi pololei mai ana a loaa wau. O kekahi mea I hele pa ai o ua l@ nei, he kaulawaha, ina e @ mea I haiia ae la malu@, ua pono no ke la we mai me @a mea.  Na D LENA Kaop@, Honolulu, Dec. 12, 18@6.  263-lt*

 

OLELO HOOLAHA.

 

KEPAPAIUKU NEI NA MEA A pau, mai @ wahine mareia.

 

KELIIPAAHANA.

 

   No ka mea, ua haalele mai oia ia’u me ke kumu ole, a ina @ kou e hoole ia ia, me oukou @o ko oukou poho. Owau no @  Honolulu, Dec. 10, 1866   263 lt*

 

Na Luna o ka Nupepa Kuokoa

no ka M. H. 1867

 

NO HAWAII HIKINA

 

Laupahoehoe,                                                  Hanaioa.

Hakalau,                                                          Rev. T. Pohano.

Kaupakuea,                                                     Gilbert Waller Esq.

                                                                        {S. L. Austin Esq.

Onomea,                                                          {Rev. Pahio Kaapa.

                                                                        {Hanai,

                                                                        {Rev. D. B. Laiimana,

Waiakea Hilo,                                                 {Rev. T. Koana,

                                                                        {Kauka C. C. Wetemore.

                                                                        {Makuakane,

                                                                        {Kama.

Puna,                                                               {L. Kaina Esq.

                                                                        {Barenaba.

Kapaliiuka, Kau,                                             Rev. J. Kauhane.

Waiohinu, Kau,                                               W. Toma Matini Esq/

 

NO HAWAII KOMOHANA

 

Kapalilua, Kona,                                             Rev. S. W. Papaula.

Kaawaloa Kona,                                             Rev. J. D. Parisa.

Helani, Kona A.,                                             Rev. J. W. Kupakee.

Kailua, Kona A.,                                             Rev. G. W. Pilipo.

Kohala Akau,                                                  Rev. E. Bona.

Kohala, K.,                                                      Rev. S. C. Luhiau.

Kohala Hema,                                                 Rev. A. Pali.

Waimea,                                                          Rev. L. Laiana.

Hamakua K.,                                                   Rev. S. Kukahekahe.

   “       Hikina,                                            S. Kamelamela.

   “       Waena,                                           D. Kaanehe.

 

NO MAUI.

 

Lahaina,                                                          Rev. D. Baluwina.

Lahainaluna,                                                    Rev. S. E. Bihopa.

Wailuku,                                                          W. P. Kahale Esq.

Honuaula,                                                        Rev. H. Manase.

Kaupo,                                                                        Rev. P. W. Kaawa.

Kipahulu,                                                        Rev. D Puhi.

Hana,                                                               “       “

Keanae,                                                           Rev. S. Kamakahiki.

Makawao,                                                       Rev. J. P. Gerina.

Haiku,                                                             P. Nui.

Kaanapali,                                                       Rev. J. H. Moku.

 

NO MOLOKAI.

 

Kaluaaha,                                                        Rev. A. O. Forebe.

Halawa,                                                           Rev. S. W. Nueku.

 

NO LANAI.

 

                                                                        Rev. N. Pali.

 

NO KAUAI.

Waioli,                                                             Rev. E. Ioane.

Anahola,                                                          Rev. E. Helekunihi.

Koloa,                                                             Rev. J. W. Kamika.

Lihue,                                                              Paulo Isenberg Esq.

Waimea,                                                          J. Kauai Esq.

Hanapepe,                                                       “     “

Niihau,                                                                        D. S. Kupahu.

 

NO OAHU.

 

Wailupe,                                                          S. N. Holokahi.

                                                                        { Rev. S. Waiwaiole,

Waimanalo,                                                     { me Kane.

                                                                        { Rev. B. W. Paleka,

Kaneohe,                                                         { Lena.

 

Waikane,                                                         Rev. Z. Poli,

Punaluu,                                                          Kaaimanu,

Hauula,                                                            G. B. Ukeke

                                                                        { Rev. J. S. Emekona,

Waiaula,                                                          { Rev. M. Kuaea,

Mokuleia,                                                        S. N. Emekona,

 

Waianae,                                                         { Rev. A. Kaoliko,

                                                                        { Kalino.

 

Ewa,                                                                { Rev. J. Bikanele,

                                                                        { Kaeku.

 

OLELO HOOLAHA

 

   EIA MA KA PA AUPUNI MA Heeia, Koolaupoko na lio helehewa mai hoi e hookomo. Ke ano a me ka hao malalo nei.

   Lio kane keokeo hao ano e.

   Lio wahine eleele hao k.

   Lio kane ulaula hao 3.

   Piula kane hao ano e.

Ina aole oukou e k@i mai a hala na la he 15, e hiki no ia’u ke kudala aku ma ke akea ke hiki aku I ka la 18 o Dekemaba, oia ka Poalua o keia pule aku, hora 12 o ke awakea o ia la. E hele mai oukou ia la me ka makaukau, mai lohi a kanalua, o haia ka wa pono, hele oukou I na h@ maikai e peki mau ai I ke kula o Paaioi.   P. KAHUHU, Luna Pa Aupuni. Heeia, Koolaupoko.   @

 

KUPANAHA!

 

   WAHI MEA KUPANAHA LOA AOHE @ ia mamua ma Honolulu nei, eia ma ka HALEKUAI o C. F. PULUKA.  262-tf    Alanui Papu.

ALAPIA ELEELE MAIKAI LOA

Ma ka Halekuai o

C. F. PULUKA.

262-tf.                  Alanui Papu.

 

OLELO HOOLAHA.

 

OWAU O KA MEA NONA KA INOA MAlalo nei, ke kahea hou aku nei au @kou e na wahine puni NU HOU, ua mau @ au e kuai pu me @ i na lole Kalakala maikai loa i keia wa ma MONIKAHAAE, mauka @ Haleakala  Owau @   J. FISHER. Honolulu, Dec. 5, 1@  262-@

 

Olelo Hoolaha

A KA LUNAAUHAU.

 

KE HA@A AKU NEI I KA POE HOOKAA Auhau o ka Apana @ Oahu, ua w@ ka mea @ AIENUI” ma ke Alanui Marine, ma keia e ku @ ai me ka PAUKU 303 o ke K@wai Kivila, a nolaila, o ka poe a pau i ku i ka AUHAU, ke koi ia aku nei lakou e hookaa koke ma@ mau mea.

   E hamama mau no ke Keena I kela a me keia POAKAHI. POAKOLU, a me ka POAONO, mai ka hora 9 kakahiaka a @ ka hora @ o ke ahiahi.  G@ H. LUCK.  @ Lunaauhau o Honolulu.

 

He Kaa Lio ukana Kuai.

 

HOOKAHI KAA LIO ME NA @, e kuai ia aku no I ka poe @ mai e.  W. N. LADD (NUKA).

Hal@ Mea Hao, Nov. 13, 1866            2@-4t

 

OLELO HOOLAHA.

 

E IKE AUANEI OUKOU E NA Kanaka a pau, Owau o KEONIANA, he kane mare a

Mrs. KAHELE.

Ua @ lele k@ ole mai eia @ na hele a@u ola mamuli @ kona manao, no@ , mua aku nei au @ o oukou, @ aole au e hookaa i kona aie. A ina @ mai me a’u, e hoi mai @.  D. W. KEONIANA.

Honolulu, Nov. 25, 1866.   @

 

KAUKA LAPAAU.

Dr. Kennedy (Kenede) kona inoa.

AIA NO KONA HALE KAUKA MA

ke Alanui Papu, @

HALE AUPUNI.

@           @

 

Kauka Lapaau!

O

1. @. BUFFUM

@ KONA INOA.

 

AIA NO ONA HALE KAUKA MA KOna hale no, o ALDRICH HALE ma Alanui Papu, Honolulu.    @

 

He Peahi Nalowale!

 

MA KA EALE POHAKU HOU, I KE AHIahi Poaha o ka @ Pearl K@ Keo@ Kakela @ Kuke ma @  Nov. 21, @       @

 

Wahine haalele kane.

 

O KUU WAHINE MARE O MERE Ane Graham, @ wahi moe a me ka’u papa@ no me ke kumu ku@ole  Ke papa @ me ka @  WILLIAM GRAHAM  Kohala, Hawaii Nov. 1@

 

HANAKAAO O NA ANO APAU.

 

   UA MAKAUKAU AI MA KO’U HALE @ KAA ma AINA HOU, e hana I @ o na ano a pau. Na Kaa @ pau @ kela ano keia ano, a me na mea @ a pau @ hana. Nolaila, la oukou e na makamaka mea Kaa, e ike @ hookanaka.  WILLIAM AULD @LAMA@

Honolulu, Sept. 20, 18@    

 

OLELO HOOLAHA.

 

KE HOIKE AKU NEI AU MA KE IKEA, ua koho ia mai ka mea @ malalo iho nei he @ Hakaleleponi Kapakuhaili a me Hon. C. K@naina. Honolulu.  W. CLAUDE JONES 260 @   

 

I KA POE MAHI

PULUPULU!

 

E KUAI NO AU I KA

PULUPULU SI AILANA

 

I kelamanawa keia manawa

 

A PAU MA KA UKU MAKEPONO LOA.

E lawe mai ma kuu Keena Pulupulu ma

HONOLULU NEI.

H. M. WINI   Honolulu, Nov. 10, 1866    @

 

J. W. KEAWEHUNAHALA.

Loio!   Loio!!

 

O KA POE MAKEMAKE I LOIO E KOkua ma ka Hoopii ana, a pale ana ma ke Kanawai Imua o o na Aha Hookolokolo o keia Aupuni, e @ koke I ka mea nona ka inoa e kau ae la maluna I a e loaa no oia ma kona HAale no hoi

Kikihale,

ma uka o kah@ J KAHAI Esqr. @ loaa no ma ka Hale Hookolokolo I Honolulu, Oahu.

Honolulu, Feb. 9, 1866.          219-@

 

E HAALELE ANA KA

Moku Ahi

“KILAUEA”

Ia Honolulu I kela Poakahi keia

Poakahi.

Ma ka Hora 4 ½ ponoi, (a hiki I ka wa e hai hou ia ku ai.) Ae holo ana i

KONA, HAWAII,

A me na Awa ku moku malalo iho nei

                                          LAHAINA,

                                                      KALEPOLEPO,

                                                                  KAWAIHAE,

                                                                              KAILUA,

                                                                                          KEALAKEKUA.

 

Ma ka hoi ana mai, e haalele ana ia

KEALAKEKUA & KAILUA, ma ka Poakolu.

KAWAIHAE, ma ka po Poaha.,

KALEPOLEPO, ma kakahiaka Poalima.

LAHAINA, ma ka po Poalima.

 

WALKER, ALLEN & Co.

238-tf           NA EGINI.

 

Halekuai Mea ai! Halekuai Mea ai!

 

Ma ka Hale Unihiepa ma Alanui Papu.

UA HOOMAIKAI IHO NEI KA mea @ malalo nei I ke K@ HALEKUAI MEA AI, @ pa ana mai I na kanaka ma @ kalepa ana @ o ka hoolako mau I na mea maikai loa a @             OIA HOI KEIA MALALO IHO

AILA,

      PALAOA,

PALENA,

KOPAA,

            PALENA LULU,

                        LAIKI,

                                    PIA

   KOLU HOOLULU LOLE,

            KAMANO,

                        UWIKI KUKUI,

                                    MEA ONO,

                                                KULINA,

                                                            BALE,

   ILI PALAOA AI I KA LIO, &C.

 

K@ ana mau Kakakolelo i makaukau no ke kuai aku me na makamaka, mai ka hora 6 o ke kakahiaka a hiki I ka hora 7 o ke ahiahi.  M@. KAKAI (A. D. CARTWRIGHT)

Honolulu.   @