Ka Nupepa Kuokoa, Volume VI, Number 1, 5 January 1867 — Ka Nupepa Kuokoa. Mele Kahiko. [ARTICLE]

Ka Nupepa Kuokoa.

Mele Kahiko.

Eia he weliweli nei he malu eehia ia oe, O oe ana ia e Honopu e na hoa wili lau ala, Hoa kaana pali o Kalalau. Ka lalau mai ana he hoa lau lima, He hoa o kaai haa ilaila, Powa wale kauko Puna e, E aina nei e ke 'kua, Kaia eia na lehua. Ale ka luna Waialele, Nonohe na lehua makanoe, Kokolo mai e hoa loha nei.— Aloha wale ka haanawali, E haa neie ka makani, Uli ka ili o Keokiuli, I ka nahua e ka ipo lailai, Pa hoanoano kilihaa ninia, He lau ka ieie i ka malie, He moe ino na Akua, O Heeia ua pao mai la, Ua kahuli haa i ka la. Oni ku iluna Kalani he kane he wahine. I honia kaukama nei, O na kamaaina pa 'e, Kai paweo ia e ka ua, O ke kama akahi o Kahalahili, Hili ka moena e Manoniula, Koekoe wai ku henua, Lau maewaewa kili haa le'a i ka malie, Malie ua lai o Awalau, Lai ke kaha o Malauea nei,— He hookaha na akua, He maka eehia i ka lehua, Lei o ke ahi a Kawelo i na hakina pua awa, Awa momokihana i ka nahele, I ahai na e ka manu iluna, Kupu i ke one lau ohia, — Ka awa 'ka manu i ahai— Ua kupu iluna o ka lehua. (Aole i pau.)