Ka Nupepa Kuokoa, Volume VI, Number 5, 2 February 1867 — Page 2
KE KUOKOA. HONOLULU, FEBERUARI 2. 1867.
pane ana i keia mau huaolelo, komo koke ae la ia i o He remione la e hai aku ai i ka mea a Paulina i kamailio mai ai ia ia
I ko ka Moi wahine lohe ana, hauoli loa iho la ia no ka loaa ana o Paulina ka mea nana e lawe aku i ke keiki imua o ka Moi. No ka mea, ua hopohopo e wale iho no ia i ka loaa ole o ka mea kupono e koa imua o ka Moi ma ka lawe ana i ke keiki imua ona.
Nolaila haawi ia mai la ke keiki iloko o ka Paulina malama ana, a lawe ae la ia i ke keiki opiopio hanau hou imua o ka Moi, kona makuakane hoi, a waiho iho la ma kona mau kapuai. Pane koke aku la o Paulina me ka wiwo ole imua o ka Moi, no ko Heremione hewa ole, a e hookuu ia oia mai ka halepaahao ae, - A he mau huaolelo hoeha no kona i pane aku ai i ka Moi no kona hana kupono ole i ka Moi wahine. Aole i pau.
En glish Column.
From the P.C. Advertiser Extra, Jan 28.
Three Days Later News.
Impeachment of the President.
The British bark Atrevida, Bissell, 16 days from San Francisco, arrived off the port Saturday noon, came inside, and sailed again for Hongkong on Sunday morning.
No regular mail was received by her, but a few papers for Messrs. Aldrich, Merrill & Co., with dates to January 9th, three days later than our previous advices.
The bark Comet was to leave San Francisco about January 20th, and will be due here Saturday or Sunday next with the Eastern mail of Dec. 20th.
The most important item of news by this arrival is the proposed impeachment of President Johnson by Congress, as will be seen by the following telegrams:
In the House, Mr. Loan of Missouri offered a resolution, in substance that, in order to secure the fruits of the victories gamed during the war, it is the imperative duty of the Thirty-ninth Congress, without delay, to accomplish the following objects.
First - The impeachment of the officer now exercising the functions of President of the United States and his removal from office, for high crimes and misdemeanors which he is notoriously guilty of, and which render him unsafe to exercise the powers he has unlawfully assumed.
Second - To provide for the administration of the Executive Department.
Third - To provide means for the immediate reconstruction of the States lately in rebellion, except Tennessee.
Fourth - To secure by Federal authority the right of franchise of negroes in the Southern States.
Mr. Loan's resolution created great excitement.
Mr. Davis moved to lay it on the table, which motion was negatived by a vote of 10 to 103.
Immediately Mr. Ashly of Ohio arose and asked, a question of privilege, that the Clerk by allowed to read the following.
I do impeach Andrew Johnson, Vice president and acting President of the United States, of high crimes and misdemeanors; I charge him with unsurpation of power and a violation of law, in that he has corruptly abused the appointing power; in that he has corruptly disposed of public property of the United States; in that he has corruptly interfered in the elections, and committed acts, and conspired with others to commit acts, which, in the contemplation of the constitution, are high crimes and misdemeanors; therefore be it.
Resolved. That the Judiciary Committee be and herby are authorized to inquire into the office I conduct of Andrew Johnson, Vice President, now discharging the powers and duties of President of the United States, and report to this House whether in their opinion and said Andrew Johnson, while in said office, has been guilty of acts of corrupt administrations of the Government of the United States, or any department of office thereof, and whether said Johnson has been guilty of any act, or conspired with others to do acts which, in contemplation of the Constitution, are high crimes, requiring the interposition of the Constitutional powers of the House of Representatives; that said Committee have power to send for persons and papers, and to administer the customary oaths.
Mr. Spaulding moved to lay the resolution on the table, which was negatived by a vote of 36 ayes to 109 noes.
The resolution was adopted.
On the 8th the following action is reported as having taken place.
The House Judiciary Committee this morning had under consideration of Ashley's impeachment resolution, and decided to proceed with the investigation, and summoned Ashely (of Ohio) to come before them to-morrow morning.
Vet of the Suffrage Bill.
WA SHINGTON, January 7. - The President has returned the District Suffrage Bill to the Senate, with a veto message based on the ground that the majority of the people of the District are opposed to it, and a want of capacity in the persons upon whom the elective privilege is proposed to be conferred. On the 8th, the House passed the above bill over the veto by a vote of 113 to 38, and it will probably become a law.
Gen. Grant on the Veto.
WA SHINGTON, January 7. - THe statement that Gen. Grant approves of the President's veto of the Franchise Bill is untrue. He told the Arkansas delegation to go home and pass the Constitutional Amendement, and to pass a bill granting universal suffrage.
NU HOU KUWAHO.
Na kekahi moku Pe rekane, o Atererida ka inoa, nana i lawe mai i kekahi mau hunahuna mea hou a hiki i ka la 9 o Ianuari. Eia wale no ka mea ano nui, o ka
Hoomakaukau ana o ka Ahaolelo
E hookolokolo i ka Pere sidena
o Amerika Huipuia.
I ka la 7 o Ianuari, ua waiho ia mamua o ka Ahaolelo e kekahi lala no Misouri, i keia olelo hooholo:
"I mea e mau ai na pono a me na hua maikai a pau i loaa mai iloko o ka hoomanawanui a me ka lanakila ana o keia kaua i pau iho nei, e pono i keia Ahaolelo, oia ke Kanakolukumamaiwa, e imi me ka hoololohi ole i mea e ko ai keia mau hana.
Akahi. — O ka hoopii a me ka hookolokolo ana i ka mea e noho Peresidena nei ma keia Amerika Huipuia, a me ke kapae ana ia ia mai kana ohana aku, no na Karaima nui a me na hewa (misdemeanors) i maopopo loa ua pili i kana hana, oiai, no ia mau hewa ona, ua aneane poino ke Aupuni, a no kona hapai ana i na pono i pili ole iaia.
Alua. — O ka imi ana i mea iaia e haawi ai i na hana o ka Oihana Hooko. (Oia ka ka Peresidena)
Akolu—O ka imi ana i mea e hoihoi koke ai i na Mokuaina i kipi iho nei, ma ko lakou ano Mokuaina, a i ko lakou kuleana pono iloko o ke Aupuni.
Aha.—E imi ma ka mana o ke Aupuni Holookoa, e hooko ai i ka mana koho balota i na negero ma na Mokuaina Hema."
O keia olelo hooholo, ua hoopaapaa nui ia. Noi o Mr. Davisa e hoomoe ma ka papa. Hoole koke ia e na hoole he 103, a ua ae he 40 wale no.
Mahope hooholoia, he 106 i ae, he 36 hoi i hoole. "E ninau pono ke Komite Hookolokolo i keia Hale i na hana a Aneru Ioanesana, o ka mea e noho Peresidena nei ma Amerika Huipuia, i hana ai ma na mea i pili ai i kana oihana, a e hoike mai imua o keia Hale, ina paha ua hewa kela ma kekahi ano Karaima e kupono ai i keia Hale Luna Makaainana, e hookolokolo ma ka mana i haawiia, e ke Kumukanawai."
I kekahi la ae, ua hoomaka ua Komite Hookolokolo la i ka ninau ana i na hoike no keia hoomakaukau hookolokolo nui.
Ua hooholo ka Ahaolelo i Kanawai e haawi like ana i ke koho balota i na ilieleele a me na ilikeokeo ma ka Okana o Kolumebin. (aia malaila o Wasinetona) Aka, ua kau mai ka hoole o ka Peresidena, me ka olelo ana, aole kupono kela kanawai i ka manao o ka hapanui o na kanaka o ua wahi la. I ka hoihoiia'na nae i ka Ahaolelo o ua Bila Kanawai la, a hoohelo koke lakou ma ka elua hapakolu a keu aku (113 i ka 38) a lilo koke no i kanawai.
Ua hookohu ka Pope i eha mau Bihopa Hou ma Amerika Huipuia.
Ua laha ka mai kolela ma na Mokupuni o Inia Komohana, e kokoke ana i Kuba. (Aole no i maopopo ka hiki mai o kekahi lihi o ua mai la iwaena o kakou nei. Nolaila, e makaala, mai hookapulu i ka malama ana i na pa hale, e hoomaemae i ole e waiho mai kekahi koena hauna).
E hanaia'na kekahi mau moku mahu ano hou. Aole na ka huila e kakaa ana iloko o ke kai ka hana ana ma ko lakou ano hoe e like me na moku e hana ia nei. Eia ka hana o na enekini o ua ano moku la, e omo mai i ka wai o ke kai pahu mamua a komo iloko o ka moku, alaila, u hookiki i ua wai la mahope maloko o ka ili-kai. O ka hookiki nui ana o keia wai mahope, o ka mea ia e holo ai o ka moku imua. Aia ka huila nui maloko o ka moku, e kope mai ai ka wai mai mua mai, a hookiki ikaika aku i hope. Ua manao ia ua oi ka pono o keia ano moku, no ka mea, aole he nui loa o ka lilo i ka lanahu e like me na enekini huila hoe. A eia kekahi, na ua wai hookiki nei e hookakaa, ka holo ana o ka moku ma ke ano hoe uli. Ina e hookiki ma kekahi aoao, huli no ka ihu o ka moku ma ia aoao, a pela no ma kela aoao.
Ma ka Hale Hoikeike i na mea a pau o ka honua nei ma Parisa, ua hookaawaleia elua keena no Hawaii nei. E wiki a e haawi i ka oukou mau mea hoikeike i ke Kuhina o ko na Aina e, a nana e hooili uku ole i Parisa. O na mea maikai a pau i hanaia ma Hawaii nei, ua makemakeia no, no keia Hoikeike Nui.
Ma Kikago, ua puka pono kela eli pao ana malalo o ka Loko Wai Mikikana, i oleloia iho nei e makou mamua. Mai na welau elua ka eli pao ana. a ua hui iho nei mawaena. Elua mile ka loa o kahi i eli ia — a hookahi mile mai ka aina aku, a hookahi mile mai kahi i hana lua ia iwaho iwaena o ka loko, a hui ia mau eli ana elua a i hookahi auwai malalo o ka honua. O ke kumu hoi o keia eli ana, i kahe ka wai maemae a lepo ole mai waena o ka lokowai a iloko o ke kulanakauhale, oiai ua ino ka wai e pili ana i kapa o ka loko i ka lepo o ke kulanakauhale.
O ka mea e maopopo ai ke akamai o ka poe nana i ana i keia eli ana, a hoopololei, oia o ka hui maikai ana; — hookahi wale no iniha ke kau iluna o ka papa hele o kekahi eli ana, malana ae o kekahi, aole no he wa a like loa. A ma ka hoopololei aoao ana, he 9 iniha kai hala ae o kekahi ana ana, a eli ana mai waho mai. I ka eli ana mai ka aina aku, oia kai kekee iki ae, aole hui pololei loa.
I ka wa i kokoke ai e hui keia mau eli ana, ua lohe ia ke kui ana o ua kipikua mai kekahi a i kekahi; a elua no kapuai i koe o ka hana ana, iho mai ana na luna o ke kulanakauhale me kekahi poe e ae ma na aoao elua, a ku mai la lakou e hoonani i ka hookui ana o na auwai.
KA LUNA HOOPONOPONO, - - L.H. KULIKA.
NA HOPE LUNA HOOPONOPONO. {J. KUA.
{J. KAWAINUI.
POE HAKU MANAO NO KE KUOKOA.
C.J. Laiana. (Lyons) S.M. Kamakau.
Rev. M. Kuaea. Rev. C.B. Anelu. (Andrews.)
G.W. Kanuha,
(Oniula.) D. Malo,
Rev.L. Laiana (Lyons) (Lokoino.)
Ka Nupepa Kuokoa.
HONOLULU, FEBERUARI 2. 1867.
I ka poe Jiure e akoakoa ana ma Waimea, Hawaii.
Iloko o ka malama o Novemaba i hala ae nei, ua make kekahi haole elemakule ma Kona, ma ko oukou mokupuni, i ka pepehi ia, a ua puhi ia ka hale i ke ahi, a oia no kekahi maloko a pau pu i ke ahi. Me he la ua pii i ka lani ka uahi o keia hana ano diabolo. Ke kau la maluna o kela mokupuni ke kaulana ino a me ka inoa ino o keia hana.
E kukulu ia'na ka Aha Jiure ma Waimea i ka la 7 o Feberuari. Imua o oukou e ka poe Jiure, e wehewehe ia ana ka hewa a me ka hewa ole o ka poe i manao ia na lakou keia hana. Ke hai nei makou ke hopohopo nei ko makou manao; elua mea e hopohopo ai. O makau ka poe hoike, a hoike ole i ka lakou mea i ike ai.
O puni auanei ka poe jiure i na olelo a ka loio, a i ke aloha paha i ka mea i hoopii ia, a hookuu lakou iaia, a ia lakou paha, me ka ike pono paha i ka hewa, aka, no ke aloha paha, a no kekahi mea e ae paha, nolaila, e hookuu.
No ka mea, ua hookuu kekahi poe jiure haole i ka hoa haole o lakou, a nolaila, ke manao nei kekahi mau jiure Hawaii e hookuu i ko lakou hou Hawaii.
Aka, eia ka makou; — Aole ia he mea e kala ai i ko oukou hewa he hookuu oukou i ka mea i maopopo ua hewa. Aia no iloko o ko oukou poho lima ka maluhia a me ka maluhia ole o ka aina. Ina e hookuu ia ka mea i hewa, a maopopo ka hewa, o ko oukou ola no kekahi i maopopo ole ka malu ma keia hope aku, a e ili aaunei iluna o oukou ke koko o na mea e pepehi wale ia, no ka huhu liilii o kanaka.
Aole ia oukou ka nana aloha ana i ka mea i hoopii ia. Na ka Lunakanawai a me ka Moi kela hana o ke kala i ka hewa. Eia ka oukou, o ka hai pololei imua o ke Akua Nui . — Ua hewa anei? aole? Oia ka oukou e hai ai e like me ka mea i hoikeia imua o oukou, a na hai ka hoomama ana paha i ka hoopai ana ma ke ano o ke kanawai.
Nolaila e hookanaka, e hana hoi me ka oiaio, a me ka manaoio. Mai makau i kanaka, mai hoomaewaewa, a o ke Akua Nui pu me oukou.
NU HOU KULOKO.
Honolulu.
UA PAA PONO LOA na Lunakanawai o ka Aha Kiekie i ka hana i keia mau la e hele nei. I kekahi la o keia pule, ua hookolokolo ia he elima hihia imua o ka Aha o kekahi o lakou.
UA LOHE WALE mai makou a makemake ana ka Waialua poe e kuai hou i bele mai kai ano hou no ko lakou luakini. A e pena ia ana a nani ko lakou Halepule.
HOOMANAO MAKAHIKI HOU.—Ua hoomanao ae ko Kaawaloa, Hawaii poe keiki papa i wahi la e hoahaaina ai malaila ma ka la 1 iho nei o ka malama o Ianuari, oia hoi ko kakou la makahiki hou.
HEAHA LA IA? HE HOOLALAO PAHA.—Ua loaa mai he palapala ia makou na Iosia Peleiholani o Wailuku, Maui, nona ke poo maluna, a no ka pili kino loa o kana olelo ana nolaila, ua kapae ae makou.
O ka enemi i ike maka ia e kela mea keia mea i enemiia, ua oi kona maikai mamua o ka makamaka hookamani, aloha mawaho, a lokoino maloko
PUKA UAHI.—Ma ke ahiahi o ka Poaha i hala ae nei, ua hina ka puka uahi o ka mahu wili papa a Lui ma. Oia ku no ka ia la, o ka hina wale iho la no ia. Nawai ole hina, ua kahiko.
NO ALEPANI. — Ua noho iho nei ke kapena nana i hooholo aku nei i Hilo a hoi mai nei i keia ku ana mai nei o ka Alepani, a ua lilo ae nei o Capt. Lambert, i kapena.
HE PAIKAU ANA.—Ma ke ahiahi o nehinei, ua komo ae kekahi haole akamai i ka paikau maloko o ka hale Makeke mua e paikau mau ia nei no hoi, a ua hoike aku oia i ka lakou mau ai, imua o na'lii koa o ke kulanakauhale nei.
UA HOI MAI nei o Mele Kuke i nehinei, maluna mai o Comet.
MAI MAKE. - I kekahi la o ka pule i hala, mai make o Kamika wahine, i inu hewa i ka laau hamo, e ole ko G.P. Judd (Kauka,) no ho koke aku, ua hooinuia i ke laau luai a pakele kona ola.
MINAMINA I KE KAHU. — Ua loaa mai ia makou kekahi palapala mai Waimanalo mai e olelo ana, e aua 'ana na hoahanau o Waimanalo i ko lakou kahu, aole e hookuu aku e holo i na Aina Pegana.
OMAIMAI. — Ua hoi mai ma Honolulu nei ke kahu o ka Ekalesia o Kaneohe, oia o Rev. B.W. Pareka e hooluolu ai ia ia i keia wa a ka onawaliwali e kau nei maluna ona
AOHE NUI O KA HANA. - Ke kakaikahi mai nei ka poe hele i ka hana i keia mau la, no ka nele mai no paha i kahi ole o ka hana e loaa ai. O Ulakohe hoi nei la, ke hele loa mai la a kawalawala na paahana.
NANA AKU NO AOHE LUA. — Ua wehe hou ae nei o Walker a me Allen i hale oihana hou no laua, oia hoi ka Hale Pohaku o Kapena Kai o iho nei mamua e ku nei ma Alanui Kalepa. Aia laua malaila kahi i hoopulapula hou ai.
LEHULEHU LUA KA HOI — I ka la Sabati i hala, ua kalewa ae mawaho nei o ko kakou awa kekahi moku kalepa me ka hae Beritania e welo ana. He 56 na la mai Kikane mai, me na ee moku he haneri a keu ae, koele mai iuka nei, ulaaoa lua.
I ka mea nana i kakau mai ka moolelo o ka pepehi kanaka ma Kailua, Koolaupoko, Oahu, ke noi aku nei makou ia oe, e hoouna hou mai oe i kope no ia mea, oiai ua nalowale ka makou kope o ia mea, no ka mea ke makemake ia nei ia kope.
NAUE HELE. — Ua holo aku o Nahienaena moku i ke ahiahi o ka Poalima i naue ae nei i ka pae aina o Maikonesia, ua hoounaia aku kekahi mau leta a me kekahi mau puke ia Rev. J.W. Kanoa ma.
KUAI MOKU. — Iloko o kahi mau la i hala iho nei, ua kuai ae kekahi pake waiwai o Honolulu nei i kekahi moku o Kale Olelo e ma, i ku mai nei mai Geremania mai, no na $12,000.00. A e lilo ana ia moku i mea lawe ukana mai nei ahiki i Kina. Pono loa, aole e i e hele loa ma Kaleponi e kakakii ai.
MAHINA ME KA HOKU. — Ma ke kakahiaka Poaha iho nei, ua ike ia aku ka lani ua waiho molaelae, aia hoi kekahi o na hana kupanaha a ke Akua nui e kau like mai ana ma ke aouli o ka lani, he mahina a he hoku. E huli ana ke alo o Ka mahina i ka hikina a mahope mai ka hoku e ukali ana.
LUNA AUHAU O HONOLULU NEI. — I na makamaka o ke Kuokoa ma ka Apana o Kona nei, ua ike iho nei makou i ka olelo hoolaha a ka Luna Auhau, e ohi ana oia i na Auhau o na kanaka o keia apana mai keia wa aku a hiki i ka la 16, o Feberuari, lewalewa aku mawaho, pii ae ka auhau, no ke koina o ka Aha a no ka makai. E aho no ka hoomanao mai.
KEPAIA A MAHUKA. — O kekahi o na kumakahiki i kepaia no ka mahiko o Kaalaea, ua mahuka aku mai ka mea nana ka puu dala ana i ike maka iho ai, a hialaai e lilo i kumakahiki. I ka Poalua iho nei, ua miki koke ia aku ia e na owau a emoole pupu ana i ka Halewai ke mahuka 'la hoi ka mea o ke kepa ana.
KAHUNA WAHINE HOOPUNIPUNI. — Ua loaa mai ia makou he wahi palapala mai a S.W. Kunewa mai o Aleamai, Hana, Maui e hai ana i ka hana hoopunipuni a kekahi kahuna wahine Hawaii i kekahi mai maia wahi. No Wailuku ia kahuna, a ua hele i Hana a loaa ia ia ka mai, hooiloilo ia e make ana, aka aole i ko kana. E Nalole e mai hana hou oe pela, o hookui mai auanei ke kahuna Nui maluna a pokakaa aku oe ilalo.
HAUKAE LUA.—Ma kekahi la o kela pule i aui aenei, ua haiia mai la makou i ka iho ana mai o kekahi mau kanaka o Manoa i kai nei o Honolulu i ke kuai rama, a hoi nui aku a kauhale inu nui a ona, alaila hakaka, a pahole pu iho la ka maka o kekahi wahine i ka haukae ana a ua poe ona nei. I aha ai no hoi ka hoomahui ana o kanaka i ka rama la? Eia ka pono, e oki loa ka inu ana.
KE KULA KAIKAMAHINE O WAIALUA. — Ua laweia mai Honolulu aku nei na papa laau i mea e kapili hou ai i ka hale kula kaikamahine ma na lanai a me na wahi e ae aohe i paa. Uai aneane elima paha eka i paa i ka mahiia e na kaikamahine o ke kula ma ko lakou wahi mahiai. Ua kanu ia na ipu haole, kulina, pulupulu, a me kekahi mau mea ulu e iho, ma keia hana ana ua ikaika ko lakou mau kino a ua ano konekonea no hoi, o ka nui o na haumana maloko oia kula i keia wa he 57.
HE MAU MAKAHIKI I HALA AE, ua lawe aku kekahi keiki he mau dala mai ke keena hana aku o kona haku hana, a iloko o keia mau la pokole iho nei, ua hoihoi mai ua keiki la i ua mau dala la a imua o kona haku, a haloiloi mai la kona mau waimaka, a wehe ae la i kana wahi eke, a hoihoi aku la i kona haku hana, me ka olelo aku iloko o ka hauhau o kona waha. "Ua hoihoi mai nei au i keia mau dala, no ka mea, ua lawe mai au i keia mau dala me kou ike ole iloko o ko kaua wa e noho ana i kela mau makahiki aku nei i hala, nolaila, e kala mai i ko'u hewa, a e pule aku oe i ke Akua, e kala i ka mea i hewa." Aole anei keia he mihi oiaio?
E HOLO MAU ANA KE KILAUEA mahope iho o keia Poakahi i hala ae nei, a hiki i ka wa e hoolaha hou ia mai ia.
KA PAAKAI O PUULOA. — Ke mau nei no ka hana ana o ka paakai ma keia wahi malalo o ka hooponopono a Aikake, ka mea nona ka waiwai.
UA LOHE MAI NEI MAKOU, ua loaa mai ia L.L. Hulipahu o keia kaona ka olelo ae like, nana e nana aku a paa pono ka uapo hou i hana ia iho nei e manamana mai nei na pou.
AHA KUHINA. — Ma ka Poakahi ino nei, ua hui mai na Kuhina o keia Aupuni maloko o ka Hale Alii Iolani. O ka Moi kekahi i noho mai. Aole nae i lohe ia ka lakou mau hana.
MUMULU LUA MA KA LUAKINI O WAIANAE. Ua piha mau ka halepule o Waianae i na kanaka iloko o na hora pule mai nei i hoomaka ia ai ka haipule a hiki i keia wa.
HALE AMERIKA. — Ua hoopau ia iho nei ka malama ana i ka Hale Amerika i Hotele ai no na haole, a ua kudala ia iho nei na mea lako hale i ka Poakahi iho nei.
KE KUHINA KALAIAINA, — I kekahi la o kela pule aku nei, ua hoi mai ka His. Ex. F. W. Hutchinson mai kana huakai hele aku nei e makaikai i na mai lepera o Kalaupapa ma Molokai.
UA LOAA mai nei i ko kakou Moi wahine he mau makana manawalea mai keaupuni mai nei o ka Moi Wahine o Beritania Nui. No ko makou ike maka ole, nolaila, aole e hiki ia makou ke hai aku, he mea a he mea.
UA HALA AKU nei ka Loio Kuhina maluna o ke Kilauea i kela Poakahi iho nei. I holo aku nei oia e nana i na kulana o na pepehi kanaka ia Kalaka haole o Kona. O W.C. Aeto ka loio no na paahao.
KE KINO KUPAPAU O T. MEKA. — Ma ke ku ana mai nei o kekahi moku Lawe Leta o kakou mai Kaleponi mai i keia mau pule aku nei, ua hoihoiia mai ke kino kupapau o kekahi haole kamaaina o kakou i make aku nei ma Kaleponi, oia hoi o Teopilo Meka.
AHAHUI PAIO O HONOLULU. — E halawai hou ana keia Aha i keia Poaha ae, oia hoi ka la 7 o Feberuari, no ka hapai hou ana i ke kumu paio i hoopaapaa ia ma kela po halawai i hala aku nei, oia hoi keia, "O ka ilihune anei kekahi kumu i emi ai keia lahui, aole anei?"
E MALUMALU PAHA AUANEI — Ua pa ia iho nei a paa kahi i palau ia ai mamua iho o ka Hale Hookolokolo, a e hoopulapula ia ana i mau laau maloko o ia pa. A ina e ulu like ae, e uluwehiwehi auanei ko kakou Hale Hookolokolo, a e loaa no hoi ka olu i ka poe e hooluana ana malalo o ka malu o na laau.
HE LONO WALE. — Ke lohe mai nei makou i keia mau la aku ka e hiki mai ana e kuai kudala ia ana na moku a me na mea a pau e pili ana i ka hui o Walker, Allen &Co., o Honolulu nei Ka i no paha na ko Honolulu nei poe ke koi ana e hoomalu i na waiwai o keia hui, eia ka no loko mai o Kaleponi.
HE MINAMINA MAOLI PAHA. — I keia pule, ke ike nei makou i ka hoomau hou ana o ka Ekalesia o Kaumakapili i ka halawai i kela po keia po e like me ka hoomau ana i kela mau pule aku nei i hala. Ua piha mau ko lakou halawai.
AHAAINA.— Ma Honolulu nei, ua malama ia he ahaaina i ka Poaono aku nei i hala e kekahi mau hapahaole o ka aoao palupalu. O ke kumu nui o ka hapaiia ana o ia wahi ahaaina, no ka luhi o ka hele ana iho nei i keia mokupuni i na la mua iho nei.
HOIKEIKE MEA AKAMAI MA KEHEHUNA. — I kela Poalima aku nei, ua hoike ae o Mr. Kinney, ke kumu kula o Kehehuna i kekahi mau mea akamai, oia hoi ka hoike ia ana mai o ka holo wikiwiki ana o ka waea olelo a me ka uila. Ua hopu kekahi poe he hapaha maoli iloko o ke kiaha wai me ka wili ia i ka uila. O i noke wale ia i ka lalau aohe he loaa.
KA HALE HOOMAEMAE KO O HONOLULU NEI. Ua pani ku ia na ipuka o keia hale hana o ke kaona nei, a ke ku nei oia me ka makeke ole o kona mau huila a me na elele a ka mahu. No ke pani ia ana no o na puka o na Hale Oihana o na ona waiwai, pau na hale a pau i ke komohia e ia hui o Walker, Allen &Co.
HEMAHEMA NO. — O ka haole nana i pena na inoa o na alanui o kakou a e kakau mai nei hoi ma na pipa alanui, e pono ia ia ke hoonaauao mua i na hana naauao a ka poe maoli i ao ia. Ua pena kela i ka inoa o ke alanui a kau koke iho la no mahope i ke kiko kahi, a mahope hoolawa mai la i ke alanui e like me keia: Bethel. St. Aole pela ka pololei, penei no ia Bethel St.
S.W.B. KAULAINAMOKU. — O kekahi o ko makou luna lawe nupepa nona keia inoa maluna, i ke ahiahi aku nei o ka Poalima i hala, ia ia e kalewa ana i kana mau umeke poi ma na huina alanui o Honolulu nei, ike aku la ia i ka poe koa e hele mai ana, o kona miala e aka la no ia a kahea aku la me ka leo nui; "Huli loa!" no ko lakou la lohe ole, kahea hou aku ana keia 'Maiai!' O ka huli mai la no ia o na koa a laeweia aku la i ka Halewai me na umeke poi ma ka hokua. Ua hookuuia mai oia i kela ahiahi, a i ka Poakahi ae ua hookolokoloia oia ma ke kanawai koa, a ua ao ia mai oia ina e hana hou pela he hoopai wale no. E ka lehulehu, he kanawai ikaika loa keia ma na Aupuni nui, ke kahea wale aku kekahi i na koa me ke kuleana ole, oiai na koa e hele ana ma ko lakou hana iho.
RABATI W. ANERU. — Ke ao nei oia ma ke Kulanui o Punahou, he papa kakaulima. elua la i kela pule keia pule.
E hui ana ka poe o ka Hui o Walker Allen & Co. i aie aku ai, imua o ka Mea Hanohano G.M. Robikana, i ka hora l0 o keia kakahiaka ma ka Hale Hookolokolo
Nu Hou. - No ke ku lohi loa ana mai o ke kiapa Kometa i ke ahiahi nei, nolaila, ua komo ole na mea hou hope loa. E ike ana oukou i na mea hou i kela pule aku.
He mau waa kaulua hao, me ka mahu e holo ai. I ka nana aku nae, aohe wahi mea a holo, oia hoomanu wale iho la no e hoomanu ai i ke ahiahi o nehinei ma ke awa ae nei.
HE WAHI HAPAHAOLE. — O kekahi wahi keiki hapahaole o Ioane Stumbleben kona inoa i hanau ia ma Hawaii nei, a holo aku i Amerika, ua hoi mai nei maluna o ke Kometa i ke ahiahi nei.
Ma ke ku ana mai nei o ke Comet mai Kapalakiko mai, ua lohe mai makou e hoi hou mai ana ka moku ihi Ekake, a e holoholo mau ana mawaena o Kapalakiko a me Honolulu.
HALE PAU AHI. — Ma ka auina la o ka Poakahi iho nei, pau kekahi wahi hale pili ke ahi ma Waikiki waena, aole nae hoi a pau loa. O ke kumu i pau ai. He ahi i loaa i kekahi wahi keiki uuku. O Kanaaulua ka mea nona ua hale nei. Ma ia wahi no, pau hou kekahi wahi hale ma ka wanaao o ka Poalima nei.
KA HALAWAI O KA AHA EUANELIO O OHAI. E halawai ana ka Ahahui Euanelio o ka mokupuni o Oahu nei, i ka hora 10 o ke kakahiaka o ka Poaha la 7 o Feberuari 1867. ma ka halepule o Kaumakapili. Nolaila e hele makaukau mai na kahu, na Kahunapule, na elele pakahi o na ekalesia, a me na hoa no a pau o ka aha, ma kahi a me ka manawa i hoikeia maluna, a mea no a eleu nui ae. M. KUAEA, Luna Hoomalu.
KA MOKUAHI KILAUEA. — Ua kuni kudalaia iho nei ko Walker, Allen & Co. ma hapa iloko o Kilauea i kela Poaono aku nei, a ua koho ia e J.W. Autina Esq o Honolulu nei no na dala maoli he $4.800 no Kale Olelo e (H. Hackfeld) ma. I ka Poakahi iho nei, ua hoomaka hou ia i kona holoholo ana mawaena o na kai nei o kakou. A ua lilo ae nei no o Kale Olelo e ma na Lunahooponopono (Agena) o ua Kilauea nei.
HE MOKU LANAHU. — I ka Poakahi iho nei, ua ku mai kekahi moku kalepa mai Nu Ioka mai iloko o na la he 156. O kana ukana i lawe mai nei, he lanahu no na mokuahi o ka Ahahui Hooholo Mokuahi o ka Pakipika i hoohoka mai nei ia kakou. O ka nui o na tona lunahu, he 1533. I kona komo ana mai, ua kuia kona iwikaele i ka nuku o ke awa, no ke kaimake paha kekahi, no ka mea, ua komo mai oia i ka wa emi o ke kai.
HALE PAHA PUU NANAHU PAHA. — I ka po Poalima aku nei o ka pule i hala, ua kani wikiwiki ae na bele o ke kaona nei, he hoailona ia no ka pau i ke ahi. Ua hoea ae na kaa-wai a pau e holo ana i o a ia nei, a mahope iho, loaa iho la ma kai o Ainahou, he puu nanahu ua a ia e ke ahi. Ua hoouna koke ia aku na elele a ka hoopio, a emoole pio iho la kana ahi. O ka Helu 1 no nae ka oi o ia po.
HE MAKAHIKI ANO HOU KEIA. — He mea hou ka iho ana mai o ko ke Akua Uhane maluna o na haole ma ke kulanakauhale o Honolulu nei i keia makahiki. O kekahi o na haole i ike ia mamua, he poe pili ole mai ma na hana maikai, aka, i keia wa, ua haawi lilo lakou i ko lakou mau naau i ke Akua Mana Loa; a ke komo nei lakou iloko o ka pu-a hipa hookahi a ka Haku. Pehea la hoi na kanaka nona ka aina? Ke hoi mai nei paha iloko o ka mihi, aole paha?
HE MALIHINI HAOLE. — Ma ka Poakahi iho nei, ua komo mai ma ko makou nei keena kekahi hoalauna o makou ma na hana maikai. Ua holo mai oia he ohua maluna mai o kekahi moku Kalepa Beritania i holo mai nei mai Kikane mai. Ua makemake mai oia i kekahi mau mea i paiia ma Hawaii nei, oia na Nupepa a me na Buke Baibala. Ua haawi manawalea ia aku ia ia kekahi mau mea heluhelu ma ka olelo Hawaii, oia hoi ke Kilohana a me kahi kamalii Alaula, a me kekahi mau buke e iho i mea hoikeike nana i kona aina hanau. He Kahunapule kana hana.
KE HOOLAKOLAKO NEI. —Ua loaa mai ia makou kekahi palapala mai a Timokeo Kaehuaea mai o Waiahole Oahu nei, e hai ana, ke hoolakolako nei o Pahoa a me Puali e holo aku e imi i ka aina o Ulukaa, ka aina o Kanehuna. He kuhihewa keia o kela mau kanaka, aohe aina a mokupuni hoi o ia ano ma ko kakou nei mau kai, o ka uhao ka laua la i ka puaa hiwa, ia ula a me na mea like, i mea e mohai aku ai i na akua leo ole. Hookuu ia aku i pau mai i ka ia waha nui o kai.
HE MALIHINI NO FARANI MAI. — Ma ke ku ana mai nei a ke kiapa D.C. Murry i kela muu la aku nei, ua kau mai maluna ona kekahi hao Farani. I holo mai nei oia e noho ma ko kakou nei Alo 'Lii, e noho Kupakako a Kakauole no ke Kanikela Farani e noho nei maa nei. O ka inoa o keia malihini, oia hoi o Mons. Marinetti.