Ka Nupepa Kuokoa, Volume VI, Number 8, 23 February 1867 — Na mea hou o Kahakuloa. [ARTICLE]

Na mea hou o Kahakuloa.

Wi ma Kahakuloa. — He nui ka wi ma keia awawa, o ka Puali komohnna o Maui nei i keia mau la; ke hahana loa nei ka wi; ke uouo nei na kama'ina no ka pololi. Ke pii nei na kane, wahine keiki i ke kuahiwi i ke kalua ki, kalua ape owaowau o keia owaowau he ai ulu wale i ka na helehele. O ke kumu o keia wi, o ka lilo nui i ka hana a na haole haalele ia ka aina. No ke kula. —Aole he malamaia o ke kula i waena o no keiki o keia kahawai i keia mau mahina e noho nei, nneane hala okoa ka makahiki o ke kula ole ana. O na keiki, ke auwana wale nei io io me he mau kao la e holo ana maluna o na pohaku, a me na pali, na puu, o ua aina pali nei, na awawa hohonu o ka pouli, a me ka naaupo. O ka hale kula ke ku wale nei no, o na iwi wale no, ua hele a kuakea na iwi i ka la, aneane hala ka makahiki o ke ku ana aole paa iki. No KE ALANUI MAI WAIHEE A KAHAKULOA—Ua oi aku ka maikai o ke alanui i keia wa mamua o ka wa i hala, ua hanaia ke alanui i keia wa malalo iho o ka hooponopono ana a Hale o Kahalua, a ua pau ka pilikia nui no ka hele ana ma keia ala pali. Inu ki—O ka hua i ulu ku mai no loko mai o keia kalua nui ana i ke ki i mea e nalo ai ka houpo lewalewa no ka pololi; ua hoololiia e kahi poe i mea inu, ma ka hoawa'wa ana ; a ke hehena nei kekahi poe kohu puaa e haluku ana iloko o ka nenelu o ke kio lepo pohopoho pilopilo, o ka hilahila o na hana uko ole, haumia. Oia iho la na mea hou a kou makamaka e hooili aku nei. H. K. MALIHINI HELE. Waiehu, Feb. 9, 1867.