Ka Nupepa Kuokoa, Volume VI, Number 33, 17 August 1867 — No ka Ua Kanilehua. [ARTICLE]

No ka Ua Kanilehua.

Pakele MAI LILO NA MAKA—Ma ka la 31 o Iulai, i naue ae nei, i ka wa i hoopahuia ai ka pu kua kui hao a ka [illegible] i pu aloha no ia la. Ua hookani ia aku ua pu nei a liuliu iki, ua poai i ka loa o na mea nana e hahao ka pauda i ka paka kika a hahao i ka pauda. la wa i hahao ai, ua haule ka huna ahi maluna o ka pauda a pahu ae la ka pauda a poele na maka o ua mau keiki nei. O ka inoa o kahi.o John Pohano a o kekahi o Wiliiam Brown. Pomaikai loa ko laua pakele ana mai ka make mai, he uuku wale no ka poino. MAILE HILO—Kohu like o Hilo me Lahaina ka puehu o ka lepo ma ka malama o Iulai i hala ae nei, a me ka hapanuia aku no hoi, o Augate nei. Heaha la ia i ka poe hele makaikai ia ka Luaopele ? he pumehana paha. HALE HOOLUU ILI.-Ke hoala nei o Mr. Pond o Hilo i hale wili hooluu ili, a hoouliuli hoi i ka ili, ma Haleiole, Hilo, Hawaii, e like loa me ko Amerika ili ka paa o ka eleele, aole pau koke, e like la me ko 'Hawaii nei ka pau koke a aula {illegible} PAHU KA NAAU.-Ma ka ka Poaono la 3 o Augate nei, ua hoohuli pipi o S. Kipi Esq. o Hilo, {illegible} Pakana ({illegible} Spencer o Waimea, me na paniolo o laua, a o Aikanaka kekahi o na mea hoohei pipi ma Kukalau,, Hamakua, Hawaii. Iloko o ia hoohuli ana, ua komo kekahi pipi kane nui hihiu loa iloko o ka pa, a ua noke {illegible} paniolo a me Aikanaka i ka hoohei, aole nae i hei a huhu wale

ka pipi. Ia wa i huhu ai o ka pipi, o ka wa no ia i o-e ia ai ka opu o ko Aikanka lio a pahu ka naau a make loa, a pakele ke kahu. O ka mea nona ia lio i make ai. o Pakana o Waimea. A pakele no hoi mai make o Pakana a me kahi haole, i ka puka ana o ua pipi nei i waho o ka pa, e ole no e hikiwawe ka lele ana ma kae o kahi i holo ai ka pipi. A mawaho o ka pa ka hei ana o ka pipi a pepehi ia a make. Weliweli maoli ka hana a ka pipi. HAKAKA.—Ma ka la 7 o Augate, ua ala mai ka hakaka ma Paukaa o na pake kinikiu a me kanaka Hawaii, a ua ku like mai na pake e kue i kanaka Hawaii, aka ma ka lele ana, ua puehu liilii na pake imua o kanaka Hawaii. O ke kumu o keia hakaka, i mea aku ka pake e kimo i ka ho (hoe) i ka lae o kekahi keiki kumakahiki o John Poe ka inoa, o ole no e ku e ka pake i ka puupuu a kahi keiki Hawaii, ina ua lele ka lae i kahi e. Ia wa i ku ai ka pake, ua alu like mai na pake, e iliki aku ana hoi kanaka maoli, me pukoko liilii ia la. MAULE ILOKO O KA WAI.—Ma ka la 24 o Iulai i hala ai nei, ua hele aku o Kahalehau o Hilo iloko o Waiolama loko i ka uluulu aholehole a hiki ma kahi i kapa ia a Kunuu o ka loaa iho la no ia ona i ka eehia makau a maule, me he mea la i umeia e kahi pilikua oloko o ka wai. I kana olelo ua puliki'a e ka moo. Pela io paha aole paha, aka o ka maule anu ua oiaio. He lono pepehi kanaka ma Kaupnkuea, ka i hiki mai ma Hilo one i ka la 8 o Augate. Ua holo koke aku na makai e nana ia mea, aole nae i hiki mai ia mau makai a hiki i kakahiaka o ka la 9, lawe ia mai ana ka mea i pepehi'a oia hoi o Kapilimai (he lelewa.) I ka nana ana aku i ke poo ua hele a nape e i' kimo ia i ka laau e kahi poe kanaka Hawaii eono, aole nae i make. Weliweli no hoi ua pepehi kanaka. Ke like loa mai la me ka poe Fatuhiwa i ka pepehi ; eia nae hoi ka mea i like ole ai o| ka ai kanaka o ka Fatuhiwa, a e ai ia ana e ko kakou mau pepehi kanaka, ina ua like. J. Kua. Puueo, Hilo, Aug. 9, 1867.