Ka Nupepa Kuokoa, Volume VI, Number 36, 7 September 1867 — HE KANAWAI E HOOKOIA'I KE KUIKAHI PANAI LIKE ME Amerika Huipuia. [ARTICLE]

HE KANAWAI E HOOKOIA'I KE KUIKAHI PANAI LIKE ME Amerika Huipuia.

No ka mea, ma ka ]a iwakalua-kaniama-kahi o Mei, i ka M. H. hookahi tausani ewalu haneri me kanoono-kumamahiku, uo hooholoia he Kuikahi Panai Lii»e, e na Kuhina Kuka i hookohu pono ia, ma San Francisco, Mokuaina o California ; a, Nokamea, eia no kela Kuikahi imua o keia Hale Ahaolelo, e aponoia'i; nolaila, E hooholoia, e ka Moi a me ka Hnle Ahaolelo o ko Hawaii Pae Aina, i akoukoa iloko o ka Ahaolelo Kau Kanawai o ke Aupuni: E aponoia kela Kuikahi a me na mea a pau maloko, e keia Ahnolelo; a ina e hiki aku i ka manawa i hoaponoia e ke Alii ka Moi o ko Hawaii Pae Aina, a me ka Peresidena me ka Hale Ahaolelo Kiekie o Amerika Huipuia, a i ka wa hoi i hoolahaia aku e ka Moi, ua aponoia pela,alaila e hooiiloia kela Kuikahi i kanawai paa ma na wahi a pau iloko o ko ka Moi Aupuni, a o na waiwai kalepa o kela ine keia ano i oleloia iloko o ua Kuikahi 'la e hookoinoia ana maloko o keia Aupuni me ke dute ole, e hookomo io no pela me ke dute ole, a o na kanawai a pau o keia Aupuni e kue* ana ia Kuikahi, aole no e pili ia mea.