Ka Nupepa Kuokoa, Volume VI, Number 42, 19 October 1867 — Page 2

KE KUOKOA, HONOLULU, OKATOBA 19, 1867.

ana o ka Flou r ma Honolulu, alaila, e kaana like oukou i ke kuai ana i ke 50 paona Flour me na dala ekolu ka lilo i hookahi holoai, a o ka mea e oi aku mamua oia ka oukou e hoomau ai, eia nae, ina oukou e hoao i ka hana ana a me ka ai ana i ka poi falaoa, aole no paha e ole ko oukou olelo iho, he ano ino ka!
          O keia poi i hoowali ia iloko o ka pahu, mamuli no ia o ka noonoo akamai ana o na kanaka, he kumu hoi e houuku ana i ka wa kuke, no ka mea, o ka poi Agore, a me ka falaoa pulehu, he kuke mau ia ma na aina a pau loa, o ka poi Flour hoi, he hala na la 4 a me 5 ke ai ia e ka ohana. O ka poi Agore a me ka barena pulehu ke ai kuke nui ia i keia wa, o ka poi falaoa iloko o ka pahu a me ka Barena hoohu ka ai nui a na kanaka o keia wa, a o ka poi falaoa ka oi mamua o ka poi Agore.
          Eia kekahi, ua ike au ma ko kakou Kilohana Pookela no na mea hou o Lahainaluna, e olelo ana, ua ai lakou i ka poi falaoa i hoowaliia, nolaila, ke kuhihewa nei au, he poi falaoa paha, he poi Agore paha, nolaila ke kuhikuhi aku nei ko oukou makamaka aloha iloko o ka Nupepa Kuokoa. Ma ka lokomaikai o ko kakou mau Luna Hoopuka Nupepa, ma o lakou la ka hilinai nui ia e hoaiai aku i mua o oukou, i lilo ai kakou a pau i mau koa kano no ka la Milenio. Ke hooki nei au i ke kakau ana i keia Episetole. Ke au mai nei na iwa i ka wai o Kalmath river, ke alai ia ae la e ka lau o ke paina. Owau iho no me ke aloha oiaio.
DANIELA MA SONA.
Henley, Siskiyou Co California.
          Malaki 25, 1867.

Nu Hou o na Aina E.

            Ua ku mai nei ka moku Cometa me na nu hou a hiki i ka la 21 o Sepatema ba.

Europa.

            Ua konoia ka Emepera a me ka Emepera Wahine o Fa rani e ka Moi o Perusia e halawai me ia a me na Alii o na Mokuaina o Geremania, ma kekahi kulanakauhale o Geremania, e kukulu ai i aha kuka. Ke manaoia nei e lilo ana keia i mea e hoopauia ai na ao omamalu kaua e kau nei maluna o Europa, no ke kuka like ia ana ma keia Aha Moi o na ninau e pili ana i ka maluhia o Europa.
          E kahea ana ka Pope i Ahaolelo Nui o ka Ekale sia Katolika Roma. E kenaia ana na Poo Ekalesia na Bihoa a me na Kadinala mai na wahi a pau o ka honua nei e halawai ma Roma ma keia hope aku. Ua kohoia ke Komite Kadinala ia lakou ka hooponopono no keia halawai ana.
          Ke kaliia nei ka pane ana aku o Tureke i ke kauoha o Rusia e haawi aku ia Kerete i ko Helene. Ua palapala aku na aupuni o Farani a me Enelani ia Helene e u oki i ke kaua ana me Tureke. Ke manaoia nei e hilinai ana o Tureke maluna o Farani a me Enelani, me ka manao e kokua ana laua iaia e hoole aku i ka Rusia. Ina pela he kaua ka hope.
          E hoomakaukau ana o Garebaledi e kaua aku ia Roma, me ka manao e hoolilo ia Roma no ke aupuni o Italia, oiai oia wale no kahi i koe o Italia malalo o ka mana aupuni o ka Pope. Ua papa aku ke aupuni o Italia i ua Garebaledi nei, me kona hoolohe ole nae.

Amerika.

            Ua make ke Kuhina Noho o Enelani ma Wasinetona, o Frederika Buruke. He kanaka kaulana keia i ka hooponopono i na hana iwaena o na aupuni e a me Beri tania. O ka mea i oi ma ke akamai, a me ka oluolu o ka hana ana, oia no ka mea i koho mau ia e Vitoria i Kuhina noho ma Amerika. Ua nui paha ka minamina no ka make ana o keia kauwa maikai o ke aupuni o Beritania.
          Ua olelo o Generala Kalani aole no ia i makemake e lilo i Pe residena, no ka mea ua hiki aku no ia i ka pookela o ka mahaloia e na kanaka o Amerika, a ina lilo ia i Peresidena, he mea paha ia e emi mai ai kona mahaloia e ka aina holookoa.
          Ua hoomoeia ka pohaku kihi o ka Katere dala Roma ma Bosetona. E lilo ana na dala he miliona me ka hapa no keia Luakini Katolika Roma.
          Ke hoomakaukau nei o Kili a me Peru e pale aku i ke kaua mai o Sepania, aka ua paa aku paha na lima o Sepania i kona mau kipi kuloko. Ua oleloia e hoi ana na moku kaua o Sepania e kokua ma na pilikia kuloko o ia aupuni.
          Eia na hana kulanakauhale o Bosetona i keia wa, a me na lilo ke pau ua mau hana nei; He lua wai piula, $1,250,000; Hale mai Pupule, $600,000; ka eliia ana o kekahi puu i waiho papu na alanui $1,000,000; ke kukulu ana i Hale Hookolokolo Hou, $500,000. Weliweli no ua lilo o kela kulanakauhale.
            He iwakalua kumamalima moku ka i poho i ka moana iloko o ka malama o Iulai. O ka huina pau o ka poino $782,800.
          Ma ka Aha Hoikeike o Kaleponia ua hoikeia na mikini hana lole kilika. E mahuahua ana paha ke kilika i hanaia ma Kaleponia ma keia hope aku. Heaha la ka mea ulu ole ma Kaleponia?

Na Moi Wahine o Europa.

            Ua hele aku ka Emepe ra Wahine o Farani o Eugenia i Enelani, e halawai me kona kaikuaana Moi, o Vitoria. Ma ke ano malu nae ka hele ana aole ma ke akea. I ka po ka holo ana aku o ka Mokuahi Reine Hortense, a i ke kakahiaka nui ke ku ana ma kekahi kulanakauhale uuku o ke kapakai o Enelani. Oia hele no o ua Moi Wahine nei, me kona mau hoahele he kakaikahi, me he poe alii ole la e holoholo wale ai ma na uapo, a naue aku la i ka hale hotele e paina ai ko lakou kakahiaka. Ikeia nae e kekahi poe i kamaaina mamua i kona mau helehelena, a huki ia ka hae Farani iluna. Ka haalele koke no ia o Eugenie ia wahi, a kau hou aku la maluna o kona Mokuahi, a holo aku la i kahi e noho ana ka Moi Vitoria ma Osborne House, a komo aku la no i ka Hale Hotele alii mamua o ka ike ana o Vitoria ua ku mai ka moku o Eugenie. He aloha loa ke ano o ko laua halawai ana. Ua hoomakaukau e ia no kona mau pae keena. Elua wale no la ka noho pu ana o ua mau Moi Wahine nei, me ka holoholo kaa a me ka hele wawae pu no hoi ma na alanui malumalu o ka Ailana o Waike. Hoi malie aku la no o Eugenie ma ke ano no ana i holo malu mai ai.

Moku i Haaleleia ma ka Moana.

            Ma ka la 26 o Iune, ua ku ma kekahi awa ku moku o Rusia, o Akianela, he moku o kona Kapena ua hoike aku ma ka Hale Du te aole ia i ike, mai hea mai ua moku la, aole no i ike i ka ona, aole no i kahi i manao ai e holo. Iaia e holo ana ma ka moana ua loohia kona moku ponoi i ka pilikia, a i ole ka halawai ana me kekahi moku e ae a kau iluna, pakele ua kapena nei me kona mau kanaka, a poho aku la i ka moana kona moku ponoi. I ke kakahiaka ana ae ia lakou e holo ana ma ka lua o ka moku, ike ae lakou i kekahi moku hou aku oia ke kolu o ka moku. I kaheaia aku keia moku aohe kanaka o luna, ua hukiia nae na pea iluna. I kau aku kekahi o lakou maluna, aohe kanaka, ehiku kapuai ka hohonu o ka liu o loko, aole nae pilikia e ae. Pauma ae la lakou i ke kai, a kau pau loa keia kapena a me kona mau kanaka, i poho ko lakou moku, maluna o ua moku kohu akua la, a holo aku la i Akianela. Aohe palapala hookahi i kakauia maluna o ua moku la e ikeia'i nawai, he nui no na mea ai o luna, a he kupanaha loa ka haaleleia iwaena moana.

Na Mokuahi o ka Hui Pakipika.

            Ua hiki aku i Kapalakiko ka lua o na moku nui hou o keia Hui. O Repubalika Nui ka mua; i ka la 3 o Sepatemaba kona holo ana aku i Kina. O Kina ka inoa o keia moku hou, he 78 la kona holo ana mai Nu Ioka mai a ku i Kapalakiko. O ka nui o na tona o ua mau moku nei, he 4300, a o ka paa mokuahi paha keia i oi mamua o na mokuahi e ae a pau ma ka honua nei. Ua walea kahiko hoi kakou i ka inoa o Kolorado ka makamua o lakou.
          Ua hoi aku nei o Kolorado i Kapalakiko mai kona holo akolu ana i Kina. He mau nu hou kekahi mai Iapana mai. O ka moku manuwa Perusia, Vineta, oia kai ku iho nei maanei i kela makahiki, aia ma Iapana. Ua holo kaapuni ke Kuhina Noho o Amerika, o Generala Van Valkinburgh i na kapakai o Iapana, e nana i na awa ku moku o keia aupuni. Ke manaoia nei e weheia ana kekahi mau awa hou i na moku o na aina e. Ua noi kekahi poe Iapana i ko lakou aupuni e ae mai ia lakou e lilo i poe Katolika, ua hoole nae ke aupuni, me ka hoomaau ia lakou. Ua hoouna ka Elele noho o Beritania i mau moku manuwa e makaikai i na kapakai o Iapana Komohana.
          Ua hiki aku na Elele aupuni o Iapana i ko lakou mau home. He 43 la ko lakou holo ana mai Nu Ioka a hiki i Iapana. Ma keia hope aku, ua manaoia, 25 wale no la hiki mai Nu Ioka i Iapana, ke paa ke alahao Pakifika i ka makahiki 1870. Ua mahalo loa na Elele Iapana i ko lakou hookipaia ana ma Amerika Huipuia.

Ka Nupepa Kuokoa.
HONOLULU, OKATOBA 19, 1867.

            No ka piha loa o ko kakou pepa o keia la, ua kapaeia ka Manao Pepa o keia pule a kela pule aku.

KA AHA MELE O KAWAIAHAO.

            E LIKE me ka makou i hai aku ai no ka Aha Himeni o Kawaiahao, pela no i hookoia ai.
          He mau minu te mamua iho o ka hora 7 o ke ahiahi Poaono i hala iho nei, ua hoomaka ka lehulehu e kaihele aku a haiamu mawaho iho o ka luakini—na kane, na wahine, a me na kamalii, e nauki ana i ka lohi loa o ka hemo ana o ka puka; aole no nae i liuliu loa iho, weheia mai ana ka puka, a ua hoomaka koke no ka lehulehu i ke komo ana iloko o ka luakini; a iloko o na minute pokole, me he la ua ale ia aku ka hapanui o ka lehulehu e ka opu naele o ka luakini.
          I ka hiki ana i ka hora 8 ponoi, aia hoi, hoea mai la ka Ahahui holookoa o ka poe mele, na kaikamahine a me na kane. O na kaikamahine, ua kahikoia i na lole keokeo, me na lei pikake mikioi ma ke poo, ua hele wale a "e lawe ana maikai wale;" iloko nae o keia puia pu o ua poe kaikamahine nei i ka keokeo o na aahu a me na lei, aia hoi, ua kahikoia ko lakou mau poohiwi me na lipine ulaula; a i ka haule mua ana aku o ko makou mau onohi iluna o ia nua, ua puiwaia makou, a ua manao ae he mau iiwi maka onaona hanaiahuhu ia mau mea ulaula e kau ana iluna o na poohiwi o ua mau pua palupalu la; a kanahai ia puiwa ana, kuhihewa hou aku la he mau pua Waiohinu kai hoohaiamuia iluna o na kihi poohiwi o Keolewa. I ka nani o na helehelena, na aahu, na lei hoomahie a me na lipine welowelo, kahi a makou i hoohainu mua ai i ko makou mau onohi—-a—ana wale iho no. O na kane, ua kahikoia i na pua eleele ma na puliki keokeo, a i ka nana ana aku, ua maikai wale no na poe a pau o ka Ahahui Himeni o Kawaiahao; a o ke Aili wahine hoi nana i hapai keia hana, ua kahikoia no a maikai, a e like no hoi me ka maikai o kana hana, pela no kona nani hiwahiwa ma ia po. Ua kahikoia ua alii la me ka aahu keokeo, me na lihilihi poni, a ua hele wale no ua o Liliu Loloku Walania Wewehi i ke kii onohi o Ku, a "e lawe ana maikai wale."
          Ua nui ka mahaloia o na himeni i meleia ma ia po. Pehea la e ole ai, no ka mea, ua maikai wale no mai o a o. Eia nae paha, o ka ka lehulehu manao, mai oi loa ae ka maikai, ina e lehulehu iki ae na leo himeni pualu—pela ka manao o ka hapanui o na poe makaikai i hiki ae ilaila; he mea no ia e hoomakaukau e mai ana i ua Ahahui nei, no kekahi wa hou aku a lakou i manao ai e hapai hou i keia Aha Mele.
          Ua nui no nae ka maikai o na mele i pu-kahi, pu-lua, pu-kolu a pa-ha ia, ua puia pu ia no na mea a pau i ka maikai. O ka nui o na dala i loaa mai no na palapala komo, he $502.50. He puu dala nui keia no ke kokua ana i na lilo o ka Pila Nui o Kawaiahao. "E lawe ana maikai wale."

NU HOU KULOKO.

Oahu.

            A keia pule ae hoopuka aku makou i ka olelo pane a Ioke ve ia J. B. Kehukai.

          KA LOAA O KA AHA HUI HIMENI O KAWAIAHAO. —He $502.00 na loaa o ka po himeni maloko o ka luakini o Kawaiahao ma ka po Poaono aku nei i hala, Okatoba 12.

          HE PAINA MA NUUANU.—He wahi paina ka Ka Mea Hanohano C. De Varigny no ka hookipa ana i na 'lii moku o ka manuwa Farani ma ke ahiahi Poalua iho nei.

          Ua hiki mai nei maluna o ke Kome ta elua mau lio maikai a hookahi bipi kane. Ua maikai na kino o na lio, a me he mea la he mau lio holo paha ke hooheiheiia. O kekahi lohe no ia hana ka ia mau lio i laweia mai nei.

          Ua haule kikililihune mai na paka-ua ma ke kaona nei i kela mau la aku nei, a o ka pulelehua wale ae no ia. Kai no la hoi o ka maumaua loa iho pulu elo iho la hoi keia poo la e noho ia aku nei.

          HOI MAI I KA AINA HANAU.—Ua hoi mai nei o Hanale Kamikana E sq. o Honolulu nei maluna mai o ke kiapa Kometa mai Kapalakiko mai. Ua ae ia oia e ku imua o ko laila mau aha hookolokolo mahope iho o kona ninau kanawai ia ana.

          NA OKOHOLA.—Ke komo liilii mai nei no na moku Okohola ma Honolulu nei, a me he mea la paha e piha mai ana ke mau loa mai ka pa ana mai a ka makani nana lakou e lawe mai, maluna o ka moana. A ke lohe pu ia aku nei na leo "o Keoni-pulu, ohi au-e wahi waa holo ole, ohi-au-e no ka Malamamoku ohi-au-e" a pela aku.

          MALUNA O KA MANUWA FARANI.—I ka Poalima aku nei i hala, ua holo aku ke Kuhina o ko na aina e me ke Kanikela Farani maanei maluna o ka moku kaua Farani Venu sa. Ua hookipa hanohanoia aku e like me ke kulana i loaa ia laua. I ka hoi ana mai, ua haawiia mai na pu aloha e ka moku.

          HE HUITA AI A KA LIO.—Ua ike iho makou i keia mau ahiahi aku nei i hala, i ka lawa like o kekahi mau ipuka hale i ka hua liilii ai a ka lio oia ka huita. Ua kupaia i ka ipu hao a moa, a ua huipuia me ka malakeke, a o ka mea iho la ia a na lehelehe e naue like ai.

          KA MOKUAHI I DAHO.—Ua haalele ka mokuahi Idaho i ka auina la o ka Poalua iho nei, Okatoba 15, a e holo pololei mai ana i Honolulu nei. Malia paha e ku ana oia maanei iloko o na la he 11, nolaila, ke kukala e nei makou i ko makou poe heluhelu i loaa na wahi mea kuai e lawe ana i Kapalakiko e hoouna e mai i Honolulu nei mamua ae o ka manawa.

          MAI ULUKOU MAI.— I ka Poalima aku nei i hala, ua ku mai ke kuna Sanatiago mai Ulukou mai iloko o na la he 30. Ua lohe mai makou mai ke Kapena mai, ua maikai no ke ola o ko laila mau paahana. Ua hoihoiia mai nei kekahi mau wahi kumakahiki maluna mai ona no ka pau o ka wa hana.

          KA HIKI ANA MAI O NA LE TA A ME NA NUPEPA. —Ma ka la Sabati iho nei, ua ku mai la ma ke awa o Honolulu nei, ke kiapa Kometa mai Kapalakiko mai me na leta a me na nupepa no keia awa. O kekahi keia o ka oi o na Eke Leta i hiki mai i keia manawa. Ua piha pono ke kaa kauo lima, a ua lilio no hoi kahi keiki i ke kauo.

          HE MEA LEALEA KAMAILIO.—E ke Kuokoa, e ahonui iho hoi oe i keia wahi i tamu malalo nei penei: I ka pau ana ae o ke mele ana o na mele leo lea a ka Papa Himeni o Kawaiahao i oli honehone ai i ka po Poaono aku nei i hala, hoi aku la au ma ke alanui e hiki ai i ka home, aia hoi, e olelo ana kekahi kanaka nui, e haawi ana ka Papa Himeni o ka poe o Kaumakapili i Aha Himeni. No ko'u manao hoi he wahi mea hou ia, no ka mea, aole i lohe ia ka haawi ana a ia papa himeni i ano like me ka mea o ka po i hala, nolaila, neenee loa aku la au i lohe poho. Pela no ko'u hele hoolohe ana a hele aku la makou ma kela a ma keia alanui. I ko'u manao maoli, aole o ia ko lakou manaoio, aka, he lealea kamailio wale iho no, i hala ae kau wahi wa noho wale o ka waha, a i oleia, o ke kupono loa, he makahehi maoli no i ka ike ana aku i ko luna poe i ka hele a "kauli lua i ke anu Waialeale." KAMAKA.
            Honolulu, Oct. 15.

          Ua lawe mai nei ke Kome ta i na eke palaoa he nui wale me na lako berena a me na ohia Kaleponi. Ua kupono no Honolulu nei.

          Ma Maemae i ka Poalua iho nei, huli pu iho la ka lio o Samuela W. Nott a haule iho la kela a ua hai kona iwi. Ua nui ka poino i loaa iaia no keia haule ana.

          UA KU MAI MA Honolulu nei ka moku kalepa Pelekane Ga rstang, ma ke kakahiaka Sabati aku nei i hala. Maluna mai nei ona na waiwai o Janion Green & Co., o keia kulanakauhale, o ka nui o na la mai Enelani mai, he 125.

          UA HOI MAI KE KAPENA.—Ma ke kakahiaka Poalima nei, ua hoi mai ka Lunahooponopono o ko kakou Nupepa, oia o L. H. Kulika a me kana wahine pu no, mai ka laua maau ana aku nei ma Hawaii. Na ka ihu aloha o ke kuna Me rila i kaili ku mai nei ia laua.

          He kanakolu kumamaiwa ka nui o na eemoku maluna mai nei o ke Kome ta i ka la pule iho nei. He ewalu o lakou he mau luina kanaka Hawaii no ka moku o Kepoonahoahoa i loohia i ka poino, a kuai kudala ia ai ma Kapalakiko.

          EIA AU O KE KONA.—Ma keia mau la iho nei haohao mai la ko makou mau papalina i ke aniani ana mai o kekahi wahi welau makani huihui mai ka moana mai, manao a e la no ke poo la o Honolulu he kona no ia, a i ole he welau A-oa-oa paha.

          PO MAHINA KONANE.— I ka liuna la Poaono aku nei i hala, o mai la na kukuna o ke alii wahine o ka po, a haawi mai la hoi na kukuna i kona malamalama ahiehie e hoomalamalama ana i ke kulanakauhale okoa, me he mea la na ka uhai aholo paha kekahi o ka malamalama i akaka ke alanui e alakai mai ai i ka poe hele i ka hoolohe himeni.

          O PELEULA KA PONO AOLE O MAEMAE.— Ma ka pepa o kela pule aku nei i hoolaha a kea ae ai makou maloko o kahi o na Mea Hou Kuloko, no kekahi Hale Kula Hooikaika kino e kukuluia nei ma Maemae, aole oia ka pono, aia ma Peleula kahi i kukuluia ai, mauka iho o ka Hale Kuai i kapaia "Valley Store."

          HE KEIKI HAOLE HAWAII.—Ma ke ku ana mai nei a ke kiapa Kome ta i kakahiaka Sabati iho nei, ua hoi mai i Honolulu nei ke keiki a Lanai nona ka ai ku e mea ia nei. O kona haalele ana no ia Honolulu nei i kona manawa uuku, a i ike hou ia mai nei ka hana ua hele ka hoi a loloa ka umiumi, a ua kanaka makua no hoi i ka nana aku, hiki wawe lua no hoi kamalii. O kona makuahine ka wahine mare a Lutanela J. W. Kahananui.

          KEKAHI MAU KUMU KULA HAOLE.—Ua hoomaha iho nei elua mau kula haole o keia mokupuni, oiana kula haole ma Kawaiahao a ma Waialua. Ua holo aku ke kumukula o Waialua a me kona ohana i Lahainaluna e hoomaha ai no kekahi mau pule. O na wahi kumu hoi o Kawaiahao, ua hoi aku i Manoa me Alawa e ao ai i ka mahiai. Eleu no hoi keia mau wahi kumu. He ikena ka olua i keia wa i ka wi, nolaila, waele e na pulu.

          WAIHO I KA AINA MALIHINI NA IWI.—Ma ke ku ana mai o Kome ta, ua loaa mai i kekahi makamaka opiopio o makou, he palapala, e hai ana, ma ka la 31 o Ianuari o keia makahiki, make iho la ma ke kulanakauhale o Nu Ioka o Samuela Mahina Watt, kekahi keiki Hawaii ponoi, i hookamaia na Iosepa Watt kumukula haole o Kawaiahao mamua loa. O ka mai i make ai, he ake pau. Ua hai mai ka mea nana i palapala mai, ua waiho iho ia mahope nei he inoa maikai i ku i ka mahaloia. Ua hai hou mai ua palapala la, i ka wa ka o ka Moiwahine aku nei i Amerika, ua kamailio iki ka ka mea i make me ka Moiwahine no ka hoi mai, a no kona lako ole e hoi mai ai, nolaila, ua kuhikuhi ka Moiwahine e kamailio pu me ke Kanikela Hawaii malaila. Malia paha, ua poina loa ke Kanikela, a hiki wale i ka wa i make ai o ke keiki. Ua waiho iho la oia mahope nei he mau kaikuaana elua nana e uwe aku i kona make ana. Aloha ino ka mea i make ma ka aina malihini makamaka ole.

          INU I KA PALA A MAKE LOA.—Ma ka Poaono aku nei i hala, Okatoba 12, hele aku la kekahi kanaka o Kaiwi ka inoa, mai Kamoiliili aku i Maunalua. I kona hiki ana i kahi ana i manao ai, ma ka aoao mauka o ka loko nui, hookipaia e kamaaina, a ilaila oia i inu ai i ka pala, (wai-ona mai loko mai o ka ipu haole.) Mahope iho o kona ike ole ana i kana mea e hana ai, oia hoi kona ona ana, kau ae la ia maluna o kona lio, a hoi mai la oia wale no. Aka, iaia ma ke alanui, haule iho la oia mai kona lio iho a kokoke e pau kona ike. Ua loihi kona waiho ana ma ke ala, a ma ka auina la, loaa aku i kekahi poe, ua pupue i ka lepo, a ua komo mai kekahi mau hunahuna lepo ma kona waha. Ua kokuia oia ma ka hoihoi ana i kauhale, aka, he mau minute pokole wale no, a kailiia aku la kona hanu a make. Nolaila, ua komo iloko o makou ka manao ninau. Heaha la ka mea i ohi ole ia ai kekahi poe kiure Koronero, e imi i ke kumu o kona make? He oiaio anei, ua inu oia i ka pala a ona? Aole no e maopopo, a huliia ke kumu oiaio. Ua lohe wale mai makou, he aina hana pala io no kela kekaha, aka, o ka maopopo loa nae ka huliia o ke kumu o keia make kupanaha. Malia nae paha ua poina ke aupuni i ka imi ana i ke kumu o ka make kupanaha o kona kanaka, nolaila, makou e paipai nei iaia. Ua kanuia keia kanaka ma Kamoiliili ma ke Sabati ae, la 13 o keia malama.

          Ua makaikai ka Luna Nui o ka Oihana Kinaiahi o Honolulu nei, i wahi e hoahu ai i na pahu aila honua, i mea e loohia ole ai ke kulanakauhale i ke ahi ma ke pahu ana o keia aila pii kai.

          KE KIAAINA O OAHU MA KA MANUWA FA RANI. —I ka Poalua iho nei, ua holo aku ka Mea Hanohano J. O. Dominis maluna o ka mokuahi kaua Farani, i ukaliia e ka Lutanela mua o na koa Ponoi o ka Moi, o ia o W. Ka. I ko laua hoi ana mai, ua kiia he 13 pu; no ke kiaaina he 10 a 3 iho hoi hui he 13.

          Ua ike iho nei makou i ka hana hou ia ana ae nei o kahi e waiho ai i na le ta a ka poe makemake ana i na keena e waiho ai i na leta, ma ka Hale Leta ma Honolulu, a ua paa no ua mau keena nei i na aniani, a me ke ki, a ua kau pu ia no na helu. A o ka uku makahiki oia mau keena, eha dala. Nolaila, e wiki nui ae i mau keena no oukou.

          MANU KU KEOKEO.—Ua laweia mai kekahi mau manu ku keokeo mai Kapalakiko mai, a ua lilo ia Riki (R. M. Brash) o ka Hale Pai o Wini. He mau wahi manu keokeo loa keia, a he ano no hoi ko laua mau wahi puapua, ina e hele mai ua mau wahi manu la pipii na wahi puapua me he peahi la, a he pii no ka ke kumukuai ma Kalaponi, ewalu dala no ka paa hookahi.

          MA KA HALE ALII IOLANI.—Ma ke awakea Poakahi iho nei, ua hookipa aku ka Moi Kapuaiwa ma Kona Hale Alii i ke 'Lii moku o ka manuwa Fa rani. O ka lua keia o ka hiki ana o keia Kapena i Honolulu nei. Mai Tahiti mai 1850 a holo loa i Europa, aohe nae i noho alii moku ia wa. He kiaaina o ia ma Tahiti no kekahi mau makahiki elua.

          NA KIU RE KANAKA MAOLI.—Ma ka Poaha aku nei i hala, ua noho mai na kiure kanaka maoli imua o ka Aha Kiekie, a ua hookolokolo kokeia o ke 'Lii kue ia Haumalali a me Paakiki no ke puhi hale. Ua po ka la ia wahi hihia hookahi, a ia aluna iki ana aku no a na kiure iloko o ke keena, ua hooholo lakou i ka olelo hooholo, e hookuu i na mea i hoopiiia, ua hemo a maalahi laua.

          HAKAKA MA KA MAKEKE.—Ua lohe mai makou mai a Beni mai, he hakaka nui ka ma ka makeke kuai ia mawaena o kekahi kanaka nona ka inoa Kamaka a me kekahi mau kanaka hoopukapuka ia i ka liu la Poaono aku nei. Ua hopuia o Kamaka a kauo huluhulu ia aku la i ka Halewai e hoopaa ai, a ua hoopaiia.

          AHAAINA MA NUUANU.—I ka po Poalima aku nei i hala, ua haawi ae ka Mekia Kale H. Kauka he ahaaina ma kona home ma ke awawa o Nuuanu. Ua hookipaia ma ia ahaaina na'lii moku o ka manuwa Ame rika Lakawana a me ka moku kaua Farani Venusa. Ua ai lakou me ka olioli, a ua launa hoi me ka oluolu a hala wale aku i kekahi mau hora o ke aumoe.

          Ua hemo mai loko mai o kekahi wahi kaikamahine uuku nona na makahiki elua a ekolu paha, he koe loihi he umi iniha ka loihi. Ua kau ka weli i ka hoea ana mai i waho o ia mea loa mai loko mai o ka opu kamalii. Pela no, ua nui no kamalii i puka mai na koe. Nolaila, ua oi loa aku ka pono o ke kii ana i na laau hoohemo koe ma ka Halekuai o Kakela me Kuke.

          NA LUA WAI O KE KAONA NEI.—Eia maloko o ke kulanakauhale o Honolulu nei, elima mau lua wai nui e lana nei ka wai malalo ae o na alanui o ke kaona. Eia ko lakou mau kulana ma na huina o Alanui Hotele me Papu; huina o Hotele me Alakea; huina o Papu me Kalepa a mamua iho o ka Hale Leta o Honolulu nei. Maikai loa ke loaa hou na lua wai e like me keia ma na huina i nele; i lako ai i kela wa keia wa ka wai, ke hoopaaia ke kahe ana mai o ka wai piula no kekahi pilikia.

          KA MOKUAHI HAO PAPOHAKU.—O keia mokuahi hao iloko iho nei o ka wa kaua huliamahi o Ame rika, ua lilo i ka poe kipi, aka, i ka lokahi like ana aenei oia aupuni, ua hoi mai i ke aupuni. I keia mau malama koke aku nei i hala, ua kuai ia aku i ke aupuni o Iapana, a eia ua moku nei ma ka Lae Hao malalo o ke alii moku o Baraunu, (e mea hoi a o Keonipulu, ina ua hooho ae makou o hi-au-e.) Ua lohe wale ia e kipa mai ana ma Honolulu nei, ina hoi pela, ike wahi moku kaua o ka Hema a kakou i lohe wale ai mamua.

          KE KUIKAHI HAWAII ME IAPANA.—Ua ike iho makou ma ka nupepa aupuni ke Gazette, ua loaa mai nei i ko kakou aupuni kekahi palapala mai ko kakou Kanikela mai ma Kanagawa, Iapana, oia o E. Van Reed no ka noonoo ana a me ka hele ana aku e hooholo i Kuikahi mawaena o Hawaii nei a me Iapana. Me he mea la, ina io e ae ana keia aupuni a me ke aupuni o Iapana i keia Kuikahi, alaila e komo aku ana a komo mai na waiwai o na aupuni elua, e like me na aupuni nui i hana Kuikahi iho nei me Iapana. Ua halawai ka Aha kuka ma Iapana, o Ame rika, Farani a me Beritania, a ua hoopaa lakou i ke dute a me na hooponopono ana o na waiwai. Ua olioli no hoi kakou i ka hooikaika pu ana mai o ke Kuhina Noho o Amerika i ke Kanikela Hawaii no ka hooko ana. Aia ke Kuikahi ma ka lima o ka Moi Iapana, a me he mea la paha ua sila iho la i kona inoa i ka malama iho nei o Sepatemaba, a o ka hoounaia mai koe i ko kakou Moi. Ua hoolaha akea ae ke aupuni, e hoomakaukau i moku manuwa, a e holo mai i Hawaii nei, a maluna mai olaila kekahi Elele nana e lawe mai i ke Kuikahi i ko kakou Moi no ka hooiaio ana. A laa la ua hamama ka puka o ke aupuni hookae lahui e, komo aku e launa pu i na manawa loihi i hala, a akahi a weheia ke ao malamalama maluna o lakou.

          MAKE MA KA MOANA.—Ma ka la 10 o Iune i hala, make iho la ma ka moana A telanika maluna o ka moku R. W. Wood, kekahi haole i kamaaina ia kakou, oia Von Holt. He haole kalepa oia no ka Halekuai kukaa o Von Holt & Heuck ma Honolulu nei, a he Kanikela hoi ma keia Alo Alii no ke Aupuni o Hanova. I ka makahiki 1852, hiki mai oia ma Honolulu nei, a komo koke no i ka oihana Kalepa. Hoohuiia ma ka mare me ke kaikamahine a J. Baraunu 1862. I ka lohe ana mai o na hoa'loha a me na hoa Kanikela i kono make ana, ua hoohapaia na hae ma ka Poakahi iho nei. Ua waiho iho oia i keia ao he wahine, ekolu mau keiki a me kona makuahine nawaliwali ma Geremania. Ua lohe makou, he haole akamai oia i ke kamailio Hawaii. Ma ka Poakahi, ua halawai ua hoa kanikela ona, a ua hooholo i ko lakou manao aloha i ka mea i make. Ua haawiia he kope o ka lakou hana i ka wahine mare, a e hoounaia ana hookahi palapala i ka makuahine.

          HIHIA I KE KAULA LIO A PAKELE.—Ma ke ahiahi Poakahi aku nei, ua loohiaia kekahi kanaka ma Kamoiliili i kekahi wahi manuheu, o Kuakea kona inoa. Ua nakiikii ia kekahi lio puiwa hou ma kahi kokoke i ka ipuka hale, kahi hele mau a kanaka. I ka hele ana mai nae a ua kanaka nei, o ka puiwa ae la noia o ua lio nei a hihia iho la na wawae o ke kanaka i ke kaula a hina iho la, a poholehole iho la. Pakele io mai poino. Ma na malama i hala, ua hoolaha makou i ka pakele mahunehune o Pualinui i ka lio, no ia wahi no, a o Kaiwi iho nei, ona lama iluna o ka lio haule a make. E ka mea no na kela lio puiwa, mai hookokoke oe i kou lio ino ma kahi o kanaka o pau i ka eha, a poohu ko lae i ka ala paa o Kaueleau, o ike ole ia anei ko lio ke kukulu aku ma kahi kaawale? E na makamaka, mai hoohalike me kela makamaka lio puiwa o kakou o pilikia auanei, a mai walea i ka nakii i ke alanui o pau i ka eha na keiki a kakou, oiai na ka lio wale no ka ai, pa no heo ana.

          AUHEA KA POE POWA E AE?—Ma ka po Poalua iho nei, i ke Kumukula o Kaumakapili e hoi ana i kona hale, mai ka pau ana mai o ka lakou kula himeni, aia hoi, loaa iho la ia i kekahi mau keiki haole Kikane eono ma ke alanui, a hopu mai la kekahi keiki makapaa iaia, a anai aku la i ka pilipa, me ka hoonuinui o na olelo e lele ai ka hauli. Aka, me ka wiwo ole, ua ku oia me ke pale aku i ka poino e ili mai ana iaia. Mai alu like paha kela poe, ina aole i hoea mai ka Makai, aka, ua pau nui ua poe la i ka puehu liilii, a naholo aku la i o a ia nei. Ua lohe mai au i keia hana me ka menemene o ka naau, a o keia paha auanei ka hoomaka ana o keia poe e powa wale i ka mea e hele mehameha ana i ka po. Ina pela, aole i kana mai ke ino o ko kakou kulanakauhale, ina e nui mai ana ka poe o keia ano e auwana hele nei i ka po, me ka manao hoi e lawe powa i ke ola o ke kanaka e hele hookahi ana ma ke alanui. A no keia mea, ke hoopua ae nei au i keia mau wahi huaolelo pokole, penei: "Ino mahimoa, kakelekele mai pa." KAMAKA.
          Alanui Papu, Oct. 16, 1867.

          NA MEA HOU O KEEHUKAI.—Ma ka lokomaikai o Natanaela, ua loaa mai keia mau mea hou: Ma Waialua ke Alii Emma Kaleleonalani, i kela pule ae nei, Poalima, a ua ike iho nei i na kaiaulu o ua aina Ehukai nei olalo—Ua kokua ia mai no e na kamaaina, a ma ka Poaono ae, holo aku la oia e makaikai ia Ukoa, i ka lua o na kupueu oia Loko, oia hoi ka lua o Laniwahine, a no ke ahiahi loa, ike pono ole ia ka lua—Ma ka Poakahi ae la 7, holo i Waianae ma ka lae o Kaena ae ka hele ana, ua lohe mai makou, ua kokua maikai ia e na kamaaina o Waianae —hoi mai oia ma ka puali o Kolekole ma ka la 9 ae Poakolu, a hiki hou ma Waialua. Poaha ae holo hou no e makaikai hou i na lua o ua Laniwahine nei i ike maopopo ia ai hoi, no ka mea, wahi a kamaaina, o ka wa kakahikanui ka wa e ike pono ia ai. A i kona wa nae e makaikai ana, ua lawaia kamokoi aholehole oia i kekahi mau minute, ai ia no nae e ke aholahole. Ma ke ahiahi no o ia la, holo aku la i na Pali hauliuli, o Koolauloa, moe ma kahi o J. Kaluhi Esq., ka Lunakanawai oia mau Apana. Ao ae Poalima, holo loa i Kaliuwaa, i kahi a Kamapuaa i noho ai, a malaila aku moe i Kahana, Poaono ae hoi loa mai i Honolulu, o ka pau no ia o kona moolelo.
          Ua pau o Lokoea i ka hana ia a me ka auwai o Ukoa, oia hoi na loko ia nui o ke Ehukai nei, e ke Konohiki hou o ua mau loko nei. Ua lohe mai nei makou mai a Kapena Pae mai o ke kiakahi Wailele i kona hoea ana ae ma ka lae o Kaena i ka la Sabati nei, ua ike oia ma ka moana i ka piha loa i na akaakai i waele ia ai o ua Lokoea nei, a hala loa ae ma ka moana mawaho ae o Waialua ponoi. He 3 wale no la i waele ia ai e na keiki kupa o Waialua nei, na kane, na wahine, na keiki he mau haneri paha ka nui—Ua ike paka iho ke Alii Wahine.
          Ma Waialua iho nei ka hulakii o Waianae me ka manao e loaa kana wahi huahelu ma Waialua nei, i kela mahina ae nei o Sepatema ba aole nae, ua kipaku ia aku la oia e na kupa o ka aina a me na makai o ke Aupuni. Hilahila ole maoli no ia poe i ka hele ana mai i ka aina i ulu nui ai na hana o ka pono.
          Ua kukuluia iho nei ka hale kula kaikamahine o Waialua nei, ma ke kukulu ia ana e ke Kahu, ua nui no keia hale, a maikai no hoi kona mau hiohiona, aole nae i paa loa olalo.