Ka Nupepa Kuokoa, Volume VII, Number 1, 4 January 1868 — Page 4

This text was transcribed by:	Malina Ho?opi?i-Foley
This work is dedicated to:	Caroline Hoopii

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa.

La Hape Nuia.

[Leo-Marching through Georgia.]

1. Lawe a hookani ne, hookani a maikai

ioa mea kaui, me ka hoohauoli mai ;

Ohi, leo, pahu, e hookani like ae,

La Hape Nuia no keia.

Cho.- Huro, huro, he inakahiki hou,

Huro, Huro, hooho oli pu,

Mai na puu o uka a o olo ne i kai,

La Hape Nuia no keia.

2. Ku a nausea like ae ka huakai maikai,

nauwe koa aku me na lolo hinu ae,

kau na have a nani, me ka nauwe me-

La Hape Nuia no keia [le mai,

Cho.- Huro, huro, he makahiki hou, &c.

3. Nauwe i ka pa maikai e ahaaina ni,

Ai na mea ono, me ka inu i ka wai.

Pale i ka ono, me ka mele nani mai,

La Hape Nuia no keia.

Cho.- Huro, Huro, he makahiki hou, &c.

4. Na makua na pokii e hui oli mai

Me na kumukula me na kamalii maikai,

La hoomaha keia, hoomaha a mele ae,

La Hape Nuia no keia.

Cho.- Huro, Huro, he makahiki hou, &c.

5. E na kamaaina me na malihi pu,

Hui a hauoli no ka makahiki hou,

La maikai a maha me ka mele like no,

La Hape Nuia no keia.

Cho.- Huro, huro, he makahiki hou, &c.

6. Hoomanao a hoomaikai i ke 'Liioia mau,,

Nana i hoopuka mai ka makahiki hou,

Nana hoi e pono ai e mele nani pu,

La Hape Nui no keia.

Cho.- Huro, huro, he makahiki hou, &c.

Huro, huro hooho oli pu.

Mai na puu o uka a o olo ne i kai,

La Hape Nui no keia.

_____________________ H. M. H.

"Haalele i ka home Oahu, a noho

Malihini ma Kauai o Mano."

-------------

I ka la 25 o Novemapa. Pau ka manea ana

i ka hale hoonui a ka ike ma kuu aina lai

ehukai. me kuu mau makua hanai aloha

Rev.O.H. Kulika, Mrs. A. E. Kulika, a

me Miss E. W. Laia na, me kuu mau hoa o

ka imi naauao i pili ai i ke kau a me ka

hooilo, ma na hana pono a ka Haku, kahi

hoi i hankoakoa ia mai ia nu pulapula opio

o Hawaii nei. He mau manu hulu like no

hoi e kikiko'a ana i ka wai o ka lehua, oia

ohi nei mea he imi naauao.

Haila no hoi e hoomakaukau ia ai, i lilo i

mau pua rose maikai'i ka hua e mohala po-

no ai ma neia mua aku ke noho. Ia Ia,

pau ku ike ana ia Waialua, hala ae i hope

na mauna uliuli o Kanla, a kuu aku ia ka

luhi i Honolulu, ma kahi o Kulika makua.

ke kakahiaka ne, hoihoi ia au me kekahi

1mau makua o'u ma ka pono, oia hoi o Rev.

L. H. Kulika, Mrs. L. L. Kulika, me laua

nu i hoolai ai ia mau la i ka walea i ka ua

kuahine o Mauoa.

I ke ahiahi o ka la 30 oia malama, pau ka

ike ana i ke kaona lailai, kau aka maluna

o Mele moku, oki e ka hana, o ko'u la heo

neia. I ka la i o neia malama, mawaho ae

no makou o Waianae kahi i lula ai. Hoo-

manao ae au i kahi a na kumu o ke kula

nui kaikamahine o Waialua a we na hau-

mana i kai hoakai ai i ka makaikai. la wa

ulu mai aoa ke aloha a lauwili i ke kino.

I ka auina la ae, au makou o na ale kawa-

hawaha o ke kui o ka Ieiewaho, ia'u nae e

Hoomanao ana i ka Halelu 23 a Davida

kekahi keena malalo o ka moku, lohe aku

i kekahi mau leo e kani kupinai ana, he ane

like no hoi la me ke kana a ka piano ke nu-

nulu me ke oeoe. I ka ike ana aku a ka

maka, eia ka he mau mea e hakaka ana, he

ilikeokeo kekahi no Mareka a no Kina hoi

kekahi. Ia manawa, i iho la wau iloko o'u

kai noa e hoomanao ana olua i keia la Sa-

bati, i ko olua mea nana i hana, eia ka aole,

he mea ehaeha no ko'u manao i ka ike aku,

e ole nae e uwao ia. pau koke ai. I ka noe-

noe ana o ke ahiahi, wehe ia mai ana na

kiowai o ka lani, a haule iho la maluna o

na ohua o luna, hele a pono i ua mea he ua.

Kakahiaka ae, ahu wale mai one o Wai-

aleale, ia la no ku i Nawiliwili, o ka liuliu

ae la no ia no ka pae i uka, nui kuu maha-

lo i ke Kapena oia moku. I ka pae ana aku

nae i uka, ua launa iho ilaila i ke ahe a ka

makani, a pau ka luana ana, o ka hehu ae

ia no ia no ka hoi i uka o Lihue, owau me

ke kahu oia ekalesia Rev. J. Waiamau, a

me laua wau e noho nei. He oluolu maikai

no ka noho ana maanei, aole i nui ka hoohi-

hi ia anei e like me ja aina ponoi. I ka la

3 i hala o nei malama, na hele i Wailua,

a i ka hiki ana ilaila, ike aku la wau i ke-

kahi mea e lana ana in a ka muliwai, me he

uapo la ke ano, manao iho la wau he wahi

la e ku mai ai ka waapa, aole i pau ia hoo-

huoi ana iloko o'u, a mahope mai.

I ka hiki ana nae ma kapa muliwai, hele

mai ana kekahi mea, a wehe ae la i kahi i

paa ai, o ka lewa wale ae la no ia o ua mea

nei, ko'u ninau aku la no ia ia Rev. J. Wai-

amau, He'mea aha la keia? I mai la kela

"he kao hoi keia i mea e hiki ai ma kela ao-

ao." I aku la au nu hou! ko'u ike ana i ke-

ia mea me ka i pu aku e pai ma ka nupepa,

ia wa o ka hukiia aku la no ia a poe ma ke-

Ia aoao, haalele iho la ia wahi, holo loa aku

a hiki ma ko laila luakini, ua halawai no me

ko laila põe.

O ka pilikia nae o ia ekalesia i ka'u ike, o

ka nahaha o ka halepule, a ua hooikaika iho

nei kolaila poe i mea e paa ai kekahi hale

hou, a ke hoomaikaia nei e kukulu. O ko'u

mahalo kai waiho iho no lakou, no ka mea,

he põe ikaika ma na hana o ka Haku.

Ahiahi iho, hoi aku maua i ko makou

wahi e noho nei, he uka iaia na ke onaona i

noho ai, na ka lau lipolipo o ka nahele ke

ala i hoea mai.

Pomaikai ko'u noho ana me laua, no ka

mea be mau makua maikai, oluolu ka noho

ana, e like ke ano me lakouma Waialua, e

pono i na hoa opio, ke hoopili me ka poe no-

ho pomo, macao i ke Akua.

Na hana a ka Haku maanei, ke holo nei

i mua ma na Kula Sabati, a me na halawai,

a me kekahi mau hana pono e ae kekahi,

nui ka makaala o ke Kahu, a me na noaha-

nau. o ka pono iho la no ia, o ka hookama

ma ka pono. Ealu a hapai like, na hoa opio

o'u, mai Hawaii o Keawe, a Kauai o Mano,

E malama kakou ia kakou iho, i ka poe ilio

hihiu have, e hele mai ana me ka maalea, a

i ka wa pololi, o pau mai auanei i ka amu ia

e ela põe Pilikua wauwau, o nahi mea iho

la no ia i ike ia he mau ia o ka nanea ka

paha, hala ae kekahi wahi po loloa o ka hoo-

ilo. E mau ko'u aloha i ka makua nui ma

ka Lani.

O ke aloha no kou e kuu makamaka Nu-

pepa Kuokoa, nau @ ka mea mama o

kaua e hai aku i na makamaka o kaua e no-

ho mai la ma ka ae kai o ka moana Pakipi-

ka nei; ke hula ohi nei ka malihini o Lihue

ua kau ka la i na pali. Owan no o kekahi

haumana o ke kula o Kehukai. Aloha no.

@ Papa

Lihue Kauai, Dek. 20, 1867.

Ia Halehaaheo Mill.

Ma. Lunahooponopono; Aloha oe:---

Ma na la i kaahope ae, ua ike au i na ole-

lo a Halehaaheo Mill. i kakauia ma ka la 16

o Dekemaba. Malaila au i manao ai e pa-

ne aku ia ia. oiai a kakou aku au ma ke

Au Okoa, me ka lana o kou manao e hoopu-

ka ia ana ma ka helu 33, a me ka Helu 34

o ua Nupepa la, aka aole nae.

Nolaila au i manao ai, o oe e ke @@@@@

ka mea nana e lawe aku keia mau @@@@@

e maneo ai na lehelehe o ua Halehaaheo

Mill nei.

Aia ma ke AuOloa o ka la 10 o Oct. 18-

67. Ua hoike aku au ma ke akea holookoa

i ke kumumanao no na ke poo. "Ke kau

mai nei anei ke ano make maluna o keia La-

hui?"

Aka, ua hookui ia mai au i na olelo a Ha-

lehaaheo Mill o Waihee; Aia kana mau

olelo pane ma ka Helu 31 o ke Au Okoa;

Ke hoohalahala mai nei oe ia'u no kua hai

ole aku i na ano make, oiai he ekoul ano

make wahi ana. He oiaio no ia, aole au e

hoole ana mai mea; Aka, eia nae hoi oe

ke hilinai nei maluna o kekahi kumu au i

olelo ai o ka "puni waiwai" kekahi mea i

emi ai keia Lahui.

O ka hoohalike au e pili ana no Walker &

Allen, a me Janion Green &Co. Ua manao

oe ua hele mai paha lakou e imi waiwai, me

ka manao ou, ua kupono ia mau hoohalike

au no Walker & Allen, a me Janion, Green

& Co. No ka mea, o keia hoohalike au, me

he mea la e hoike mai ana oe i kou hupa ma-

olí, no ka mea. e kilohi oe ma ke kaona o

Honolulu e ike no oe i na makamaka opio o

kaua e hele ana no mamuli o ka hookama-

kama i mea e loaa mai ai ke ola kino. E

pono e kilohi kou mau Lene i ike lea oe, oi-

ai paha. ua poaeae kou mau lene i ike ole ai

oe i ka hana a ka Lahui opiopio o kaua ma

keia mau Ailana o Hawaii nei.

Eia keia. Aia ma ko ninau au i ninau iho

ai. oia hoi. "Ua emi anei ka Lahui haole?"

Uhu! ua manao anei oe o ka hiki ana mai o

na Hui Kalepa i Hawaii nei he mea ia emi

na haole no ka puni waiwai? Auwe! Nani

ka manomano o kou hupo maoli, i kuu ma-

nao, na oi aku ka makaukau o ke kanaka o

Kina i kou. No ka mea, o ka huli waiwai

ana o ka haole, aole lakou i kuai maoli i ko

lakou Kino mamuli o ka ano hookamakama,

i loaa mai ko lakou waiwai, e like me ko ka

Lahui nei. E nana i a C. H.Lui, a me

Brewer&Co, ua huli waiwai anei ia poe me

ke kuai i ko lakou kino?

Ke pane hou mai nei oe, a me kou keeo

no kuu olelo ana no ka inu rama, a no ka

inu awa kekahi mea i emi ai keia lahui, a

no ka hoohiki ino. Ua manao anei oe aole i

make kekahi o key lahui no ka inu rama,

inu awa, &c? He hoole mai paha koe o ua

oia la, Aole i make; He hoole manawaino

ia e ke hoa. E nana oe ma Amerika, Beri-

tania, Sekotia, ua make he mau tausani ma

kela aina keia aina no na inoa i haiia ae la

maluna, aka ua mau no ka pii ana ae. No

ka mea, ma ke aupuni o Amerika ua hiki

na malihini a noho ma Amerika, a ua lilo a

e lakou he mau Amerika, a nolaila no hoi ka

mea i pii mau ai ka nui o na kanaka ma ia

aupuni, a me na aupuni e ae. E nana ae

ma ke aupuni Hawaii nei pela anei? Aole,

aole loa no.

Eia oe ke manao mai nei. aole i emi o

Hawaii nei i ka inu rama a me na mea e ae,

aka, ua emi la i ke aha? I ka maluhia anei,

i ka inu rama anei, i ka hookamakama anei?

Ae, ke hooia mai nei na kanaka naauao o ke

aupuni o Kamehameha V, a me na kumu

Misanele, me ka olelo ana, o ka inu rama,

hookamakama, kekahi kumu nui i emi ai

keia lahui.

Eia oe ke olelo mai nei he makapaa au,

nolaila ka au i huhewa ai; I kuu manao o

oa o kauaa kai makapaa, oiai ua olelo aku

au ia oe ua pohihihi ou mau lene no ka pili

ole o kau mau hoohalike. Nolaila, ua ma-

nao au ua hualala ou mau lene, a ua kimo

hewa ka hamare o ka pahu kani o kou pepe-

iao, a nonaila kou hilihuhewa ma kou kuku-

lu mana ana, a kau aku paha auanei oe ma

Kaanapali, i Ka-pua, i ka auwaa panana.

Ke pane nei oe me ka olelo ano, he mea

lealea wale no keia a'u, me ka olelo iho no

kuu huna i kuu wahi i noho, manao paha oe

o ka hai ana i ka inoa o ka aina a me ka

mokupuni. ua oi aku ka maikai oia mamua

o ka huna ana i ka inoa ponoi.

Eia mai ke ahi Helene ke a aku la a loaa

aku oe pau na hulu ma ka auwae, hoi luu-

luu i ke kula o Poliala.

Nolaila, me ka lana no o kuu manao e pe-

hu ana ou mau lehelehe nui i na @ wela o

Pakaalana, a manao ae o ka wai o Kapuna

ka mea e pau ai. Ke oki nei au maanei.

Me ke aloha i na hope Lunahooponopono,

a me na keiki o ka Hale-pai Kuokoa.

Owau iho no o S. M. P. Kaleo-okananu.

Dekemaba 16. 1867.

_____________

Ola ka Ilihune Bele.

______

Oluolu kuu manao e hoike aku au i ka

nui o ko makou hauoli, na lune, a me ka

ekalesia holookoa, no ka hiki ana mai o ko

makou bele, ka mea hoi nana hoi nana e ka-

hea aku na @@@ @@@; E hele mai! E

hele mai!! E hele mai oukou @ pau e ka poe

luhi, na'u oukou e hoomaha aku. A eia ua

belle nei ma Waikane nei, a o ke ola ae la

no ia o ko makou ilihune bele. O ka nui o

na dala lilo no keia bele, a me kona mau

mea e pono ai a hiki i Waikane nei, @@@@

O ka nui o kona mau pauna 32@. Ua nui

no ka ikaika o ka ekalesia i ka hapai ana i

keia kaumaha iloko o na keakea ia he nui e

ka enemi. Zinotbo @@@@@@@.

@@@@@ 24, 1867.

KA MOOLELO O ALAPAKI KA NUI,

Ka Moi Mua O Beritania.

MOKUNA V1.

______

Ko Alapaki Pii @@ i ka Noho Moi.

Hele aku Ia o Alapaki e hoeueu a e

hoonohonoho pono i ke kulana o kona

põe kanaka maloko o kona puali a e hou-

makaukau hoi no ke@kaua aku. O Etela-

reda hoi ma kekahi aoao, ua hoouna aku

oia i ke Kahunapule on a e hele mai. Ua

hoakoakoa koke ia ae la kona poe Luna

koa maloko o kona hale @, a malaila

lakou i pule ai-- He pule Mesa ka lakou

i pule ai, e like me ke anu a me ka mea

@@@ mau i hana ia ai iloko o ia mau la

poliliu wale e ka Ekalesia Katolika.

Ua lilo koke aku la no ke au o ka

Alapaki manao, ma ka @@@ koke no i

na "ai a wahie," oiai hoi o @@@ e

kaukaulua ana, me ka manao aole i hiki

mai ka @@ e kuupau ai i ko ke kanaka

wahi ikaika, aia no a hiki mai ka mana-

wa i olelo ia no ke kaua, alaila e hoopa-

pau ai ilaila. A iloko o na hakoko ana

a me ke noi haahaa aku hoi i ko ka Lani

ahonui, i hoopau ai lakou i ko lakou hai-

pule ana. Ma ka nana ana i ko @@-

@@ ano haipule o keia ano, ua oi ae no

mamoa o ko Alapaki, na mea hoi i hoo-

pulapula ia mai e ko @@ makuakane; a

o ke kulona lokahi o ka maeao a me na

iini i ko luna kokua mai me ka paulele io

kai hoopiha ia iloko o ko lakou naau.

He @@ oiaio ma ka manaina aku, ua

paulele io o @@@ ma i na hana i pi-

li i ke Akua, a ma ka hoohalikelike ana

hoi i ke ano o ko lakou kaua, he kaua

ano @@@ no. He mau @@@ na

Dane, a o na Sakona hoi, he poe Kristi-

ano lakou. I ko na Dane hoouka ana mai

i ke aupuni o Etelareda, ua hoike kuma-

ka ae no lakou i ko lakou hookae ino loa

i ka inoa o Kristo, a ua noke haalele iho

lakou i ka ulupa i na heiau, na halepule

a me na wahi a pau i ike ia he wahi hoo-

mana Kristiano. Nolaila, i ke kaupaona

ana i ko na Sakone aoao, ua maopopo,

aole lakou e kaua wale ana no no ka po-

no o ko lakou noho ana, a me ko lakou

ola iho, aka, e hoomalu ana lakou i ke

Akua Aupuni, a o a hoi ke nana mai la

ia lakou mai kona noho alii mai iloko o

ka lani, me he poe moho la no kana mau

hana; a malia hoi, e malama mai no oia

ia lakou iloko o ka pilikia, a i ole ia, e

hookipa aku no oia ia lakou iloko o na

wahi hooluolu o ka nani mau loa, a me

ka pomaikai iloko o ka lani, ke haole la-

kou i na lima o ka @@@; e like me ka

make ana o ka poe i hookahe ia ko lakou

koko na kana hana a me kona nani.

I i ka makai ana i ka hookumu ana o

keia kaua, aia hoi, ua hoakoakoa ae la o

Etelareda i kona poe luna koa i ka wa o

ka wehewehe ana mai o kai ao, aole nae

no ka hele i ke kahua kaua, aka, e hala-

wai pule no maloko o kona halelole. A

o Alapaki hoi ma kekahi aoao mai, e hoo-

lalelale ana oia i kona poe koa e @@@@

ana, a e hoohoihoi ana hoi ia lakou, me

ke kuhikuhi aku ia lakou e hoohalike mai

me kana alakai ana a me kone manao, a

ua makaukau na kulana o lakou no ke

kaua e hiki mai ai.

O Alapaki, he luna koa nui wale iho

no oia malalo o kona kaikuaana ka Moi

Etelareda, aka nae, ua maa no oia i ke

alakai ana i na puali koa ma na wahi hoo-

uka kaua a pau, no kona ano pakela eleu,

Uli ole, a me ke akamai i ka hoouka ana,

oiai oia iloko o kona mau la opiopio wa-

le no o keia ola ana. O kona mau hoa-

hanau hoi, ua loaa no ia lakou ke kookoo

alii aupuni, mamuli o @ ili pomaikai ana

mai maluna o lakou, aka, ua hilinai nui

mai nae lakou maluna o ko ia nei naau-

@@ a me ke koa ma na mea a pau a la-

kou e kauoha ai. A o Etelareda hoi, me

he la no hoi ua @ loa ae no kona lealea

e hoolohe i ka pule a kona Kahunapule,

a no kona ike iho no paha kekahi, aia

iloko o @ lima maiau o Alapaki ka hoo-

ponopono ana i kekahi mahele nui o ko-

na poe koa.

O na puali kaua o Alapaki ma laua o

Etelareda, aia no ma kahi kaawale aku

ko laua hoomoana ana. A ke kakali la

hoi o Alapaki no ko Etelareda lohi loa,

aka ninau ae la nae oia i ke kumu o ko-

na lohi loa ana,-----a ua hai ia aku hoi ia

Alapaki, he "pula mesa ka Etelareda e

pule ana,"---a ua hai pu ia aku no hui

iaia, aole e haalele ho @@ ana o Etelareda

i kona halelole, aia a oau ka pule ana.

Ua lawe ae la o Alapaki i ke kauwahi

puu @@ @@ i kahua nona e hoomoa-

@@ ai, a malaila oia i hookahua iho ai no

kona wa e hoouka ia mai ai. He kumu

laau kalekala hookahi ke ulu ana ma ua

wahi la, i maka no ke kahua e kaua ai.

Pii mai la hoi na Dane e hoouka mai ia

Alapaki, a no ka eu koke ole mai o ko

Etelareda mahele, nolaila, e uhi pu ia

mai ana @@ ia e na Dane, a e kippaku

ia hoi mai kona kulana aku.

Ua pihoihoi maoli o Alapaki, no ko

Etelareda lohi loa mai, aka nae, ua hoo-

uka kaua aku no oia me ke koa a me ka

@@@ ole o ka manao. Ke ku mau la

no ke kumu laau kalakula, he kiko wae-

na no kahi a lakou e kaua nei. Maika

wa poeleele mai a hiki i kakahiaka nui,

ua nui loa mai la ko Etelareda haohao i

kona @@@. Aka hoi mahope loa mai,

i ka wa i pau @ ai ka halawai pule ana,

puka mai la oia ma ke poo o kona puali

e kokua i kona kaikaina i hoopihoihoa.

Ua hoopau koke ia mai la nae keia ano

hoomaka'u, no ka mea, ua hoopuehu ko-

ke ia aku na Dane, a auhee nui aku la.

Ua auhee mua aku na Dane i kela wahi

keia wahi, a hiki i kahi kupono o lakou

e pakele ai mai ka hiki koke ana mai o

ka põe alualu. Hoakoakoa koke ae la

na Dane e huli i na alanui e hiki aku ai

i ko lakou pakaua ikaika ma @@@. Ua

alualu ia aku lakou me ka pualee nui e na

puali koa o Alapaki a me Etelareda. He

nui hoi ka poe i @@ iloko o na @@ o

Alapaki ma. O ka poe i koe maloko o

ka pakaua ma Redina, ua imi koke ae la

lakou i ko lakou moa e pakele @, a pa-

paniia na puka o na pakaua, a hoomaka

ae lakou e hooikaika i ko lakou puuho-

nua

O keia lanakila aana i ili mai ma ko

Alapaki ma aoao, ke kumu nui nana i

alako mai i na manao o ka lehulehu ilu-

na o Alapaki, a oia hoi kekahi kumu nui

o kona pii koke ana ae a ke kulana Moi

o ke aupuni.

He nui na mana a na mea kakau mo-

olelo i kakau ai no ke kumu i lanakila ai

e like me ke ano o ka lakou mau hana i

hahai ia mai ai. O ka manao nae iloko

o ke kanaka he mahalo paulele, a he hi-

ilnai ana hoi i ke Akua, oiai ka wa e ulu-

aoa mai ana na pilikia a me ka poino.

Ua huli koke ae no o Alapaki a leha aku

la i ko ka lani kukala ana mai i ke ake

nui ana o kona manao e haawi aku i ka

hoopai mainoino maluna o kona mau

enemi @@, ana hoi i hoouka aku ai

me na pua a me na ihe kila ma na wahi

a pau e hoopuni ana i ke kahua kaua.

Ua paulele nui o Etelareda i kona pu-

le ana maloko o kona halelole, e loaa mai

ana ko ka lani kokua, a mamuli o ia ma-

nao oia i kuka iho ai, a nolaila hoi, ua

kuee na manao o ka poe kakau moolelo

ma keia wahi; manao kekahi poe mamu-

li o ka Etelareda nonoi haahaa ana i ili

mai ai ka lanakila ma kona aoao; olelo

hoi kekahi, ua ili mai ka lanakila mamu-

li o ka puhikaua a Alapaki. A o ka ke-

kahu hoi, ua hooikaika makehewa wale

no o Alapaki @ kona ikaika a pau, a e

ole ke komo ana mai o Etelareda, me ke

kokua pu ia mai e ka Lani, pakele ai oia

mai kona auhee ana imua o na Dane a

me ka lukuia.

O keia mau mana i hahaiia mai e ka

põe kakau molejo o ka wa kahiko, he

like ole kekahi me kekahi. Aole ma ka

like ole wale no o na manna, @@, me ke

kahua kaua pu kekahi kahi i hoouka ai

lakou. O ke kahua kaua kahi i hoouka

ia ai keia kaua, oia hoi o @@@, i hoo-

pokole ia mai loko mai o ka @@ Eseke-

dune--aohe nae i maopopo loa ke kula-

na o ia wahi i keia manawa. Aia ma ia

wahi, ke ku nei kekahi wahi kauhale i

kapaia o Terebure, kahi e kapa ia nei, o

kahi i hoouka ai ke kaua. Hookahi mea

i manaoia ai, oia kahi i koouka ia ai ke

kaua. no ka mea, aia malaila e ku nei he

wahi kia hoomanao kahiko loa, i oleloia,

he wahi hia hoomanao ia i kukuluia'i no

na alii Dane i pepehiia ai e Alapaki. Aia

pu no hoi ma kahi e kokoke aku ana ila-

ila ke kia hoomanao i hapaia "Ka Lio

Keokeo," oia kahi i waiho'i ka inoa hoo-

hanohano no ko Alapaki lanakila.

O ke ano o keia kia hoomanao "Ka

Lio Keokeo," he helehelena kohu ano

lio ole ka nana aku, i kalaiia kona poha-

ku mailoko mai o ka apana o kekahi

puu pali hio; a no ke ano hakeokeo o

ka pohaku papaakea malalo ae o ke kii,

ka mea i kapa ia aku ai ua kii pohaku

nei, "Ka Lio Keokeo." Aka, o ka poe

e ike maka aku ana i ua kii la, me he mea

la e hoopuka ae no lakou i ka lakou ole-

lo, e aho ke hapaia ana aku o ua kii la

he ilio, Ua mau loa no nae ke kapaia

@@ o ua kii la mai ka wa kahiko loa mai,

"Ka Lio Keokeo" a hiki i keia manawa

a o ka puu hoi i oki ia ai ua kii lio nei,

ua kapaia o ka "Puu Lio Keokeo."

Ua noonoo wale iho no kekahi poe, o

keia kia hoomanao, he kia hoike no ia

no ka lanakila i loaa ai ia Alapaki a me

Etelareda, maluna o na poe Dane, ma

kela wahi i kapaia o @@@@.

Mamuli o na ano i kakai ia mai, he

@@ ia kakou ke lawe mai a hookuku i

na hana a laua. O ko Alapaki hoeueu

ikaika ana i na manao o kona poe koa a

me ko Etelareda ano ahipule io, na kumu

maopopo i lanakila ai. Ua loaa ia Ete-

lareda ka eha @@ o keia kaua ana, a

iloko paha o kekahi mau kaua liilii e ae

ma ia hope mai; a iloko o ia eha oia i

waiho iho ai no kekahi mau mahina a

hike i kona make ana

(Aole i pau.)

LAAU LAPAAU!

ala ma kani o

KAKELA ME KUKE

Ma Honolulu.

@@@@@@@@@

He Laau Kahiko. A he Maopopo

No @@@

Laau hoopau Naio me na Koe

A DR. JAYNE.

@@@@@@@@@

--------------------

Laau hoopaa Hi a Dr. Jayne

@@@@@@@@@

LAAU KUNU O KAUKA JAYNE

@@@@@@@@@